|
|
 لمن القمرة ، كانت بت قــلبي اليمين..!
|
بهاك..
بهاك ،
عطـــّر غنايّ ،و مشاني فيك زفـة عبير ، رويانة من نضح غيمة، شليقة ، منسابة في ورق السفر..
تريانة بي لون الكلام ، نبض الورد ، عبق الشجن..
بهاك..
شداني في حض المسافة ، ضحكة وتر ،
غرقانة في نبض الحكي ،
لملم ،شتات الجبل البنفسج..و صراخ الليل الغُبار ،
رماني في دفق المعاني ،السايبة من نفس الحقيقة ،
شاترني فيك اٍيقاع اللحظة الفانية، المسكونة بعرق الجنون و صدف الريح الموهومة بالنواح..
بهـاك..
عبــّاني منك..
و خبــــّاني في جوف التمــني..
في رعشة المســاْ البيشابي لهمس الضـُحا ، غـرّقني في بحر النبض ، و اتناثر جواي ، فواصل بوح مكتولة بالضحك الكـآبة..
بهاك..!
ختاني في سكتك دفقة جرح ، شكل خطوة مجدولة في شبق المهــابة ،
صـوّر الليل البسافر في الغمام ، و متاكي في بحر الضو النزيف..
فجـّر الشوق الهواجس ، و رسم لونك.. شهقة مدار ، ضحكة شمس عريانة في الحفيف..!
كبر
|
|
  
|
|
|
|
|
|
|
|
Re: لمن القمرة ، كانت بت قــلبي اليمين..! (Re: Kabar)
|
يا قمــر..
يا قمر ، رُش الضو..
قول للنيل ، صفوة غُناك
خلي الزمن ،
يبقى اخضر ،
ينسج همس الفرح من بهاك
و النجيمة ترحل ،
في حضن الغيمة ،
تسأل الليل ، عن صفاك
و المحـّنة ،
ترجع ،
تشيل الضحكة من شهقة سناك
و التعب البيشابي ،
يمشي يرحل ،
يبعد بعيد عن خـُطاك
ياقمر ،
ما ترُش الضو ،
و قول للورد سر غناك..!
كبر
| |
|
|
|
|
|
|
|
|
|
Re: لمن القمرة ، كانت بت قــلبي اليمين..! (Re: Kabar)
|
ما ، لقيتك..
مرة ،
شــُفتك في اخر المـدى ،
ملفوفة بي توب الســراب
و شديت عليك وتر الرحــيل
و زادي من جمر العــذاب
خـُضت في بحر المتاهـــه..
ادمت خـُطاي حر اليبــاب..
و ما لقيتك..!
سرحت جوه ،
في جوف الظنون ،
تهت في وهج المواسم..
و ضعت في شبق الجنون..
و ما لقيتك..!
سألت عنك ،
جنون الريد ،
و هدير الريح
سألتك عنك ،
صدى النبض ، في قلبي الجريح
سقت الخطا في زحمة دروب..
و سكنت في حزني الضريح..
و ما لقيتك..!
شــلتك آهــة ،
جوه في رمل المسافه ،
سقيتك خاطري ،
و من صدقي ،
ضل الرهافــه
كاتلت فيك ،
قوافل الخروج ،
و رهاب جني الخرافه ،
و رجعت ،
سبحت في بحر الحروف ،
رسمتك ، كلمه من وهج الحصافة
و سألت عنك ،
سري الغريب ،
تعبي الدفين ،
موجه المخافــه..
و ما لقيتك..!
كبر
| |
|
|
|
|
|
|
|
|
|
Re: لمن القمرة ، كانت بت قــلبي اليمين..! (Re: Kabar)
|
ذات مــوج..
النيل ،
غادر مســارو ،
و سابني ف غابة النحــول
الفــرح..
خــاني و مشــى..
و الفراش عاف صدر الزهــور
البرق الســاهي ،
غشاني في لمحة حزن ،و هجــّاني في عزيف
الريح العجول
و الشــوق ،
الشــوق قــرّاني صورتك ،
و المطر قـــرّبني منك ..
لا الصــباح البينا ، طــلّ
ولا الحزن الفيني غامر ،
يقدروا يفرّحوا ذاكرتي بيك..
كبر
| |
|
|
|
|
|
|
|
|
|
Re: لمن القمرة ، كانت بت قــلبي اليمين..! (Re: Kabar)
|
ياجمــــــيله..
يا جميلة ،
زي ضحكة قمر ،
يا حنينه ،
زي صفو الرحابه
القاك متين ،
و الخطوة في دربك ،
ديمة ، مكتولة في ســرابا
و الحقول المن فوتك انتي ،
لسه ملفوفه بي يبــابا
القاك متين ،
عطر الورد شالك صدق ،
خطاك في جوف الكتــــابه
كبر
| |
|
|
|
|
|
|
|
|
|
Re: لمن القمرة ، كانت بت قــلبي اليمين..! (Re: Kabar)
|
فيــضك..!
فيضك وهج ، غمر جروف كل الخواطر..
حضن مسامات الهم ، سقاها الضو..
انشرح نبض المدارات القصية ،
اتلملم سحاب الفجر ، و جانا يركض ، خاطرو النــدى..
شاف عيونك ، غــزالتين ، و زمن مجروح بالفرح..
لقيتك في زمن غريب ، مكتوبة في ذاكرة الأماسي الندية ..
قريتك وكت المغيب ، و تليتو شروق نبضك لصمت الأفق ..
الحزن جواي حاضر ، شكلك غابة من النور المهيب..
و الخطوة نحوك بتزيد عمر..
كبر
| |
|
|
|
|
|
|
| |
Kabar
بله محمد الفاضل
Ishraga Mustafa
فيس بوك
تويتر
انستقرام
يوتيوب
بنتيريست