|
|
|
 Re: ♫ - أخونك - ♫♪♫ (Re: إبراهيم عبد الحليم)
|
الصورة ابيض و اسود وفعلا التلفزيون اياميها فى مرحلة السبعينيات ابيض واسود منه تنداح هذه الاغنية واغنية فى ليلة ديك لفنان شاب هو العندليب الاسمر وملحن مخضرم هو عمرالشاعر انطلقا فى ثورة غنائية رومانسية لاتزال اثارها باقية ليومنا هذا. لهذ الثنائى مع اضافة شاعر يكتب السهل الممتنع يظن كل من يسمع شعره انه يستطيع ان يكتب مثله وهو التجانى حاج موسى انطلقت ثورة الاغنية الرومانسية منطلقة من ام درمان حى العباسية لكل اصقاع السودان البعيدة
إبراهيم
| |
 
|
|
|
|
|
|
|
|
Re: ♫ - أخونك - ♫♪♫ (Re: إبراهيم عبد الحليم)
|
ياسلام علي ريدي الخلاك بقيت سيدي ...
ياسلام عليك انت ياخ رجعتنا سنين لوراء
ايام ابو الزيك ..زين الشباب ..والله ايام يازمان نبكي ونتحسر عليك
اكيد حنرجع ليك نتكي علي صوتك الدافئ ونقرشاتك علي الوتر الحنون
تسلم ياراقي
| |
|
|
|
|
|
|
|
|
 Re: ♫ - أخونك - ♫♪♫ (Re: عماد شمت)
|
عمدة يا ورد وحنية وامانى
زهت ايامك خضرة وشباب
لسه البوست فى بداياته وانت موعود فيه بالكثير والمثير
سياحة وطوف ومغنى
خليك قريب يا زول يا راقى معاك عبق زيورخ وبحيرات سويسريه منسابة
| |
|
|
|
|
|
|
|
|
|
Re: ♫ - أخونك - ♫♪♫ (Re: إبراهيم عبد الحليم)
|
نحيا ونموت علي هذه الزكريات الحيه والصورة الماثله امامنا
لذاك الزمن الجميل ..
كنا مجموعة نسمي فنان الجميل زيدان بي ابو الزيك او زين الشباب
زين الشباب جات من حفلة في مدينة الصحافه وكان يتغني وهو في قمة النشوة
وين يازين الشباب ماجيت حجبوك واللا نسيت ...ونحن كنا نتطفل في كل حفلاته
لنسمع ونستمتع وننوم علي انغامه ونحلم ونهلوس كمان بموسيقاه الراقيه
متعك الله حبيبناالعندليب الاسمر زيدان بالصحه والعافيه
لك المحبة والودحبيبنا ابراهيم
| |
|
|
|
|
|
|
|
|
|
Re: ♫ - أخونك - ♫♪♫ (Re: رانيه محمد الشيخ)
|
شكراً يا ابراهيم على الاغنية الجميلة دى ...
بالمناسبة عماد شمت الشهير بعماد عويس دا فنان قديييييم
وصاحب صوت شجى بس الغربة اللعينة اخدتو مننا من بدرى ..
التحية ليك وللفنان عماد شمت المعروف بـ " عماد عويس "
| |
|
|
|
|
|
|
|
|
|
Re: ♫ - أخونك - ♫♪♫ (Re: طارق جبريل)
|
الاخوة المتداخلون
تناقلت اخبار الاثير اليوم خبر حزين وهو وفاة شاعر هذه الاغنية اخونك وشاعر اغنية ما كنت عارف لعبدالعزيز المبارك الشاعر القدير محمد جعفر عثمان
رحمه الله رحمة واسعة واسكنه فسيح جناته
إبراهيم
| |
|
|
|
|
|
|
|
|
|
Re: ♫ - أخونك - ♫♪♫ (Re: احمد الامين احمد)
|
شكرا كتير استاذنا احمد الامين
بالرغم من اننى كنت اريد تقديم اعتذار عن الخطاء الغير مقصود الا ان رحيل الشاعرين لنباء جد محزن
أسال الله الجنة والمغفرة العظيمة للراحلين وان لايصيبنا ما بحزننا
شكر مرة آخرى على التوضيح الهام والمعذرة
| |
|
|
|
|
|
|
|
|
 Re: ♫ - أخونك - ♫♪♫ (Re: إبراهيم عبد الحليم)
|
Quote: ازيك يا استاذ ابراهيم ..
