|
Re: مراحل دورة حياة الانقاذ في كلمة ونص....!!! (Re: عبدالكريم الامين احمد)
|
** مرحلة مُخارجة الأموال الملحوسه للخارج وإستثمارها بإسم الزوجات والأبناء ,, او أصحاب الحظوه مقابل عموله تبدأ من 10% وتصل الى 30% **
** السمى ود الأمين أحمد. ** سلام.. ## ياخوى قلنا نساعد فى جلب المراحل دى ,, أو بأدبيات الإنقاذ :- خليها مستوره ,, مع أنو مستوره ذاتا مابقت مستوره ..(ودام الود بيننا)
| |
|
|
|
|
|
|
Re: مراحل دورة حياة الانقاذ في كلمة ونص....!!! (Re: امير طمبل)
|
Quote: مرحلة الاستعراص و الاستلحاس ما تنساها بالله سمعت قبل كده بالمرحلتين ديل
نسيت يعني ما وريتني رايك في الصورة العملتها بروفايل في الفيس بوك دي ولا حتي قولة سلام
|
هلا يا طمبلاوي.. وياخ المرحلتين الفووق ديل شرطوني بالضحك عديل كده.. واظنهما هي المراحل الحسسسسع احنا فيها في هذا الزمان الانقاذي
------ والصورة طبعا ماقدرت يا امير اعلق من الدهشة والاعجاب ولدرجة ما عرفت روووحي زاااتو وقلت ياربي الزول الوجيه ابو لمعة ده كيكي ولا ود الجيران
وتسلم لينا يازول يا زاوية ويا ضوئيا و يا زووووم يا انت
| |
|
|
|
|
|
|
Re: مراحل دورة حياة الانقاذ في كلمة ونص....!!! (Re: عبدالكريم الامين احمد)
|
مرحلة و لاتنسى نصيبك من الدنيا ( الاقتران بزوجات الشهداء)
و قبلها مرحلة ارسال الشباب الى محرقة الجنوب ( اعراس الشهيد و روائح المسك و محاربة القرود مع الدبابين)
و قبلها مرحلة تحدى العالم ( يا بريطانيا و امريكا لمي جدادك - ويا الأمريكان ليكم تسلحنا - امريكا روسيا قد دنا عذابهما، علي ان لاقيتهما ضرابهما - لن نزل ولن نهان ولن نطيع الامريكان)
و اهم مرحلة هى مرحلة النفخة الكدابة ( ناكل مما نزرع و نلبس مما نصنع)
و مرحلة تغبيش الوعى العام ( هى لله هى لله لا للسلطة و لا للجاه - و لا لدنيا قد عملنا نحن للدين فداء.)
| |
|
|
|
|
|
|
Re: مراحل دورة حياة الانقاذ في كلمة ونص....!!! (Re: عبدالكريم الامين احمد)
|
Quote: أنت نسيت أهم مرحلة بالنسبة للجماعة ديل مرحلة التدبيل ( الزوجة التانية ووضعها فى فلل سوبا الخاصة بالزوجات صغار السن)
وبنجيك لمراحل الأمارة السوداء فى كشك سوق ليبيا.
أسترسال الدقون. |
هلا يا نجاة وايوووه مرحلة المثني وثلاث ورباع ومقرو مع ذلك مرحلة عرس السكرتيرة ويا سبحان الله
وفي الانتظار لامر الامارة السوداء ف كشك سوق ليبيا ذلك الدقن الشهير الذي تم تسميته (من اجل ابنائي) وفي مقولة اخري (دعوني اعيش)
| |
|
|
|
|
|
|
Re: مراحل دورة حياة الانقاذ في كلمة ونص....!!! (Re: ندى صالح الطيب)
|
Quote: نسيت مرحلة امريكا روسيا دنا عزابها
ومرحلة العمالة لقوش مع الامريكان والتوثيق ليها فى بى بى سى والجزيرة
|
هلا ياندي وتحياتي ونعم انها مرحلة امريكا وروسيا قد دنا عذابها وعلي ان لاقيتها ضرابها ثم الطاغية الامريكان ليكم تدربنا...
