|
|
 بـورداب الرياض (وغير البورداب كمان) ... طلب مونكن ..؟؟
|
اتفضلي اتفضلي يا دلوش طال عمرج ,
شوركن شوكرن ..
عاوزين شقـه !
المواصفات : غرفتين ومجلس وصاله ومطبخ وحماميين, ارضي او طابق ثاني لافرق بس يفضل الارضي طبعا ..
المواقع : حي الملك فهد (يفضل جدا) , ام الحمام , المعـذر , أو أي مكان قريب لي حي السفـارات ..
شكرا مقدما.. لاي زول حايفتش , ولي اي زول حايرفع لي البوست بررضو :)
اما البيجيب لي الشقه دا , فااا شكرو برراهو :)
غير البورداب
Dallwsha(at)hotmail.com
|
|
  
|
|
|
|
|
|
|
 Re: بـورداب الرياض (وغير البورداب كمان) ... طلب مونكن ..؟؟ (Re: ABUHUSSEIN)
|
مادام الشغلانية فيها حي سفارات..
أنصحكم بالدرعية.. حي هاديء ورايق وإيجاراتو نوعاً ما معقولة..
وشارع واحد لحي السفارات من غير إشارات..
حي الملك فهد ده ما بتقدرو عليهو.. في وسط زنقة وزحمة..
أم الحمام لا يُنصح بها.. زحمة شديدة ومشكلة في المواقف (الباركنج)..
هاتف شيخ السودانيين في الدرعية:
الأخ عيسى بشرى حسن 0507237486
بحل ليكم المشكلة.. بإذن الله..
لو بيدي تسكنوا في قصر طويق.. عشان الزميل يمشي الشغل كداري..
| |
|
|
|
|
|
|
|
|
|
Re: بـورداب الرياض (وغير البورداب كمان) ... طلب مونكن ..؟؟ (Re: SHIBKA)
|
زي ما قال المذيع في الأخبار الملك فهد طال عمره عليه رحمة الله ..فطال عمرك انا مستغرب يعني ..الزول يديك خيارات لي مليون حي ليس من بينهم حي السفارات سيد الشي زاااتا :)..يعني مفروض ولو من باب الخجلة مثلاً تقولي حي السفارات حي الملك فهد ام الحمام وهكذا يعني ..عموما زي ما قلت ليك زمااان إنتي بعد فتحتي موضوع الكتب داك ح يجي اليوم الح تقولي فيهو شوفو لينا قطعة ارض في كافوري وكان هذا تنبؤ مني ساااي لكن فاجعتيني يا فلانة بي شقة في الرياض عدييييييييل كده :)
في طابق كااامل في حفر العتش وبسعر مغري ..كيف ليك ؟
| |
|
|
|
|
|
|
|
|
 Re: بـورداب الرياض (وغير البورداب كمان) ... طلب مونكن ..؟؟ (Re: التيجاني عبد الباقي)
|
طبعا كنتا منتظره عمر الفاروق يجي يكتب الهراء الخلاب حقو دا عشان ارد لي باقي الناس :)
قال حي السفارات قال ! انت ما سكنتا فيهو لييه ؟؟ انت قايلني (طال عمري ) جد جد ولا شنو ؟
غايتو شكورن على التذكير , حفر العتش دي بتذكر فيها لي تلاته يوم , واقول ياربي الحته الساكن فيها عومر الفاروق اسمها شنو ؟ اسمها شنو ؟ :)
دكتـور ياسر عبدالقادر .. تشكر يارب .. بيناتنا تلفونات لمزيد من التنسيق بخصوص الموضوع :)
عمو عبدالله كسلا .. تسلم يارب .. قول يا جامع يارقييب ..
