|
تصويت لو سمحتم ..من هي نجمة البورد؟
|
الاعزاء الزملاء في الحوش العامر أرجو ان تشاركوني في هذا الاستطلاع لنختار نجمة للبورد كنوع من التشجيع و التحفيز مع خالص الود و التقدير و الاحترام طمبل
|
|
|
|
|
|
|
|
Re: تصويت لو سمحتم ..من هي نجمة البورد؟ (Re: احمد الأمين على إدريس)
|
امير سلامات ياخ وعفواً سؤال... لماذا نجمة البورد وليس نجم البورد ؟؟ او بطريقة تانية التصويت دا لنجومية المواضيع والمشاركات ولا حاجات تانية إذا حاجات تانية نعرفا بس عشان نرشح اما المواضيع والكتابة والمشاركة لا تصنف اذا كان كاتبها نجم او نجمة بل لفحواها وماتحمله من موضوعية,هدف,ظرف,لطافة ...إالخ
غايتو باى حال من الاحوال وللضمان كدا النجمة هى رشة اساسى فى الاسابيع الماضية
| |
|
|
|
|
|
|
Re: تصويت لو سمحتم ..من هي نجمة البورد؟ (Re: صديق الموج)
|
الاعزاء عبدالله ودالبوش عمر عثمان عمنا صديق الموج شكرا للمرور و التصويت وبما انني برلوم جديد حيث لا أعرف غالبية الاعضاء فمعزرة ان ورد اسم لاحد الاعضاء بس عجبتني حبوبة صلاح غريبة جدا لانه طوالي بتسلم علينا كل الاحترام الي الزميل صلاح غريبة صديق الموج بالمناسبة دي انا باذن الله بطرفكم في الرياض بتاريخ 17 ابريل تحياتي للجميع
| |
|
|
|
|
|
|
Re: تصويت لو سمحتم ..من هي نجمة البورد؟ (Re: shammashi)
|
صاحب البوست تحياتـي ,,
معليش قبل كدا رأيي قلتو في البوستات الزي دي, وبقولوا تاني من باب الاعاده افاده وكـدا ,, وكمان لانو في كم حاجه هنا استأت منها جدا ,,
في رأيي مافي شي اسمو نجمه البورد ولا نجم البورد مطلقه كدا, النجمه في ياتو ربع ؟ في ياتو تخصص؟ في ياتو سنـه ؟ وفي رأي منـو ؟ اختيار شخصيه حاليا, فيه ظلم لي شخصيات كثيره سابقه لم تعد تكتب في هذا المنبر لاسباب مختلفه , (مثلا) ممكن كان تفتح بوست لتكريم اكس , بسبب بوست معين , كتابه معينه , عمل ادبي \فني\ثقافي\اجتماعي\رياضي أو حتى بسبب موقف شرف , أو عمل عام , أو جائزه عالميه , أو سلوك مميز ... الخ التعميم مخل جدا في الحالات الزي دي .. انا مثلا بشوف انو في رمضان القبل الفات كانت نجمه الربع هي لنا مهدي لانو بوست الطبخ بتاعها كان جميل ومرتب , ومليان جدا , واجتهدت فيهو خالص خالص , وانا لاني كنتا مأجزه استفتدتا منو جدا , بينما خليل كان شايف انو نجمه نفس الربع داك هي نجـوان بي بوست نجوم الغد أو اغاني واغاني (لا اذكر تحديدا) لانو خليل زول مهتمي بالفن والفنانين وكدا .. كل عضو في البورد دا بيشوف البورد من وجهه نظر مختلفه عن الاخر , وما يتناسب عي لا يتناسب مع غيري , هذا لا ينفي انني أؤيد تماما تكريم شخصيات بعينها (رجالا ام نساء) لاعمال مميزه قاموا بها , ود البشرى قبل كدا كرم انعام حميوره تكريما تستحقه تماما لانجاز عمل خيري (غاده نوري على ما اذكر) وهي تستحق اكثر من ذلك ...
