|
|
 مريخ اهلي و زكريات دوري الخرطوم المحلي
|
الناس العجايز ذينا ممكن يتزكروا سخونة مباريات مريخ اهلي في دوري الخرطوم زمان في واحد من المواسم في التمانينات الاهلي غلب المريخ في الدورتين الاولي 2 صفر ياسر الحاج جاب فيها قون شرط من بره الخط و الغريبة الحكم اعاد الضربة بعدما ياسر دخلها و تاني ياسر الحاج شرط بيهاالشبكة وفي الدورة التانية برضو الاهلي غلب المريخ 1 صفر سجلو جمال الحبر و الاتنين اولادنا في الامتداد و في المبارة دي جمال ابوعنجة طار جوز علي جمال الحبر لكنه اصاب نفسه و الجماهير فلقت بالحجار لحدما الشرطة فكت البومبان
هل يعيد التاريخ نفسه و ينتصر الاهلي في الدورة التانية و جماهير المريخ تفرتق الكورة خاصة سمعت انه ابوجريشة ضرب زغبير قون الاهلي كف بعد نهاية كورة امبارح
|
|
 
|
|
|
|
|
|
|
 Re: مريخ اهلي و زكريات دوري الخرطوم المحلي (Re: khaleel)
|
الأُستاذ عبدالغفار ود محمد سعيد..
** سلام..
## الغريبه شنو أنو الأهلى يرش فريق الكفوه ,, الأهلى شدة مامتعود على رشهم محمود صالح وهو حارس مرمى جاب فيهم هدف والكوره إنتهت عليهو..
** والهدف دا إتنبأ بيهو الأنطون الكتف ليهم الكوره كما ذكر محمود فى إحدى اللقاءات التلفزيونيه ,, بأنو الانطون قال ليهو :- إنتو غالبين واحد صفر وإنت حتجيب القووووووون فى آخر دقائق المبارأه..
** ذكر محمود أنه تعجب من كلام الأنطون وأفهم الأنطون إنو هو حارس مرمى وليس مُهاجم "كذب المنجمون ......."
## أها الكوره باقى دقيقه على نهايتا تم إحتساب بلنتى لصالح الأهلى ,, وماقصر محمود جاب البلنتى وعليه إنتهت المبارأه... ذكرى هذا الهدف لاتزال عالقه بالذهن كما لو أن المبارأه كانت بالأمس ..
(ودام الود بين الجميع)
(ابو محمد فؤاد)
| |
|
|
|
|
|
|
|
|
Re: مريخ اهلي و زكريات دوري الخرطوم المحلي (Re: عبدالكريم أحمد الامين)
|
الاخ عبدالكريم
شكرا لسردك لمواقف تاريخيةو جميلة و هذا توثيق لزكريات الخرطوم محمود راجل خفيف الظل ,,مرة كانوا لاعبين مع احد فرق امدرمان و اعتقد انه العباسية و بعدين حصل تشابه في الوان الفنايل و الكورة كانت حقت العباسية و الحكم طلب من الاهلي يغيروا الفنايل والكورة كانت في استاد المريخ قاموا جابوا لهيم فنايل المريخ و بدوا يجدعوا لكل لاعب فنلة و يقوم اللعيبة يجدعوها تاني لمندوب الاتحاد و اضطروا يجيبوا ليهم فنايل من نادي الربيع
| |
|
|
|
|
|
|
|
|
|
Re: مريخ اهلي و زكريات دوري الخرطوم المحلي (Re: abdulgafar mohd saeed)
|
Quote: وفي الدورة التانية برضو الاهلي غلب المريخ 1 صفر سجلو جمال الحبر و الاتنين اولادنا في الامتداد و في المبارة دي جمال ابوعنجة طار جوز علي جمال الحبر لكنه اصاب نفسه و الجماهير فلقت بالحجار لحدما الشرطة فكت البومبان
هل يعيد التاريخ نفسه و ينتصر الاهلي في الدورة التانية و جماهير المريخ تفرتق الكورة خاصة سمعت انه ابوجريشة ضرب زغبير قون الاهلي كف بعد نهاية كورة امبارح |
الأخ عبد الغفار
تحياتى
مبروك فوز الأهلى على المريخ، اعطى المنافسة طعماً، وأيقظ المريخ من سباته قبل التسجيلات التكميلية
حادثة إصابة جمال أبوعنجة والتى ثار فيها جمهور المريخ ، أعتقد أن معلومتك فيها غير دقيقة
أصيب جمال بكسر فى الترقوة إثر تعمد أحد لاعبى الأهلى إيذائه، لا أذكر إسم اللاعب المعتدى
ولكن عرف عنه اللعب المؤذى ولم تكن حادثة أبوعنجة الوحيدة له .. أحاول أن أتذكر
لاعب آخر مشهور قام بإيذائه، يا ريت متابعى تلك الفترة مدنا بالمعلومة.
كما أن المباراة المذكورة كانت نتيجتها تعادلية بدون أهداف، وثورة جمهور المريخ لا علاقة
لها بالنتيجة بل بسبب الإعتداء المؤذى على لاعبهم المحبوب جمال أبوعنجة
| |
|
|
|
|
|
|
| |
abdulgafar mohd saeed
khaleel
عبدالكريم أحمد الامين
نادر الفضلى
فيس بوك
تويتر
انستقرام
يوتيوب
بنتيريست