|
|
|
 Re: أكان الله هون .. وفي فدرالية جد جد .. اي حزب تريده حاكما لولايتك؟؟ (Re: محمد البشرى الخضر)
|
الاستاذ محمد البشرى
تحياتي
وشكرا على المرور والمشاركة
في ظني بتتكلم عن ولايتنا الخرطوم برضو؟؟
| Quote: الأشقاء حنينين و بتحبو |
واياديهم بيضاء
Quote: لكن ناس الامة شداد و بعرفوا للكيزان و الشيوعين كويس و بوروهم العين الحمراء
عليه لن نصادق غير الصادق |
حوالينا ولا علينا هههههه
الوالي الفيدرالي مهمته خدمية وليست سياسية، خليهو السيد الصادق يتعارك معاهم في البرلمان القومي
ان شاء الله ينتف ريشهم حتة حتة
احنا بنتكلم عن والي فيدرالي، يظبط لينا التعليم، الصحة، الامن، الخدمات في الولاية
الاتحاديين وبالذات الرعيل الاول منهم، كانوا رجالات تعليم وخدمة مدنية، ولهم اسهامات
في المجال الرياضي والثقافي لا بأس بها، من هذا المنطلق بفضل الاتحاديين
بعدين الشيوعيين ديل بظبتوا لينا المسرح والليالي الثقافية ويرجعوا لينا الق الخرطوم بالليل
لووووول
تحياتي
| |
 
|
|
|
|
|
|
|
|
Re: أكان الله هون .. وفي فدرالية جد جد .. اي حزب تريده حاكما لولايتك؟؟ (Re: معاوية عبيد الصائم)
|
سلام صديقي معاوية
| Quote: ديل من العين ولا شنو.. |
لوووول
Quote: بعدين الشيوعيين ديل بظبتوا لينا المسرح والليالي الثقافية ويرجعوا لينا الق الخرطوم بالليل
لووووول |
طيب ولا تزعل، انا زول اشتراكي النزعة، وممكن يظبطو لينا التعاونيات من جديد ويعيدوا
لينا شوية من التوازن في مجتمع الخرطوم البقت الفوارق (الطبقية المادية) ظاهرة فيهو
بشكل مقزز
او كما قال الترابي عندهم تلاتة اربعة حاجات كويسة
تحياتي
| |
|
|
|
|
|
|
|
|
|
Re: أكان الله هون .. وفي فدرالية جد جد .. اي حزب تريده حاكما لولايتك؟؟ (Re: محمد عبد الماجد الصايم)
|
سلام يا اميرة بت الشيخ
Quote: الكلام دا من غير برنامج ?
يعنى نصوت فى شان المحبة والصداقة ولا كيف ..? |
كلام سليم، وانا بررت لييه اخترت الاتحاديين، غير متشددين، حنينين
اضف الى ذلك ان كوادر الاتحاديين النسبة المتعلمه فيهم كبيرة، وتعليم كويس كمان
واغلب كوادرهم وبيوتاتهم انحدرت من اصلاب رجال التعليم والخدمة المدنية
ومنفتحيين على الثقافة والرياضة، واياديهم بيضاء وتجارهم عندهم قروش ههههه
وركزي معاي في حتة فيدرالية جد جد
الفيدرالية الجد جد بتلغى اي تصويت لصالح القبيلة والدين والانتماء، لو كنت من جهة
الشمال وعايش في نيالا سيهمني من سيحكم نيالا وليس كريمة، وساعمل مع اهل نيالا لخير
نيالا
| Quote: بس كيزان لاااااااااا ..اسلامييييين لاااااااااا |
حوالينا ولا علينا، ان شاء الله يحكموا ولاية النيل الابيض عشان معتز القريش يفهم حاجة
ممكن في يوم من الايام نلقى ولاية تعتبر المريسة وجبة غذائية، وفي اخرى تلقى ليك اربعين
سوط زي الما حصل حاجة، كما الحال في امريكا، في ولايات بتعدم وفي ولايات لا
ناس الشمالية ح يحاولوا يستفيدوا من المادة التانية في الدستور ويعتبرو عرقي البلح
من كريم المعتقدات لوووووووول - هوي دا مزاح
تحياتي
| |
|
|
|
|
|
|
|
|
|
Re: أكان الله هون .. وفي فدرالية جد جد .. اي حزب تريده حاكما لولايتك؟؟ (Re: أحمد ابن عوف)
|
حوالينا ولا علينا، ان شاء الله يحكموا ولاية النيل الابيض عشان معتز القريش يفهم حاجة
لا لا لا حولينا ما علينا دا دعاء السودا والرماد لكن ما كتلتنا تب ...
ياخ نحن ناس ولاية النيل الابيض ..كفاية علينا التهميش والتغبيش العايشنو مما فتحنا ..
نضيف ليهم هوس كمان ?,
اها كمان شان كلامك دا لو عندى عشرة اصوات بديها للشيوعين ...
