|
|
 حِصة..
|
أتاني ابني مسرعا يلهث وقال : أبوي الولد البحوم عريان وبخوفنا جا بره ...
قفزت من السرير وخرجت الشارع حفيانا .. ثم أشار إليه .. كان يجلس في طرف الشارع على حجر وضعه شباب الحي يجلسون عليه في الأمسيات للسمر..
تحركت نحوه.. وعرف إني اقصد.. كان شاب في أوائل العشرينيات.. يلبس قميص رث لا يلبس شي يستر أسفل جسده.. وتغطى عورته بنهايات القميص فقط فتستر به حينا.. ويعجز عنها فتنين أحايين ..
كانت الشكاوى قد كثرت في الشارع من هذا الشاب .. مروره بالشارع بشكله ذلك فقط يعد سبب ضيق لنساء الشارع.. غير أن بعضهن قد تحدثن عن نظرات متحرشة منه .. وقليلا قلن انه ينطق سفاهات حين يقترب منهن وهو يسير في طريقه .. أما الأطفال فقد قالوا انه يخيفهم .. ولا اعلم هل يخيفهم فعلا أم يخافونه شكلا ..
أسرعت نحوه قبل أن يختفي وأنا أصيح فيه .. اقيف يا زول .. وكنت اضمر شرا ..
وقف ..واقتربت منه
طويل نحيل لكن في جسده قوه ...عيناه صفراويتين ضيقتين تائهتين .. يضع سفة مقاسها كبير جدا .. ويحمل في يده خرقه مبللة بالسلي سيون ( صمغ نفاذ الرائحة عندما يشم يفعل فعل المخدر ) ..
قال مالك عاوز شنو ؟
أجبته بيدي لا بلساني .. كف صاموتي
ثم قلت له لو شفتك في الشارع تأني ما حا يحصل طيب .. حاول المقاومة .. فانفعلت وكررت الصفعة فالمقاومة تستفزني والتحدي يحرك في روح شريرة .. عرف نواياي .. فاثر السلامة وانصرف بعيدا عني.. وأنا أمطره بشتائم ووعود سيئة إن رائيته مرة أخرى.
ثم أغفلت عائدا مزهوا .. فقد نصرت أطفالي من الذي يخيفهم .. وكانوا جميعهم يشهدون المشهد .. ( محمد .. شهد .. شدن ) .. وكنت حريصا على حضورهم حتى يزال الرعب عنهم ويشعرون بالأمان.
بعد أن دخلنا المنزل أتت شدن وهي في الثالثة من عمرها وقالت لي : يابابا ليه دقيت الزول ؟!
قلت لها: عشان عريان وعشان بخوفكم ...
قالت... لي ما كنت تدقو ....!
قلت ليها : ليه
قالت لي : ما عندو ام !!!
وصب على راسي ماء .. وتبخر كل الإحساس بالرضاء الذي كنت اشعر به .. وكل شعور باني فعلت الصواب وحافظت على امن أسرتي انقلب إحساسا بالاحتقار ..
الشافعة ذات الثلاث سنوات تفهم المجتمع ونفوس البشر أفضل مني !!.. تتعامل مع اس المشاكل وتضع المبررات قبل النواتج .. وتصفح وتحاول العلاج الجذري
وما أنا إلا إنسان ########، يستأسد مستندا على عزوته وصحته ومكانته في المجتمع .. على شخص فقد كل هذا السند ، شخص عاش ماضي غير مفهوم وحاضرا مؤلما ومستقبلا مظلم ..
شخص تفتحت غرائزه ورغباته في شاع بدون أن تقوم أو تلبى ..
شكرا شدن شكرا على الحصة
فالمشكلة اكبر .. من إرهاب الضعيف
|
|
  
|
|
|
|
|
|
|
|
Re: حِصة.. (Re: وليد محمد المبارك)
|
Quote: وصب على راسي ماء .. وتبخر كل الإحساس بالرضاء الذي كنت اشعر به .. وكل شعور باني فعلت الصواب وحافظت على امن أسرتي انقلب إحساسا بالاحتقار ..