على صعيد آخر, زي ما انت شايف براك ياا مير , البوست اتحول الى مهاترات جانبيه , وفيهو ايحاءات غير لائـقه , وبعدين ليه نجمه يعني ؟؟ ليه ما نجم ؟؟ (شايفه في زول سأل لكن الاجابه ما كانت وافيه او يمكن ما فهمتها)
بقي ان تعرف اننا كلنا -كأناث- مكملات لبعضنا البعض , لدينا من المهارات والطاقات الجباره والقدرات على الانجاز مما يجعل كلا منا نجمـه في مجالها ومساحتها , ونلاقي كل التقدير من بعضنا البعض , والبورد ماشالله مليان بنات وستات زي الورد التحيه لهن جميعا بلا فرز ..
البوست -في رأيي- غير موفق , وبعض التعليقات الغير لائقه فيهو غير موفقه اكثر ..
تحياتي ,,
| |
|
|
|
|
|
|
Re: تصويت لو سمحتم ..من هي نجمة البورد؟ (Re: نجلاء قرافي)
|
Quote: تمييز غير ايجابي
م اشايفه اي تحفيز في الموضوع . |
الزميلة نجلاء تحية طيبة اعتقد انه تفكير ايجابي واكون قد جنيت ثمرة السهر وقلة النوم علي العموم اعتذر عن الفكرة واعتذر عن جهل او خطأ.. واحدة من ايجابيات البوست ده مرورك الجميل
| |
|
|
|
|
|
|
Re: تصويت لو سمحتم ..من هي نجمة البورد؟ (Re: Amira Elsheikh)
|
دى غير بوستات (الغياظ) اساسى حول ابيخ زول واسغل زول وشنو كدا ماعارفة
والمغالطنى يرجع الارشيف
_-------------------------------------------------------------------------- غايتو عندى سابقة واحدة بتاعة حردان لبوستات النجومية دى سجلها جنابو
| |
|
|
|
|
|
|
Re: تصويت لو سمحتم ..من هي نجمة البورد؟ (Re: Amira Elsheikh)
|
Quote: غايتو عندى سابقة واحدة بتاعة حردان لبوستات النجومية دى سجلها جنابو |
هههههههههههههههههههههههههه .......... سودانيز المنبر الذي لاينسي
كلام دكتورة داليا الفوق ده فيهو كلام كتير صاح لكن الاهم من كده اخونا
امير طمبل ده واضح انو فتح البوست ده بحسن نية وعشان كده حقو الناس
ما تحمل الموضوع اكثر من ما يحتمل واذا في ناس تعليقاته كانت خارج السياق
فهذه شيمة هذا المنبر منذ ان عرفناه .......
| |
|
|
|
|
|
|
Re: تصويت لو سمحتم ..من هي نجمة البورد؟ (Re: omer osman)
|
شميت ريحة المداخلة دى ياجنابو ...ولا كنت بتاوق ورا الباب ...?
______________________________________________-
ياجنابو انا بالنسبة لى الفكرة دى بسيطة ومافيها تعقيد .....يعنى ما بتقلل من قدر اى شخص وروح الود والتواصل فيها حاضرة اكتر من اى حاجة تانية ..نحن ما بنقاش فى مستقبل السودان السياسى
ليه الناس تعقد اى حاجة فى المنبر وتتطلعها للناس من نفسها ..