غايتو قبل سيرة ودالقريش كنت حاقول ليك حاصوت لحزب الامة
| |
|
|
|
|
|
|
|
|
|
Re: أكان الله هون .. وفي فدرالية جد جد .. اي حزب تريده حاكما لولايتك؟؟ (Re: عبدالمجيد الكونت)
|
الاستاذ عادل عبد العاطي
تحياتي
Quote: الحزب الديمقراطي الليبرالي يا هو ذاتو الحزب الليبرالي (كما يسمونه اختصارا) يا استاذنا ابنعوف
وهو ما حق الاستاذة نور ولا شخصي الضعيف؛ وانما حق عضويته ومؤيديه والشعب السوداني الكريم |
شكرا للتنوير، قرأت لكم من قبل برنامجكم الانتخابي او اول اوراق التاسيس من قبل
لكن للاسف انقطعنا عن اي تطورات في حزبكم.
زدي فرصة كويسة الواحد بتعرف اكثر من غير مؤثرات سودانيز ال في الغالب الاعم بتكون ضارة ابتلفكير السليم والصحة احيانا
طيب يا استاذ عادل
احنا كمحايدين، سألنا من قبل تبارك شيخ الدين عن رؤيتنا للتغير الذي ننشده
تبارك طبعا كاسب عداءات لانه ضد التغيير الكلي، وهو ما داير يشرح فكرته بالكامل
في ظني، ان التغيير فعلا يجب ان لا يكون شاملا، فمثلا، لو في حاجة واحدة خلقتها الانقاذ في السودان،
بتكون النظام الفيدرالي، لكن بعد تهذيبها وتجذيبها والتخلص من عللها الانقاذية
رايك شنو؟
التحية لكم
| |
|
|
|
|
|
|
|
|
|
Re: أكان الله هون .. وفي فدرالية جد جد .. اي حزب تريده حاكما لولايتك؟؟ (Re: عزان سعيد)
|
الاخ عزان
تحياتي
وشكرا للمساهمة في هذا التمرين الديموقراطي
Quote: ناس الأقليم الشمالي (نهر النيل والشمالية) جربو الإتحاديين أيام الديمقراطية (عبد العزيز محمد الأمين) وكان زول تعبان زاد الولاية ضغثا علي إبالة
سأرشح حزب الأمة لولاية نهر النيل |
ياخي دا قبل عقدين من الزمان، اديهم فرصة تانية
| Quote: والشيوعي لولاية الخرطوم (ياريت لو يغيروا لإسم البجيب للناس حكة ده) :-) |
بسطة يا شيوعيين لقيتو ليكم صوت تاني لولاية الخرطوم
| Quote: وسأصوت لمحمد طاهر إيلا بغض النظر عن المنصب الذي يسعي إليه أو الحزب الذي يمثله |
ياخي الزول دا داقين ليهو جرس في اي حتة، المهم، ناس الشرق وخيارهم
تحياتي
| |
|
|
|
|
|
|
|
|
|
Re: أكان الله هون .. وفي فدرالية جد جد .. اي حزب تريده حاكما لولايتك؟؟ (Re: أحمد ابن عوف)
|
الاخ ثروت
تحياتي
Quote: الاستاذة نور في الانتخابات كان مركزها الثالت بعد الحركة الشعبية و المؤتمر الوطني
طبعا بعد خج و تزوير و طواطؤ بين الشريكين و اساليب عصبجية و بلطجية و اللوردات حروب لا قبل لها بها. |
دا معلوم
| Quote: لمونا في رقبة الصناديق النزيهة دي و بنشوف الولاية بتمشي على وين |
ايدي على ايدك، الصناديق النزيهة لا تأتينا تمشي الهوينى، احنا برانا المفروض نجيبها
| Quote: اضم بطاقتي للاخت رشا و عادل و الموالي العتيق ازهري2 |
4 اصوات، منكم خوف
طيب لييه ما كان عندكم مرشح لمنصب والي الخرطوم؟؟
دي نتيجة انتخابات والي الخرطوم، الغريبة الحزي الشيوعي برضو ما كان عنده مرشح؟؟؟!!!
عبد الرحمن احمد الخضر التوم المؤتمر الوطني
ادم الطاهر حمدون خاطر المؤتمر الشعبي
احمد سعد عمر خضر الاتحادي الديمقراطي الاصل
ادوارد ابي لينو وور ابي الحركة الشعبية لتحرير السودان
عبد الرحيم عمر محى الدين احمد مستقل
بدر الدين طه احمد ابراهيم مستقل
ابو قرجة محمد كنتباى ابو قرجة الامة القومي
نهى احمد محمد النقر الامة الاصلاح و التجديد
عثمان ابراهيم احمد الطويل مستقل
عابدون محمد عابدون همد مستقل
امين بناني نيو عياش العدالة القومي
ابشر محمد حسن رفاى مستقل
على ابو سليب على رقيق العدالة
محمد يعقوب اسحق شداد الوطني الاتحادي
يحى زكريا ابو احمد الاصلاح الوطني
ابوبكر حمد عبد الرحيم حمد مستقل
ابوعبيدة عبد الرحيم الخليفة عبد الله مستقل
____________
الاسماء دي مرتبة حسب نتيجة التصويت
ملاحظة: سيدة واحدة فقط تقدمت لهذا المنصب وقدمها حزب الامة الاصلاح والتجديد
| |
|
|
|
|
|
|
| |
أحمد ابن عوف
محمد البشرى الخضر
معاوية عبيد الصائم
Abdel Aati
رشا سالم
ALazhary2
محمد عبد الماجد الصايم
قلقو
عزان سعيد
فيس بوك
تويتر
انستقرام
يوتيوب
بنتيريست