الشافعة ذات الثلاث سنوات تفهم المجتمع ونفوس البشر أفضل مني !!.. تتعامل مع اس المشاكل وتضع المبررات قبل النواتج .. وتصفح وتحاول العلاج الجذري
|
شكرا وليد
شكرا للحصة وتسلم شدن والولاد
رايت الكثير من هولاء فى شوراع
السودان..القاسية..لهم الخالق فقط
تحياتى
| |
|
|
|
|
|
|
|
|
|
Re: حِصة.. (Re: معاوية عبيد الصائم)
|
وليد
سلامات
ياخ انا والله العظيم مغيوظ من قريت بوستك, وصدقني لو ما قاومت نفسي كان عجاجتنا في السما هسع!
انت عارف يا وليد لو انت كنت معانا هنا في امريكا, كنت بلغت البوليس عليك بالتعدي على معوق! وصدقني دي فيها سجن و اعتذار لكل المجتمع, وربما يحكم عليك القاضي بقضاء فترة في خدمة المجتمع للتكفير عما فعلت.
وقد تكون خدمة المجتمع ديك في انك تخدم هذه الفئة بالذات !
الواقع غير ذلك!
انت في السودان!
مرة بتذكر في المحطة الوسطي امدرمان ونحن في البص جا ماري واحد عميان قدام البص, انت عارف السواق نزل وزيك تماما, قطع فيه كف وقعد ينهزره ويقول له :"انت وكت عميان ما تقعد في بيتكم يا....."
هنا في امريكا العميان لما يقيف في راس الشارع, كل اصحاب العربات مطلوب منهم بالقانون انهم يقيفوا لحد ما يقطع, ولو ما وقفت ممكن تاخد غرامة زي العجب!
الحل الوحيد انك ترد الحصة لبتك!
1- شوف الزول دا وين واديه من هدومك سروال وعراقي وربما اقعد وافطر معاه!
2- ابدا مشروع انساني لحماية المعوقين, كلهم, وخاصة المرضي نفسيا وعقليا, والعمل الجاد على ايواءهم و تكوين راي عام لتفهم مشكلتهم. واي زول مفروض يفهم انه ممكن في اي لحظة يكون في نفس الحالة واسوا!
3- امشي الاذاعة والتلفزيون واحكي القصة دي وابدا من هناك.
4- اعمل صفحة الكترونية باللغتين العربية والانجليزية واطرح فيها المشكلة وستجد مئات الناس على استعداد للمساعدة.
ما عارف اقول شنو لكني حقيقة حسيت بكفك على وجهي انا!
--
الله يكبر عقل بتك, وينمي فيها النزعة الانسانية, وتفهم الاخر.
بالله سلم لي عليها!
| |
|
|
|
|
|
|
|
|
|
Re: حِصة.. (Re: بدر الدين احمد موسى)
|
حبابك بدر الدين احمد موسى
حتى انت وقعت في فخ المحدودية
البنية كانت اشمل مننا الاتنين
حتى في امريكا بتاعتكم لا يستطيع القانون ان يلومني .. فقد كان هذا الشخص في تحرش حقيقي باطفالي .. واسرتي .. ولا كثر من مرة ... بل فعله هذا متعدى يشمل كل اطفال المنطقة ونسائها ..والشهود كتار
نفس القانون الامريكي هذا لا يتهاون حتى مع المعتوهين في قضايا الاطفال والنساء
انا دفعاتي بالنسبة قصاد هجوم محدود مبني على القانون وواحد ذايد واحد ، جاهزة ومنطقية ومبررة ويمكن كمان اشكر عليها وانصب بطل
فدفاعي عن اسرتي هو واجبي الاول لا مناص
البنية كانت نظرتها اشمل مني ومنك
اشمل منى لانها ارجعت الامر الى مسبباته الاولى .. ولم تهتم كثيرا بامر الافعال
قالت بالحرف الواحد ما عنده ام
يعني الزول ده مافي زول علمه ورباهو
وكانت نظرتها اشمل منك .. لانها ما بنت دفاعتها على ظروف وملابسات متلك .. لو ناقشتني من تلك الزاوية لانتصر انا .. لان ما قمت به هو ردت فعل على امر حماية اطفالي واسرتي .. وهو واجب
لكنها نبهتني للمسببات ..