| |
|
|
|
|
|
|
Re: تصويت لو سمحتم ..من هي نجمة البورد؟ (Re: أمير فتحي)
|
Quote: على صعيد آخر, زي ما انت شايف براك ياا مير , البوست اتحول الى مهاترات جانبيه , وفيهو ايحاءات غير لائـقه , وبعدين ليه نجمه يعني ؟؟ ليه ما نجم ؟؟ (شايفه في زول سأل لكن الاجابه ما كانت وافيه او يمكن ما فهمتها) |
دكتورة داليا سلامات كتار بالحيل ماعارف اتحسست من الجزء دا من مداخلتك دى على الرغم من انو متفق مع الكل جملةً وتفصيلاً والسبب لانى صاحب السؤال ليه نجمة مانجم... عموماً لا احسب أن مداخلتى اعلاه بها ايحاءات غير لائقة .. لكن وان حدث ورأت دكتورة داليا او اى شخص اخر ذلك فانا اعتذر وبشدة. واكرر اتفق مع دكتورة داليا جملة وتفصيلا
مع خالص الاحترام والتقدير لكل نجمات البورد نجمة نجمة,,بوست بوست,,مداخلة مداخلة
| |
|
|
|
|
|
|
Re: تصويت لو سمحتم ..من هي نجمة البورد؟ (Re: احمد الأمين على إدريس)
|
Quote: اشمعنا امير طمبل قندولو مفنقل الريكة ؟
|
اخونا امير طمبل فتح البوست بنية فاتحة والدنيا اخر ربع واخرتا ارشفة كنت اتمنى ان يسير حسبما خطط لهذا البوست وكل منا يعبر نحو الاخرين بكلمة طيبة قد تجبر بالخاطر كفاية غاغات بدايات الارباع وخلونا نجر نفس نقي عند نهاية كل ربع
| |
|
|
|
|
|
|
Re: تصويت لو سمحتم ..من هي نجمة البورد؟ (Re: معاوية الأرباب)
|
omer osman ناصر احمد الامين صديق الموج احمد الأمين على إدريس Mustafa Mahmoud ALGARADABI عبدالحافظ سعد الطيب احمد محمد بشير shammashi حاتم الفاضل داليا الكباشى نجلاء قرافي رغيم عثمان رغيم الحسن أمير فتحي Amira Elsheikh omer osman محمد الامين محمد طارق جبريل احمد الأمين على إدريس اميرة السيد الوليد الرشيد وراق manal eltahir أيمن التوم حسن أيمن دياب سلمى تاور keiga2000 Magdi Algorashi عماد الشبلي محمد الشيخ أرباب ombadda عادل الباهي عبدالرازق ASHRAF MUSTAFA ود الباوقة ناصر جامع haroon diyab معاوية الأرباب
شكرا لك جميعا ما حبسنا منكم الا الشديد القوي زحمة العمل و مشاكل النت . و انتو عارفين ان الواحد شايل كاميرتو و حايم و لما ارجع المكتب حتي اخلص من العمل بيكون الرزق سبح بالاضافة الي بطء النت عندنا هذه الايام . جزيل شكري و أمتناني و سأعود اليكم واحد واحد كان ربنا سهل
| |
|
|
|
|
|
|
Re: تصويت لو سمحتم ..من هي نجمة البورد؟ (Re: امير طمبل)
|
الأعزاء اليكم قائمة المرشحين الذين تم رصدهم حتي الان
* لدن جعفر البرلوم الصاعد بسرعة الصاروخ
تمت تثنيتها
* حبوبة صلاح غريبة ايمانا منا بان الزهايمر احيانا مفيد جدا .
تمت تثنيتها
*SHIBKA بورداب الدوحة يتالقون. *نجمة النجوم يمتنعون ( ما دام نجمة يبقي تنتظر بوست الاقمار).
*دوما ديمقراطية لكل الاعمار.
تمت تثنيتها
*داليا الكباشيQuote: اكيد ما داليا الكباشي |
.كما قال أخونا رغيم عثمان رغيم الحسن.
*أميرة الشيخ كما قال اخونا مجدي قرشي بنات الشيوخ كما لا منفاس لهم .. (يلحقنا و ينجدنا).
*دينا خالد و عزاز شامي نتمني أن يفك الارتباط اولا مرشح واحدوصوت واحد في كل قائمة ده الشعار.
*اسماء الجنيد مرشح .. ويذيدك من الشعر البيت .
*سامية حامد يا نساء العالم اتحدوا .
*تراجي مصطفي نصيرة الهامش والمستضعفين. *اماني العجب ديمقراطية لا حدود.
*سلمي تاور قيادات جديدة.
.... * لتكملة الاجراءات و قفل باب التسجيل نقوم بفتح المجال للتثنيات و الطعون تمهيدا لبدء اجراءات التصويت كما اننا سوف نوافيكم باسماء لجنة التحكيم لاحقا.
