|
Re: هل سودانيزاونلاين محوّر حياتك (توجد استمارة خُم وصُر) (Re: منال)
|
10)هل تمنيت ان تكون في ال سي آي ايه او حتى الموساد عشان تقدر تجمع كل المعلومات عن خصمك في المنبر للاستعراض بعضلاتك في المنبر اذا استدع او لم يستدع الأمر!
11)هل تنتحل شخصية المحقق كونان وشايل عدسة ولو زول كتب السلام عليكم بتقول اممممممممممم اكيد مسروقة !
12) هل سودانيزاونلاين هي قناة الترفيه الوحيدة في حياتك ومابتعرفش قنوات تانية عليها ؟ على رأي المنبر يا مأمن الاعضاء يا مأمن المّية في الغربال؟
| |
|
|
|
|
|
|
Re: هل سودانيزاونلاين محوّر حياتك (توجد استمارة خُم وصُر) (Re: طارق جبريل)
|
برQuote: هل فكرت يوما ان تلتحق بكورس تقوية في السب العلني والضمني للحاق بركب فتوات المنبر |
انا بالزات مافكرت ياعرفه لانو لو وصلت مرحلة السب العلنى مع فتوات المنبر ساعته على الدنيا السلام وما بكون المهرة بت صالح
رغم انو فى ناس بتبارينى من بوست لبوست منتظرين منى كلمة لكن بعد السماء من الارض ادخل معاهم فى مهاترات وبعتبر ده نقص فى الانسان او غيرة او حسد ماتعرفى الحاصل شنو غايتو
عرفه بوستيك جميل واصلى فيهو ,,,
| |
|
|
|
|
|
|
Re: هل سودانيزاونلاين محوّر حياتك (توجد استمارة خُم وصُر) (Re: منال)
|
Quote: 12) هل سودانيزاونلاين هي قناة الترفيه الوحيدة في حياتك ومابتعرفش قنوات تانية عليها ؟ على رأي المنبر يا مأمن الاعضاء يا مأمن المّية في الغربال؟ |
تعرفي في بلد المطرة دي بس ياهو سوداينزاولاين
انا عندى ربو وعادة ما بقدر اطلع ولا انوم بالايام لاني بستخدم ادوية عشان كدا
اها دي قناة الترفيه...
اما مآمنة الاعضاء دي كان زمان خالس خالس
| |
|
|
|
|
|
|
Re: هل سودانيزاونلاين محوّر حياتك (توجد استمارة خُم وصُر) (Re: د.نجاة محمود)
|
سلام يا عرفة و عبرك لسيف و العيال ..
و يا عرفة سودانيز أون لاين دي ( وهمة ) كبيرة خلاس ..
زمااااانك لما كنت من ضمن ( كوكبة ) القراء الأعزاء .. كنت بشوف ليك الناس البتكتب هنا دة زي صفوة الصفوة وزيادة .. و الغريبة رغم إنو كان في كتابات شينة لكن الواحد برضه كان متابع و مستمتع و بتخيل ليهو الحكاية فيها تثقيف و كدة ..
لما دخلت سودانيز أون لاين عملت ليك تسخينة شوية و هبشت ليك في الحكومة و النظام حبة .. حبة الجماعة شبكوني ليك يا مناضل و يا دين حجر لآمن شعرت ليك إني جيفارا ذات نفسو .. و الغريبة رغم إني كنت متفلت في الكتابة حتى عن الرئيس شخصياً مافي زول من ناس الحكومة و اللا من مناصريها سمعني كلمة فارغة أو إساءة أو شتيمة أو كلام قلة أدب !!
حينما أعلنت إنضمامي للمؤتمر الوطني كخيار كنت أتوقع إحترامه من الذين تخندقت معهم ذات يوم سمعت من الإساءات و النعوت و الشتائم و قلة الأدب ما لا تتفوه به ( فاتية ) و ما تعف عن ترديده حتى ( شيخات الأنادي ) و للأسف كان ذلك ممن يحسبون أنفسهم ضمن دعاة الديمقراطية و إحترام الرأي المخالف !!