واما مرحلة غوش فهي مرحلة عجيبة ومريبة ويمكن ان نقراها ايضا مع مرحلة المجاهدين الافغان العرب والدقانة الذين كانو يجوبون طرقات الخرطوم ومساجدها واشهرها مسجد جامعة الخرطوم ومن ثم مزارع الخرطوم في نواحي (بتري)...وحلة كوكو وهنالك ايضا مرحلة بن لادن ويا لها مرحلة
--------- ولاعليك بامر حرف الزا فنحن في الاستديو جايبين خبرو ومنذ افاداتك العلمية المفيدة في بوست محمد عبدالرحمن بتاع الكورتوزن ....؟!
| |
|
|
|
|
|
|
Re: مراحل دورة حياة الانقاذ في كلمة ونص....!!! (Re: اشرف السر)
|
Quote: بالله يا كيكي شوف لي مراحل:
- اللجان المنبثقة.
- المنسقين والمنسقيات
- اللجان العليا
- شركات الترحيل الاسلاموية |
Quote: - جلد الكديس
- الدغمسة |
هلا يا ابو الشوش والمراحل الجبتها دي كلها مراحل ليها ضل وبالذات الفي الكوت الاول دي ممكن نطلق عليها مراحل الماكلة والسفسفة وتشييد الكروش... وضف عليها مرحلة الشركات الحكومية الخاصة ببني دقن ومن لف لفهم من الرجرجة والحرامية..
------------ جلد الكديس والدغمسة دي طبعا مراحل (وكمابوية) وهي يمكن ان نطلق عليها (مرحلة ام هلا هلا) والشاهد بانها اتت عقب زنقات المجتمع الدولي والكردنة الحاصلة دوليا للبشير يمكن ان تطلق عليها اجمالا مرحلة (الكردنة الرئاسية)
| |
|
|
|
|
|
|
Re: مراحل دورة حياة الانقاذ في كلمة ونص....!!! (Re: Elbagir Osman)
|
Quote: كذب
ثم قمع
ثم فساد
ثم إنبراش
والآن تدخل عصر البلطجة
|
تحياتي يا الباقر وبالتاكيد كل تلك المراحل الصغيرة انت لخصتها في كلمة واااحدة وعنوانين كبري لماهية دولة الموتمر الوطني التي تتصدع وتتاكل اتوماتيكيا كونها تحمل جينات فنائها في داخلها كدولة فاسدة ذهابهها ضرورة تاريخية ملحة
وكل الود والتقدير
| |
|
|
|
|
|
|
Re: مراحل دورة حياة الانقاذ في كلمة ونص....!!! (Re: Ashraf el-Halabi)
|
Quote: سلام هندسة مرحلة الخج |
Quote: وما تنسى مرحلة الحلايف |
هلا يا ابو الشوش وحبابك فهل تنسي تلك الحلايف الشهيرة (وعلي بالطلاق مافي بورررري(طاقية) ازرق او اي كان لونه يخش البلد دي) وقبل ان يجف زبد الحليفة البلد خشتها ديشليون بوري زرقاء .. شي من نيبال وشي من هايتي واخريين اعتقد بانهم من رواندا
ومع الخج ممكن نقول ايضا مرحلة تكسير الثلج لمركز كارتر
| |
|
|
|
|
|
|
Re: مراحل دورة حياة الانقاذ في كلمة ونص....!!! (Re: عبدالكريم الامين احمد)
|
بوست لذيذ
لكنى اعتقد مراحل الانقاذ هى
1- الانقلاب العسكرى و الاستيلاء على السلطة فعليا 2- الانقلاب الاقتصادى بتنفيذ ما سمى بتبديل العملة و من الاستيلاء علىكل السيولة الموجودة فى السوق و السيطرة على التجارة الداخلية و الخارجية ومفاصل اقتصاد البلد وهذا هو الهدف الاساسى من انقلاب الانقاذ السيطرة على السلطة من اجل السيطرة على المال. 3- الاستمرار فى الحكم بقوة السلطة وسلطان المال
