|
|
 اليوم تم رفض تسجيلي في الدراسات العليا لاني سوداني
|
لقت قمت اليوم بالدخول الي موقع جامعة ليفربول يونيفيرستي وقمت بالتسجيل لماجستير ادارة المشاريع...
وبحكم انني اعيش في سلطنة عمان قمت بتعبئة البيانات علي حسب الاسئلة:
ماذا درست: هندسة التصميم الداخلي
اين تقيم: سلطنة عمان
في اي مدينة: مسقط
سنوات الخبرة: 11 سنة
الايميل: ......
تلفون المكتب: ....
الموبايل: ....
وكان هذا كل الموجود في الصفحة.
بعد ساعة ونصف تحديدا اتصل بي واحد اسمه ديفد وبدا يستفسر هل انت قمت بتعبئة تلك بالبيانات، اجبته بنعم، وبدأ يعطيني فكرة عن الجامعة، ولقد طال الحديث بيننا، واثناء الحوار سألني هل انت عماني، اجبته بكل فخر انني سوداني، وهنا تلعثم الرجل، وبدأت نبرته تتغير في الحديث وفي فجأة سألني هل لديك اي جواز سفر آخر غير السوداني قلت له لأ... هنا قال لي ان تلك الجامعة بريطانية وعندها شراكة امريكية، وحسب القوانين الامريكية يحظر علينا ان نقوم بقبول طلبة من السودان وسوريا وانا متأسف.
وكانت اجابتي بأنني سوداني وهناك فرص عديدة اتت لي بأن آخذ جنسيات اخرى لكنني احب السودان ولا يمكن احمل اي جنسية ثاينة لأنني افتخر بسواد بشرتي وجوازي السوداني.
والله مهانتك يا سوداننا الحبيب
وسأظل احبك لانك وطني العزيز
|
|
 
|
|
|
|
|
|
|
|
Re: اليوم تم رفض تسجيلي في الدراسات العليا لاني سوداني (Re: عبدالعزيز عبدالله محمد)
|
قريت الإيميل يا عبد العزيز و شكلها الشركة دي
Laureate online education
http://uol.ohecampus.com
هي شركة تقوم بالتسويق لنظام التعليم عن بعد لصالح جامعة ليفربوول
وهي كشركة امريكية حسب كلامهم لا يمكنهم التعامل مع (طالب سوداني)
تعامل مالي مع سودانيين او شركات سودانية ، بالرغم من كدا في طلاب سودانيين
عديل يمكنهم الدراسة في الجامعات الامريكية ذاتها وين المشكلة ؟
ديل ما طلاب سودانيين و اموال سودانية
لاحظ هو كاتب ليك انو لو داير تجي تدرس في الجامعة كطالب نظامي ما عندهم مشكلة
انا الغريبة الجماعة ديل راسلتهم قبل فترة للدراسات العليا عن طريق التعليم عن بعد برضو
و وافقوا و ما عندهم مشكلة و ما اعترضوا على موضوع الجنسية السودانية انا براي صرفتا
نظر عن الموضوع بسبب مدى الاعتراف بالدراسات العليا عن طريق التعليم عن بعد و لاسباب
اخرى خاصة
على العموم انساك من ديفد دا
دي كانت الكونتاكت بيني و بين الجامعة وكل مرة بترسل لي في الايميل عشان اواصل
اتصل عليها
Quote:
Mirna Hachem Yassin
Enrolment Advisor
+31 20 713 0233
Laureate Online Education B.V.
De Entree 59-67
1101 BH Amsterdam Z.O.
The Netherlands
|
يمكن هي شغالة في الفرع الهولندي للشركة دي
وديل ما عندهم شغلة بالحظر الاقتصادي على السودان
اذا ما نفع الكلام دا خاطب ناس جامعة ليفربول مباشرة
بالتوفيق يا حبيب
| |
|
|
|
|
|
|
|
|
|
Re: اليوم تم رفض تسجيلي في الدراسات العليا لاني سوداني (Re: عبدالعزيز عبدالله محمد)
|
الأخ الـحـبيـب الـحـبـوب،
عبدالعزيز عبدالله محمد،
تحياتي ومـودتي،
***- عليك ان تتوجه فوآ للسفارة البريطانية بمسقط وتطلب مقابلة السيد الملحق الثقافي وتعرض عليه البرقية واصل القصة، وان تصر علي معرفة اسباب رفض الجامعة قبول اوراقك، وان تصر علي معرفة ان كان هذا الرد من مسؤول بالجامعة..ام رأي شخصي لاحد الموظفيين بالجامعة. اؤيد بشدة كلام الاخ حاتم علي وانه من سابع المسحيلات ان تقوم جامعة اوروبية برفض قبول الطلاب او اصحاب الدراسات العليا بسبب جنسياتهم.
***- وبعدين بصراحة ياأخ عبدالعزيز الحكاية دي انا شغال فيها 12 سنة وماصادفتني زي حالتك.
***- اغلب الذين رفضت الجامعات في المانيا قبول اوراقهم كانت بسبب عدم اعتراف الجامعات الالمانية بالجامعات السودانية او غيرها...ولكن ليس بسبب العرق ولاالدين او بسبب جنسياتهم.
***- لك مودتي واتمـني لك التوفيق.
| |
|
|
|
|
|
|
|
|
Re: اليوم تم رفض تسجيلي في الدراسات العليا لاني سوداني (Re: بكري الصايغ)
|
لاخ بكري لك التحية
هذا ما حدث فعلا والايميل الذي اتاني اليوم موجود ... ومقر الجامعة في امستردام هولندا ... وفيما اذكر كان هناك اعلان للجامعة موجود في سودانيز اونلاين ... واذا لم تصدقني راسلني على الايميل الموجود اعلاه وسوف اقوم مباشرة بإرسال ما اتاني منهم ...
والرقم الذي اتصل منه ديفد هو: 00312207130000
واهو خليها دي تكون المرة الاولى التي تمر عليك مثل هذه الحالة ...
مودتي
| |
|
|
|
|
|
|
|
|
|
Re: اليوم تم رفض تسجيلي في الدراسات العليا لاني سوداني (Re: بكري الصايغ)
|
سلام يا حاتم و لعلك بخير ياخي
كلامك الذكرتو كلو سليم لكن الايميل بتاع عبدالعزيز بيوضح إنو قدم ل online Education و يبدو إنو الرفض جاء في الحته دي باعتبارها مسالة Information Technology و دي فعلا مشموله بالحظر .
يعني يا عبدالعزيز لو قدمت ليهم لدرسات عليا تمشي إنجلترا بالدرب و استوفيت باقي شروطهم ما أظن تكون في مشكلة ..
ربنا يوفقك و يسهل ليك
-----
الأخ بكري الصائغ ، كدي أقرا الايميل بالله ..
| |
|
|
|
|
|
|
|
|
|
Re: اليوم تم رفض تسجيلي في الدراسات العليا لاني سوداني (Re: أمين محمد سليمان)
|
الاخ امين
كلامك في جانب من الصحة لكن انا قدمت لي دراسة اكاديمية بحتة ومتخصصة في ادارة المشاريع يعني بعيدة كل البعد عن ال IT ... والله ربنا يهون القواسي ... ويزيح عننا البلا ...
يازول ديل دراسة سااااااااااااااكت عن طريق الانترنت رفضوني عاوزني امشي ليهم عديييييييييل كدة علشان يقولو جاييهم كإرهابي،،، ان الله هو الغني، اصلو الشقي .....
لك التحية
| |
|
|
|
|
|
|
|
|
|
Re: اليوم تم رفض تسجيلي في الدراسات العليا لاني سوداني (Re: أمين محمد سليمان)
|
الاخ امين
كلامك في جانب من الصحة لكن انا قدمت لي دراسة اكاديمية بحتة ومتخصصة في ادارة المشاريع يعني بعيدة كل البعد عن ال IT ... والله ربنا يهون القواسي ... ويزيح عننا البلا ...
يازول ديل دراسة سااااااااااااااكت عن طريق الانترنت رفضوني عاوزني امشي ليهم عديييييييييل كدة علشان يقولو جاييهم كإرهابي،،، ان الله هو الغني، اصلو الشقي .....