..
| |
|
|
|
|
|
|
Re: تصويت لو سمحتم ..من هي نجمة البورد؟ (Re: haroon diyab)
|
كلهن نجمات بدون أى فرز
لافرق بين أى منهن وهن أخواتنا ...أمهاتنا.... نتفق مع البعض ونختلف
لكن نكن لهن كل إحترام وتقدير
ولكن فى تقديرى أن هند محمد هى أميزهن لعدم تدخلها فى المناكفات السياسية
ولاتتداخل إلا لتمتعنا بالشعر الجميل
| |
|
|
|
|
|
|
Re: تصويت لو سمحتم ..من هي نجمة البورد؟ (Re: haroon diyab)
|
Quote: جزيل شكري و أمتناني و سأعود اليكم واحد واحد كان ربنا سهل [/QUOTE طمبل وبعد ما طمبجتها داير ترجع لشنو ولمنو قال بحراوى قال ... ياخى استعين بمحمد حمدى بكون عندو ليك مراقة من (الزنقة زنقة)
تنهدات : انت رمضان زائد قال شنو ..
| |
|
|
|
|
|
|
Re: تصويت لو سمحتم ..من هي نجمة البورد؟ (Re: امير طمبل)
|
والله كُل ما أجي أكْتِب إسمها، ألقى "نجمة" أقل منها بِسنين ضوئِية.. أصلها يا صاحبي "شمِش" أعذُرْني، ما بقدر أكْتِب إسمها، ما مُتوضئ ياخ والتيمُمْ ما بِحوق.
لو تصدِق.. قبل يومين قعدت أتذكر أنا آخِر مرة إفْتكرتها بِتين.. لِقيت -حليلي- أنا الما مِتْذكِر "إفْتكرت" روحي بِتين.. أصلها يا خوي مِن قساها، شايلا قلبي معاها، ما شايِفْني يعني ها الأيام بقيت ما بسْتحي، ما ده طبع الطين لامِن يِكون بلا "فؤاد"
ظنك بترجِع لي قلبي.. أصلي يِمْكِن أسافِر ناس أُمي، ومُحْتاجلو.. عاد أقابِل أُمي كيف بلاهو.. أنا الصابني عنتو وبلاهو.. كاتِلْني عبقو ونداهو.. قلبي وكَبْدي اليِشيلِنْ فداهو..
عِرِفْتها يا خوي؟! قال "نجمة" قال
| |
|
|
|
|
|
|
Re: تصويت لو سمحتم ..من هي نجمة البورد؟ (Re: بدر الدين الأمير)
|
Quote: جزيل شكري و أمتناني و سأعود اليكم واحد واحد كان ربنا سهل [/QUOTE طمبل وبعد ما طمبجتها داير ترجع لشنو ولمنو قال بحراوى قال ... ياخى استعين بمحمد حمدى بكون عندو ليك مراقة من (الزنقة زنقة)
تنهدات : انت رمضان زائد قال شنو .. |
أخونا بدر الدين بن الأمير بحري شهدت ميلاد الست والدتي التي أنجبتني و اتشرف جدا بيها مراقة من شنو و انا شايف مافي اي طمبجه في الموضوع ولا اي حاجةمحمد حمدي زاتو رشح لي الزميلة الفاضلة عزاز شامي رمضان ذايد قال في أغنيته الشهيرة يا ناس انا العذاب علي قاسي كده خليني من رمضان ذايد و محمد حمدي انتا وين تصويتك
| |
|
|
|
|
|
|
Re: تصويت لو سمحتم ..من هي نجمة البورد؟ (Re: معاوية الأرباب)
|
سماء البورد ملئ بالنجمات في وسط الضلمة
نجلاء سيد أحمد - بحضورها في الشارع بكاميرتها
دومة - وهي تقود كل البوستات في اتجاه النبض
وأماني العجب - وهي تقطف حلم الثورة وتجسده على الواقع بإرادة لاتلين
د. مهيرة وهي تثبت أن لا صوت يعلو على صوت الحق
وما بنقدر نجمة نجمة البورد نعدو ...
| |
|
|
|
|
|
|
Re: تصويت لو سمحتم ..من هي نجمة البورد؟ (Re: بكري السيد البشاري)
|
الأستاذ الفاضل أمير طمبل، سلام، بوست جميل وظريف ودمو خفيف. كل الأسماء المقترحة تستاهل تكون نجمة البورد لإسهاماتها الجميلة الرائعة ومحل تقدير عالٍ وألف مبروك ليهم جميعاً.