الناس في سودانيز أون لا ين تتخاصم و تتقاتل و هم لا يدرون أن سودانيز أون لاين هي وهمة كبيرة و حراق روح ساكت ..
صديقي المعارض الكبير الذي يكتب هنا و كان من الناشطين في الكتابة بدرجة ملحوظة .. عاد من السودان مؤخراً وهو في قمة الإحباط .. حينما سألته عن سبب ذلك أجابني بأنه كان يظن أن لسودانيز أون لاين وجودها في الشارع السوداني أو حتى في الشارع العاصمي و أن لكتاباته صدى .. لكنه أحبط تماماً حينما سأل و سال وسط فئات مختلفة من المتعلمين عن سودانيز أون لاين فكان الرد صادماً و محبطاً له أن الغالبية العظمى ممن سألهم لا يعرفون عن سودانيز أون لاين و ( موهوميها ) التكتح !! أحبط هذا الصديق و لم أعد أقرأ له سوى مداخلات ( بطنها طامة ) ..
و مع ذلك يا عرفة فهناك من يجعل سودانيز أون لاين تحكم مسار حياته كما الشيطان ..
الله يشفينا و يشفيهم ..
| |
|
|
|
|
|
|
Re: هل سودانيزاونلاين محوّر حياتك (توجد استمارة خُم وصُر) (Re: سيف النصر محي الدين محمد أحمد)
|
البوست ده يبشر بمستقبل واعد..أمسكى فيهو قوى أخت عرفة..وبالله وأطلبى نقله عشان ألأرشفة..فى ناس ممكن تجى تتنفس هنا وترتاح.
هذا المنبر بالنسبة لى وسيلة تواصل إجتماعى أحيانآ وأعبر فيهو عن رأى بحرية.
أجد فيه ما لم أجده فى غيره من المنابر.
ما بتقريف ليهو زى بعض الناس..والواحد يصل مرحلة ألأدمان عديل كده..
بلقى فيه الصالح والطالح ويدخل أضحك على بعض الناس وأستفيد من البعض ألأخر..فى ناس بتغاظ وأرد عليهم بحرقة وبمسح ما أكتب آخر لحظة حتى لا أعرض نفسى لآساءة من أحد مارق نفسه للربا والتلف.
إحترامى وتقديرى.
| |
|
|
|
|
|
|
Re: هل سودانيزاونلاين محوّر حياتك (توجد استمارة خُم وصُر) (Re: ismeil abbas)
|
Quote: محمد عبد الماجد الصايم
|
Quote: يا عرفة عزا البورض هيّن .. لما أمشي البكيات عديل الجماعة بجازفوني سريع سريع عشان القصة ما تجوط!!! |
انا قصدت يااا خالك انه في احلك الظروف" بيت البكاء مثالاً" هل ممكن تتطرأ على بال بورضابي لا علاقة لك به فجاءة بدون سبب ؟ باعتبارك شخصية شبه محورية في البورض واسمك من النوع المألوف واذا قسمنا البورضجية لمجموعات:
سياسية
ثقافية أادبية فنية
تجارية
منظراتية
تراجيدية نكدية
كوميدية
متشردين
فتوّات
أمنجية
زئبقية مائية او سحالي " من سحلية تتلون حسب الارضية"
براعم
مُسنين
نسوية
انت حتتصدر المجموعةالكوميدية بلا منازع والدليل اهو الناس لو شافوك في بيت بكاء بيختلط عليها الفرح من الترح
يازول قرقر محدش واخد منها حاجة
نوّرت البوست
| |
|
|
|
|
|
|
Re: هل سودانيزاونلاين محوّر حياتك (توجد استمارة خُم وصُر) (Re: عرفة محمد سعيد)
|
ismeil abbas
عرفة سلام ليك وألف تحية إستطلاع جيد...بس لابخم ولابصر
