|
|
 الشرطة «فعلاً» في خدمة الشعب
|
في تمام الساعة الرابعة وخمس وأربعين دقيقة عصر الثلاثاء الماضي، تعطلت عربة «كليك» بمواطن بالقرب من تقاطع الطريق المؤدى إلى موقف شندي، وأسهم رجل مرور كان يؤدي دوره الوظيفي في تسهيل الحركة في مساعدة المواطن على سحب عربته إلى جانب الطريق، ولم يكتف بذلك بل قام بصيانة العطب في الماكينة واستغرق زمناً لا يقل عن نصف الساعة لاجراء ذلك، أتسخت اكمامه البيضاء لزوم الصيانة ولكن همته عكست دوراً ناصع البياض لشرطة المرور، لا يكتفون بتسهيل حركة المركبات وانما اصلاح أعطابها ان حدث ذلك.. انشراح من المارة لمنظر الشرطي الذي أرتسم لدى أصحاب المركبات في الفترة السابقة بالملاحقة لقطع الايصالات. رجل المباحث ومدير شرطة المرور اللواء عابدين الطاهر لا نظنه سيضنيه البحث عن رجل «المرور» الناصع، الذي رسم صورة زاهية عصر الثلاثاء الماضي في تمام الساعة الرابعة وخمس وأربعين دقيقة لتحفيزه.
المصدر : صحيفة الرأي العام 25 مارس 2011م
|
|
  
|
|
|
|
|
|
|
 Re: الشرطة «فعلاً» في خدمة الشعب (Re: omer osman)
|
Quote: رجل المباحث ومدير شرطة المرور اللواء عابدين الطاهر لا نظنه سيضنيه البحث عن رجل «المرور» الناصع، الذي رسم صورة زاهية عصر الثلاثاء الماضي في تمام الساعة الرابعة وخمس وأربعين دقيقة لتحفيزه.
|
| |
|
|
|
|
|
|
|
|
|
Re: الشرطة «فعلاً» في خدمة الشعب (Re: Amira Elsheikh)
|
| Quote: ياعمر عثمان ماتفرح شديد دى اكسبيشنال كيس وياقول حبوبة( فنة الدهر).... |
ليه يا اميرة ما يكون (قدو قدو) وامثاله هم (فنة الدهر) ....
الشرطة السودانية فيها خير كتييير بس شيء طبيعي انو التجاوازت والاخطأ صوتها دائماً اعلي ...
| |
|
|
|
|
|
|
|
|
|
Re: الشرطة «فعلاً» في خدمة الشعب (Re: محمد البشرى الخضر)
|
Quote: يا سعادتك دا عادي والله وما غريب
كم مرة بتاع الحركة دفر معانا عربات متعطلة
دي ترجع لسودانيتو اول قبل ما تكون واجبو كرجل شرطة
لكن في المخالفات بتغابو فيك العرفة |
ههههههههههههههههههههه ....
أنا معاك عاااااادي لحدي ما دفر معاهو العربية بره الشارع لكن الما عادي
انو العسكري زاتو قعد يصلح في العربية وفعلاً صلحها في النهاية ....
| |
|
|
|
|
|
|
|
|
 Re: الشرطة «فعلاً» في خدمة الشعب (Re: omer osman)
|
Quote:
و إنت كم مرة دي.... سايق ليك عربية ما بتقوم إلا دفرة...؟؟؟ |
في السلك يا ابو حسين.
والله صحي.
يا ســـلآم علي سودانية العسكري لمان تكون مضبوطة
بقوانين المهنة، ويا سلآم علي سودانية السوداني لمان
يكون ملتزم بالقوانين.