لك التحية
| |
|
|
|
|
|
|
|
|
|
Re: اليوم تم رفض تسجيلي في الدراسات العليا لاني سوداني (Re: أمين محمد سليمان)
|
سلام يا أمين
بقيت معلى القزاز و كدا بعد بقيت تكتب في الصحف السودانية لوووووووووول
الغريبة انا الناس ديل ذاتهم الشركة دي
Laureate Online Education
ادوني قبول لدراسات عليا اونلاين مع نفس
الجامعة ليفربول و انا الغيرتا راي
وانا لا املك سوى الجواز الاخدر اياه
ولحدي حسة ساكني بالايمل و التلفون
| Quote: باعتبارها مسالة Information Technology |
حسب كلام عبد العزيز انو مقدم لبرنامج ادارة مشاريع Project Management
ما Information Technology
و خليك من دا كلو يا بروف شوف اسمارت صاحبتنا
كانت قاعدة في امريكا ذاتها و يتدرس في الجاماعات الامريكية
| Quote: انه صحيح فى مقاطعة امريكية لكن فى كتير جدا من الطلبة اسودانيين بيقروا فى امريكا بالجواز السودانى بس. و انا كنت منهم حدى سنوات |
تحياتي اسمارت
| |
|
|
|
|
|
|
|
|
|
Re: اليوم تم رفض تسجيلي في الدراسات العليا لاني سوداني (Re: بكري الصايغ)
|
سلامات للاخ عبدالعزيز عبدالله محمد،
و الله يا اخى الحصل ده مؤسف جداو ما مفهوم ليه سبب. لانه صحيح فى مقاطعة امريكية لكن فى كتير جدا من الطلبة اسودانيين بيقروا فى امريكا بالجواز السودانى بس. و انا كنت منهم حدى سنوات
الموضوع غالبا ليه علاقة باالدراسة اونلاين. و محتمل موضوع تحويلات القروش بيبقى معقد شويه.
ذى م قالوا ليك حاتم و بكري الصايغ اعمل اى شى عشان تصل لنهاية المضوع ده
و بالتوفيق ان شاء الله
| |
|
|
|
|
|
|
|
|
|
Re: اليوم تم رفض تسجيلي في الدراسات العليا لاني سوداني (Re: بكري الصايغ)
|
الأخ عبد العزيز
سلام
حسب اللى فهمته أنو ناس الجامعة ديل بيعتبروا دراسة الطلاب من الدول المحددة دى هو تعامل مالى بين جامعتهم اللى حسب فهمى عندها علاقة أمريكية بتحتم عليهم الألتزام بقوانين الحظر.. وعموما الكلام دا صحيح وهو أنو أى شخص أمريكى أو شركة أمريكية ممنوعة من أى تعامل مباشر مع السودان..
الحتة اللى ما واضحة هى ليه أعتبروا التعامل مع شخص سودانى مقيم خارج السودان خاضع للحظر؟؟
زى ما ذكر الأخ حاتم هناك آلاف السودانيين داخل أمريكا وخارجها يتعاملون مع الشركات الأمريكية طالما لا علاقة لتعاملهم بالحكومة السودانية أو السودان جغرافيا..
نصيحتى ليك أن تتصل عبر الأميل بمكتب الأصول بوزارة التجارة الأمريكية وتوضح لهم التفاصيل .. وهم بينصحوك تعمل شنو كتابيا.. راجع الوصلة المرفقة فى رد الجامعة..
الحاجات دى بتحصل هنا برضو لأن الأداريين عادة ما ملمين بفنيات قوانين الحظر وبيتعاملوا بمبدأ الباب اللبجيب الريح..
تحياتى
| |
|
|
|
|
|
|
|
|
|
Re: اليوم تم رفض تسجيلي في الدراسات العليا لاني سوداني (Re: عبدالعزيز عبدالله محمد)
|
الأخ الـحـبيـب الـحـبـوب،
عبدالعزيز عبدالله محمد،
تحياتي ومـودتي،-
***- كلامي كان واضـح ياأخ عبدالعزيز،
***- عليك الذهاب للسفارة البريطانية بمسقط وهناك ستنجلي كل الحقائق. وصدقني، مهما كتبت من تعليقات او شرح لحالتك فلن يفيدك احدآ بشيئ لان اغلب المعلقيين علي "البوست" لايعرفون تمامآ خلفيات المشكلة بدقة وفقط من وجهه نظرك.
***- وفر مجهوداتك ياعبدالعزيز وكما اتصلت انت بالجامعة البريطانية اتصل كمان بالملحق الثقافي البريطاني بالسفارة وحدد مواعيد...
***- وعلي بركة الله امشي وربنا يوفقك.
***- وبعدين ياعبده، انت عارف انو مامن حقي اتكلم مع جـهة بالجامعة البريطانية باسـمك!!
***- لك مودتي اخي عبدالعزيز.
| |
|
|
|
|
|
|
|
|
|
Re: اليوم تم رفض تسجيلي في الدراسات العليا لاني سوداني (Re: بكري الصايغ)
|
Quote: ***- كلامي كان واضـح ياأخ عبدالعزيز،
***- عليك الذهاب للسفارة البريطانية بمسقط وهناك ستنجلي كل الحقائق. وصدقني، مهما كتبت من تعليقات او شرح لحالتك فلن يفيدك احدآ بشيئ لان اغلب المعلقيين علي "البوست" لايعرفون تمامآ خلفيات المشكلة بدقة وفقط من وجهه نظرك.
***- وفر مجهوداتك ياعبدالعزيز وكما اتصلت انت بالجامعة البريطانية اتصل كمان بالملحق الثقافي البريطاني بالسفارة وحدد مواعيد...
|
يا عبد العزيز جلي كلام عمك الصائغ ده تماما !!
إنت مقدم ل online Education و ده عليهو حظر أمريكي
| |
|
|
|
|
|
|
|
|
|
Re: اليوم تم رفض تسجيلي في الدراسات العليا لاني سوداني (Re: أمين محمد سليمان)
|
| Quote: ومقر الجامعة في امستردام هولندا . |
يا عبد العزيز
الجامعة بريطانية
جامعة ليفربول الواحدة دي
الشركة دي
Laureate Online Education
هي شركة IT تعمل كوسيط لرعاية برنامج الدراسات الاونلاين لصالح جامعة ليفربول
و تسويقه اونلاين و مقرها في هولندا
Quote: Study for Masters Degrees online
The University of Liverpool offers online degrees in conjunction with e-learning partner Laureate Online Education.
Our expertise in online degrees
Together we have developed a unique approach to online degrees, allowing you to complete a Masters programme 100% online.
Go to Laureate website
Each degree is designed to let you fit study around your schedule whilst still meeting our high academic standards.
Delivered in small personal classes, our online degrees provide an excellent forum for networking and international collaboration, giving you a worthwhile advantage in today's global economy.
University of Liverpool
Liverpool L69 3BX
United Kingdom
+44 (0)151 794 2000 |
هنا المصدر في صفحة جامعة ليفربول ذاتها
http://www.liv.ac.uk/study/online
| |
|
|
|
|
|
|
|
|
|
Re: اليوم تم رفض تسجيلي في الدراسات العليا لاني سوداني (Re: عزام حسن فرح)
|
Quote: بقيت معلى القزاز و كدا بعد بقيت تكتب في الصحف السودانية لوووووووووول
|
يا حاتم ، علي القزاز جزء من عدة الشغل !! 
Quote: حسب كلام عبد العزيز انو مقدم لبرنامج ادارة مشاريع Project Management
ما Information Technology
و خليك من دا كلو يا بروف شوف اسمارت صاحبتنا
كانت قاعدة في امريكا ذاتها و يتدرس في الجاماعات الامريكية
|
أنا قصدت إنو ال online education مسالة information Technology مش إنو الأخ عبدالعزيز عايز يقرا Information Technology
يعني بغض النظر عن مجال التحضير ، ال online Education محظور علي السودانيين باعتبارها مسالة Info Tech.
الحاجه الغريبة في الموضوع ده كلو بالنسبه لي ، كلامك ده : Quote: الغريبة انا الناس ديل ذاتهم الشركة دي
Laureate Online Education
ادوني قبول لدراسات عليا اونلاين مع نفس
الجامعة ليفربول و انا الغيرتا راي
وانا لا املك سوى الجواز الاخدر اياه
ولحدي حسة ساكني بالايمل و التلفون
|
و أغلب ظني انها دقسه منهم !!
| |
|
|
|
|
|
|
|
|
|
Re: اليوم تم رفض تسجيلي في الدراسات العليا لاني سوداني (Re: بكري الصايغ)
|
سلام يا عبد العزيز
لي اخت تعمل مع شركة بترول عالمية في السودان، بيبعثوهم للتدريب بصورة منتظمة، حدثتني انه في بعض المحاضرات البيقدمها له ارتباط بشركة امريكية، بيطلب منها الخروج من الغرفة لحدي المحاضرة تخلص، و المستغربه ليه انه يطلبو منها تجلس الامتحانات في نهاية التدريب عااادي، زيها و زي الحضرو ديل.و الاعجب من كده، ما بيجيبو ليها زول تاني ما امريكي او من شركة امريكية تعوضها التدريب
بعض الاخوة اعلاه تحليهم صحيح، اظن ما حدث لك يقع ضمن ما يمكن تسميته بال Prohibited Facilitation
"The Regulations prohibit the
facilitation by a U.S. person of the direct or indirect exportation or
reexportation of goods, technology or services to or from non-Specified
Areas of Sudan. Facilitation of a trade or financial transaction that
could be lawfully engaged in directly by a U.S. person or from the
United States is not prohibited. Likewise, performance of services of a purely clerical or reporting nature, such as reporting on the results of a
subsidiary’s trade, that does not further trade or financial transactions
with Sudan or the Government of Sudan will not violate the prohibition
on exportation of services to Sudan."