وحركت انسانيتي لا القانون والواجب المباشر
وكانها تقول
يابا
ده ولد ما عنده ام رباه المجتمع لذا انتم مسئولن نوعا ما عن تصرفاته
وبرضو من زاوية تانية
تقول ياابوي عيب عليك ولو عندك الحق في الدفاع عن اسرته ان تهاجم من لا سند له ومن ليس ندا لك
بحساب المادية والقوانين
انا صاح
لكن بحساب نظرة شاملة وحساب الانسانية
انا غلط
Quote: الحل الوحيد انك ترد الحصة لبتك!
1- شوف الزول دا وين واديه من هدومك سروال وعراقي وربما اقعد وافطر معاه!
2- ابدا مشروع انساني لحماية المعوقين, كلهم, وخاصة المرضي نفسيا وعقليا, والعمل الجاد على ايواءهم و تكوين راي عام لتفهم مشكلتهم. واي زول مفروض يفهم انه ممكن في اي لحظة يكون في نفس الحالة واسوا!
3- امشي الاذاعة والتلفزيون واحكي القصة دي وابدا من هناك.
4- اعمل صفحة الكترونية باللغتين العربية والانجليزية واطرح فيها المشكلة وستجد مئات الناس على استعداد للمساعدة. |
الموقف ما موقف تفاخر وسرد افعال
لكن لابد ان يقال الاتي
منطقتنا بسبب جغرافيتها تعج بامثال الشخص هذا
كثيرين من اخوته يطرقون الابواب بصورة راتبة لطعام او كساء او خلافه .. وقد يكون احدى اسباب تجرئه على شارعنا هي المعاملة الكريمة التي وجدها هو ويجدها اهوته فظنها هوانا
ما عليا
بالنسبة لوصاياك
نمرة 1 نقوم بعملها قدر المستطاع وربنا يعين
2 ، 4 يدي علي يدك نبدا المشروع ده سوا شخصيا نمرة 4 ده تخصصي ممكن مع بعض نعمل الموقع وانا املاه باللغة العربية وانت عليك بالجزء الانقليزي منو .. ونشوف لينا ممول يقوم بامر تسجيل الموقع والاستضافة والتصميم والبرمجة علي
نمرة 3 دي عاوزه ليها واسطة وانا ماعندي
وشكرا كتير
وسلامك وصل للبت
ودي الكبير
| |
|
|
|
|
|
|
|
|
|
Re: حِصة.. (Re: معاوية عبيد الصائم)
|
, ولى يا حبيب ...
بدأت القراءة والنص غير مكتمل فى الشاشة وكنت اتخيل السطر القادم من الحــكى ...
والسطر الذى تخيلت فيــه وليد وهو يعود مسرعاً الى البيت ويأتــى حاملاً معــه جلابيــة
( تذكرت قصة الجلابية فى الاثر يا ليتها كانت طويلة ويا ليتها كانت جديدة )
فوجدت ( الكف الصاموتــى ) يملأ السطور
178 قيمـة يعمل المنهج الدراســى لوزارة التعليم العام على غرسها فى التلاميــذ فى السودان
الغريب نحن الاباء دورنا ان نكمل ونعزز هذه القيـم لكننا فى كثير من المرات نفقد هذه القيم مبررات وجودها وجدواهــا
( اى اب فينا بيقول ليه ولدو لو فى ولد شاكل .. كسرو ودقو طوالــى ) السطر دا بينســف حوالــى 30 قيمة يعمل المنهج على ترسيخها وتعزيزها
الطفل رجل صغيــر لديــه معايير خاصة بــه لكننــا بنفرض عليه ان ينظر للاشياء بمعاييرنا نحن الكبار
ترمــــة :
دا كلو مبلوع ويمكن ان يجاوب عليه الا هذه الكلمة ( ليــه يا ابوى ) بسمعها فى اليوم 100 مرة
| |
|
|
|
|
|
|
|
|
|
Re: حِصة.. (Re: وليد محمد المبارك)
|
( اى اب فينا بيقول ليه ولدو لو فى ولد شاكل .. كسرو ودقو طوالــى ) السطر دا بينســف حوالــى 30 قيمة يعمل المنهج على ترسيخها وتعزيزها
...................................................................................................