ســـلآم يا جنابو، وبإحترام المهنة والقانون نرتقي...
| |
|
|
|
|
|
|
|
|
|
Re: الشرطة «فعلاً» في خدمة الشعب (Re: omer osman)
|
يعني يا ابوحسين احنا اغتربنا وفارقنا اهلنا كدا مزاج ساي
ما ياها جنس الهكرات الكلو يوم و التاني عند الميكانيكي هي الجبرتنا على الغربة
يا سعادتك انا مصر سلوك العسكري دا سلوك سوداني تماما وما عندو علاقة بوظيقتو
من ناحية مهنية كونو يخلي شغلو و ادارة الحركة لمدة نصف ساعة كاملة دا سلوك سوداني لكل ميزاتو و عيوبو
لو حتة غير السودان أأكد ليك ح يتعاقب زولك دا
بمناسبة دفر العربات الحاجة دي في السودان طبيعية جدا وما بتلفت النظر عادي زول ماشي في الشارع ساي بدون ما تناديه تلقاه بدفر معاك
حتى سائقي العربات الوراك عادي بنزلو و يساعدوك
تعال شوف هنا في الأمارات الشارع كلو مستعد يقيف ساعة لغاية ما سيد العربية المتعطلة براه يمرقها برة الشارع زول بقول ليه تعمل في شنو مافي
| |
|
|
|
|
|
|
|
|
|
Re: الشرطة «فعلاً» في خدمة الشعب (Re: محمد البشرى الخضر)
|
الأخ عمر 00 تحياتي
بالسعودية توجد إدارة تسمى إدارة { أمن الطرق }
هؤلاء كثيراً مايتوقفون من اجل مساعدة الآخرين
وعادي جداً ينزل العسكري ليقوم بمساعدتم في { اصلاح الكفر } حينما تتعرض لبنشر في الطريق
ولو تعطلت سيارتك فغنهم يقفون بجوارك من أجل احضار ونش سحب لسحب السيارة لأقرب ورشة
في مرة من المرات أخ سوداني وجدناه بالطريق وقد صدم بشاحنته مجموعة جمال قطعت الشارع
تعطلت شاحنته وكانت المنطقة موحشة جداً
فقررنا أن نبيت معه ونترك بقية مشوارنا
ولكن امن الطرق طلبوا مننا مواصلة رحلتنابينما هم سيقومون بالمهمة
وبالفعل ذكر لنا السوداني في اتصال هاتفي بانهم لازموه كثيرا
وكانوا أحياناً يعملون تمشيطاً للطريق
ومن ثم يعودون اليه
يبدو لي اننا نحتاج لإدارة مثل هذه خاصة على بعض الطرق مثل طريق بورتسودان الخرطوم
وذلك لعدم توفر الخدمات الضرورية للعابرين بهذا الطريق
كثيراً ما الاحظ على طرقنا مجموعة من الحجارة التي تركها بعض اصحاب العربات المتعطلة
وبعد أن يقوم باصلاح العطل يترك هذه الحجارة في مكانها مما يتسبب في حوادث كثيرة
وهذا يتطلب مرور دوريات باستمرار
في آخر رحلة لي قبل ثلاثة اشهر من الخرطوم لمدني الساعة الثامنة كان هناك لستك ضخم
يبدو انه سقط من تريلا مرمي وسط الشارع
حتى أنني حينما حاولت أن ازيحه كان ثقيلاً جدا
فجاء سائق آخر وأخرجنا هذه المصيبة من وسط الشارع
اخي عمر 00 مازلنا في حاجة ماسة للوجه الآخر للشرطة
الوجه المشرق والإنساني
والذي اتمنى أن يطغى على الوجه الآخر
فكلما كانت الشرطة في خدمة الشعب
ولم تكن حجر عثرة في طريقه
كلما ارتقينا كشعوب ومسئولين
التحية لهذا الرجل
ولكل شرطي يضيف نقطة ضوء لسجل الشرطة
| |
|
|
|
|
|
|
| |
omer osman
حمور زيادة
عبداللطيف محجوب
محمد البشرى الخضر
ABUHUSSEIN
معاوية المدير
ابوحراز
فيس بوك
تويتر
انستقرام
يوتيوب
بنتيريست