والله ليك وحشة يا راجل ..
ياخ رائع كعهدي بك ..
لا اتوقع منك الا كل ما هو جميل ..
دي نزلت خلاص ..
تحياتي للاسرة .. |
ابراهومة
وليك انت برضو وحشة
تحياتى لك ولاسرة جريدتكم ايلاف ايضا
| |
|
|
|
|
|
|
|
|
 Re: ♫ - أخونك - ♫♪♫ (Re: إبراهيم عبد الحليم)
|
Quote: نحيا ونموت علي هذه الزكريات الحيه والصورة الماثله امامنا
لذاك الزمن الجميل ..
كنا مجموعة نسمي فنان الجميل زيدان بي ابو الزيك او زين الشباب
زين الشباب جات من حفلة في مدينة الصحافه وكان يتغني وهو في قمة النشوة
وين يازين الشباب ماجيت حجبوك واللا نسيت ...ونحن كنا نتطفل في كل حفلاته
لنسمع ونستمتع وننوم علي انغامه ونحلم ونهلوس كمان بموسيقاه الراقيه
متعك الله حبيبناالعندليب الاسمر زيدان بالصحه والعافيه
لك المحبة والودحبيبنا ابراهيم |
عمدة
تسلم سيدى فالحديث معك سيكون ذو شجون لذلك خليك قريب
| |
|
|
|
|
|
|
|
|
 Re: ♫ - أخونك - ♫♪♫ (Re: إبراهيم عبد الحليم)
|
Quote: دايما الاسود والابيض فى اىىىىىىىىىىى شى له رونق بامارة الزواج بيكون العريس اسود والعروسه ابيض
لك التحيه ابراهيم |
اولا مرحب بيك اخت رانية ممثلة للجنس اللطيف فى هذا البوست المليان خيانة اقصد رجالة هههه
بعدين ما تميتى كل كلامك عليك الله واصلى
ودى
| |
|
|
|
|
|
|
|
|
|
Re: ♫ - أخونك - ♫♪♫ (Re: إبراهيم عبد الحليم)
|
Quote: شكراً يا ابراهيم على الاغنية الجميلة دى ...
بالمناسبة عماد شمت الشهير بعماد عويس دا فنان قديييييم
وصاحب صوت شجى بس الغربة اللعينة اخدتو مننا من بدرى ..
التحية ليك وللفنان عماد شمت المعروف بـ " عماد عويس " |
الاخ ابو جمانة
تعرفت على الاخ عماد بهولندا قبل عام ضمن فعالية نفرة عامر الجوهرى. وجدت الاخ عماد رجل جم الاخلاق دثم المعشر سلس ويتمتع بصوت غاية الجمال. كدى احكى لينا عن عماد بالله عليك زيادة شوية او ان الاخ عماد يحكى لينا عن نفسه؟
| |
|
|
|
|
|
|
|
|
|
Re: ♫ - أخونك - ♫♪♫ (Re: إبراهيم عبد الحليم)
|
الدكتور الفنان ...
عاطر التحايا ...
جميل الأداء و جميل الإختيار ...
أقول ليك حاجة ... صوت عركي طاغي في الأغنية دي ...
زيدان و عمر الشاعر ... كلام كتير ياخي ...
و مع التجاني الحاج موسى ابداعهم أكثر شروقاً ...
لو مشيت لزيدان جرب قصر الشوق ...
كلام كتير ياخي ...
مودتي و تشكراتي ...