اما ما يتعلق بالعمل الدعائى المرتبط بالدين و تقلباته المختلفة من مشروع حضارى او اعادة صياغة انسان السودان ومن ثم نسيان كل ذلك فكلو ده يعد من قبيل التمويه الاعلامى والتغطية على الهدف الاساسى الاستيلاء على السلطة و المال و الاستمرار فى الحكم بقوتهما الى ابد الآبدين
| |
|
|
|
|
|
|
Re: مراحل دورة حياة الانقاذ في كلمة ونص....!!! (Re: حامد بدوي بشير)
|
Quote: أما عن مراحل الإنقاذ، فهي سبعة تبدأ بالجكة كما تفضلتم وتنتهي بالجكة ايضا |
هلا يا حامد ونعم صديقي الجميل عبد الكريم احمد وانا نتشابه كثيرا في الاسم لدرجة جننت الاخوة والاخوات هنا جنون تاريخي ومن الليلة خليك عارف (انا الكيكي) ابو محمد هو (الما كيكي) ولك ان تقيس.. وكما ايضا يتميز ابو محمد ببصمات الواضحة في مداخلاته الرصينة التي يلونها باللونين الاحمر والاخدر,,,
والانقاذ من الجاكة الي الجكة التي ستكون قريبا باذن الله يا حامد فلقد بلغ السيل الزبي وضاق الكيل ياااخ
وتحياتي
| |
|
|
|
|
|
|
Re: مراحل دورة حياة الانقاذ في كلمة ونص....!!! (Re: هشام المجمر)
|
Quote: 1- الانقلاب العسكرى و الاستيلاء على السلطة فعليا 2- الانقلاب الاقتصادى بتنفيذ ما سمى بتبديل العملة و من الاستيلاء علىكل السيولة الموجودة فى السوق و السيطرة على التجارة الداخلية و الخارجية ومفاصل اقتصاد البلد وهذا هو الهدف الاساسى من انقلاب الانقاذ السيطرة على السلطة من اجل السيطرة على المال. 3- الاستمرار فى الحكم بقوة السلطة وسلطان المال
اما ما يتعلق بالعمل الدعائى المرتبط بالدين و تقلباته المختلفة من مشروع حضارى او اعادة صياغة انسان السودان ومن ثم نسيان كل ذلك فكلو ده يعد من قبيل التمويه الاعلامى والتغطية على الهدف الاساسى الاستيلاء على السلطة و المال و الاستمرار فى الحكم بقوتهما الى ابد الآبدين |
هلا يا هشام وحبابك في بوست منعطفات وملامح دولة الكيزان العجيبة وكويس انك ذكرتنا مرحلة (تغيير العملة) وسطوة سياسات عبد الرحيم حمدي والاقتصاد المكوجن,, والملاحظ يا هشام في تصرفات الدولة الانقاذية كانت جانحة الي تفريغ الاشياء السودانية اقتصاديا وسياسيا وشحنها بسياسات صنعت خصوصي حتي تتيح لرحلة النهب والتدمير لكل مكونات الارض السودانية... وقد كان لهم وبعد عشرين سنة ما ارادو
وتحياتي
| |
|
|
|
|
|
|
Re: مراحل دورة حياة الانقاذ في كلمة ونص....!!! (Re: عبدالكريم الامين احمد)
|
حسب تسلسل النظرية الكيكية فان الانقاذ تعيش الآن مرحلة الورجغة .. وهي مرحلة تنافر وجفوة يعيشها افراد قبيلة بني كوز فى ما بينهم نتيجة تقاطع مصالحهم الرخيصة ، ومطاقشة بعضهم البعض في مراكز النفوذ والكنوز ، وهي مرحلة ما قبل الكوماج و الدشمان القادم قريباً في كراكير بني دقن. أو كما قال شيخنا ابو الكيك.