شبوكـه (ياخ الخارجيه والداخليه والاشغال والطاقه , بس اهم شي الماليه زاتها مسكوني ليها , بعد دا انشالله يسكوني ضنب الككو زاتو:)
الريس ابو جهينه .. الـ (رعبون) لا يسترد ولا يستحدث من العدم , بل يتحول من مكتب لاخر :)
ابو حسين بالانجليزي (المكسور صباعو) .. انت الشهر القاعد فيهو في البيت دا حاتكمل لينا الباندويث صـح ؟ ياخ فكر في الاقتراح القلتو ليك :)
أبو حسين بالعربي .. ربنا يستجيب دعواتك وتسلم كتيير يارب
الامين البشاري .. ونحن ما نحلل الانترتنت البندفعوا في بورد بكري دا ولا شنو :)
عاطف رميتي .. تسلم على رفع البوست , في زول جاب لي شقه في حي النسيم جده .. جاري التفكيير :)
استاذ التيجاني .. ربنا يجبر خاطرك دنيا واخره .. تسلم يارب ..
| |
|
|
|
|
|
|
|
|
|
Re: بـورداب الرياض (وغير البورداب كمان) ... طلب مونكن ..؟؟ (Re: عمر عبد الله فضل المولى)
|
يا عمر فضل المولى , عارف ذكرتني شنو ؟ لمن امرق ن بيتنا الصباح اكون ماشه المستشفى , واكون لابسه جزمه سبورت (قماش)
بيلاقيني الولد بتاع الورنيش في مدخل المستشفى ويقول لي : ورنيييش يا دكتووره ؟؟ !! بقررب اقول ليهو ورنشها ووريني حاتورنشها كيييف؟
اسي انت كمان , الله يهديك , اقول ليك دايره قريب لي حي السفارات , تقول لي الروضـه ؟؟ :) :)
الصادق سلمان .. تحياتي وشكرا لرفع البوست .. الدخل المحدود دا ما معانا .. نمشي نسكن جمب ناس عمر الفاروق احسن :)
ابو حسين بالانجليزي .. مقبول منك الطايوق .. لكن الفيك اتعرفت .. وعموما اقتراحي شكلي حا انفذوا الليله من وراك :)
محمود مصطفى حمود .. اخره علاقه الانترنت كل خير والله .. بس نختى زي ناس ابو حسين بالانجليزي ديل :)
خالد عبدالله محمود .. ود الصايم هو ساكن ووين ؟؟؟ :) :)
نادر النور ادم .. اها اسي استأذنا .. بس فتشوا لينا .. عشان الواحد زاتو يسكن جب صحبتو وكدا :) :)
| |
|
|
|
|
|
|
|
|
 Re: بـورداب الرياض (وغير البورداب كمان) ... طلب مونكن ..؟؟ (Re: داليا الكباشى)
|
أيمن ديـاب ,,
ما حصل فتحتا بوست بخصوص اي حاجه في البورد دا الا كنت انت اول المستجيبين ,
لا وكمان بالنجيييضه .. دايما شغلك كارب ماشاءالله علييك :)
تم الاتصال من زميل البورد بالشيخ , ووعده خيرا ,
بالنسبه للخروف , فا احيطك علما انو البند دا حولناهو لاختصاص ود الصايم , خاصه انو اكلنا ملح في السمايه :)
بالجد شكرا جزيلا يا أيمن .. تتجازى خير يارب :)
وانشالله الموضوع ينجح :)
| |
|
|
|
|
|
|
|
|
|
Re: بـورداب الرياض (وغير البورداب كمان) ... طلب مونكن ..؟؟ (Re: داليا الكباشى)
|
| Quote: اخره علاقه الانترنت كل خير والله .. بس نختى زي ناس ابو حسين بالانجليزي ديل :) |
أنا غايتو كلام أبو حسين بالإنجليزي ما مسئول منه..
أنا قصدت بكلامي أستفز زميل البورض عشان يشوف ليك أحلى فيلا في الرياض
إن شاء الله تكون مطلة على البحر الأحمر زاتو....هههههههههههههههههههه
لكن أنا استاهل...
بطيبتك دي..ح يقوم ينقعك بإنه فكرة السكن زاتا زي اتجاوزتا الأحداث والمرحلة..
فشنو؟؟ نقوم نكتفي بالسكنى المذكورة في القرآن.."أزوجاً لتسكنوا إليهن"..
دي آخرتا؟؟
الغايظني جدن جدن..اللداحة وعدم الاستجابة للاستفزاز..
