|
|
|
 Re: أحب نانسي عجاج و أموت في موجة زاتها (Re: طلحة عبدالله)
|
ما عجبني
مزيكا تعبانة..ملتنا تأوهات زي العندها حمي
عولقت غنية العطبرواي
شياليين ما تعرف كيف
كل غنية كنت بقول الغنية التانية بتكون احسن.
ما صدقت انو السي دي انتهي طلعته وختيته في ركن قصي لمن يريد...
انصح ود الصايم بتعاطي حبوب الهلوسة الليبية قبل الاستماع حتي يستقيم الامر مع وجدانه
_
نانسي تتقن لسيد خليفة والحلاوي ...
| |
 
|
|
|
|
|
|
|
|
Re: أحب نانسي عجاج و أموت في موجة زاتها (Re: Amira Elsheikh)
|
نوبي يا عواليق
مفخرة دي على وزن مبخرة واللا الفيلم شنو ؟
واللا عشان قلت ليك إتا جيل مقبرة استاد الهلال يعني 
قمر بوبا يا حبيب
بالغت ياخ ....
إذا ما عجبك غناها عاين فيها طيب ..
من باب أن الله جميل يحب الجمال ياخ ..
أميرة المريخ
ما تدي تلفونك لأي رشاشة عواليق .
| |
|
|
|
|
|
|
|
|
|
Re: أحب نانسي عجاج و أموت في موجة زاتها (Re: Abdel Aati)
|
Quote: ما عجبني
مزيكا تعبانة..ملتنا تأوهات زي العندها حمي
عولقت غنية العطبرواي
شياليين ما تعرف كيف
كل غنية كنت بقول الغنية التانية بتكون احسن.
ما صدقت انو السي دي انتهي طلعته وختيته في ركن قصي لمن يريد...
انصح ود الصايم بتعاطي حبوب الهلوسة الليبية قبل الاستماع حتي يستقيم الامر مع وجدانه |
عشان كدة انا ناسبتكم با بوبا ياخي
ريحتني في حنان حبوبتي نفيسي ذاتها
| |
|
|
|
|
|
|
|
|
Re: أحب نانسي عجاج و أموت في موجة زاتها (Re: بلدى يا حبوب)
|
| Quote: و أموت في موجة زاتها |
الحي الله يا ود امى ....
برا وبعيد ..
هو انت بتموت كم مرة ؟؟ وووووووووووب .
دحين قبال دا ما اخدت ليك موته ؟؟
انت بس اسسسسكت اسمع ..
وادردق ..
ــــــــــــــــ
مبااااالغة يا عمران .. عرفت لى !
رفقة وموجة ودمعة عقبال الاوديسا !
| |
|
|
|
|
|
|
|
|
|
Re: أحب نانسي عجاج و أموت في موجة زاتها (Re: فيصل نوبي)
|
ياربي يوم كدي بالنهار فرح المواسم نفرعه
صوت القطارات من بعيد فوق الفلنكات نسمعه
اصحابنا والناس الزمان وكل المسافرين يرجعوا
المح حبيبي انا من بعيد يهجم قليبي ويقطعه
حزن السنين الفينا ساد انا وانتي سوا سوا ننزعه
ااااااااااخ ياقلبي الرهيف 
| |
|
|
|
|
|
|
|
|
|
Re: أحب نانسي عجاج و أموت في موجة زاتها (Re: عمران حسن صالح)
|
Quote: غايتو يا كونت ما فاضلكـ إلا تجيب طنبوركـ تقعد تجوعِر
دايماً الترابلة أهلي فاضحننا |
اجوعر ساكت ياعمران ياقريبي
والله انا كان ما خايف شيل الحال  كنت طقيت الورورو عديييل
ياخي نانسي دي براااااااااااااااااااها استغفر الله العظيم
| |
|
|
|
|
|
|
|
|
|
Re: أحب نانسي عجاج و أموت في موجة زاتها (Re: walid taha)
|
سلامات يا نوبي ...
وانا معاك في نفس الاحساس ودرجتو وزيادة كمان شوية
نانسي متفردة وحضرنا المؤتمر الصحفي وكان كلام بفهم زي ستو
المهم ...
عندي اسطوانه وكاسيت ....والعايزو بوصلك ولو كمان ود الصائم عايز برضو حنرسلو ليهو بالدي اتش ال ...
