|
Re: هاك الفساد ده ..! (Re: خضر حسين خليل)
|
Quote: ـ مثلاً في شركة النيل الكبرى لعمليات البترول نتيجة «زعلة» واستفزاز وضعت لهم مطالبة بـ «60» مليونًا في السنة وذلك بعد أن أضفت في الكشف «أبراج»، والحقيقة «أبراج» ليست عندنا في الجدول،
|
| |
|
|
|
|
|
|
Re: هاك الفساد ده ..! (Re: معاوية عبيد الصائم)
|
إنا لله..وإنا إليه راجعون...
ياخضر الإنتباهة دي شايتة علي وين !!!؟ ولّا دي خطوة صغيرة محسوبة للخلف ... قفزة (كبيرة ) لمفوضية محاربة الفساد!!
اها ياربي حيرجعوا القروش دي لاصحابها ولا الفات مات!
| |
|
|
|
|
|
|
Re: هاك الفساد ده ..! (Re: خضر حسين خليل)
|
سلام للجميع الغريبة نفس الزول جانا في التيار وقال انو الموضوع كلو انو الناس ديل رفضوا يرجعوهو الشغل بعد ما استقال وجرب الشغل برا الحكومة وما نفع معاهو... واظرف حاجة انو قال انهم طالبوا مجلس تشريعي ولاية الخرطوم بدفع رسوم النفايات طبعا بالكشف المزور.. وقال انو رئيس المجلس آنذاك عبد الملك البرير قال ليهو (معقولة نكون مررنا لائحة بالقروش الكتيرة دي) لكنو بعد داك برضو دفع ... وصدق من قال ان الشعوب على دين ملوكها
| |
|
|
|
|
|
|
Re: هاك الفساد ده ..! (Re: على ميرغني)
|
والله بالغتو معانا ياناس التيار الزول يجيكم بي رجلينو تفتوهو تخيل مثلاً لو التحقيق ده عملو الأستاذ عثمان ميرغني تخيل حجم القصص الحزينة الكانت ممكن تمرق للقارئ ولجماهير الشعب السوداني ، غايتو ملف زي ده ما بتلموا فيهو تاني بأخوي وأخوك
تحياتي ياعلي
ــــــــــ
يا معاوية الحوار ده لسع ما انتهي بعدين كدي ركز في اجوبة أخونا عصام ده عشان تعرف حاجة غايتو الشاف غربتكم طولت ما كضب ، عصام ده حتة مسؤول في النفايات مقوم نفس الواطة طيب الشجر الكبار عامل شنو يا ربي؟
| |
|
|
|
|
|
|
Re: هاك الفساد ده ..! (Re: خضر حسين خليل)
|
Quote: الحوار ده لسع ما انتهي بعدين كدي ركز في اجوبة أخونا عصام ده عشان تعرف حاجة غايتو الشاف غربتكم طولت ما كضب ، عصام ده حتة مسؤول في النفايات مقوم نفس الواطة طيب الشجر الكبار عامل شنو يا ربي؟ |
يا خضر بن حسين خليل...
ازيك...
ياخ عليك الله بالمرة شوف لي معاك حكاية رسوم عداد الكهرباء مشيت ليهم بالدرب ودفعت ليهم كاش وركبوا لي العداد.. واشتريت سلوكي ولمباتي وبلكاتي ومفاتيحي بي حر مالي... ولي سنتين بشتري في جمر خبيث كهربتي...كل ما تكمل.. وفي كل شهر بقطعوا مني 150 الف جنيه رسوم عداد... اصلو العداد دا بي كم؟ اجرت البيت وبرضو المستأجر بديني قروشي + وصل رسوم عداد بقيت انا سيد البيت والعداد برضو سيد بيت...بياخد ايجار شهري....ثمة شبهة فساد ما هنا...شوفوها معاكم..يا ناس التيار بعد رسوم النفايات جلت منكم.
| |
|
|
|
|
|
|
|