|
ود الصايم هرمتا في البورض؟ حبوبة "لنا" تمانية سنين مصاقرة البورضي
|
حاج ود الصايم ليهو ستة سنين وقال لقد هرمنا في هذا البورض طبعاً هو هرم بدليل إنو بقى ما بيعرف يحسب عد روحو ليهو تسعة سنين بينما هو برلومي جاء سنة 2005 وأنا كنتا سينير من 2003 جيت يوم 7 شهر 5 زي الليلة كدي لي تمااااااااااااانية سنين في عين العدو هرمنا بس؟ يا ود الصايم أختك بقت عجوز غابرين هنا في هذا البورض حسة كبرنا وعجزنا إيييييييييييه ألا ليتا الشبابا يعودو
يا سلالالالالالام الزول بيتذكر أيام زمان وكت كنا سغار هنا لسة بالله كانو بيرسلونا نججججججججري نجيب المرسال وكانو بيدقونا وبيشاكلونا نببببببببكي
إييييييييييييه أيام يا عيال جيبو قطرة العيون لي حبوبة "لنا" بقيت أشوف السطور دبل الكتابة دقاقة وعيوني حمرن
أيام السغرة ما بتتعوض والشباب مرحلة سممممحة غايتو يا وليداتي في البورد حتتعلمو كتييييير هنا وحتستفيدو كتييييييير خلو قلبكم على بعض وسامحو بعض وما تتزاعلو كتير ضبانة السجم دي ما خالاني أتم كلامي دي شنو دي المهم إستحملو كلام حبوبتكم دة ما تتضايقو أنا عارفة الشباب بيزهجو سريع من كلام الحبوبات وحتتدربو كتييييييير على الدواس هنا
جدو يعقوب نديدي في البورض مسجلين سوا في يوم واااحد إلا أقول ليكم سر هو أي فجة فيها سيرة كبر وعجز بيفز منها كان مفروض يجي معاي الليلة لاكين أبى ليْ كللللو كلللللللللو
أها ودعتكم لي الله ماشة أمسح دوا الرطوبة وأختا لي دلال في عيني الحمرت من مصاقرتي معاكم هنا ، كلام الحكيم الأداني القطرة كللللو كللللللو ما واقع لي بري يا يمة دوياتنا البلدية فيها الهودة والقنودة.. أقعدو طيبين
|
|
|
|
|
|
|
|
Re: ود الصايم هرمتا في البورض؟ حبوبة "لنا" تمانية سنين مصاقرة البورضي (Re: معاوية عبيد الصائم)
|
Quote: نرحب بالحاجة والحبوبة لنا ونرجو ابلاغ الخال ود الصائم التحايا
حفيدك معاوية ود بتك عزيزة |
حفيدي معاوية جيت؟ بتين رجعتا من اماريكا؟ جيدن جيت جيدن جيت يا حبيبي ووينا بتي عزيزة؟ مالا ما بتفقد أمها غير العصر؟ ود الصايم دة ختيت إيدي منو في الواطاة كللللو كلللللللو ما بيجي لي أمو غير فد مرة في اليوم وكل ما أسعلو يقول لي كنتا مع ود البشرى...ود البشرى دة مش إياهو ود بتول؟؟ كح كح كح كح، ناولني (كوز) موية عليك الله
| |
|
|
|
|
|
|
Re: ود الصايم هرمتا في البورض؟ حبوبة "لنا" تمانية سنين مصاقرة البورضي (Re: معاوية عبيد الصائم)
|
Quote: دى اخر صورة التقطت لخالو (محمد بن الصائم)الاول
والله ياحبوبة لنا خالو بقى ينسى كتير مرة ضاع مننا فى الحج .مرقه فى الطائف كدارى ..قال نسى الشيشة
بعدين مصر ليوم الليلة انو رئيس السودان عبد الله خليل
ياى ياى خالص ..مفكرين نركنو فى دار العجزة ..بقى مزعج
حفيدك معاوية بن الصائم الناثى عشر |
يا مشوطن كيفن يعني تودي خالك دايرة العجزة؟ كيفن يعني دة كلام شنو دة؟ وحات الله ارسل للفكي الجيلاني يجي يربطك مادام جنيت كدي...بس عليك بعدين مالو لو بقى ينسى؟ هو في اللصل كدي كان الصادق المهدي لاكين ودر حبيبي قايل روحو عبدالله بيك خليل...مسيكييييييين..
| |
|
|
|
|
|
|
|