0نعمل على نشر الفن السوداني الاصيل )
(الكونت ..الصورة دي جبتها من وين )؟
محبتي
| |
|
|
|
|
|
|
|
|
|
Re: أحب نانسي عجاج و أموت في موجة زاتها (Re: طارق جبريل)
|
أخ فيصل - سلامات
بوست موفق والله - أسعد الله أيامك - بعد استسماحك
أستعير بروفايلك ... عشان عندي رائعة للأستاذة ناسي
مودتي
حمد
Quote: ياربي يوم كدي بالنهار فرح المواسم نفرعه
صوت القطارات من بعيد فوق الفلنكات نسمعه
اصحابنا والناس الزمان وكل المسافرين يرجعوا
المح حبيبي انا من بعيد يهجم قليبي ويقطعه
حزن السنين الفينا ساد انا وانتي سوا سوا ننزعه - الكونت |
أخ عبدالمجيد - سلام
كدي شوف الطقش الجاي دا
موجـــة فـــرح
-----
تقول لي "الموجة" موجة حلم معرد غادي
لا.. وحات الله دا حلم جميل ما عادي
لقيناه موجة فرح منداح همسات خذامى
يوت للمحبة ينادي
أنا الحيران أنا الضهبان في صحاري التيه
فقدت مشهادي
هدهدني وشوشني صبحني بعد سهري
بقيت متسامح.. فوق الصغائر... إنسان تاني
عويناتك بشوف فيها سيوف أجدادي
تقود خطواتي في حاضري
ومستقبل مبشر آتي
جات رشات الدعاش راكعة ... ساجدة
تقولك أديني شوية من أنفاسك
زرتينا براءة طفلة دابها تتاتي
تهومي بينا ترياق للبعاد.. سعيد الشافك
شريت قليبي تابعك سحابة ظليلة مكان ما ماشة
هايم... والله من زمان أنا كايسك
وجيهك بريقا شالع بدد غيوم ساحاتنا
قبالك ودرنا ... نفتش للفرح يوماتي
جاتنا تهادي غيمة صايم بشارة ساجد
حمدنا الله الجاد علينا وجابك
حمدنا الله الجاد علينا وجابك
حمدنا الله الجاد علينا وجابك . (حمد إبراهيم دفع الله)
| |
|
|
|
|
|
|
|
|
|
Re: أحب نانسي عجاج و أموت في موجة زاتها (Re: حمد إبراهيم محمد)
|
موجـــة فـــرح
-----
تقول لي "الموجة" موجة حلم معرد غادي
لا.. وحات الله دا حلم جميل ما عادي
لقيناه موجة فرح منداح همسات خذامى
يوت للمحبة ينادي
أنا الحيران أنا الضهبان في صحاري التيه
فقدت مشهادي
هدهدني وشوشني صبحني بعد سهري
بقيت متسامح.. فوق الصغائر... إنسان تاني
عويناتك بشوف فيها سيوف أجدادي
تقود خطواتي في حاضري
ومستقبل مبشر آتي
جات رشات الدعاش راكعة ... ساجدة
تقولك أديني شوية من أنفاسك
زرتينا براءة طفلة دابها تتاتي
تهومي بينا ترياق للبعاد.. سعيد الشافك
شريت قليبي تابعك سحابة ظليلة مكان ما ماشة
هايم... والله من زمان أنا كايسك
وجيهك بريقا شالع بدد غيوم ساحاتنا
قبالك ودرنا ... نفتش للفرح يوماتي
جاتنا تهادي غيمة صايم بشارة ساجد
حمدنا الله الجاد علينا وجابك
حمدنا الله الجاد علينا وجابك
حمدنا الله الجاد علينا وجابك . (حمد إبراهيم دفع الله)
| |
|
|
|
|
|
|
|
|
|
Re: أحب نانسي عجاج و أموت في موجة زاتها (Re: حمد إبراهيم محمد)
|
| Quote: غايتو اندريااا دي غير صوت الناس السمح الفي الخلفية داك ما شايف حاجة تانية |
سـلام يا فيصل، معاوية، طارق جبريل الخ،،
معليش يا طارق، يمكن إنت يكـون عندك مآرب أخرى!، لكن أنا أول شي لفتني في الغنية دي ك(كردافي) إنو الناس الفي الخلفية ديل ما بعرفوا (بكُّرّوا) ولا حاجة، والظاهر عليهم خرطوميين خالس.. يعني الناس العملوا مع نانسي الشريط ديل لو كان اجتهدوا شوية ومشـوا طرف سوق ليبيا ح يلقوا ناس أحسن منهم لأن كل اهل بادية كردفان من حمر ودارحامد وكبابيش ومجانين وغيرهم بتاعين جراري وكرير بالفطرة.. في أغنية الليمونة لحرم النور كان الشغل بتاع الكرير أجود وأنعم من دا.. ملاحظة صغيرة يا معاوية، زي ما قلنا الغنية من كردفان لكن صورة الفيديو من الشـرق! (شايفك في ضابط السجن صلحتها وجبت صورة relevant!.. تحياتي وشكري ولو في طريقة ضيفونا للقائمة،، ولو الشريط والسي دي متوفرات في السودان بنلقى ليهم طريقة من الشباب هناك..