| |
|
|
|
|
|
|
Re: مراحل دورة حياة الانقاذ في كلمة ونص....!!! (Re: MOHAMED EL-BEELI)
|
Quote: حسب تسلسل النظرية الكيكية فان الانقاذ تعيش الآن مرحلة الورجغة .. وهي مرحلة تنافر وجفوة يعيشها افراد قبيلة بني كوز فى ما بينهم نتيجة تقاطع مصالحهم الرخيصة ، ومطاقشة بعضهم البعض في مراكز النفوذ والكنوز ، وهي مرحلة ما قبل الكوماج و الدشمان القادم قريباً في كراكير بني دقن. أو كما قال شيخنا ابو الكيك. |
هلا يا محمد ونعم نحن الان نعيش في مرحلة (الورجغة) الكيزانية في اعلي ورجغتها وسعيدين كوننا عشنا عصر الورجغة الكيزانية تلك وهي وكما تفضلت المرحلة التي تسبق الدشمنة والهردمة والانهيار الكبير الماشي بخطي ثابتة وببلوفات صارت تتقفل اتوماتيكي من اثر الفشل الظلم والفساد والورجغة الشديدة المفاجئة في كل نواحي الحياة وعما قريب سيكتب هذا الشعب الفضل بكلمته مرحلة السكتة الدماغية والموت الفيزيائي لهذه السلطة التي ماتت اكلنيكيا
وتحياتي يا ود البيلي
| |
|
|
|
|
|
|
Re: مراحل دورة حياة الانقاذ في كلمة ونص....!!! (Re: khaleel)
|
Quote: مرحلة الموت
موت مشروع الجزيرة
موت سودانير
موت السكة حديد
موت التعليم
موت الخدمة المدنية
مرحلة المفاصلة
مرحلة الفساد |
اووووه الخبير في شوون الحركة الاسلامية السودانية خليل قاسم وايضا مرحلة موت الجامعات والمعاهد العليا ومرحلة سطوة فن التطبيل قيقم وشنان واخريين نموذجا
| |
|
|
|
|
|
|
Re: مراحل دورة حياة الانقاذ في كلمة ونص....!!! (Re: عبدالكريم الامين احمد)
|
Quote: الإنفراد
الإنفراد بالشعب الأعزل
بعد التخلص من المعارضة المسلحة المتمثلة في جيش الحركة الشعبية بفصل الجنوب (لنظام لا يخاف إلا القوة)
ويمهد الإنفراد للنهب والبلطجة والتزييف بغير قناع (بدون دغمسة)
|
تحياتي يا الباقر وكل الود ونعم الانفراد بمرمي الشعب وتجريده من كل دفاعاته النارية المسلحة عبر تمييع القضايا مثل قضية السلام في دارفور وممارسة البلطجة في جبال النوبة والنيل الازرق وممارسة سياسية فرق تسد في الشرق وبتر الجنوب.
| |
|
|
|
|
|
|
Re: مراحل دورة حياة الانقاذ في كلمة ونص....!!! (Re: Nagat Sid Ahmed Elshiekh)
|
Quote: مرحلة نكران أختراق أجواء الوطن.