أقترح إضافة نجمة النجوم:
سودانيزأونلاين سودانيزأونلاين سودانيزأونلاين
التي لولاها لما كنا هنا أصلاً.
تحياتي ومحبتي لكم جميعاً ولكل الأسماء بدون فرز. وشكراً يا أمير على الفكرة الظريفة بعيداً عن السياسة وآلام السياسة A Very Nice Break يعطيك ألف عافية.
| |
|
|
|
|
|
|
Re: تصويت لو سمحتم ..من هي نجمة البورد؟ (Re: Souad Taj-Elsir)
|
Quote: والله كُل ما أجي أكْتِب إسمها، ألقى "نجمة" أقل منها بِسنين ضوئِية.. أصلها يا صاحبي "شمِش" أعذُرْني، ما بقدر أكْتِب إسمها، ما مُتوضئ ياخ والتيمُمْ ما بِحوق. |
العزام سلام
تاني رجعت للحكم ؟؟؟
قلنا ليك خلاص كفاية ما في فايدة
وهذ ا قرار لجنة الحكماء ... النهائي
| |
|
|
|
|
|
|
Re: تصويت لو سمحتم ..من هي نجمة البورد؟ (Re: عماد الشبلي)
|
بالمعنى الدارج للنجوميه تراجى مصطفى .. للتأثير أمانى العجب .. الكتابه الانيقه عزاز وداليا حافظ .. ادبيا هند محمد واسماء .. وغياب مؤكد لثروت همد وتماضر الطرح سناء خالد ودينا .. برضو خالد هناك فى اقاصى المجال.. اشراقه وسلمى الشيخ وتماضر وبروف سعاد .. كلا منهن فى عليائها عاطفيا ولاشياء أخرى وعديده .. دوما ولا يمكن اهمال د. نجاة بأى حال من الاحوال .. وكى اكون نزيها .. مياده كمال .. وللنجوميه معاييرها المختلفه عن الحقيقه وتأسرنى جدا مواهب ادريس ..
شكرا امير ..
| |
|
|
|
|
|
|
Re: تصويت لو سمحتم ..من هي نجمة البورد؟ (Re: محمد حيدر المشرف)
|
Quote: أقترح إضافة نجمة النجوم:
سودانيزأونلاالأستاذ الفاضل أمير طمبل، سلام، بوست جميل وظريف ودمو خفيف. كل الأسماء المقترحة تستاهل تكون نجمة البورد لإسهاماتها الجميلة الرائعة ومحل تقدير عالٍ وألف مبروك ليهم جميعاً.
ين سودانيزأونلاين سودانيزأونلاين
التي لولاها لما كنا هنا أصلاً.
تحياتي ومحبتي لكم جميعاً ولكل الأسماء بدون فرز. وشكراً يا أمير على الفكرة الظريفة بعيداً عن السياسة وآلام السياسة A Very Nice Break يعطيك ألف عافية.
|
تسلم اخوي حقيقي كلامك في محل التحية لصاحب الحوش الكبير تسلم كتير
| |
|
|
|
|
|
|
Re: تصويت لو سمحتم ..من هي نجمة البورد؟ (Re: د.نجاة محمود)
|
frommoniem daoud [email protected]
dateThu, Mar 24, 2011 at 6:15 PM subjectتصويت لو سمحتم ..من هي نجمة البورد؟ mailed-byyahoo.com signed-byyahoo.com
hide details 6:15 PM (6 hours ago)
انا احد قراء المنبر ارشح الاستاذة نادية عثمان
ايميل وصلني من احد قراء المنبر يرشح الزميلة نادية عثمان التحية ليك يا منعم داؤد و تحية اكثر خصوصية الي الاخت نادية عثمان مشكور يا منعم
| |
|
|
|
|
|
|
Re: تصويت لو سمحتم ..من هي نجمة البورد؟ (Re: امير طمبل)
|
Quote: والله كُل ما أجي أكْتِب إسمها، ألقى "نجمة" أقل منها بِسنين ضوئِية.. أصلها يا صاحبي "شمِش" أعذُرْني، ما بقدر أكْتِب إسمها، ما مُتوضئ ياخ والتيمُمْ ما بِحوق.