| |
|
|
|
|
|
|
|
|
|
Re: أحب نانسي عجاج و أموت في موجة زاتها (Re: فيصل نوبي)
|
| Quote: لكن أنا أول شي لفتني في الغنية دي ك(كردافي) إنو الناس الفي الخلفية ديل ما بعرفوا (بكُّرّوا) ولا حاجة، والظاهر عليهم خرطوميين خالس.. يعني الناس العملوا مع نانسي الشريط ديل لو كان اجتهدوا شوية ومشـوا طرف سوق ليبيا ح يلقوا ناس أحسن منهم لأن كل اهل بادية كردفان من حمر ودارحامد وكبابيش ومجانين وغيرهم بتاعين جراري وكرير بالفطرة.. في أغنية الليمونة لحرم النور كان الشغل بتاع الكرير أجود وأنعم من دا |
الكلام ده ما تمشو فيهو ساي...
كلامك صاح يا عيسى ..وصاح جداً كمان ..
ياخ ديل ما سمعو الكر في أغنية عبد القادر سالم المصورة بتاعت " كل ما قلت ..قلت نغني " ؟؟
أتمنى إنك تكون سمعت وشاهدت تسجيل الأغنية المصورة دي ..
انا بعتبرو كان من أعظم الأغنيات المصورة ..
ال في شريط نانسي أسة ده ما " كر " ساي .. ده " كر علي" :)
ومع ذلك شكراً لإجتهاد نانسي والبحيييت في حد زاتو ما حاجة ساهلة ..
| |
|
|
|
|
|
|
|
|
|
Re: أحب نانسي عجاج و أموت في موجة زاتها (Re: عمر الفاروق)
|
نوبي وضيوفه
في البدأ سلااااام
و
يا شباب لحظة لو سمحتو بالله
شغلتكم دي غناء ولا سماحة!!!؟
وبالجد كلام عيسى وكلام عمر الفاروق ده ركزوا فيهو
الاغنية المكتوب عليها تراث دي (ما معروف تراث وين؟)
حاولوا القوها بلغته الاصل عشان تدققوا في انو الكلمات
ياها ذاته والا اتغيرت!؟
الشي التاني المهم البيجذب الناس الاغنية دي بساطة الموسيقي
والكلمات -الكرير في الاصل تناغم صوتي زمني محدد مختلف من واحد
لاكثر- وعادة الآداء الشعبي بيعجب الناس وده نفس الحاجة العملته
نانسي ذات نفسها في اغنية بلداً هيلي أنا- الاغنية بسيطة الكلمات
بايقاع الدليب الايقاع السوداني البسيط الذي في الغالب الاعم بيجذب
كل الناس .
شايف اخونا قمر بوبا قال انو نانسي تجيد الغناء لسيد خليفة و
الكحلاوي يا قمرنا ياحبيب غايتو نانسي في اغنية الكحلاوي - قالوا
البتبلبل يعوم- بالغت رسمي لانو في كوبلي كامل كررت فيهو مفرده
مرتين وهي عند الكحلاوي لا تكرر ابداً - حاول اسمعه من الدمعه ذارفه
الدمعه وحتعرف انا قاصد شنو.
بخصوص آدائها للغنيات الخالدة للفنانين العمالقة يا جماعة الاغنيات
دي في الاصل اثيرة في وجدان الناس ومحبوبة .
عشان كده قلنا ليكم افرزوا افرزوا
غناء ولا سماحة!!!؟
وترغبوا عودتنا المستفيضة في اقرب فرصة .
| |
|
|
|
|
|
|
| |
فيصل نوبي
Maawya Hussein
omer osman
الخير محمد عوض
محمد عبد الماجد الصايم
طارق جبريل
طلحة عبدالله
عمران حسن صالح
القلب النابض
Abdel Aati
بلدى يا حبوب
دينا خالد
نعمات حمود
عمر الفاروق
سفيان بشير نابرى
فيس بوك
تويتر
انستقرام
يوتيوب
بنتيريست