وليد و المتداخلين تحياتي
الأطفال مفطوريين على الفطرة السليمة ..لكن الكبار هم من يشوه تلكم الأشياء الجميلة في دواخلهم
كنا في نزهة ومعي سيدة كانت زميلتي في الجامعة ..استغربت تصرف إبنها و هو يقوم بضرب طفل يصغره باعوام -بضربة قوية في فم الطفل الصغير
و جاء رد السيدة سريعاً ..انا من السودان معلماهو و بقول ليهو لو زول ضربك اضربو طوالي !!!!!!! فعلاً التربية وظيفة لا تجيدها كل الأمهات
شكراً شدن
| |
|
|
|
|
|
|
|
|
|
Re: حِصة.. (Re: سناء عبد السيد)
|
| Quote: وصب على راسي ماء .. وتبخر كل الإحساس بالرضاء الذي كنت اشعر به .. وكل شعور باني فعلت الصواب وحافظت على امن أسرتي انقلب إحساسا بالاحتقار |
ما تعاتب نفسك كثير يا وليد اي واحد تاني كان حيكون ده رد فعله ..بالزات حتة التحرش بالنساء دي..اي شخص آخر ما كان حيتعامل غير كده .
انا متأكده لو كان الشخص ده شحات و لابس هدوم مقطعة انتا كنتا حتتديهو اكل و ملابس يستر بيها نفسه وفي النهاية نحنا بشر بتغيب عننا حقايق كتيرة بالذات في لحظات الغضب
شكراً لي شدن لفتت انتباهنا لي اشياء كتيرة .. اتلهينا بمشاكلنا و نسينا انه في ناس المجتمع ظلمن و انه همومن اكبر بكيتر من همومنا
| |
|
|
|
|
|
|
|
|
|
Re: حِصة.. (Re: سناء عبد السيد)
|
مرحب ستاء
لم تترك لي الصغير مجال لعدم لوم نفسي ..
مع انها هي من ارهبت من هذا الشخص
ومع انها صغير 3 سنوات
فقد تفهمت ظروفه واسبابه وبررت له وطالبتني بصورة خفيه ايجاد وسيلة اخري للعلاج غير الضرب
اذن ما هو عزرنا كمجتمع !!
لا يوجد عزر
خالص مودتي
| |
|
|
|
|
|
|
|
|
|
Re: حِصة.. (Re: وليد محمد المبارك)
|
وليد
سلامات
يا وليد لا يمكن ان تاتي باي مبرر لضربك لذلك الشاب!
ما عندك حق تضربه.
كنت ممكن تنادي البوليس (طبعا في السودان البوليس حا يبدا بضربه)
الواجب واجب دولة.
اديك مثالين:
الحكومة هنا مسئولة عن هولاء الناس. وبتعين ناس عديل كدة, و بتدفع ليهم ماهية لمراقبتهم, ومساعدتهم, لدرجة انه ممكن يدفعوا لامه او ابوه او اخوه ليرعاه, ويرسلوا ليه شيك كل شهر. وكتير ما تلاقي ليك شاب مهندم ماشي ليه مع واحد معاق عقليا واقول ابعد من كدة يا وليد انه مثل هذا المرافق يعطوهم الاولية في دخول كليات الطب وتخصصات علم النفس.