الكلام ده من صفحة السفارة الامريكية بالسودان في الرابط ادناه، في فايل من ال US gov. Treasury
فيه شرح اكبر للسانكشنز
US Embassy website / Sudan
كله عبط في عبط و ظلم في ظلم
بصراحة مع احترامي لمن درسو بالجامعة من قبل و من يدرسو بها حاليا ولكن زاتو ليفربول كجامعة ما بنصح بدخلوها حاليا، في جامعات في ترتيبهم اعلي و احسن منها من ناحية البحث العلمي و التدريب، في لسته بيعملها الHigher Education Funding Council for England
Research Assessment Exercise كل اربعة سنين بتعمل رانكينق للجامعات او سنوية حسب تقييم ال Financial Times برضه فيها معلومات احسن عن ترتيب الجامعات من حيث الابحاث
let me know if you want me to expand on this more, I worked in some British Universities
| |
|
|
|
|
|
|
|
|
|
Re: اليوم تم رفض تسجيلي في الدراسات العليا لاني سوداني (Re: Rihab Khalifa)
|
تحياتي يا دكتورة رحاب
| Quote: اظن ما حدث لك يقع ضمن ما يمكن تسميته بال Prohibited Facilitation |
بالنسبة ل Prohibited Facilitation
دا بينطبق على الافراد السودانيين الموجودين داخل السودان كإمتداد للحظر الإقتصادي على الحكومة السودانية
أكبر مثال لProhibited Facilitation هو بيظهر في تطبيقات الكومبيوتر و البرمجيات و امسكي من الويندوز
لو قريتي اتفاقية التشغيل بتاعت الويندوز بتقول انو البرنامج دا أمريكي و لا يسمح لك بعمل Setup ليه في جهاز
كومبيوتر موجود داخل السودان ، بغض النظر عن جنسية مستخدمه ، و لو عملتا Setup ما بسمح ليك
ب Online update to windows طالما انتا موجود داخل الحدود السودانية و تستعمل
Sudanese ISP to access internet
عشان كدا في السودان الناس بيستخدموا الويندز المقلد و برامج الكومبيوتر الغير اصلية
لكن الأمر دا كلو ماليهو علاقة بالسودانيين - خارج الحدود السودانية - لأن الحظر الاقتصادي أساساً قائم على
منع التعاملات التجارية و تبادل تكنلوجيا المعلومات Information Technology مع الحكومة السودانية او
أي افراد تابعين للحكومة السودانية بصورة او بأخرى و ليس على السودانين قاطبة على وجه الارض كافة
بناءً فقط على جنسيتهم السودانية لانه دي عنصرية
الافراد السودانين الموجودين خارج السودان و ليس لهم علاقة بالحكومة السودانية لا يوجد ما يمنع من أي
تعاملات التجارية او تبادل تكنلوجيا المعلومات Information Technology معهم و الدليل كلنا عندنا
نظام تشغيل ويندوز قاعد في اجهزتنا اصلى و بنعمل update عادي و مافي حد سألنا من جنسيتنا شنو
كمان حتى الFinancial transactions تحويل الاموال عديل كدا مسموح بيه للأفراد داخل السودان
ما داموا لا علاقة لهم بالحكومة السودانية شرط ان يتم ذلك عن طريق بنوك في دولة ثالثة
Quote: Financial transactions involving third country banks or non-SDN Sudanese banks located in the Specified Areas of Sudan
are not prohibited and do not require authorization from OFAC, provided that: the transaction does not involve activities in the non-Specified Areas of Sudan, the Government of Sudan does not have an interest in the transaction, and the transaction is not related to Sudan’s petroleum or petrochemical industries. However, any financial transactions that involve depository institutions that are located in the non-Specified Areas of Sudan, e.g., Khartoum, anywhere in the routing process remain prohibited and require authorization from OFAC regardless of the underlying transaction. |
المصدر :
http://www.treasury.gov/resource-center/sanctions/Documents/sudan.pdf
هنا في شرح وافي من US Department of Treasury للحظر الاقتصادي على السودام
CC: بروف أمين
| Quote: بصراحة مع احترامي لمن درسو بالجامعة من قبل و من يدرسو بها حاليا ولكن زاتو ليفربول كجامعة ما بنصح بدخلوها حاليا، في جامعات في ترتيبهم اعلي و احسن منها من ناحية البحث العلمي و التدريب، في لسته بيعملها الHigher Education Funding Council for England |
دا السبب الخلاني اصرف النظر عن برنامج الدراسات العليا في الجامعة دي برغم انو جاني قبول منهم
لي Online Study عبر الشركة الامريكية دي ذاتها الحسة رفضوا طلب عبد العزيز و في الغالب
الموظف (ديفد) دا ما فاهم الحظر الاقتصادي على السودان كويس
| Quote: let me know if you want me to expand on this more, I worked in some British Universities |
يا ريت تفصلي لينا اكتر يا دكتورة رحاب
| |
|
|
|
|
|
|
|
|
|
Re: اليوم تم رفض تسجيلي في الدراسات العليا لاني سوداني (Re: عبدالعزيز عبدالله محمد)
|
الاستاذ عبد العزيز،
سلامات و تحايا ..
اعتقد ان الشخص المسؤول عن التسجيل غير ملم بالتفاصيل
بخصوص قانون العقوبات الامريكية المفروضة على السودان
والجهة المسؤولة عنه هي الخزانة الامريكية لا وزاة التجارة
كما تفضل الاستاذ سيف.
قدمت انا شخصيا لجامعة امريكية للدراسات العليا ولم تكن جنسيتي
سببا لرفض طلبي والتحقت بدورات عديدة لدى جهات امريكية
ولم ترفضني ايضاً.
حصل امر مشابه لقريب لي يعمل في HP وتم رفض التحاقه
بدورة تدريبية و عند نظر الشركة في الامر و استشارة الخبراء
تم الحاقه بالدورة التدريبية. ما دمت متقدماً كفرد وتتحمل انت تكاليف
الدراسة ولست من منسوبي الحكومة السودانية او اي
شركة تقدم لها خدمات مباشرة فلا يوجد سبب لاقصاءك.
وبالتوفيق ان شاء الله،
| |
|
|
|
|
|
|
|
|
|
Re: اليوم تم رفض تسجيلي في الدراسات العليا لاني سوداني (Re: عزاز شامي)
|
Quote: الحتة اللى ما واضحة هى ليه أعتبروا التعامل مع شخص سودانى مقيم خارج السودان خاضع للحظر؟؟
زى ما ذكر الأخ حاتم هناك آلاف السودانيين داخل أمريكا وخارجها يتعاملون مع الشركات الأمريكية طالما لا علاقة لتعاملهم بالحكومة السودانية أو السودان جغرافيا... |
| Quote: ما دمت متقدماً كفرد وتتحمل انت تكاليف الدراسة ولست من منسوبي الحكومة السودانية او اي شركة تقدم لها خدمات مباشرة فلا يوجد سبب لاقصاءك. |
دي النجيضة في الموضوع دا
امسك في كلام سيف و عزاز دا يا عبد العزيز
في الغالب السيد ديفد الردا عليك دا غير ملم بتفاصيل
الحظر الاقتصادي على السودان
وانو الحظر دا مقصود بيه اي تعامل تجاري مع الحكومة السودانية
او افراد يتبعون لها داخل السودان و لا يشمل السودانيين في تعاملاتهم
التجارية - كأفراد - خارج الحدود السودانية
راجع هنا ممكن تنزل الملف الخاص بقرار الحظر الاقتصادي الامريكي على السودان
http://www.treasury.gov/resource-center/sanctions/Programs/pages/sudan.aspx
| |
|
|
|
|
|
|
|
|
|
Re: اليوم تم رفض تسجيلي في الدراسات العليا لاني سوداني (Re: SAIF MUstafa)
|
الاخوة والاخوات المتداخلين الكرام والذين لم يسعفني الوقت للرد على مداخلاتهم فردا فرد
المهم سوف اقوم بالاتصال بالسفارة البرطانية هنا وسوف استفسر منهم عن سبب الرفض ...