..>>..
| |
|
|
|
|
|
|
|
|
|
Re: بـورداب الرياض (وغير البورداب كمان) ... طلب مونكن ..؟؟ (Re: عاطف رميتي)
|
مع انو كلام عمر ما نفع معاك لكن
و الله جنبي شقة بكل المواصفات الطلبتيها في حي الروضة ومش بعيدة من طريق الملك عبد الله يعني خط واحد لحدي السفارات
و سعرها مغري جدا 18000 الف ريال كانت معروضة ب 22000 انا نزلت سعرها لولد اخوي ولكن لظروف مالم يستأجرها وواسعة جدا و سراميك ومطبخ مركب فيها في الدور الاول بعيداً عن صراير الدور الارضي خريطتها حلوة جدا في حالة الرغبة الرجاء من زميل البورد الاتصال .
داليا كيفك احوالك و ربنا ما سترنا معاكم
| |
|
|
|
|
|
|
|
|
|
Re: بـورداب الرياض (وغير البورداب كمان) ... طلب مونكن ..؟؟ (Re: داليا الكباشى)
|
د. داليا
سلام
انا زيكم بفتش لشقة
أمس لقيت شقة في الملز جنب الاستاد(اعتقد قريبة نوعا ما ليك)
أنا ما بتوافقني لأنها نوعا ما صغيرة علينا
غرفة + صالة + مجلس + مطبخ + حمامين عمارة جديدة كرت ونجف
انا غايتو عجبتني عديل كدا
وهي آخر شقة في العمارة لأنو أعلنوا عن العمارة في خلال خمسة يوم العمارة كلها اتأجرت
ومن الآخر السعر 20.000 ألف في السنة
وتلفون المسئول عندي بس لو عايزين تستعجلوا شديد
| |
|
|
|
|
|
|
|
|
 Re: بـورداب الرياض (وغير البورداب كمان) ... طلب مونكن ..؟؟ (Re: داليا الكباشى)
|
الصـادق خليفه , الشقه رووعه والله, والعرض مغري, لكن نسبه لبعدها تم تحويل العرض الى ساميه حامد وابو حسين بالانقليزي , والقدم ليو رافع :)
ياسر السر , والله امس مشينا فتشنا في عرقـه دي , يعني بس اقول ليك شنو , بررري يا يمه , سكنه اليابا طـه والمامون :)
عريجه وظهره البديعه والدخل المحدود ديل , تاني مافي زول يجيب لي سيرتهم , يعني ما اسكن صلبوخ ولا شقراء عدييل بعد دا ؟ :)
سيف بخيت , الدرعيه ..؟؟ قلتا ليكون قولوا لي عدييل اسكني صلبوخ ياخ .. مافيها حاجه :)
بدرالدين الامير , عراااف خلاس والله :) :) اكتشفتنا !! :) :)
حمد عبدالفغار , جـاري التفكير , بالمناسبه مواصفات الشقه العاوزها شنو ووين ؟ في حاجات كتير لاقتنا احتمال تنفع معاك برضو :)
| |
|
|
|
|
|
|
|
|
|
Re: بـورداب الرياض (وغير البورداب كمان) ... طلب مونكن ..؟؟ (Re: داليا الكباشى)
|
اثناء رحله البحث لقينا كم عرض ا نفع معانا لكن يمكن ينفع مع ناس تانيين ,
قلتا اجيبهم ليكم هنا :) ويابخت ما افاد واستفاد :)
1- شقه ارضيه تلات غرف ومجلس وصاله تشطيب ديلوكس ورررهيبه وواسعه حمامين ومطبخ , عماره جديده لنج , حي النخيـل الغربي ,,
2- شقه في السليمانيه (جات عن طريق قارىء للبورد) غرفتين وصاله ومجلس وحماماين ومطبخ مطلوب 30 الف ريال,
3- شقه اربعه غرف ومجلس وصاله وحماماين , ارضيه , اتسكنت قبل كدا , حي عرقـه , مطلوب 18 الف ريال ,
4- شقه ثلاث غرف ومجلس وصاله وحمامين ومطبخ , حي الرائـد , دور كامل ومدخل منفصل , مطلوب 30 الف ريال ,
5- شقق (عن طريق قارىء للبورد) غرفتين ومجلس وصاله وحمامين ومطبخ , حي العزيزيه , جديده لنج , مطلوب 20 الف ريال ,
| |
|
|
|
|
|
|
|
|
 Re: بـورداب الرياض (وغير البورداب كمان) ... طلب مونكن ..؟؟ (Re: haroon diyab)
|
هارونوف يا صديق ,
عمو الارتري دقس خلاس :) قال عامل فيها حرريف وداير يخطف الشقه التحت سررريع سررريع
مشينا انا وزيل البورض صبحا دغش , لقينا ليك العمال البيشطبوا في العماره نازليين يادووب من الليموزين
وشايلين ليك اكياس الفول والتميس بوخو يقول يا ليل , بالاضافه الى (الاصبرايت) على قوله حمودي , ولبن المراعي ,
زميل البورض : صديق انا ممكن شوف شقه ارضيه جديده ؟
صديق: ايوه فضل فضل .. ابغى شوف شقه فوق ؟
انا وزميل البورض : ايون ايون :)
لقينا ليك الشقه الفوق ختتتريه عدييل كدا :)
ادفع نص عمري واشوف نظره الحنق في وجه عمو داكا لووول
لكن بررضو ما زلنا قيد التفتيش ... ما يضرش برضو :)
بالمناسبه , منفـوحه انت داا
| |
|
|
|
|
|
|
|
|
|
Re: بـورداب الرياض (وغير البورداب كمان) ... طلب مونكن ..؟؟ (Re: داليا الكباشى)
|
شوفي طال عمرك ..