الكلام الفوق ده مفروض انه اقتباس حلف باغلظ الايمان ما يُقتبس
تحياتي اخي اسماعيل
الخم والصر هنا للآتي ذكرهم :
طالب/طالبة علم : ده اذا عنده ماستر او بحث او ساعي لشهادة علمية مع ادمان سودانيزاون لاين مااا ظنيت ح يقدر يوفق بينهم الاتنين يعني كل ما ح يكتب بوست او مداخلة ح يقعد حارسه صباح ومساء وبالتالي لا وقت لأي اجندة اخرى وكمان لو البوست فيهو مُلاكمة ح يكرس باقي حياته في ارض المعركة يا قاتل يا مقتول
ربة منزل وام : وقتها لايكفي لاكثر من مُربية وخادمة ومدرس خصوصي وزوجة موووتفانية لو ادمنت سودانيز اونلاين ياهو الاولاد مستواهم اتأخر في المدارس والبيت جاط والزوج تململ
موظف /موظفة: (السواد الأعظم) وهناك وظائف ومهن لو اصبح الموظف مدمن سودانيزاونلاين مستقبله العملي مهدد بال..شنو كدة ما عارفة
عاطل /عاطلة عن العمل : عمره ما ح يحس انه عاطل وحتسرقه السكينة
مدسوس / ة سياسي: وده بقى ح يخم كتير منصب في وزارة او حتة ارض في كافوري فرع بانقا او منحة حكومية او شاكوش مُعتبر
شاكرة مرورك
| |
|
|
|
|
|
|
Re: هل سودانيزاونلاين محوّر حياتك (توجد استمارة خُم وصُر) (Re: عرفة محمد سعيد)
|
سلامات ياعرفة والتحايا كما تجب
للأمانة سودانيز دي كانت بتشكل حاجة كبيرة جداً لي في الغربة وده طبعاً شئ طبيعي خالص خصوصاً في غربة زي غربتي ديك والواحد كان بخش المنبر فرض عين عديل لكن بعد عودتي الموضوع ده بقي عادي وممكن ما أدخل المنبر لأيام كتيرة لأنو جد زحمة اليومي هنا والإنشغال بتفاصيل التفاصيل بتمرق الزول من أيتها (كماليات) النت طبعاً هنا كماليات وكدة تحياتي ياعرفة
| |
|
|
|
|
|
|
Re: هل سودانيزاونلاين محوّر حياتك (توجد استمارة خُم وصُر) (Re: عرفة محمد سعيد)
|
Quote: رغم انو فى ناس بتبارينى من بوست لبوست منتظرين منى كلمة لكن بعد السماء من الارض ادخل معاهم فى مهاترات وبعتبر ده نقص فى الانسان او غيرة او حسد ماتعرفى الحاصل شنو غايتو |
اهلاً منال مرة اخرى احسن حاجة انه الواحد ما ينجرف وراء المهاترات لانه في النهاية بلقى نفسة انجرف في مستنقع ضحل صعب الفكاك منه والاحسن كمان انه يتجنب الاتيان بكلام حمال اوجه ولا يعطي لقراء ما بين السطور فرصة للتهاتر او الانتقاد ومن ثم الترصد .... لمرأة يا منال كل تصرفاها تحت مجهر المُجتمع داخل قالب مُغلق شفاف اي نعم مسموح لها بالتعبير عن نفسها في نطاق محدود على ان لا تخرج عن سيناريو موضوع لها بعنوان الحياء وما شابه ذلك واللي هو خشم بيوت وامر نسبي وتظل مشاعرها بين مطرقة بثها وسندان كتمانها وكلما بخلت بذلك كلما استحسن المجتمع ذلك وصفق لها ومهما ادعينا التمدن يا منال فهذا هو تفكير الاب والاخ والزوج، قالت الدكتورة نوال السعداوي ..