ولكن ما يحيرني بأنه هناك حظر علي السودان في بعض وسائل التقنيات فما دخل الدراسة الفردية للمواطن السوداني في هذا الحظر وخاصة انني مقيم خارج السودان وجميع التحويلات ستكون عبر مصارف هذه الدولة التي اعيش فيها ...عسى اجد عندهم الرد... ولكن اتمنى من كل من لديه معلومة يرفدها لنا هنا حتى تعم الفائدة.
لكم التحية جميعا
| |
|
|
|
|
|
|
|
|
|
Re: اليوم تم رفض تسجيلي في الدراسات العليا لاني سوداني (Re: عبدالعزيز عبدالله محمد)
|
الاخ عبدالعزيز، انا مسجّلة في University of Reading، في بريطانيا بنظام Part-Time، وازور الجامعة بانتظام... وبي جوازي الاخضر وصقر الجديان فيه... وفي كل مره امشي بريطانيا بستقبلوني بحفاوة وترحاب وبدخل بدون أي مشاكل... وبرسل ليهم الاسترليني حقّهم أول بي أول، وما حصل قالوا لي قروشكم دي احنا بناباها...
اتواصل مع ناس Liverpool مباشرة... اعتقد انه الزول ده جديد في الشغلانية، ومصعّبها حبّتين...
بالتوفيق
| |
|
|
|
|
|
|
|
|
|
Re: اليوم تم رفض تسجيلي في الدراسات العليا لاني سوداني (Re: عبدالعزيز عبدالله محمد)
|
و عليكم السلام يا حاتم
شكرا علي الرد.
كلامي الجاي ده تنظير و استنتاج ما مبني علي معرفة حقيقية، الحاجة الوحيدة المتاكده من كيفية حدوثها هي الاليات العامة لعمل الجامعات البريطانية و مكاتب القبول داخلها. باختصار جزء من العاملين بيها بيكون عندهم دراية قانونية، لانهم دائما عرضة انه يودوهم المحكمة بسبب التفرقة في تطبيق سياسات القبول، و اي حاجة بتطلع خصوصا لو مكتوبة زي الايميل لاخونا عبد العزيز بيكونو عاملين حسابها و ليفربول جامعة قديمة، اكاد اكون متاكدة انه الزول ده بيطبق قانون عام لارتباط الجامعة بالشركة الامريكية دي، و ده لا يمنع وجود الاستثناءات، و لكن اعتقد انها بتجي من سلطة اعلي من مكاتب القبول، و عليه اظن انه عبد العزيز بامكانه الحصول علي قبول اذا اثبت عدم وجود علاقة مباشرة بالحكومة او الاقتصاد السوداني، لووول
باختصار اعتقد انه سياسة الحظر مبنية علي ان الجميع محل شك الا ان يثبتو العكس
و الاثبات ده مرات بيجي بسهوله، مثلا يكفي انك تكون سوداني موجود بدولة اوروبية لعدد من السنين مثلا.
Quote: بالنسبة ل Prohibited Facilitation
دا بينطبق على الافراد السودانيين الموجودين داخل السودان
Hatim |
انا ما قريت تعريف الحظر بانه للسودانيين الموجودين داخل السودان فقط، علي اساس انه التعريف فوق بيقول انه الفاسيليتيشن ده مباشر او غير مباشر، و اعتقد انه لو عمر البشير مثلا او اي شخص مرتبط بالحكومة استقر بالخليج و طلب الالتحاق باي من الجامعات دي، حا يقولو ليه لا.
الجماعة ديل حتي في تعريفهم للفاسيلتيشن ده عملو كاتيقوريز للناس و الشركات علي اعتبار انضمامهم للحكومة السودانية او للسودان لو لاحظت التعريف
ايوه، حظر برامج الويندوز دي برضه اختي تعاني منها، و لكن برضه ما محدودة بالحدود الجغرافية السودانية، محدودة بجنسيتها كسودانية تساهم في الحياة الاقتصادية السودانية باعتبار انه عندها مرتب و بتدفع ضرائب، لانها في بعثاتها الكتيرة دي خارج السودان ما بتقدر تجدد اي ويندوز او تغير اي شيء من شروط الحظر و بحذروهم كل ما يسافرو انهم ما يخرقو شروط الحظر، و الشركة بتراجع كمبيوتراتهم اعتقد عن طريق برامج في السيرفر عشان يعرفو لو هم ركبو برامج اثناء سفرهم ولا لا، و عليه فهمت انه الحظر مرتبط بيهم كسودانيين يساهمو في الحياة الاقتصادية اكثر من ارتباطه بوجودهم داخل حدود السودان الجغرافية، و الخلاني اربطها اكتر بالجنسية غير الكلام المكتوب هو التطبيق، و الا ما عنده معني يطلبو منها الخروج من الفصل اثناء دورة تدريبيه منظمة خارج السودان، لانه المدرب امريكي او من شركة امريكية، الشركة الشغالة معاها دي اجنبية، ما ليها علاقة خالص بالحكومة او السودان غير انها عندها مكاتب بالسودان
ابن خالتي يعمل بنفس الشركة بايران، و يمر بمشاكل شبيهه
ياريت لو زول قانوني يفتينا
Quote: الافراد السودانين الموجودين خارج السودان و ليس لهم علاقة بالحكومة السودانية لا يوجد ما يمنع من أي
تعاملات التجارية او تبادل تكنلوجيا المعلومات Information Technology معهم و الدليل كلنا عندنا
نظام تشغيل ويندوز قاعد في اجهزتنا اصلى و بنعمل update عادي و مافي حد سألنا من جنسيتنا شنو
Hatim |
ده ملحوظة في محلها يا حاتم، لكن ما بقدر اعتمد منطقك الاستقرائي في بعضه و الاستنتاجي في البعض الاخر لاسباب
اولا، اضف علي ملحوظتك الفوق دي، انه في سودانيين و عندهم علاقة قوية جدا بالحكومة، سواء وزراء او شغالين في مناصب حكومية، و لديهم احدث برامج الويندوز و جوه السودان مع انه من المفترض الحظر يطبق عليهم، هل ده لانهم مستثنيين؟ اكيد لا، لكن اعتقد انهم بيطلعو بره، بيدخلو اي دكان بيشترو الدايرنو و يطلعو، و سيد الدكان ما بيقول ليهم وروني هل انتم سودانيين و هل ليكم علاقة بالحكومة السودانية?
الكلام ده زي منطق بيع الكحول في اوروبا، من المفترض الا يتم الا للفوق سن التمنتاشر، و لكن ده ما بيحصل دائما، و هناك الكثير من دون سن التمنتاشر بيشترو الكحول عادي، لو طبقنا نفس المنطق اعلاه، هل ده ينفي وجود قانون منع بيع الكحول للادني من سن التمنتاشر؟ ما اظن، و لكن بائعي الكحول ما لم يتشككو في سن الزول ما بيطلبو منه بطاقته
تانيا، اعتقد طالما انت بالخارج، انت علي دين من تعمل لديه و ارتباطك بالحياة الاقتصادية السودانية ما كبير - برضه ده تنظير مني.
في ظني انه قانون الحظر قائم علي مبدا ان الجميع مشتبه فيهم طالما يشاركو بالحياة الاقتصادية السودانية بصورة مباشرة ام لا، و خصوصا البيعلنو عن جنسيتهم في ظروف كطلب التحاق بجامعة مثلا، و علي المتظلم ان يثبت عكس ذلك.
برضه اعتقد تطبيق القانون اسهل من خلال الشركات او الجهات المنظمة البتوقع اتفاقات و تخاف من الجزاءات، و يصعب مع الافراد - عشان كده بنلاحظ وجوده من خلال التعامل مع الشركات و الجامعات، اكتر من وجوده كافراد.
يا عبد العزيز و حاتم اسفة علي الاسهاب، لكن احاول فهم الحصل و اعتبرو ده تفكير بصوت عالي
ياريت لو في زول قانوني متخصص في الحاجة دي يشرحها لينا، انا حابة افهم، لانه متغاظة جدا منها.