مرحلة تكفير كل من قال كلمة حق عن ظلمهم أو مس سيادتهم. |
هلا يا نجاة ومرحب ونعم انها مرحلة (السوناتا) ومرحلة الحدود الوطنية القاعدة في السهلة للغاشي والماشي والراشي
واما المرحلة التكفيريةفهي مرحلة لمن خالص قالو ربط السماء بالارض وصارت السماء هي الارض والارض هي السماء ولم يجسدوا سطوة الرب فقط بل جسدوا الوطن ذو المليون ميل مربع في شخص البشير فصار الوطن والوطن هو البشير
| |
|
|
|
|
|
|
Re: مراحل دورة حياة الانقاذ في كلمة ونص....!!! (Re: الشفيع محمد صادق)
|
في مراحل راحت شمار في مرقة
مرحلة يا الامريكان ليكم تسلحنا
مرحلة تغيير العملة
مرحلة اعدام ناس العملة الكانت صعبة
مرحلة شهداء رمضان
مرحلة فيصل مدني مختار اوووووو مرحلة فيصل الحسيني دي اهم مرحلة ده قال اشترى الف جمل لولاية كردفان وطلع الفواتير لما سالوهو الجمال وينها قال ماتت ده خطير
يا نجاة سيد احمد خليك من فلل سوبا اخونا الكان مدير البنك الزراعي في التسعينات صلح الادارات الاقليمية خلاها احلى من فلل سوبا وفي قلب الخرطوم وسكن فيها الزوجة التالتة هسة لافي صينية
| |
|
|
|
|
|
|
Re: مراحل دورة حياة الانقاذ في كلمة ونص....!!! (Re: عبدالكريم الامين احمد)
|
Quote: في مراحل راحت شمار في مرقة
مرحلة يا الامريكان ليكم تسلحنا
مرحلة تغيير العملة
مرحلة اعدام ناس العملة الكانت صعبة
مرحلة شهداء رمضان
مرحلة فيصل مدني مختار اوووووو مرحلة فيصل الحسيني دي اهم مرحلة ده قال اشترى الف جمل لولاية كردفان وطلع الفواتير لما سالوهو الجمال وينها قال ماتت ده خطير
|
نعم يا دكتور وهي مراحل صلاح دولار ورامبو والبدايات العسكرية الصرفة وسرعان ما تسرب الدقانة واختلط حابل الدقن التحت الكاب بنابل الافك رباط البووت فحكم الكضاب وحكم بالنبووووووت وتحياتي
| |
|
|
|
|
|
|
Re: مراحل دورة حياة الانقاذ في كلمة ونص....!!! (Re: عبدالكريم الامين احمد)
|
كسرة رئاسية علي خفيف كده اتخيل لي ما بطالة مع السادة والسيدات ضيوف الرحمن في مدارات هذا البوست---
يحكي في زمن حالي وزمن جاي وزمن لسع بان الريس النحرير قد رفع جنينة...!! الريس رفع جنينة...؟؟ ايوه الريس رفع جنينة ..!!! كان هذا الحوار هو مدخل لحوارات الشعب في كل كراكيره وجلساته التي اختفت عنها (الجبنات) والشواهي وحتي الطشمنجية من ابناء ذلك الشعب الفضل اختفت عن قعداتهم باقات العرقي الشحمانة لكي تحل مكانها قطرات خجولة من العرقي محمولة في زجاجات البيبسي وبعض الفتايل(الصغار صغار).. فلقد رفع الرئيس جنينة بعدما رفع كل اسعار الاشياء بما فيها العيش والبلح وكل المكونات التي حرمتهم من باقات العرقي الكبري والزيادات التي كانت تاتي ومسير القعدة يمشي صوب عوالم من الام فتفت والعكو ,, فاختفت كل تلك الطقوس وصارت القعدات اقل ما يوصف بها بانها قعدات (قرقاش)... (تضرب كاسك علي بطن جيعانة وثم تتونس مع السادة الحضور في الازمة والمعضلة التي حلت بالبلاد والعباد عن الرئيس الذي رفع جنينية),,,...!!! الريس رفع جنينة...؟؟ ايوه الريس رفع جنينة ..!!! طيب ياخي ما تربطو...؟؟؟ يا اخوي ده البربطو منو..؟؟؟ قال ليك الحاشية وكسارين الثلج مبسسسسسسوطين اربعة وعشرين قيراط من (رفعة الجنينة) دي... وزادو الدلاليك والمزازيك في القصر الرئاسي والريس المجنون يكشف ويجبجب وهم يكشفو ويجبجو وراه وفيهم تانين دخلو براااااااااااهم كده في (كومة نفسية) ورفعو جنينة اختيارية....!!! وعملو فيها هممممم زااااتهم مجانين وشعارهم( اذا جن الرئيس جنينا)...!!!!
| |
|
|
|
|
|
|
|