طالما السيارات في البلدي اكتر من البشر - والشوارع عالمنها بـ مسطرة وبرجل فلا غبار عليكم اذا سكنتم في الخرج ذاتووووووو
@@@
لو بنفع معاكم حي (( صياح )) - ((عمارة جديده غرفتين وصالة وحمامين ومتبخ في حدود 13 الف ))
طال عمرك ماتسالني حي(( صياح)) ده وين !!
المهم انو قريب للاسواق المهمه وناس قريعتي راحت
انتو قولو اوكي .. وما حاتندمو
فتك عافيه طال عمرك
| |
|
|
|
|
|
|
|
|
|
Re: بـورداب الرياض (وغير البورداب كمان) ... طلب مونكن ..؟؟ (Re: د.نجاة محمود)
|
Quote: يا رب العالمين تتهنو محل تسكنو وربنا يجعل بيتكم عامر بالخير والحب ووساع الرزق
|
شرحوا
تعرفي .... ومجرد فكره ..... ما اهو الواحد اغترب سنين وسنين .... ودفع ايجارات تشتري ليك عماره في حي السفارات ذاتو.... المهم اليومين ديل في امكانية التمويل من جهات كتيره ... وتمليك شقق للسكن .... رايكم شنو (انتي وزميل البورد تفكروا بجديه في الموضوع ده ... فكره جهنميه مش .... وبالتوفيق انشاء الله
| |
|
|
|
|
|
|
|
|
|
Re: بـورداب الرياض (وغير البورداب كمان) ... طلب مونكن ..؟؟ (Re: عبدالله كع)
|
دكتوره نجاه , تسلمي على الاغنيه اللطيفه , ووين الحي بيكي ياخ ؟ مشتاقين يعلم الله :) :) دعواتك الحلوه تسلمي عليها :) وامييين يارب
وليام اندريه , فكره جهنميه بس؟ فكره خطييره مررره والله .. مونكن نجيب معانا شريك ؟
هيثم التووم , الملز والنسيم السقط لقط :) لكن بس خت لينا بالك معانا :)
كـع , رسل الكروكي , خلينا نشوف صياح دا ووين كمان ,,
يوسف ابو سنينه , السغه من مغومات الحياه الزوجيه .. :)
كـع , تاااني , بدل تكرر المداخلات وصف لينا الشقه ولا صياح دي :)
| |
|
|
|
|
|
|
| |
داليا الكباشى
osman abdala
Magdi Ahmed Elsheikh
عبد الله كسلا
SHIBKA
ابو جهينة
ABUHUSSEIN
أبو الحسين
الامين موسى البشاري
عمر الفاروق
الصادق صديق سلمان
Mahmoud Mustafa Mahmoud
خالد عبد الله محمود
نادر النور آدم
عمر عبد الله فضل المولى
حبيب نورة
عاطف عمر
الصادق خليفة
ياسر السر
سيف بخيت موسي
بدر الدين الأمير
حمد عبد الغفار عمر
haroon diyab
عبدالله كع
willeim andrea
walid taha
هيثم التوم
Yousif A Abusinina
مريم بنت الحسين
فيس بوك
تويتر
انستقرام
يوتيوب
بنتيريست