__________________
جدا يا حاتم، بحضر لي مداخلة اطول شوية و اعرضها عليك بخصوص الجامعات، معليش يا عبد العزيز لو خرمجنا ليك بوستيك :)
افضل لو قلت لي رحاب - without a title
| |
|
|
|
|
|
|
|
|
|
Re: اليوم تم رفض تسجيلي في الدراسات العليا لاني سوداني (Re: Rihab Khalifa)
|
الاخ عبد العزيز
اسهاما مع ما ادلي به المشاركون هنا اعتقد أن ما حدث لك فيه شيئا من سوء الفهم من طرف موظف بمكتب قبول جامعة ليفربول
حسب ما فهمت ان سبب الحظر اصلا ناتج من علاقات الجامعة بشركات امريكية التي هي علي علاقة بالادارة الاميركية باعتبار ان الحظر مفروض من قبل الحكومة الامريكية و لا علم لي ان كانت
بريطانيا تفرض حظر علي السودان ايضا
من واقع تجربة شخصية
انا تقدمت بطلب قبول للدراسة فى الجامعة الامريكية فى 2004 و قبلت و حصلت علي الماجستير بل حصلت علي منحة African Fellowship وهي ممولة من منظمة فورد فاومديشن
فى عام 2008 تقدمت الي عدة جامعة امريكية هنا بالولايات المتحدة لدراسة الدكتوراة و قبلت فى اكثر من جامعة وتمت معاملتي كما يتم التعامل مع كل طلاب الدكتوراة من امريكا اي لا ادفع رسوم دراسية
و اعمل عشرين ساعة فى الاسبوع مقابل مرتب لتغطية تكاليف الحياة و انا حاليا ادرس فى جامعة ديلاور بالساحل الشرقي بالولايات المتحدة و لم اسمع يوما عن اي حظر و حسب فهمي لقانون العقوبات انه لا دخل له بالافراد و خصوصا فى
مجالات التعليم و بناء القدرات الذاتية.
هذا بالاضافة الي ان القبول فى الجامعات حسب فهمي يمر عن طريق مكتب قبول ثم تحول اوراقك الي الكلية المحددة و هنالك متطلبات عامة للقبول للجامعة و هنالك متطلبات تتعلق بكل تخصص و اشك ان بوسع موظف بالرد عليك بمجرد
انك قمت بملء اورنيك التقديم ،الموضوع يتطلب وقت اطول من ذلك حسب تجربتي
اعتقد ان هنالك سوء فهم فى مكان ما فيما يتعلق بما حدث لك و ربما من الاجدي الكتابة الي رئيس مكتب القبول للتأكد من شروط القبول ربما ستجد اجابات سريعة وواضحة فى هذا الشأن
و اتمني لك التوفيق
بكري الجاك
| |
|
|
|
|
|
|
|
|
|
Re: اليوم تم رفض تسجيلي في الدراسات العليا لاني سوداني (Re: Rihab Khalifa)
|
الفلم ده لسه مدور ؟!
يا اخوانا المان ده في الايميل بتكلم عن online education ما عن قرايه بمشو ليها بالدرب و ده سبب الاشكاليه !
في ال Executive order بتاع الحظر علي السودان جاء ما يلي :
Executive Order 13067 of November 3, 1997 (“E.O. 13067”), and Executive Order
13412 of October 13, 2006 (“E.O. 13412”), imposed economic sanctions against “Sudan” and
the “Government of Sudan,” pursuant to, inter alia, the International Emergency Economic
Powers Act (“IEEPA”). These Executive orders generally prohibit the exportation or reexportation
of goods, technology , or services “to Sudan,” the importation of “goods or services
of Sudanese origin,” and the dealing in “property and interests in property of the Government of
Sudan.” E.O.13412 also prohibits transactions “relating to the petroleum or petrochemical
industries in Sudan.” OFAC implements these E.O.s through the SSR, which track the scope of
the orders by applying to Sudan and the Government of Sudan.
و لانو ال online education بيعتبر (exportation or reexportation of technology ) ال order الفوق ده بيمنعو !!
| |
|
|
|
|
|
|
|
|
|
Re: اليوم تم رفض تسجيلي في الدراسات العليا لاني سوداني (Re: أمين محمد سليمان)
|
| Quote: و لانو ال online education بيعتبر (exportation or reexportation of technology ) ال order الفوق ده بيمنعو !! |
يا بروف امين (الامريكي) حنانيك على السودانيين الدايرين يكملوا تعليهم (اونلاين) و كدا
يعني عشان انتا بروف و عندك جنسية أمريكية نحنا ما نقرأ يعني ؟ 
جوهر اختلاف وجهات النظر - حسب تقديري - في الموضوع دا هنا ما حول ان ال online education هو جزء من technology المشمول بالحظر ام لا
الخلاف حول هل الحظر دا بينطبق على السودانين كجنسية - أينما كانوا - ام على الحكومة السودانية (و الافراد المرتبطين بها) و السودان كرقعة جغرافية ام لا؟
راجع ال Executive Order مرة تانية و ردي على رحاب
تحياتي
| |
|
|
|
|
|
|
|
|
|
Re: اليوم تم رفض تسجيلي في الدراسات العليا لاني سوداني (Re: Rihab Khalifa)
|
هلا يا رحاب
وشكراً على الرد المفصل الوافي
عشان ما نشعب الموضوع على اخونا عبد العزيز ساكت حأركز أول في الجانب الذي يخص تقديمه لجامعة ليفربول
أولاً: الجامعة بريطانية و بالتالي لا ينطبق عليها أي من بنود الحظر الاقتصادي الامريكي على السودان و (تفاسيره)
لأن الحظر امريكي و يقع على الشركات الأمريكية و ليس البريطانية
ثانياً: قيام شركة Laureate online education بتسويق و تقديم برنامج الدراسة عن طريق online education
لصالح جامعة ليفربول البريطانية قد يؤدي تلقائياً الى خضوع جميع خدماتها للقوانين الامريكية بما فيها برنامج ال online education
وهذا بالضرورة يعني إلتزام الشركة - و الجامعة البريطانية الشريكة معها - بالحظر الاقتصادي الامريكي على السودان
ثالثاً : هل الحظر الاقتصادي الامريكي على السودان موجه للحكومة السودانية و السودان - كرقعة جغرافية - أم يمتد ليشمل (كل السودانيين)
أينما وجدوا إستناداً فقط على جنسيتهم السودانية ؟
للإجابة على هذا السؤال نرجع للقوانين الامريكية الخاصة بالحظر الاقتصادي على السودان :
| Quote: Executive Order 13067 of November 3, 1997 (“E.O. 13067”), and Executive Order 13412 of October 13, 2006 (“E.O. 13412”), imposed economic sanctions against “Sudan” and the “Government of Sudan,” pursuant to, inter alia, the International Emergency Economic Powers Act (“IEEPA”). These Executive orders generally prohibit the exportation or reexportation of goods, technology, or services “to Sudan,” the importation of “goods or services of Sudanese origin,” and the dealing in “property and interests in property of the Government of Sudan.” E.O.13412 also prohibits transactions “relating to the petroleum or petrochemical industries in Sudan.” OFAC implements these E.O.s through the SSR, which track the scope of the orders by applying to Sudan and the Government of Sudan. |
المصدر: http://www.treasury.gov/resource-center/sanctions/Programs/pages/sudan.aspx
حسب فهمي أنا للنص الفوق دا إنو المعني بالحظر دا (السودان) كبلد رقعة جغرافية و الحكومة السودانية
لاحظي النص بيقول :
"imposed economic sanctions against “Sudan” and the “Government of Sudan
ما قال:
imposed economic sanctions against “Sudanese” and the “Government of Sudan"
لأنه المعني بالقرار أصلاً الحكومة السودانية و ليس السودانيين كجنسية ، لأنه تطبيق حظر إقتصادي بناءً على الجنسية فقط يعد
Discrimination Based on Nationality and Almost Racist Act
و القوانين الامريكية لازم تتماشى مع الدستور الامريكي الذي ينبذ العنصرية
الدليل على كدا:
1. مئات السودانيين يدرسون في الجامعات الامريكية و في امريكا نفسها و هم سودانيون
2. العديد من السودانين خارج السودان لديهم شركات و يتعاملون تجارياً مع الشركات الأمريكية بعد ان يثبتوا ان شركاتهم ليست مرتبطة بالحكومة السودانية
3. في حالة عبد العزيز انا نفسي حصلت على قبول في جامعة ليفربول عن طريق الشركة الامريكية نفسها Laureate online education
مع علمهم التام بجنسيتي السودانية
4. عمل السودانيين الحاملين للجنسية السودانية في الشركات الامريكية في امريكا نفسها و في بقاع العالم المختلفة - ما عدا السودان -
نجي ياللا لي كلامك:
| Quote: الاليات العامة لعمل الجامعات البريطانية و مكاتب القبول داخلها. باختصار جزء من العاملين بيها بيكون عندهم دراية قانونية، لانهم دائما عرضة انه يودوهم المحكمة بسبب التفرقة في تطبيق سياسات القبول، و اي حاجة بتطلع خصوصا لو مكتوبة زي الايميل لاخونا عبد العزيز بيكونو عاملين حسابها و ليفربول جامعة قديمة، اكاد اكون متاكدة انه الزول ده بيطبق قانون عام لارتباط الجامعة بالشركة الامريكية دي |
لو كان قانون عام كما تفضلتي ليه جاني أنا قبول منهم عبر نفس الشركة الامريكية دي Laureate online education ؟
مع العلم أن جميع اجراءات القبول و الدراسة نفسها تتم عبر شركة Laureate online education
جامعة ليفربول من جانبها بتوفر الاساتذة و المقرر و بتدي الشهادة في الآخر
واضح إنو السيد (ديفيد) الردا على اخونا عبد العزيز غير متفهم للحظر الاقتصادي على السودان و يمكن يكون جديد و زي ما قلتي يمكن يكون خايف و عامل حسابه عشان كدا قال الباب البجيب الريح سدوا و استريح
Quote:
Quote: بالنسبة ل Prohibited Facilitation
دا بينطبق على الافراد السودانيين الموجودين داخل السودان
Hatim |
انا ما قريت تعريف الحظر بانه للسودانيين الموجودين داخل السودان فقط، علي اساس انه التعريف فوق بيقول انه الفاسيليتيشن ده مباشر او غير مباشر، و اعتقد انه لو عمر البشير مثلا او اي شخص مرتبط بالحكومة استقر بالخليج و طلب الالتحاق باي من الجامعات دي، حا يقولو ليه لا.