يعني ممكن يتعمل من الفسيخ شربات! وتتوفر وظايف في المجتمع لرعاية هولاء الناس. لكن يا وليد الحكومات ما بتجي براها للقناعة دي, لكن غالبا ما تجد خلفها جمعيات انسانية انشاءها اما اهل المعاقين, او بعض من دخلوا مثلك في تجربة معهم وتلمسوا بعض اوجه المشكلة, و كانت عندهم الرغبة في تغيير الحال المايل.
هذا واقع مؤلم يحتاج للتغيير, وجاتك فرصة لعمل شي ما! حا تعمل شنو?
المثل التاني
برضو هنا بتلقي انه في برامج تدعمها الدولة وتمولها لادماج هولاء المعاقين في المجتمع ومرات الحكومة بتدفع عديل للمصانع او المزارع او اي بزنس اذا استوعبوا بعض من يستطيع اداء الوظائف البسيطة من المعاقين. ومن لا يستطيع منهم العمل يجب ان تتوفر له العناية من الدولة والمجتمع.
يبقى كيف تحول تجربتك دي لشي مفيد?
اما قصة شافعة عمرها تلاتة سنوات تكون نظرتها اشمل مني ومنك, انا بخليها تستريح في محلها. لكن الظلم الواقع على البنات بطور فيهن اتجاه التعاطف مع الضحايا وتفهم وضعهم دي مفهومة في علم النفس.
ما عندي مانع اتعاون معاك لعمل شي.
| |
|
|
|
|
|
|
|
|
|
Re: حِصة.. (Re: بدر الدين احمد موسى)
|
مرحب تاني دبر الدين
Quote: يا وليد لا يمكن ان تاتي باي مبرر لضربك لذلك الشاب!
ما عندك حق تضربه. |
الكلام ده ما شرحتو لي شدن قبييييييييييييييل بصورة بسيطة
وانا فهمته
وفتحت ليه بوست كمان
مقر فيه ومعترف بسوء تصرفي
مبررات اني اضربو وادافع عن اسرتي موجودة ومقنعة
حتى قدام القانون كان هنا ولا في امريكا
لكن كان بالامكان افضل من الذي كان
الضرب والارهاب حل عاجز
يمكن يحل مشكلتي الشخصية ويبعده من محيطي
لكن ده ماحل للمشكلة
مفروض الحصل يكون شامل
يحل مشكلتي
ومشكلت الشاب ذات نفسو
واكيد القانون ما هو الحل يا بدر الدين
ولا الدفاع عن الشاب وتبرير افعالو بحجة انو معوق بكون الحل
حبابك
| |
|
|
|
|
|
|
|
|
|
Re: حِصة.. (Re: وليد محمد المبارك)
|
وليد
اهلين
طيب عشان نمش قدام
ممكن تتكون جمعية من الناس هنا, وناس في السودان ممكن ينضاف ليها اطباء ومهتمين بعلم النفس ووو
تتسجل الجمعية
يتعمل ليها موقع الكتروني
نعمل اتصالات بالجمعيات المماثلة في امريكا واوروبا للاستفادة من التجارب والتبرع
الاتصال بوزراة الشئون الاجتماعية-لو كانت في- واظن بدرالدين اسحق ممكن يساعد ونشوف هم ممكن يساعدوا بشنو
الاتصال بالبرلمان ووزارة الداخلية وبرضو نشوف ممكن يعملو شنو
و
و
و
رايك شنو?
