طبعاً أغلبنا مرّ عليه علي الأقل إيميل واحد زي ده. وكتييير مرّت علي إيميلات بتقول إنّي كسبت اللوتري أو إيميلي تم إختياره لجائزة!
ده طبعاً غير الإيميلات بتاعة عاوزين مساعدتك نطلّع كم مليون من وين كده ما عارف، وطبعاً نصيبك محفوظ!
وطبعاً الهدف من كل الإيميلات الزي دي إنّو الواحد يطمع ويدّي المحتالين ديل بيانات شخصيّة كافية لإنهم يفضّوا حسابو في البنك أو يفتحوا حساب بإسمه ويستلفوا قروش ويزوغوا!!
06-19-2011, 08:49 PM
Khalid Osman Jaafar Khalid Osman Jaafar
تاريخ التسجيل: 01-18-2005
مجموع المشاركات: 1031
رسلت لناس الشركة إيميل قلت ليهم بصراحة يا جماعة أنا كل يوم بتجيني إيميلات بتقول إنّي كسبت مسابقات وجوائز. معليش يعني، لكن أعرف كيف إنّو ده ما واحد منهم؟
06-19-2011, 09:30 PM
Khalid Osman Jaafar Khalid Osman Jaafar
تاريخ التسجيل: 01-18-2005
مجموع المشاركات: 1031
غايتو بعد البحث العملتو ده كلّو، توكلت ومليت الإقرار ورسّلتو ليهم
وفعلاً بعدها نشروا نتيجة المسابقة علي الموقع الكانت مطروحة عليه. وحوّلوني لشركة تانية كانت هي المسؤولة عن إرسال الجوائز
لكن بعد فترة بسيطة كده ناس الشركة الجديدة رسّلوا قالوا لي في مشكلة في موضوع ترتيب الإجازة وكده، والحل الأمثل نحن نرسّل ليك قيمة الجائزة قروش وإنت تتصرّف
قلت ليهم ما مشكلة! المهم الواحد يمسك القروش في يده!
وفعلاً رسّلوا لي شيك بقيمة الجائزة
لكن ما مشيت الإجازة لأنو بعد داك قروش الدراسة بتاعتي كانت علي وشك إنها تخلص. وفعلاً الحمد لله قروش الجائزة جات في وقتها!
سبحان الله!
لاحقاً عوّضت الوالدة بإنها تجي تحضر حفل تخرّجي
06-26-2011, 03:22 AM
Khalid Osman Jaafar Khalid Osman Jaafar
تاريخ التسجيل: 01-18-2005
مجموع المشاركات: 1031
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Khalid Osman Jaafar
فيس بوك
تويتر
انستقرام
يوتيوب
بنتيريست