Rihab |
زي ما قلتا ليك فوق الحظر مرتبط بالتعامل التجاري للحكومة السودانية أو أفراد سودانين - مرتبطين بالحكومة السودانية (الجزيئة دي كانت ناقصة في كلامي الاقتبستيهو فوق) -
يعني لو افترضنا انو عمر البشير دا مثلاً تاب من البعمل فيهو دا و مشا لي اوكامبو و حاكموهوا على الجرائم ضد الانسانية بتاعته العملا دي ، و تم مدة حكمه و طلع و اصبح ما عنده ارتباط بالحكومة السودانية القائمة - و كان الحظر لسة مطبق على السودان - يحق ليه الاستفادة من خدمة ال online education البتقدمها الشركة الامريكية دي بالتعاون مع جامعة ليفربول
(كمثال فقط رغم إستحالته - وش اخضر ضاحك)
| Quote: ايوه، حظر برامج الويندوز دي برضه اختي تعاني منها، و لكن برضه ما محدودة بالحدود الجغرافية السودانية، محدودة بجنسيتها كسودانية تساهم في الحياة الاقتصادية السودانية باعتبار انه عندها مرتب و بتدفع ضرائب، لانها في بعثاتها الكتيرة دي خارج السودان ما بتقدر تجدد اي ويندوز او تغير اي شيء من شروط الحظر و بحذروهم كل ما يسافرو انهم ما يخرقو شروط الحظر، و الشركة بتراجع كمبيوتراتهم اعتقد عن طريق برامج في السيرفر عشان يعرفو لو هم ركبو برامج اثناء سفرهم ولا لا، و عليه فهمت انه الحظر مرتبط بيهم كسودانيين يساهمو في الحياة الاقتصادية اكثر من ارتباطه بوجودهم داخل حدود السودان الجغرافية، و الخلاني اربطها اكتر بالجنسية غير الكلام المكتوب هو التطبيق، و الا ما عنده معني يطلبو منها الخروج من الفصل اثناء دورة تدريبيه منظمة خارج السودان، لانه المدرب امريكي او من شركة امريكية، الشركة الشغالة معاها دي اجنبية، ما ليها علاقة خالص بالحكومة او السودان غير انها عندها مكاتب بالسودان |
في حالة اختك وجودها كسودانية - داخل السودان - وارتباطها بوظيفة بشركة تحرص على تطبيق الحظر الاقتصادي على السودان بخليهم يتأكدوا انو الكومبيوتر بتاعها - الخاص بالشركة - دا ما يحوي برامج ذات اصل امريكي لانها موجودة داخل السودان و اول اتصال بالانترنت البرنامج لمن يجي يعمل update بيرسل معلومات الجهاز و منها موقعه الجغرافي و كدا الشركة الامريكية المصنعة للبرنامج دا حاتحمل المسئولية و هي بدورها حاتحملها للشركة الشغالة فيها اختك
بس الحتة الما فاهمها دي انو يطلبو منها الخروج من الفصل اثناء دورة تدريبيه منظمة خارج السودان، لانه المدرب امريكي او من شركة امريكية !!!
دي عنصرية واضحة لا شك فيها ، و طالما هي بتعمل في شركة اجنبية ما ليها علاقة خالص بالحكومة السودانية مافي سبب يحرموها من التدريب دا مثلاً بناءً على جنسيتها فقط
ولو صحي الكلام دا من شروط الحظر الاقتصادي ليه بدوها الشهادة بتاعت اكمال الدورة التدريبية ؟ الشهادة دي اكبر دليل
ممكن يتفهم موضوع اسهام السودانيين (الموجودين داخل السودان) في الاقتصاد السوداني - عن طريق دفع الضرائب و خلافه - بانهم خاضعين للحظر الاقتصادي
لكن عمل السودانيين الحاملين للجنسية السودانية في الشركات الامريكية في امريكا نفسها و في بقاع العالم المختلفة - ما عدا السودان - بيدلل على ان الحظر دا مرتبط بالسودان كرقعة جغرافية موش السودانية كجنسية
ويا ريت فعلاً لو في احد المحامين السودانين بامريكا يفتينا في الموضوع دا بصورة اوضح
لانه دا كله تنظير زي ما قلتي
و أنا بأسف برضو على الاسهاب يا عبد العزيز و رحاب
ومنتظرك يا رحاب تفيدنا اكتر في موضوع الدراسة في الجامعات البريطانية خصوصاً موضوع online education & Online Degrees
هل هي معادلة للشهادات البتصدر من الجامعة للطلبة النظاميين البيدرسو في القاعات ؟
هل في فرق في فرص العمل و التقييم لحملة الشهادات بتاعت Online Degrees عن الطلبة النظاميين ؟
يا ريت يا رحاب - لو بيسمح عبد العزيز - تسهبي لينا برضو في الحتة دي و شكراً
رحاب (حاف بدون الدا ديك)
__________
سبب التعديلات تنسيق و اضافة
(عدل بواسطة حاتم علي on 04-23-2011, 00:05 AM)
(عدل بواسطة حاتم علي on 04-23-2011, 00:24 AM)
(عدل بواسطة حاتم علي on 04-23-2011, 00:29 AM)
(عدل بواسطة حاتم علي on 04-23-2011, 00:33 AM)
| |
|
|
|
|
|
|
|
|
|
Re: اليوم تم رفض تسجيلي في الدراسات العليا لاني سوداني (Re: حاتم علي)
|
الأخت رحاب
سلامات
دا اللى بعرفه عن الحظر وبصورة عامة.. وبأختصار شديد أتمنى ما يصعب الموضوع..
الحظر بيشمل اللآتى
أى شخص حقيقى أو أعتبارى موجود جغرافيا فى أمريكا..
أى شخص حقيقى أو أعتبارى موجود جغرافيا فى السودان...
أى شخص أمريكى حقيقى أو أوعتبارى موجود فى أى حتة فى العالم..
أى شخص حقيقى أو أعتبارى له علاقة بحكومة السودان ومصالحها فى أى حتة فى العالم.. وديل ممكن يكونوا ضمن لستة معينة أو خارجها وممكن يكونوا حسب مزاج الحكومة الأمريكية..
والتعاملات المحظورة هى أى تبادل أو تعامل بخصوص أى سلعة أو خدمات بين الناس الفوق ديل... وبيشمل برضو ممتلكات حكومة السودان وما له علاقة بها فى أى حتة فى العالم..يعنى الأخ عبد العزيز أذا فى حوزته أى من ممتلكات حكومة السودان فالحظر بيشمله رغم أنه ما من الناس الفوق ديلاك..
وهناك تشديدين خاصين بصناعة البترول فى السودان هما:
ليس هناك أستثناء جغرافى داخل السودان
أى شخص أمريكى حقيقى أو أعتبارى يحظر من أى تعامل أو نشاط عندو علاقة بالصناعة دى فى أى مكان فى العالم...
ألأستثناءات
مناطق جغرافية محددة فى السودان.. الجنوب والهامش..
سلع وخدمات معينة.. مثل المعدات والخدمات الطبية والزراعية وبعض برامج الكمبيوتر اللى بتستوفى شروط محددة.. ألخ..
وأى ترخيصات أخرى خاصة أو عامة ممكن تصدرها الحكومة..