لو تصدِق.. قبل يومين قعدت أتذكر أنا آخِر مرة إفْتكرتها بِتين.. لِقيت -حليلي- أنا الما مِتْذكِر "إفْتكرت" روحي بِتين.. أصلها يا خوي مِن قساها، شايلا قلبي معاها، ما شايِفْني يعني ها الأيام بقيت ما بسْتحي، ما ده طبع الطين لامِن يِكون بلا "فؤاد"
ظنك بترجِع لي قلبي.. أصلي يِمْكِن أسافِر ناس أُمي، ومُحْتاجلو.. عاد أقابِل أُمي كيف بلاهو.. أنا الصابني عنتو وبلاهو.. كاتِلْني عبقو ونداهو.. قلبي وكَبْدي اليِشيلِنْ فداهو..
|
صديقي عزام تحية اخوية صادقة نحن قلنا عاوزين تصويت أنتا جيت اتغزلت لينا ما عرفتك قاصد منو لكن في واحدة جات علي بالي ولاني برلوم يا اخوي ما راح اقدر اكتب اسمها هنا بس اغلبية الناس بيقولو عنها انها جميلة جميلات البورد و لها كمية من المعجبين و المكسرين و لا تتداخل في اغلبية البوستات لها التحية و التجلة و سلام علي الملك عبدالله لذلك ارجو ان تكتب لنا الاسم بدون الغاز تحياتي
| |
|
|
|
|
|
|
Re: تصويت لو سمحتم ..من هي نجمة البورد؟ (Re: امير طمبل)
|
Quote: بالمعنى الدارج للنجوميه تراجى مصطفى .. للتأثير أمانى العجب .. الكتابه الانيقه عزاز وداليا حافظ .. ادبيا هند محمد واسماء .. وغياب مؤكد لثروت همد وتماضر الطرح سناء خالد ودينا .. برضو خالد هناك فى اقاصى المجال.. اشراقه وسلمى الشيخ وتماضر وبروف سعاد .. كلا منهن فى عليائها عاطفيا ولاشياء أخرى وعديده .. دوما ولا يمكن اهمال د. نجاة بأى حال من الاحوال .. وكى اكون نزيها .. مياده كمال .. وللنجوميه معاييرها المختلفه عن الحقيقه وتأسرنى جدا مواهب ادريس ..
شكرا امير .. |
تسلم يا دكتور يا عزيز من اجمل المداخلات في البوست التحية ليك مجددا و لكل المبدعين في المنبر مشكور علي المرور
| |
|
|
|
|
|
|
Re: تصويت لو سمحتم ..من هي نجمة البورد؟ (Re: د.نجاة محمود)
|
Quote: النجمات المنجزة خارج وداخل البورد
ولها اسهامها السياسي والثقافي الدكتورة عائشة موسى ودكتورة اسماء عبدالحليم
ما حصل قريت ليهم حاجة ما طلعت بفائدة
وحبيبتي سمارتي كمان |
شكرا جزيلا علي مرورك يا دكتورة نجاة و التحية عبرك الي د.عائشةو الدكتورة أسماء و اخري الي سمارتي تحياتي
| |
|
|
|
|
|
|
Re: تصويت لو سمحتم ..من هي نجمة البورد؟ (Re: امير طمبل)
|
.. .