| |
|
|
|
|
|
|
|
|
|
Re: حِصة.. (Re: بدر الدين احمد موسى)
|
100%
انا على بكل الجري في السودان
وانت عليك بالجري عندكم
انا على تصميم الموقع وبرمجته
انت عليك تشوف ممول وتسجل لينا الموقع وتشوف ليه استضافة ( في حدود اقل من 100$)
لو قلت نعمل جسم جديد ما عندي مانع
لو قلت نعمل برنامج في جسم قديم برضو ما عندي مانع في الاحسام القديمة واوعدك انها ما بتاعت كيزان
لكن قبل ما ننتحرك التحركات دي
لا بد من نشر الفكرة اون لاين هنا والترويج ليها
ثم نشرها في الاسافير بصورة عامة
نستقى اراء الناس ونمشي لي قدام
ولا كيف ؟
| |
|
|
|
|
|
|
|
|
|
Re: حِصة.. (Re: وليد محمد المبارك)
|
Quote: و جاء رد السيدة سريعاً ..انا من السودان معلماهو و بقول ليهو لو زول ضربك اضربو طوالي !!!!!!! فعلاً التربية وظيفة لا تجيدها كل الأمهات
Sana |
وليد سلامات و مشتاقين يا زول، ما شفتك في عرس امنة ولا ايمان ولا ما عزموك البنات الاتنين ديل و لا مالك؟
بنتك دي خليها بالله علي فطرتها كما قال احدهم اعلاه، لا تهودها ولا تنصرها و شوف كان ما مخها وزن بلد في كبرها، لووول
قول لي كان انا خليتها، الباقين ديل بخلوها؟
بصراحة ممكن بسهوله اقول ليك السلوك الامثل و انا قاعده في كنبتي دي و لكن الحقيقة لو لقيتني في مكانك ما كنت عارفة ممكن اعمل شنو
خليك انت الزول الهدد وجود اولادك و اذاهم و لو معنويا، انا قبل كم يوم قاعده في كافتيريا مع زوجي و ابني، قام في ولد اكبر من ياسين جا ماشي جنبه و دفرو ساكت كده، و ياسين دوب استوعب الحاصل كان ابوهو انتهز الفرصه و ناداهو و شرح ليه الضرب غلط ليه و شكره انه ما ضرب الولد و فهمه انه الولد هو الغلطان حتي لو الولد ما اتعاقب، خلي بالك ياسين تلاته سنين ما كملها، انا بصراحة اتغظت غيظة من الولد و من ابو ياسين و من ياسين زاتو، بعد مشي يلعب قلت لزوجي، كان تخليهو يدقو و منها الولد يتعلم، ابتسم و ما علق
بعد رجعت البيت و رقت و فكرت لقيتني غلطانة اكيد في تفكيري، لكن برضه لوحصلت حاجة زي دي تاني، ما بضمن افكر كيف :)
الشاهد، كويس انك استوعبت درس شهد، ربنا يحفظها و يخليكم ليها
| |
|
|
|
|
|
|
|
|
|
Re: حِصة.. (Re: Rihab Khalifa)
|
مرحب حبو صحبتي
عرس امنه حضرتو جيت انا والمدام سوا
قعدنا ورا هناااااااااااااااك
اما عرس ايمان عشان ما سالتك
كلمتني امنه يوم ضربت تعزمني لي عرسها هي
هاهاهاهاهاهاهاهاهاها
عليك اللع باركي ليها بالنيابة
وبيت مال وعيال
انا زاتي يا رحاب ما اضمن نفسي لو اتكرر الموقف
الموضوع ده موضوع نفسو طويل وعاوز تدريب
تحياتك بتوصل للعيال
وتحيالتي لـ يس وابوه
| |
|
|
|
|
|
|
|
|
|
Re: حِصة.. (Re: Rihab Khalifa)
|
مرحب حبو صحبتي
عرس امنه حضرتو جيت انا والمدام سوا
قعدنا ورا هناااااااااااااااك
اما عرس ايمان عشان ما سالتك
كلمتني امنه يوم ضربت تعزمني لي عرسها هي
هاهاهاهاهاهاهاهاهاها
عليك الله باركي ليها بالنيابة
وبيت مال وعيال
انا زاتي يا رحاب ما اضمن نفسي لو اتكرر الموقف
الموضوع ده موضوع نفسو طويل وعاوز تدريب
تحياتك بتوصل للعيال
وتحيالتي لـ يس وابوه
| |
|
|
|
|
|
|
|
|
|
Re: حِصة.. (Re: Rihab Khalifa)
|
وليد
سلام
اتفقنا.