أظن دى أهم حاجات الحظر والباقى كلو فنيات بتحكم تعريفات المسميات الفوق دى وتفاصيلها .. والفنيات دى ومحاولة التعامل معاها قانونيا هو اللى بجيب الكلام اللى سميتيه عبط يا أختنا رحاب..فما هو عبط بقدر ما هو وسيلة لتفادى القانون خصوصا والقانون دا فيه عقوبات جنائية..
http://www.treasury.gov/resource-center/sanctions/Documents/sudan.pdf
للجميع ودى
سيف مصطفى
| |
|
|
|
|
|
|
|
|
|
Re: اليوم تم رفض تسجيلي في الدراسات العليا لاني سوداني (Re: SAIF MUstafa)
|
الأخ عبد العزيز
المشكلة ما من الجامعة من الحظر المفروض على الحصول على أي خدمة عبر السايبر
لوحاولت تشتري أي حاجة ب credit card ما بتقدر وشركة ال credit card طوالي تضع أمر وقف على الكرت
ممكن تشوف حسابك فى البنك من أي بلد إلا السودان. حتى إذا الجامعة فبلتك ما حتقدر تفتح السايت الفيه الكورس ولا حتقدر تاخد الامتجان
ال IP address بمنعك.
| |
|
|
|
|
|
|
|
|
|
Re: اليوم تم رفض تسجيلي في الدراسات العليا لاني سوداني (Re: Asma Abdel Halim)
|
تحياتي للجميع
Quote:
الأخ عبد العزيز
المشكلة ما من الجامعة من الحظر المفروض على الحصول على أي خدمة عبر السايبر
لوحاولت تشتري أي حاجة ب credit card ما بتقدر وشركة ال credit card طوالي تضع أمر وقف على الكرت
ممكن تشوف حسابك فى البنك من أي بلد إلا السودان. حتى إذا الجامعة فبلتك ما حتقدر تفتح السايت الفيه الكورس ولا حتقدر تاخد الامتجان
ال IP address بمنعك. |
أنا شخصيا" درست في جامعة أمريكية و بالجواز السوداني بدون أي تعقيدات و حدث اني سافرت
الي السودان مرتين خلال الدراسة و كنت أخد الكورس أونلاين أثناء الاجازة و برضو بدون أي تعقيدات
و صدف إني امتحنت الامتحان النهائي و انا في السودان !!
الكلام دا عاوز مراجعة يا عبدالعزيز مع السفارة عديل أو مع إدارة الجامعة زي ما قالوا الاخوان
و انا لو في محلك ما بخليهم ابدا" إما طلعت منهم بقبول أو تعويض عن الاضرار النفسية بسبب العنصرية
| |
|
|
|
|
|
|
|
|
|
Re: اليوم تم رفض تسجيلي في الدراسات العليا لاني سوداني (Re: Asma Abdel Halim)
|
سؤال يا هبة
دفعت أي مبلغ للجامعة من السودان؟
الجامعة الأمريكية لو انتى مسجلة فيها وبتمشي فعلا كطالبة للفصول في الجامعةوعندك منحة أو دفعتى رسومها في امريكا كل السايت بتاع الجامعة مفروض يكون متاح ليك في أي مكان.
الصعوبة بتكون في خلق صلة مباشرة مع إنسان في السودان.
أما البنوك والشركات تمنع أي علاقة سايبرية حتى لو كانت العلافة التعاقدية تمت في أمريكا.
الحل يا عبد العزيز ان تنتمي لجامعة انجليزية ما عندها صلة بالأمريكان.
| |
|
|
|
|
|
|
|
|
|
Re: اليوم تم رفض تسجيلي في الدراسات العليا لاني سوداني (Re: Asma Abdel Halim)
|
من الواضح أن الجامعة بنت رفضها لطلبك حسب نص الخطاب على التالي
المقاطعة الإقتصادية المفروضة من الحكومة الأمريكية على
1- الطلاب المقيمين بالسودان، أو
2- الطلاب السودانيين
وبالمناسبة هذا جزء من منظومة كبيرة من العقوبات الإقتصادية المفروضة على السودان ويعرفها جيداً العاملون بالقطاع المصرفي والإقتصادي والتجاري.
وصحيح أنها أمريكية، لكن أثرها كما ترون، يمتد عبر البحار والمحيطات، ويصل حتى للدول العربية والإسلامية، بحكم تشابك المعاملات والعلاقات والمصالح الإقتصادية... فالعالم أصبح قرية كما يقولون.
وهذه العقوبة للأسف تشملنا كسودانيين داخل وخارج الوطن نتحمل ضريبتها تخلفاً عن العالم ضمن ما نتحمل من أعباء هذا النظام الديكتاتوري.
والطريقة الصحيحة لمعالجتها ليست هي الإحتجاجات لمثل هذه الجامعة ولكن بالطعن في الفيل نفسه.
وإختلاف الروايات والمواقف - وكلها صادقة بدون شك - ناتج عن إختلاف تفسيرات ومواقف الجامعات الأمريكية تجاه هذه العقوبات، فأنا مثلاً رغم هذه العقوبات جاءني قبول للماجستير من جامعة فنكس أونلاين، صرفت النظر عنه لأسباب عديدة وحصلت على الماجستير من جامعة السودان للعلوم والتكنولوجيا.
| |
|
|
|
|
|
|
|
|
|
Re: اليوم تم رفض تسجيلي في الدراسات العليا لاني سوداني (Re: Elawad Eltayeb)
|
Quote: الأخت رحاب
سلامات
دا اللى بعرفه عن الحظر وبصورة عامة.. وبأختصار شديد أتمنى ما يصعب الموضوع..
الحظر بيشمل اللآتى
أى شخص حقيقى أو أعتبارى موجود جغرافيا فى أمريكا..
أى شخص حقيقى أو أعتبارى موجود جغرافيا فى السودان...
أى شخص أمريكى حقيقى أو أوعتبارى موجود فى أى حتة فى العالم..
أى شخص حقيقى أو أعتبارى له علاقة بحكومة السودان ومصالحها فى أى حتة فى العالم.. وديل ممكن يكونوا ضمن لستة معينة أو خارجها وممكن يكونوا حسب مزاج الحكومة الأمريكية..
والتعاملات المحظورة هى أى تبادل أو تعامل بخصوص أى سلعة أو خدمات بين الناس الفوق ديل... وبيشمل برضو ممتلكات حكومة السودان وما له علاقة بها فى أى حتة فى العالم..يعنى الأخ عبد العزيز أذا فى حوزته أى من ممتلكات حكومة السودان فالحظر بيشمله رغم أنه ما من الناس الفوق ديلاك..
وهناك تشديدين خاصين بصناعة البترول فى السودان هما:
ليس هناك أستثناء جغرافى داخل السودان
أى شخص أمريكى حقيقى أو أعتبارى يحظر من أى تعامل أو نشاط عندو علاقة بالصناعة دى فى أى مكان فى العالم...
ألأستثناءات
مناطق جغرافية محددة فى السودان.. الجنوب والهامش..
سلع وخدمات معينة.. مثل المعدات والخدمات الطبية والزراعية وبعض برامج الكمبيوتر اللى بتستوفى شروط محددة.. ألخ..
وأى ترخيصات أخرى خاصة أو عامة ممكن تصدرها الحكومة..
أظن دى أهم حاجات الحظر والباقى كلو فنيات بتحكم تعريفات المسميات الفوق دى وتفاصيلها .. والفنيات دى ومحاولة التعامل معاها قانونيا هو اللى بجيب الكلام اللى سميتيه عبط يا أختنا رحاب..فما هو عبط بقدر ما هو وسيلة لتفادى القانون خصوصا والقانون دا فيه عقوبات جنائية..