Quote: "ان نجم الرجال اكثر سطوعا في مجال الادب لأنهم تخطوا مراحل كثيرة حياتية كانت مُتاحة لهم قبل النساء اللاتي كن في حاجة الى وقت اطول ونضال اكبر للسماح لهن بالتعبير عن انفسهن " |
ولو اني قاعدة اعكس في شارع البوست الا اني قرأت موضوع مؤلم في هذا الرابط عن المرأة والمنتديات [ URL]http://alagidah.com/vb/showthread.php?t=5958[/URL]
وشوفي نحن المساحة المفرودة لينا في هذا المنبر قدر كيف على الاقل متاح لنا ب هههههههههههههههههه او قرقرقرقر ولو علمانية خالص ممكن تتمردي وتكتبي كاااااك فاكتبي عزيزتي ماشئت وتجنبي كل ما قد يصيبك برزاز التربص ولا اعتقد ان التربص سببه الغيرة منك بقدر ما هو غيرة عليك احييك على صفاء سريرتك
| |
|
|
|
|
|
|
Re: هل سودانيزاونلاين محوّر حياتك (توجد استمارة خُم وصُر) (Re: عرفة محمد سعيد)
|
السلام عليكم يا عرفة
Quote: طالب/طالبة علم : ده اذا عنده ماستر او بحث او ساعي لشهادة علمية مع ادمان سودانيزاون لاين مااا ظنيت ح يقدر يوفق بينهم الاتنين يعني كل ما ح يكتب بوست او مداخلة ح يقعد حارسه صباح ومساء وبالتالي لا وقت لأي اجندة اخرى وكمان لو البوست فيهو مُلاكمة ح يكرس باقي حياته في ارض المعركة يا قاتل يا مقتول
ربة منزل وام : وقتها لايكفي لاكثر من مُربية وخادمة ومدرس خصوصي وزوجة موووتفانية لو ادمنت سودانيز اونلاين ياهو الاولاد مستواهم اتأخر في المدارس والبيت جاط والزوج تململ
موظف /موظفة: (السواد الأعظم) وهناك وظائف ومهن لو اصبح الموظف مدمن سودانيزاونلاين مستقبله العملي مهدد بال..شنو كدة ما عارفة
عاطل /عاطلة عن العمل : عمره ما ح يحس انه عاطل وحتسرقه السكينة
مدسوس / ة سياسي: وده بقى ح يخم كتير منصب في وزارة او حتة ارض في كافوري فرع بانقا او منحة حكومية او شاكوش مُعتبر
|
الخم هنا حاصل بشكل وبآخر على رغم اشتراكي في العديد من المنتديات ذات التخصصات المختلفة إلا أنني اهتم بسودانيز أون لاين اهتمام خاص واعتقد أنه الأعلى قدحا في المنتديات السودانية في تشكيل الوعي السياسي والاجتماعي للناس وهذا بالطبع لا ينفي السلبيات الكثيرة الموجودة فيه والتي من أهمها غياب آداب الحوار
| |
|
|
|
|
|
|
Re: هل سودانيزاونلاين محوّر حياتك (توجد استمارة خُم وصُر) (Re: سيف النصر محي الدين محمد أحمد)
|
Quote: تعرفي في بلد المطرة دي بس ياهو سوداينزاولاين
انا عندى ربو وعادة ما بقدر اطلع ولا انوم بالايام لاني بستخدم ادوية عشان كدا
اها دي قناة الترفيه...
|
اولاُ الف سلامة ليك من الربو عافاك الله
سودانيزاونلاين ممكن تكون قناة منوعات شبه شاملة وممكن تكون بديل افضل عن للميديا لأنه الشخص بيتفاعل مع الغير وليهو دور على عكس قنوات الترفيه اللي بيكون فيها مُتلقي فقط...