Quote: هسة ده التعليق الجابك هنا يا زعيم عموما كتر خيرك ...أهو نتعلم منكم ان شاء الله المرة الجاية تلقاهو مسبك و عندو قوام |
ما تتحسس يا امير .. رغم انى بتفق مع وجهه نظر داليا وجنابو _سابقا_ بس ما حبيت اقولها وبعتبر مافى معيار محدد لمثل هذه الترشيحات ولا نتائجها ستعود بفائدة .. ورغم هذا برضو دى فكرتك ورأيك والله احترمه جدا وما كنت ناوى اعلق لاشياء كثر ..
--------
والحق اتيت خلف خطى سليل كافور الاخشيدى بس تقول شنو جات فى السياق .. وطلعت انت بتفهما وهى طايررة
عوافى .. يا صديق ..
| |
|
|
|
|
|
|
Re: تصويت لو سمحتم ..من هي نجمة البورد؟ (Re: Tabaldina)
|
Quote: والحق اتيت خلف خطى سليل كافور الاخشيدى بس تقول شنو جات فى السياق .. وطلعت انت بتفهما وهى طايررة
عوافى .. يا صديق .. |
تسلم يا عزيز والله والله ما تحسست ابدا عجبتني جدا كلماتك الاخيرة( رقيق وذادو موية) يشهد الله العظيم قمت بفتح البوست بفهم تاني خلاف ما يظن الكل ...أن شاء الله بيجي يوم و أكتب هدفي من فتح هذا البوست . عمومايا صديقي اهو واحدة من اهدافي انك عرفت في زول بيفهما طايرة لك وافر احترامي و تقديري
| |
|
|
|
|
|
|
Re: تصويت لو سمحتم ..من هي نجمة البورد؟ (Re: Huda AbdelMoniem)
|
توقف الأستاذة سلمى الشيخ سلامة والشاعرة روزمين الصياد يمنعني من ترشيحهما لنجومية البورد ورغم ذلك فإني أرشح الإعلامية والصحافية "نسرين النمر" لنجومية هذا البورد، لعل الجميع هنا لا يعرفون أن نسرين عضو معنا في هذا البورد ولكنها لم تشارك فيه مطلقا ولعل ترشيحي لها يكون تشجيعا لتنشيط عضويتها الخاملة.
| |
|
|
|
|
|
|
Re: تصويت لو سمحتم ..من هي نجمة البورد؟ (Re: Asaad Alabbasi)
|
Quote: توقف الأستاذة سلمى الشيخ سلامة والشاعرة روزمين الصياد يمنعني من ترشيحهما لنجومية البورد ورغم ذلك فإني أرشح الإعلامية والصحافية "نسرين النمر" لنجومية هذا البورد، لعل الجميع هنا لا يعرفون أن نسرين عضو معنا في هذا البورد ولكنها لم تشارك فيه مطلقا ولعل ترشيحي لها يكون تشجيعا لتنشيط عضويتها الخاملة. |
و أنا معاك في كل ما ذكرته..التحية و التجلة للاستاذة سلمي الشيخ سلامة و الشاعرة الاديبة روزمين الصياد و تحية للزميلة نسرين النمر شكرا يا استاذ اسعد
| |
|
|
|
|
|
|
Re: تصويت لو سمحتم ..من هي نجمة البورد؟ (Re: Huda AbdelMoniem)
|
Quote:
Quote: سودانيزأونلاين سودانيزأونلاين سودانيزأونلاين |
أم حسام حمد الله علي سلامة الوصول الصديق الغالي ما ادانا خبر قبل كم يوم مصطفي قال جيب حسام يقعد معاي كم يوم كده قبل ما ارد ليهو سالت دمعتي لسفركم تحياتي و دعواتي لكم بدوام الصحة و العافية دمتم في حفظ الباري
| |
|
|
|
|
|
|
Re: تصويت لو سمحتم ..من هي نجمة البورد؟ (Re: امير طمبل)
|
شكرا يالامير احنا برضوا زالت دمعتنا على خدودنا حتى الان منذ ان غادرنا الدوحة امنبتى ان كان حسام يتربى فى جو فية مصطفى و فية تجانى و فيةمجدالدين وفية حمودى ومازن الرفقة الجميلة المافيها خوف