بعدين انا ما عندي فوبيا كيزان, ودا شغل اجتماعي ومفروض يشارك فيه اي زول.
انا على امريكا-لحد الان ولو في ناس تانين ممكن تتقسم شمال وشرق وغرب وجنوب حسب استعداد اخرين.
اعتقد جسم جديد هو الانسب
بكري دا ما بستضيف الجمعية? نشوفوا وبعدين يندفع ليه.
للتمويل الابتدائي ممكن نفتح باب التبرعات هنا!
يللا يا جماعة ادونا:
1- اقتراحات
2- ابداء نية التبرع
3-المساهمة في صياغة اهداف ورسالة الجمعية
4-لو كانت لديكم اي مصادر للاستفادة منها مثل علاقات مع مؤسسات او اشخاص
| |
|
|
|
|
|
|
|
|
|
Re: حِصة.. (Re: وليد محمد المبارك)
|
ما بقدر الومك يا وليد كثير لان اي انسان هو بن مجتمعه نحن مجتمعنا مبني علي سياده القوي علي الضعيف
..الشاب اكيد مختل العقل لانه ما في ا نسان في كامل وعيه ممكن يظهر بالهئيه التي وصفتها دون خجل .
من حقك انت تحمي اطفالك منه .
لكن الطريقه التي تعاملت بها هي طريقه مجتمعنا انت قوي وهوضعيف انت علي حق وهومخطئ ويجب ان يعاقب .
يا ريت لوكانت في دور للاهتمام بامثالهم حتي ادا تحرش باطفالك ان تعامله بلطف وتسلمه لتلك الجهه المختصه لرعايته وحمايه الاطفال منه.
| |
|
|
|
|
|
|
|
|
|
Re: حِصة.. (Re: doma)
|
خالة دوما سلامات
كلامك سليم يا خالة
انا وهو جمعينا مارينا الامر ده
هو مارس قوته على اطفال ضعفاء .. وانا مارستها عليه
بس الفرق انو هو تفكيره غير سليم
وانا واعي وعارف
مشكلة كبيره
| Quote: يا ريت لوكانت في دور للاهتمام بامثالهم حتي ادا تحرش باطفالك ان تعامله بلطف وتسلمه لتلك الجهه المختصه لرعايته وحمايه الاطفال منه. |
يا ريت والله
| |
|
|
|
|
|
|
|
|
|
Re: حِصة.. (Re: وليد محمد المبارك)
|
داك عرفناهو عريان بي سببو .. مجنون وما عندو أم ..
ديل ماااالم ؟؟؟
والله يا وليد قدر ما قلبنت كلام بتك ده فوق تحت ما لقيت فيهو أي شي يدل على الحصة والدرس .. لكن نحن نسوي شنو مع وليد المبارك .. زحمت لينا راسنا بي إنو ولدك الصغير بيكاسو ودافنشي زمانه ومشيناها ليك ..لكن والله توصلا لينا إنو بتك سقراط دي ما بنستحملا ..
ربنا يحفظ لي كل زول أولاده ويخلي لي ليك الحلوين ديل ..
| |
|
|
|
|
|
|
|
|
|
Re: حِصة.. (Re: عمر الفاروق)
|
عمر الفاروق مشتاقين والله
ما حا اناقشك .. ياخ انت غالطة داليا لمن حردها المنبر
وكاااااااااااااااااااااااااااااك
الاخبار والاولاد
مالك يا زول مقطوع
ولا خلاص زهجت ومسخ ليك
| |
|
|
|
|
|
|
| |
وليد محمد المبارك
بدر الدين احمد موسى
بدر الدين اسحاق احمد
سناء عبد السيد
Rihab Khalifa
doma
عمر الفاروق
فيس بوك
تويتر
انستقرام
يوتيوب
بنتيريست