| |
|
|
|
|
|
|
|
|
|
Re: ♫ - أخونك - ♫♪♫ (Re: إبراهيم عبد الحليم)
|
المطالبة باعدام فنان (حرامى القلوب تلب)
حول هذه المطالبة باعدام صاحب اغنية (حرامى القلوب تلب) دار حديث المدينة والخرطوم مدينة لا تنوم الا وتناول الشماار والبهاررات قد ازدادت رقعته ورونقه. الاهم ان هذه الخباراات كانها تساعد فى تلطيف جو الصيف الساخن وتضيف اكشن مماثل لما تقدمه لنا الهوليود. بل ان تقنية الاتصالات التى انتشرت فى كل ربوع السودان النائية والبعيدة بادخال الكول والمس كول ضخت على شركات الاتصالات مبالغ طائلة لن تدخل عليها ولو فى بلاد متقدمة لذلك زاد ابداع شركات الاتصالات فى ادخال خدمة (تحويل الرصيد) التى كانت ضربة معلم فالسودانى قبل ما يشترى طلب الفول بزيت السمسم يسعى ليضمن انه قد حول رصيد لتلفونه ولو بجنيه قبل ما يدفع حق صحن الفول. غايتو هنا فاتو اميركا ذااتو وهو مايدل على ان اولوية المعلومة قبل صحن الفول والشماار اهم من الشطة حتى ولو كانت الشطة الخضراء ظااتو.
القنبلة التى اطلقها احد الفنانين الرائدين وهو الفنان السنى الضوى الذى يؤكد كل من يعرفه بأنه فنان مهذب وعلى خلق جم قد شدت الساحة.
السني أبدى حزنه البالغ لما وصل إليه حال الأغنية السودانية، إلى الحد الذي ذرف فيه الدموع على حسب جريدة فنون بعد أن قرأ عليه الفنان البحراوى الذي كان يرافقه في تلك الزيارة قصيدة جديدة فرغ السني من تلحينها وأجرى وقتها السني مقارنه بين ما سمعه من كلمات وصفها بالرائعة وبين ما يردده الشباب من أغنيات علي شاكلة (حرامي القلوب تلب) و (قنبلة) و (ورا و ورا) وغيرها و إستهجن ساعتها الإيحاءات الشاذة التي تذخر بها الأغنية. ولم يملك السني وقتها دموعه من الانحدار بها آسفاً على ما وصل إليه الحال، ورد قائلاً: (المفروض الفنان البيغني أغنية (حرامي القلوب تلب) ده يقطعوا راسو في ميدان عام. بل أن السني ذهب إلى ابعد من ذلك حين هدد باعتزال الساحة الفنية وترك التلحين في حال استمرار الحال على ما هو عليه مما وصفه من تردي مريع طال المشهد الفني مؤخراً، مستهجناً في ذات الوقت كلمات أغنيات بعض الفنانين الشباب التي قال إنها وصلت الي درجة عالية من الحسية التي لا يمكن السكوت عليها.
وأضاف: أن البيوت تضم الأسر والأطفال والزوجات والأمهات ونحن مجتمع متمسك بعاداته وتقاليده ويرفض تلك الأنواع من الأغنيات التي تنزع عن نفسها رداء الخجل.
فتح الفنان المخضرم السنى بحديثه هذا الباب واسعا لحديث المدينة بين مؤيد ومعارض بل و حتى متندر من ما قيل فاحدهم كتب ضاحكا بعد ان سمع باسم الاغنية حرامى القلوب تلب فى قلب المحبوب قائلا (نان القلب فى حيطى) بل ان الحديث اصبح أعمق حول اصل وفصل وتاريخ الاغنية الركيكة أو الهابطة
فلقد كتب الاستاذ الاديب أحمد الامين أحمد فى موقع سودانيز اون لاين فى معرض رده لهذا الموضوع بأن المغنى والملحن الراقى السنى الضوى حجه فى الفن لحنا وغناء وهو بصير بالشعر المغنى
يتجلى ذلك فى تجربته الطويلة مع ثلاثى العاصمة (الحويج وابودية) وثنائى العاصمة (ابودية) رحمهما الله حيث لم يتغنى أبدا بأى مفردة هابطة او شعرا ركيكا يتجلى ذلك فى كل كلمات ابوشورة وشبيكة وغيرهما ممن تغنوا لهم. مقدرة السنى اللحنية ترفعه لمصاف ودالحاوى واحمد زاهر وعلاء الدين وتكاد تقترب به من مكانة برعى وبشير عباس ومحمد وردى .لذا إن قال السنى بإعدام تلك الاغنية الركيكة (عنوان الموضوع) وصاحبها فنيا فلنصدقه لان السنى خبير وعليم بالفن وضروبه. يكفى السنى فخرا انه لحن جل أشعار المبدع محجوب سراج
(لغير صلاح مصطفى ) حيث لحن لإبراهيم عوض من كلمات سراج :
قلبى يامعذبنى يامبكينى
وأغنية
لوبتفتكر الليالى تداوى جرحى
ولا تانى ترجع الافراح لقلبى
لا لا
انت واهم ياحبيبى
د ى الليالى أمر ليا
***
مافضل غير أغنياتى
فيها أكتب ذكرياتى
وغيرها
وكذلك لحن اجمل أغنيات إبن البادية كلمات سراج (عواطف- الجرح الأبيض)
لو نعيم الدنيا عندك أحرمينى
او جحيم الأخرة عندك عذبينى
الخ...