قدر الشهور القعدالقضاها بينهم غيرت فيةكتير و اضافة ليةاشياء جميلة و زكريات لن ينساها ودائماح نكون فى ذكراكم وما ح ننساكم ياامير انتوا فى وجدانا و شكرا على كل جميل اتحفتونا بة و انشاء اللة نتقابل فى ظروف احسن ونجتمع فى ساعة خير سلام حسام لمصطفى وصيتى ليك ياامير واللةيرضى عليك ابقى عشرة علية و انشاء اللة نتصل عليكم لنطمئن على اخبارة لك ودى
| |
|
|
|
|
|
|
Re: تصويت لو سمحتم ..من هي نجمة البورد؟ (Re: doma)
|
Quote: هووووي يا ولاد انا برضو عندي نجمات يتلآلآن
اميرتنا بت الشيخ تماضر شيخ الدين تيسير عووضه الاستاذ عائشه موسي السعيد عزاز شامي دينا خالد سناء خالد سلمي الشيخ سلامه سلمي تاور نهال كرار نجلاء سيد احمد ميسون النجومي دكتوره مهيره لنا مهدي |
الغالية دوما والله الواحد لما يقرا اسمك بس بنحس بالامان الله يديك العافية و طول العمر يشهد الله النجمات الفوق دي ديل تاج راسنا مرور جميل و دعم اجمل تحياتي
| |
|
|
|
|
|
|
Re: تصويت لو سمحتم ..من هي نجمة البورد؟ (Re: عبدالله ود البوش)
|
Quote: اخونا امير طمبل فتح البوست بنية فاتحة والدنيا اخر ربع واخرتا ارشفة كنت اتمنى ان يسير حسبما خطط لهذا البوست وكل منا يعبر نحو الاخرين بكلمة طيبة قد تجبر بالخاطر كفاية غاغات بدايات الارباع وخلونا نجر نفس نقي عند نهاية كل ربع |
الأخ الفاضل عبدالله ودالبوش تسلم اخوي علي المشاركة .. فكرتي ..تكللت بالنجاح من وجهة نظري علي قولتك خلينا نجر نفس نقي حبة حبة و تحية لكل نجمة نجمة و مبدعة مبدعة يديك العافية يا حبيب
| |
|
|
|
|
|
|
Re: تصويت لو سمحتم ..من هي نجمة البورد؟ (Re: داليا الكباشى)
|
Quote: في رأيي مافي شي اسمو نجمه البورد ولا نجم البورد مطلقه كدا, النجمه في ياتو ربع ؟ في ياتو تخصص؟ في ياتو سنـه ؟ وفي رأي منـو ؟ اختيار شخصيه حاليا, فيه ظلم لي شخصيات كثيره سابقه لم تعد تكتب في هذا المنبر لاسباب مختلفه , (مثلا) ممكن كان تفتح بوست لتكريم اكس , بسبب بوست معين , كتابه معينه , عمل ادبي \فني\ثقافي\اجتماعي\رياضي أو حتى بسبب موقف شرف , أو عمل عام , أو جائزه عالميه , أو سلوك مميز ... الخ التعميم مخل جدا في الحالات الزي دي .. انا مثلا بشوف انو في رمضان القبل الفات كانت نجمه الربع هي لنا مهدي لانو بوست الطبخ بتاعها كان جميل ومرتب , ومليان جدا , واجتهدت فيهو خالص خالص , وانا لاني كنتا مأجزه استفتدتا منو جدا , بينما خليل كان شايف انو نجمه نفس الربع داك هي نجـوان بي بوست نجوم الغد أو اغاني واغاني (لا اذكر تحديدا) لانو خليل زول مهتمي بالفن والفنانين وكدا .. كل عضو في البورد دا بيشوف البورد من وجهه نظر مختلفه عن الاخر , وما يتناسب عي لا يتناسب مع غيري ,
|
الأخت العزيزة داليا الكباشي سلام من الله عليك اتفق معك في كل ما كتبتيهو.. فكرتي عن فتح البوست ساكتبها يوما واحدة من أهدافي مرورك الكريم مع كل الود و التقدير الي شخصك الكريم
| |
|
|
|
|
|
|
|
| |