http://www.treasury.gov/resource-center/sanctions/Documents/sudan.pdf
للجميع ودى
سيف مصطفى |
سلام يا سيف
انا برضه ده فهمي، انه هو يتبع قانون عام، و لكن كما قلت سابقا، ده لا يمنع المقدم من محاولة اثبات انه جنسيته لا علاقة لها بالحكومة او قوانين الحظر
لوول، العبط انا قصدت بيه الحظر كفكرة كليا، لانه تطبيقها صعب و يضر بافراد لا علاقة لهم بالحكومة، الا اذا كان من اهداف الحظر خلق ضغط علي الحكومة
في اعتقادي انه ما فعله مكتب القبول ما عبط من وجهة النظر القانونية، العبط قصدت بيه فكرة الحظر العامة، لانه ايضا هناك من الدول من يستحق الحظر و لا تحظر ابدا
باختصار، اثني علي كلامك و افهم تصرف مكتب القبول في تطبيق قانون لانه شريك للشركة الامريكية، بالرغم من انه متغاظة من الفكرة اساسا
شكرا يا سيف علي وضوح طرح الفكرة
| |
|
|
|
|
|
|
|
|
|
Re: اليوم تم رفض تسجيلي في الدراسات العليا لاني سوداني (Re: Rihab Khalifa)
|
Quote: أولاً: الجامعة بريطانية و بالتالي لا ينطبق عليها أي من بنود الحظر الاقتصادي الامريكي على السودان و (تفاسيره)
لأن الحظر امريكي و يقع على الشركات الأمريكية و ليس البريطانية
ثانياً: قيام شركة Laureate online education بتسويق و تقديم برنامج الدراسة عن طريق online education
لصالح جامعة ليفربول البريطانية قد يؤدي تلقائياً الى خضوع جميع خدماتها للقوانين الامريكية بما فيها برنامج ال online education
وهذا بالضرورة يعني إلتزام الشركة - و الجامعة البريطانية الشريكة معها - بالحظر الاقتصادي الامريكي على السودان
ثالثاً : هل الحظر الاقتصادي الامريكي على السودان موجه للحكومة السودانية و السودان - كرقعة جغرافية - أم يمتد ليشمل (كل السودانيين)
أينما وجدوا إستناداً فقط على جنسيتهم السودانية ؟
Hatim |
سلام يا حاتم
و شاكره مره تانية اهتمامك و ردك المفصل
ساحاول الاختصار، و ما اكرر الكلام عشان نصل لقفل مناسب لنقاشنا مفاده اقله خلينا نتفق اننا ما نتفق
اولا: اعتقد علي الاقل ان ينطبق الحظر علي البرنامج المعين ده لوجود شريك امريكي
ثانيا: متفقين فيها، استنادا لما قلت و لما وضحت انا ايضا سابقا و ما كتب في اولا اعلاه
ثالثا: تفاصيل الحظر موجوده ليس فقط في القانون الصادر في نوفمبر 1997 و لكن ايضا في القوانين الصادرة بعد احداث دارفور في سنتين 2005 & 2006 as you said، و في فهمي انه ده الفيه تفاصيل اكبر عن تفعيل الحظر علي السودان، ايضا اتفق مع سيف و بعض الاخوة اعلاه، في فهمهم للحظر استنادا علي القوانين دي (و يؤسفني الاتفاق مع البروف امين في النقطة دي لوول).
لا داعي للاعتذار يا حاتم للاسهاب، و اهو بنحاول نفهم (بكسر الهاء) بعض و استقيت معلومات جديده منك و المتداخلين اعلاه :)
Quote: ومنتظرك يا رحاب تفيدنا اكتر في موضوع الدراسة في الجامعات البريطانية خصوصاً موضوع online education & Online Degrees
هل هي معادلة للشهادات البتصدر من الجامعة للطلبة النظاميين البيدرسو في القاعات ؟
هل في فرق في فرص العمل و التقييم لحملة الشهادات بتاعت Online Degrees عن الطلبة النظاميين ؟
يا ريت يا رحاب - لو بيسمح عبد العزيز - تسهبي لينا برضو في الحتة دي و شكراً
Hatim |
حاضر يا حاتم
بخصوص الدراسة في الجامعات الانجليزية و الامريكية و تفاصيلها، يستاهل فتح خيط جديد، انا زاتي عندي اسئلة كتيرة عن تجارب الناس، لكن بصراحة ما بقدر اديره و بانتظام، لاني ما بضمن اقدر اتابع النقاش فيه لضيق الوقت، و بعديها اقع في يد البروف امين و اصلا مطلع علي دعاية اني ب س ت و س خ الناس و ما برد، لووول
ان شاء الله ساكتب ما تيسر لي من معلومات ردا علي استفهامك اعلاه و باسرع فرصه ممكنه
| |
|
|
|
|
|
|
|
|
|
Re: اليوم تم رفض تسجيلي في الدراسات العليا لاني سوداني (Re: Rihab Khalifa)
|
يا عبد العزيز حاولت التحصل علي ايميل الديفيد ده، لكن ما لقيتو اونلاين، فبعثت ليك ايميل و حاولت ان القاهو بان املا فورم طلب المعلومات ده من السايت حق الجامعة
حراق روح من الشغل الكتير، مشيت مليت فورم طلب المعلومات حقهم ده تلاتة مرات و في اوكات مختلفه من كمبيوترات مختلفه، و بمعلومات مختلفة كل مرة.
Information request form for project mgt msc
في المرة الاولي، قلت اسكن الامارات و جنسيتي سودانية
و في المرة الثانية، قلت بلدي الاصل السودان و جنسيتي بريطانية
و في المرة التالتة، قلت اسكن بريطانيا و جنسيتي سودانية
و في المرات التلاتة كان ردهم الاتي:
و ده فورم لطلب معلومات بس عن البرنامج ده، ما حتي طلب قبول
غايتو قاصدين السودان يعني السودان
و ده رد مبرمج من الكمبيوتر، اتوماتيك حسب الفيلدز الفي الفورم
غايتو السايت قرررب يكتب لي:
which part of the NO do you not get? the "N" or the "O"?
| |
|
|
|
|
|
|
|
|
|
Re: اليوم تم رفض تسجيلي في الدراسات العليا لاني سوداني (Re: Rihab Khalifa)
|
سلامات
معليش يا أخي
حظك جابك في ساعة المسؤول الحمار ده .
مسؤول التسجيل شكلو زول جديد في الشغل .
وبرضو ياخ أنت كنت مستعجل شديد .
..
علي كل حال لو عايز الكلام النجيض تقوم تسافر لندن أسبوعين
تدفع فلوسك وتعمل حاجاتك وترجع لعملك . القصة ما حتكلفك اكتر من 3 ألف
دولار .
لو ضروري حاول سافر بنفسك .
بس أنا خايف والله عليك لو عملت استعجالك ده في ال Interview بتاع
تاشيرة السفارة البريطانية .
ولو محتاج مساعدة عن كيف تجي أمريكا . ممكن تكتب لينا في الماسنجر .
.. تحياتي
| |
|
|
|
|
|
|
|
|
|
Re: اليوم تم رفض تسجيلي في الدراسات العليا لاني سوداني (Re: Rihab Khalifa)
|
سلامات
معليش يا أخي
حظك جابك في ساعة المسؤول الحمار ده .
مسؤول التسجيل شكلو زول جديد في الشغل .
وبرضو ياخ أنت كنت مستعجل شديد .
..
علي كل حال لو عايز الكلام النجيض تقوم تسافر لندن أسبوعين
تدفع فلوسك وتعمل حاجاتك وترجع لعملك . القصة ما حتكلفك اكتر من 3 ألف
دولار .
لو ضروري حاول سافر بنفسك .
بس أنا خايف والله عليك لو عملت استعجالك ده في ال Interview بتاع
تاشيرة السفارة البريطانية .
ولو محتاج مساعدة عن كيف تجي أمريكا . ممكن تكتب لينا في الماسنجر .
.. تحياتي
| |
|
|
|
|
|
|
|
|
|
Re: اليوم تم رفض تسجيلي في الدراسات العليا لاني سوداني (Re: Osman Musa)
|
سلام يا عبد العزيز وضيوفه الكرام
يا جماعة كلام د. أمين نوتة (الصحافي الطغيان دا )
كلامو صحيح ومظبوط جداً، وأتفق معه مائة في المائة
وأزيدكم من الشعر بيت: حتى الأمريكان من أصول سودانية
لا يتم توظيفهم في بعض الشركات الأمريكية وخصوصاً الشركات التى تعمل في
مجال الطاقة الذرية. ففي جامعة شارلوت بولاية نورث كارولاينا
تأتي دائماً الشركات الأمريكية الكبرى لتوظيف الطلاب فوجدت إحدى
الشركات معلقة لافتة كبيرة و كاتبة عليها بالخط العريض نأسف بعدم
قبول طلبات الطلاب لدينا من أصول الدول التالية:
السودان
إسرائيل
سوريا
ليبيا
إيران
كوريا الشمالية
كوبا
والله على ما أقول شهيد
ياخي حكومة الإنقاذ الرعناء هذه جعلت الجنسية السودانية ملطشة في كل مكان
وبعدين يا عبد العزيز والله زعلتني بإنك رافض التجنس بجنسية أخرى لأنك بتحب
الجنسية السودانية وتفتخر بها، ياخي إذا كان القانون يحق لك بالتجنس بجنسيتين
العيب ويين؟! مافي دولة بتطالبك بالتنازل عن جنسيتك الأصلية ما عدا ألمانيا
هي الدولة الوحيدة التى تفعل ذلك - على حسب علمي.
تحياتي للجميع
| |
|
|
|
|
|
|
| |
عبدالعزيز عبدالله محمد
fadlabi
حاتم علي
أمين محمد سليمان
smart_ana2001
SAIF MUstafa
عزام حسن فرح
Rihab Khalifa
مريم بنت الحسين
Bakry Eljack
Asma Abdel Halim
heba Elmahi
Elawad Eltayeb
Osman Musa
النذير حجازي
فيس بوك
تويتر
انستقرام
يوتيوب
بنتيريست