كما لحن لمحمد ميرغنى كذلك (فى عصر حسن بابكر)!!!
جيل الشباب الحالى ذهب لاستهجان ما قاله الفنان الملحن السنى الضوى وبأنه بالغ شوية بمطالبته باعدام الفنان.
فى رأى المتواضع بأن السنى احد فنانى ثنائى العاصمة المعروف رمى حجر فوق بركة ماء. هذه البركة قد تكون باردة او ساخنة تغلى او مخلوطة بزيت ونار قايدة ولكنه بحديثه حرك المدينة واثار مواجع تتم طبطبتها من البعض.
الفنان السنى والذين سبقوه مثل احمد المصطفى وحسن عطية عملوا الكثير لتبيان ان الفن رسالة و الفنان قيمة امام مجتمع كان ينظر لهم كصعاليق فقط لذلك تبحروا لجلب كلمات راقية والحان متطورة واداء سليم بل ذهبوا بعيدا حتى فى اللبس الشيك والاهتمام بالمنظر والملبس الراقى كان هذا فى الخمسينيات والستينيات.
فى عامنا هذا ٢٠١١ ينظر السنى ليرى بان كل ما فعله وزملائه من مجهود فاق التصور يضيع بين عينيه وهى لم تلامس التراب كما عينى تؤامه ابراهيم ابودية فتكن هذه التصريحات نتيجة للاحباط الشديد جدا.
الحياة صراع والفن كذلك برضو صراع بين الراقى والدميم. ديدن الكثير من الفنانيين الجادين كان هو تقديم ماهو راقى للارتقاء بالساحة وحتى لا يحتاج الناس للالتفاف للهابط كما ديدن استاذنا السنى الضوى.
ثانيا لم يقل احد بان ليس هناك فن هابط او ركيك ولكنه قديما كان يطلق عليه غنى قعدات. وقعدة لانها لاتتجاوز اصابع اليد الواحدة. هذا النوع من الغناء تغنى به بعض الفنانين وليس كلهم -ضمن هذه القعدة- كخروج عن جو الروتين وكان اكثرهم يطالب بان -مافى تسجيل يا اخوانا- لحرصهم على عدم مروق مثل هذه التسجيلات فى الفضاء العام وحتى خروج بعض هذه التسجيلات كان مستغرب ومستهجن منهم.
أخيرا طبعا المقصود هنا بحديث استاذنا السنى الضوى والله اعلم بل و أتمنى ذلك ملحا الاعدام لهذا الاسفاف الشديد والخروج بفن نظيف.