لكن احيانا في بعض البوستات التفاعل فيها بيتحول لمفاعل و بتحاصر الواحد وتخليهوا مرابض لفترات طويلة يطلع بعدها بحصيلة لا بأس بها من التوتر
و بالتالي تتحول من قناة ترفيه الى قناة تنكيد ...... ويبحث عن مخرج ويلف ويرجع لسودانيز
سرها باتع
تشرفت بزيارتك يادكتورة
| |
|
|
|
|
|
|
Re: هل سودانيزاونلاين محوّر حياتك (توجد استمارة خُم وصُر) (Re: عرفة محمد سعيد)
|
Quote: الناس في سودانيز أون لا ين تتخاصم و تتقاتل و هم لا يدرون أن سودانيز أون لاين هي وهمة كبيرة و حراق روح ساكت |
سلام يا دهب
والناس في الدنيا بتتقاتل وتتخاصم متجاهلين انه الدنيا اكبر وهمة وآخرتها كوم تراب لكن بتعيش الحياه بكل صراعاتها ووهماتها لحدي آخر نفس
Quote: صديقي المعارض الكبير الذي يكتب هنا و كان من الناشطين في الكتابة بدرجة ملحوظة .. عاد من السودان مؤخراً وهو في قمة الإحباط .. حينما سألته عن سبب ذلك أجابني بأنه كان يظن أن لسودانيز أون لاين وجودها في الشارع السوداني أو حتى في الشارع العاصمي و أن لكتاباته صدى .. لكنه أحبط تماماً حينما سأل و سال وسط فئات مختلفة من المتعلمين عن سودانيز أون لاين فكان الرد صادماً و محبطاً له أن الغالبية العظمى ممن سألهم لا يعرفون عن سودانيز أون لاين وموهوميها التكتح !!
أحبط هذا الصديق و لم أعد أقرأ له سوى مداخلات (بطنها طامة)
|
صديقك المعارض يا عصام كان يكتب من الضفة الثانية.. بعــــــــيد من الشارع السوداني ،
وما اسهل الكتابة في مناخ مُترف مُترع بالكماليات
صديقك بيكتب لفئات تحاصرها طبول اعلام النظام : مجموعة طبول تقرع ايقاعات عالية تسد آذانهم عن سماع اي اصوات اخرى لا تتماشى مع ايقاع النظام ولاتخدم مصالحه في البقاء تخيل طبول تقرع في الروضة و المدارس الابتدائية وكل المراحل التعليمية وبيوت الله واللجان الشعبية وناس الخدمة الالزامية والزاويات وحلقات التحفيظ وكل المؤسسات الحكومية والاعلامية ..... بيكتب لفئات مطحونة لا حول لها سوى الانين سرا خوفا من ترويع كلاب النظام وما ادراك ما كلاب لنظام
صديقك المغترب ومهما كان غيور وغيري اهو اسمه غريب او بعيد ومجهول من الشارع السوداني المشغول في نفسه
ودي طبعا ما تُعتبر دعوة للطيور المهاجرة للعودة للوطن والنضال من الداخل لاشباع بطون بيوت الاشباح التي لا تشبع ، ولا لمواجهة مصير كل معارضين الداخل المارقين بقد القفة .. وبرضو ما دعوة لصديقك بالتوقف نهائيا عن الكتابة قد يجي يوم وصوته واصوات مثله تفوق اصوات الطبول ..
