تفرجوا في فرية تراجي على الجمهوريين في مركز الخاتم!!!!!!!!!!!!!!!!

Quote: يا بشاشا سلام يا اخي ده مولد مبالغ فيه. وعارف ما يحدث حقيقي بيوضح بؤس الصفوات الناويه تحكمنا. الفيلم ده لو قلت لك المتورطين في شرعنته منو تقوم تجاري. ما تشيل الباقر العفيف لوحده جه القباحه كل الدجالين من عضوية المنافين مسؤلين معه. صحيح لم يتقاسموا معه قرشا ولكنهم مسؤلين عن هذا الاستغلال السيء لمعاني الاستناره وحقوق الانسان. فاتتك المسرحيه لما اراد الباقر ان يؤدب هاله عبد الحليم فضمى للمكز حوالي 25 جمهوري (تخيل تلاميذ الاستاذ محمود محمد طه) يتورطوا في صراع قذر مثل هذا وصوتوا لدعم الباقر؟! ما يفوت عليك تورط بعض الجمهورين في الامر منهم الباقر العفيف وبشير بكار و البقيه طبعا اسماء صغيره!! هنالك جمهورين كثر مستائين من هذا الصراع

Quote: بشير بكار مرحب. هسي في زمتك ده الموضوع؟ كم عدد الجمهوريين المعا الباقر؟ برضك مصر علي التذاكي زي غيرك؟ ما دام جابتك الظروف لي هنا، عملت اطرش ليش من موضوع البوست الاساسي؟ ولا صداقتك بالباقر اولي؟ الا يقدح هذا في مصداقيتك او انتا مقدم روحك كقائد او صاحب مشروع او كده؟ بالبساطة دي ممكن تدوس علي كل شعاراتك، مثلك، الملتفين حولها اخرين او مقدمنك ثقة بي ذمتك، من اجل عيون علاقتك الخاصة بالباقر كاخ جمهوري او كده؟ اها او كده انتا هسي فاكر روحك دافعتا عن الجمهوريين مثلا؟ البعرفو بشعتا بيهم بي زي تواطؤك هذا صمتا مع الباقر. قشة ما تعتر ليك، فقط اعلم الناس الانتو كايسين تسلقو ضهورم كساسة ما سذج للدرجة دي!

Quote: يا تراجي أنا كنت وما زلت بحترم حماسك الوطني وإن كنت لا أوافقك في كثير من مواقفك المتطرفة وتقلبات رأيك السريعة وميلك إلى تبسيط بعض القضايا وجعلها قضايا عنصرية أو قضايا جندرية ودخولك في صراعات قبل أن تلمي بتفاصيل ما يثار من قضايا و اعتبار وجهة نظر الطرف الآخر فيا عزيزتي على رسلك وشيء من التريث وهدوء البال حتى لا تضري بقضاياك مثلما يضر بها أعداؤك أرجو أن تعتذري عن هذه الفرية العجيبة ونكون أخوان نتبادل الإحترام مثلما كنا

Quote: يا تراجي إليك هذه المعلومة كان حضور الجمعية العمومية التي فصلت هالة من عضوية المركز 36 عضوا كلهم من داخل السودان كان عدد الجمهوريين بينهم بما فيهم الباقر6 فقط وإليك أسماء الخمسة الباقين محمد مجذوب/هنادي لطفي/ إشراقة محمد حسن/علي الزبير / محمد الفاتح العتيبي

Quote: 7)قصي مجدي سليم 8)ميسون عبد القادر (زوجة قصي) 9)خلف الله العفيف(اخ الباقر العفيف)

(عدل بواسطة لطفي علي لطفي on 05-18-2011, 01:38 AM)

Quote: يكتبها بل و يكرر أن الكذبة "بلغاء" .. فتأمل!!

Quote: الأخ الحبيب أمين تحيات ورحمة وبركة.. أولا : لا أحب أن أعتذر عن تأخري ولكن أحب أن أوضح لك السبب، وهو رغبتي في تأمل ما سيكتبه تلاميذ الأستاذ محمود محمد طه إذ ان أهل الدار أولى بصلاة الناس، ولا يجوز التقدم عليهم

Quote: : والله يا بشاشا فعلا الما عارف يقول عدس!! أنا رديت على تراجي في معلومة مغلوطة بشير سلام، حتي الان انتا جاكي من مواجهة موضوع البوست! اولا اي استنارة هذه لي شعب البمولا دافع ضرائب شعب اخر في دولة اخري؟ ليه الباقر جمع بين المركز والحزب، ليفجر المركز الممول اجنبيا الحزب؟ حزب وين او شنو البكون تمويلو اجنبي؟ ده كلو انتا عارفو سكتا عليه ليه او مررتو؟ Quote: إنت مالك ثائر كعادتك ومتحمي ومتدمي؟؟ لانها عادتي اشيل وش القباحة واقول البغلة في الابريق، الغلط وين؟ Quote: يعني إلا أعلق على موضوعك عن حق ولا أنا خارج الملة؟؟ طبعا لمان تدخل بوست، تزوغ من موضوعو او تمسك في القشور فده بثير الغبار حول مصداقيتك للاسف.

Quote: Quot: ياخي كلمة "جاكي" دي في العامية السودانية بستعمل للحيوان وخاصة للحمار، وإنت راجل يفترض أن تكون مهذب ما حقو تستعملها. يابشير، اول مرة في حياتي اعرف الحيوانات بتجك. والجك البعرفو مرتبط بالتمارين الرياضية او في الاستخدام الدراج بيستخدم لي مطلق جري بي معني هروب. . Quote: فإن أي منظمة مجتمع مدني في السودان وأي منظمة غير حكومية أجنبية تعمل في المجال الإنساني أو مجال التنمية في السودان ممولة من دافع ضرائب أجنبي برضو اول مرة اعرف اي منظمة مجتمع مدني حايمة في السودان تمويلا اجنبي من طرف! فلنفترض جدلا ده صحيح: فهل ده شئ كويس او نموذج يحتذي من قبلكم في مركز الاستنارة بتاع الخاتم؟ ام ده شئ شائه، خطير او خطأ فيهو تفريط في السياده اورهن لي مصالح البلد، او ده شئ تمام او بالتالي قيام مركز "استنارة" بي تمويل اجنبي شئ تمام يخدم مصالح الشعب السوداني! ياتو في الاتنين يابشير؟ كونو الممارسة الشائهة الضارة منتشرة ده ما مبرر اطلاقا لاعادة انتاجا كما تحاول تبرير قيام مركز الخاتم بتمويل اجنبي. بعدين ماتقفذ من تمويل المنظمات المدنية الي تمويل اجنبي لي دعم الحكومات للحكومات. النشاط المدني بي طبيعتو مفروض يكون اهلي صرف حتي علي المستوي الداخلي بعيد عن شبهة التدخل الحكومي، حتي لو كانت الحكومة ديمقراطية بمعني المفردة، والا فهذه المؤسسات ماعادت منظومات مجتمع مدني علي الاطلاق! لهذا عجيب ان يكون هذا فهم مؤسس حق، حقيقة، ولكن الجواب يكفيك عنوانو حقيقة! وكنتيجة طريقة تفكيرك ماثلة امامنا في فضيحة حق البي جلاجل!

Quote: ولا علاقة لهم بالاستناره ولا هذا المركز الا علاقاتهم القرابيه بالجمهورين.