د. إبراهيم عبد الحليم
المانيا يوم ٢٣ يونيو ٢٠١١
| |
|
|
|
|
|
|
|
|
|
Re: ♫ - أخونك - ♫♪♫ (Re: إبراهيم عبد الحليم)
|
لو الامانى بايدى
كنت اهديك عيونى
واسقيك من وريدى
سلمت يا ,,,,,,,,,, عبدالحليم
| |
|
|
|
|
|
|
|
|
|
Re: ♫ - أخونك - ♫♪♫ (Re: منال)
|
Quote: لو الامانى بايدى
كنت اهديك عيونى
واسقيك من وريدى
سلمت يا ,,,,,,,,,, عبدالحليم |
بوردابية تدخل بوستاتى
يا لفرحى
بعد ده حق لى دخول بوستات منال
شكرى عزيزتى منال
| |
|
|
|
|
|
|
|
|
|
Re: ♫ - أخونك - ♫♪♫ (Re: إبراهيم عبد الحليم)
|
الفنان زيدان إبراهيم هو من اطلق عليه الفنان عبدالكريم الكابلى لقب العندليب الاسمر تيمنا بلقب العندليب للفنان المصرى عبدالحليم حافظ. فى اوائل ايامه اى زيدان ابراهيم كان الكابلى خير عون له. جمعت بين صداقة قوية انذاك لدرجة ان زيدان تغنى باغنية الكابلى آه لو تصدق بصورة إحترافية لدرجة ان صوته اقترب من صوت الكابلى جدا. الكابلى كما يقولون كان فى احيان كمدرب صوت لزيدان فى مخارج الحروف والاداء الصوتى التعبيرى. ان كان هذا صحيح الله اعلم ولكنه ما تداولته احاديث المدينة حينها
| |
|
|
|
|
|
|
|
|
|
Re: ♫ - أخونك - ♫♪♫ (Re: إبراهيم عبد الحليم)
|
شكرا يادكتور
ود اركويت ومشكيلا يامزمل ياودخيري ياقريبي يااخ انا ماقديييييييييييييييم للدرجة دي هههههها
كلمة فنان دي كتيرة علي لاني ماوصلت درجه فنان. الزي ده بيقولوا عليهو بغني مش فنان
انا كنت مشروع لفنان وفشلت ,,قلت اخلي العيش لخبازه وقبل ما يعدموني عدمت نفسي
لكن لسع محب للفن والفنانيين والموسيقي هي خلاص بقت في الدم مافي طريقه
كدي لمن نرجع يادكتور نشوف الباقي
دمتم عافيه
| |
|
|
|
|
|
|
|
|
|
Re: ♫ - أخونك - ♫♪♫ (Re: عماد شمت)
|
يا عمدة يا راجل يا مهذب
ما تستجيب للاحباط و لا حتى بعد المكان. قدم والله المستعان وما تنظر لاى عوائق. الفن رسالة حساسة لا تتحمل الركنة مثل الكلى لمن تقيف بتقيف مرة واحدة والى الابد بفشل كلوى ما فى فى النص.
بيناتنا لقاء قريب اقرب مما تتصور
انت فى زيورخ صاح؟
| |
|
|
|
|
|
|
|
|
|
Re: ♫ - أخونك - ♫♪♫ (Re: إبراهيم عبد الحليم)
|
مداخلة اعجبتنى
الناس في بلدي يزرعون كثير من الصبر الجميل ويحصدون لاشيء
ومن الطبيعي أن تأتي ردة فعلهم حسب المعطيات الموجودة.
حرامي القلوب تلب (اللون السائد في البلد)
اضربني انا رصاص(لغة حوار الساسة)
ورا ورا ورا (تصنيفنا عالمياً)
تعال بالعندك ابوي بسندك (فلس شباب وبورة شابات)
قالو إحتمال تنفجر قنبلة(توقعات شعبية يومية)
| |
|
|
|
|
|
|
|
|
|
Re: ♫ - أخونك - ♫♪♫ (Re: إبراهيم عبد الحليم)
|
سلام يادكتور
انا ساعة من زيورخ مش بعيد وياريت تزورنا وتطربنا وتتحفنا كمان
المهم خلي معاك التلفونات وياريت تورينا جاي متين عشان الواحد يشوف
ظروف العمل كيف وانت عارف اروبا دي من الناحيه بتاعةو الشغل
المهم مافي عوجه نشوفك ان شاءالله قريب
مافي احباط لكن الواحد عارف قدر نفسه وبقدر العندنا ومانقدر نسعد الحولينا
نعم هي رسالة ولكن حملها وتوصيلها ماساهل
البركه فيكم وفي باقي حملة الشعار (المحبه الخير الجمال)
خليك واصل ياجميل ...
| |
|
|
|
|
|
|
|
|
|
Re: ♫ - أخونك - ♫♪♫ (Re: عماد شمت)
|
Quote: المهم خلي معاك التلفونات وياريت تورينا جاي متين عشان الواحد يشوف
ظروف العمل كيف وانت عارف اروبا دي من الناحيه بتاعةو الشغل
المهم مافي عوجه نشوفك ان شاءالله قريب |
انشاء الله يا عمدة
| |
|
|
|
|
|
|
| |
إبراهيم عبد الحليم
عماد شمت
ابراهيم الصغير
مزمل خيرى
طارق جبريل
احمد الامين احمد
أشرف البنا
فيس بوك
تويتر
انستقرام
يوتيوب
بنتيريست