في رائي انه سودانيزاونلاين لو سيد الحوش فتح الباب ضلفتين واستقبل ا عدد اكبر من الاقلام حتما حيكون صداها اكبر وكيانها ملموس وحقيقة ليست وهمة
لسان حالك بيتساءل (هو البيه في الاتحاد الاشتراكي؟؟)
تحياتي للفارس دهب الصغير اخواته والمدام ولك
| |
|
|
|
|
|
|
Re: هل سودانيزاونلاين محوّر حياتك (توجد استمارة خُم وصُر) (Re: Mahjob Abdalla)
|
Quote: سلامات ياعرفة والتحايا كما تجب
للأمانة سودانيز دي كانت بتشكل حاجة كبيرة جداً لي في الغربة وده طبعاً شئ طبيعي خالص خصوصاً في غربة زي غربتي ديك والواحد كان بخش المنبر فرض عين عديل لكن بعد عودتي الموضوع ده بقي عادي وممكن ما أدخل المنبر لأيام كتيرة لأنو جد زحمة اليومي هنا والإنشغال بتفاصيل التفاصيل بتمرق الزول من أيتها (كماليات) النت طبعاً هنا كماليات وكدة تحياتي ياعرفة
|
سلام يا خضر
المنتدى ممكن يكون وسيلة فعالة التأثير للهروب من واقع ما ، حاجة لسد فراغ الغربة ، مرحلة وبتعدي اثناء هذه المرحلة بتتكون علاقات اجتماعية وبتتخلق ارضية مشتركة بينك وبعض الاعضاء تحب انك تتابعهم وحتلقى نفسك تلقائيا متواجد حيث تواجدهم بالمنتدى .. لذلك صدقت لما قلت انك بتغيب وترجع ليهو يعني عندك فيهو طوبة لكن البقول ليك طلقت المنتدى بالتلاتة وما عندي فيهو طوبة قاعد يدخل مُتخفي وبيكابر يازول كمية الناس العايزين باسوورد وواقفين خلف اسواق بكري بالآلاف والمنبر هو البوابة الاسفيرية الأساسية بالنسبة ليهم وراجين المدد
شايف مادين ايديهم كيفن شفقة شديدة
سودانيز عالم جميل
خالص تقديري ليك يا خضر
| |
|
|
|
|
|
|
Re: هل سودانيزاونلاين محوّر حياتك (توجد استمارة خُم وصُر) (Re: عرفة محمد سعيد)
|
جعفر محي الدين
Quote: اهتم بسودانيز أون لاين اهتمام خاص واعتقد أنه الأعلى قدحا في المنتديات السودانية في تشكيل الوعي السياسي والاجتماعي للناس |
الاخ جعفر لك التحية
...هو الاعلى قدحا لأنه جامع لعدة فئات
فئة سهل سقوطها بين براثن المنبر.... اجتماعية .. شغوفة بكل ما هو جديد كل يوم معلومة .. وخبر جديد ومصطلح جديد ..ووجوه جديدة.. مشاكل.. وترفيه ...الخ فئة المسغفاتية و الباحثين عن الاثارة العقلية (وفي ناس المنبر ده بالنسبة ليهم زي قناة الجزيرة اخبار فقط )
وفي البيمتلك طاقات ادبية كامنة لازم يشارك بيها ويتوقع النقد والثناء
ولا ننسى مندوبي توزيع الاجندات الفكرية مجتمع متعدد
شاكرة مرورك
| |
|
|
|
|
|
|
Re: هل سودانيزاونلاين محوّر حياتك (توجد استمارة خُم وصُر) (Re: زهير عثمان حمد)
|
Quote: 3362 مشاركة ليك في اربعة سنوات يعني سنويا 84 مشاركة وشهريا سبعة مشاركات واسبوعياً نقول مشاركتين
شوية والله ليك حق تقول no مرفوعة للقوة اربعتاشر |
عرفه ازييييك
ياخ والله خجلتيني بحساباتك دي اتاريني ساكن فيها وما داريها.
الحالة دي اخدت لي حردة زي سنة كده.(وجه اخدر خجلاان)
لكن بالجد ما شغال بيها الشغلة.
| |
|
|
|
|
|
|
Re: هل سودانيزاونلاين محوّر حياتك (توجد استمارة خُم وصُر) (Re: عرفة محمد سعيد)
|
سلام عرفه...
في مره مشيت المستشفى في واشنطن دي سي.....وسلمت ورقي للممرضه وقعدت منتظره...بعد شويه جات الدكتوره مقدمه المريض الكان معاها ومن كلامها معاه عرفت انه عنده (بواسير) بس انا اتفقعت بالضحك الهستيري المستمر........ طبعاً اتذكرت بوست طارق جبريل ولمن فتحت عيوني من الضحك داك ..لقيت الممرضه تبحلق فيني........ وقالت لي بي صوت خافض ....انتي متأكده انك في المكان الصاح؟ ......تصدقو .....!!!! اَخرتها دايرين يطلعونا مجانيين ولا مدمنيين........ ومن اليوم داك بلاوز من بوستات الزول ده....
| |
|
|
|
|
|
|
Re: هل سودانيزاونلاين محوّر حياتك (توجد استمارة خُم وصُر) (Re: manal eltahir)
|
سلام يا عرفة..
تعرفي كل الأسئلة الفوق دي إجابتها عندي لا.. و كنت عارفة انو لا من العنوان حتى.. لأنو عادي ممكن أبعد من هنا شهور طويلة و ما أحس انو فايتني شيء..
لكن بالرغم من كدا أشعر بالامتنان للمكان دا.. لأنه عرفت فيهو صداقات حقيقية و بعتبرو زي أي مجتمع.. فيهو الصالح و الطالح.. الصديق و غير الصديق..
و كمان لأنو بيخليني مواكبة شوية لمجتمعنا و تعقيداته.. و حتى لأخباره و تطورات الأحداث فيهو
لكن محور؟ لا و لا حتى أحد المحاور!
مودتي و احترامي
| |
|
|
|
|
|
|
Re: هل سودانيزاونلاين محوّر حياتك (توجد استمارة خُم وصُر) (Re: manal eltahir)
|
Quote: في مره مشيت المستشفى في واشنطن دي سي.....وسلمت ورقي للممرضه وقعدت منتظره...بعد شويه جات الدكتوره مقدمه المريض الكان معاها ومن كلامها معاه عرفت انه عنده (بواسير) بس انا اتفقعت بالضحك الهستيري المستمر........ طبعاً اتذكرت بوست طارق جبريل ولمن فتحت عيوني من الضحك داك ..لقيت الممرضه تبحلق فيني........ وقالت لي بي صوت خافض ....انتي متأكده انك في المكان الصاح؟ ......تصدقو .....!!!! اَخرتها دايرين يطلعونا مجانيين ولا مدمنيين........ ومن اليوم داك بلاوز من بوستات الزول ده.... |
منال
ازيك اتهام بالجنون
اها ده ياهو الخم والصر البنقول عليهو ذااتوا ولِسة
نورتي البوست يا منال
| |
|
|
|
|
|
|
Re: هل سودانيزاونلاين محوّر حياتك (توجد استمارة خُم وصُر) (Re: سيف النصر محي الدين محمد أحمد)
|
Quote: والله شغلك ده ضرب تحت الحزام عديل
غايتو ما تتوقفي حبل السوط وصل ولا زم توصلي البوست ده دستة
شكرا للفنتازيا النقدية |
الاستاذ/ القدير
آدم صيام
تحية واحترام
ما ضرب تحت الحزام بقدر ما هو استطلاع رأي او انتزاع اعترافات انا شخصياً في فترة من الفترات كل ما انتبه لقضية ما كنت بفكر في طرحها للنقاش في المنبر وبعد شويه تتلاشى الفكرة من الاساس بسبب المشغوليات والآن المشغوليات فقط هي الحائل دون السكن داخل سودانيزاونلاين ولن ادعي انها لا تعنيني لأنه فيها اقلام تستحق ان نتقفاها وفيها وفيها ... حاولت اكتب بلغة تجاري كلمة " فنتازيا"
بالمناسبة هي يعني شنو فنتازيا !! نقدية هينة
شرفني وجودك هنا
| |
|
|
|
|
|
|
|