|
|
 ود قنيرة قالوا اليومين جحماااااان وحالف يعضي ليهو كوز.....!!!
|
ود قنيرة رائد الكراكير والفتي الابنوسي القابع في قاع المدينة يتفرج في خمج ساستها وحكامها الدقانة الرعاديد
غابت اخباره عنا طويلا.. ولما كان الامر يستدعي ان نتفقده ونتعرف علي حاله واحواله في سودان الجن والدقانة السمان... ضربنا لكي نسال عنه قيل لنا بانه جحمااااااان وحالف يعضي ليهو كوز...!!!
ده كلام شنو يا ود قنيرة..
ايوووه حجمت ومعضي كوز...معضي كوز..؟؟
وسنتابع
|
|
  
|
|
|
|
|
|
|
|
Re: ود قنيرة قالوا اليومين جحماااااان وحالف يعضي ليهو كوز.....!!! (Re: عبدالكريم الامين احمد)
|
يا ود قنيرة تجحم ده حق من حقوقك في هذا السودان الفضل... فمن حقك ان تجحم ولكن ان تعضي ليك كوز فهذا امرجنائي وسيوقعك تحت طائلة المادة مائة وكم واربعين من قانون الاجرااات العضية وبعدين الناس ديل لو عضيت منهم زول ح يودوك (موقف شندي) وهاااك يا لبع كبع وممكن حاجات تاني حامياك...
فما كان من ود قنيرة الا وان اجاب باصرار وتحدي واضح ...
يا زول بعضي بعضي وسجن سجن غرامة غرامة...!!
| |
|
|
|
|
|
|
|
|
|
Re: ود قنيرة قالوا اليومين جحماااااان وحالف يعضي ليهو كوز.....!!! (Re: عبدالكريم الامين احمد)
|
| Quote: يا ود قنيرة تجحم ده حق من حقوقك في هذا السودان الفضل |
ما ان سمع ود قنيرة الجزئية اعلاه فما كان منه الا وان رد سريعا..
القال ليك منو الجحم ده حق من حقوقي الاساسية..؟؟؟
وانت يا مغترب يا وهم عارف انو انا عشان اجحم عملت شنو..؟؟
ده انا عشان اجحم دفعت رشوي ميتين جنيه للبطري(عثمان بمبي) عشان اتوسط لي في لجنة (الجحم الرسالية)في فريق زنقو وبعد ده جحموني بعد حداشر يوم ونص..!! وبمصل جحم قالو زاااتو مضروب(جبابتو اجزخانة عمر ابودقن) ولكن المهم انا جحمت يا زول بالواسطة والرشوي..وكدي قبل ما تخش معاي في كاني وماني وفلفسة اعرف انا حجمت كييييييف ولييييييه..؟؟
| |
|
|
|
|
|
|
|
|
|
Re: ود قنيرة قالوا اليومين جحماااااان وحالف يعضي ليهو كوز.....!!! (Re: عبدالكريم الامين احمد)
|
طيب يا قنيرة... الناس ديل بالرشوي والواسطة ساعدوك في تحقيق مرادك.. وهذا التهديد بالعض ضد الوفاء لحكام حكموك انت المقطع والمرمتل بقول الله وقول الرسول ..وشريعة سماوية مية مية لا شرقية ولاغربية صناعة بلدي مية في المية... فلا يليق بك ان تعضيهم وهم الرائد الذي لا يكذب شعبه ورقدو ليكم العيش والقمح والخميرة والجمرة الخبيثة... وكشو ليكم ستات العرقي الكان زي السبيرتو وخلوكم علي المرايس معشوقة رياحكم... فعليه لا يليق بك ان تعضي ليك كوز..وان كان لابد من عض دقاني فياااخ عضي لي انصار سنة
او اي دقن مطرفة من الدقانة الملو بلد ديل...لاني يا ود قنيرة ما دايرة التلتلة ودق العيش... فما كان من ود قنيرة الا وان زمجر باصرار (جحمي) عنيف وعنيد... قال يا زول بعضييييي كوز ...ح اعضيبيي كوز
وسنعود
| |
|
|
|
|
|
|
|
|
|
Re: ود قنيرة قالوا اليومين جحماااااان وحالف يعضي ليهو كوز.....!!! (Re: عبدالكريم الامين احمد)
|
طيب يا ود قنيرة رايك شنو تجي تعضي (المعارضة ) والمعارضين وتاكد يا قنيرة لو الحكومة عرفت بمقدراتك ونواياك العضية هذه فمن بكرة امورك حتمشي معاك (ساكوبيس) والشرتيت يجري في يدك مجري النيل والعضة حتكون بالشي الفلاني والعلاني وتريح نفسك زاااتو من الرمتلة وتخلي المرايس دي وتمشي سواكن تجيب الصنف النضيف واحتمال يعملو ليك وزارة(خسوسي) يسموها (وزارة العض الرسالي)..وصدقني حتقعد تتشهتي وتتشرط عليهم في سعر العضة وفي توقيت العضة وخاصة اليومين دي مع الكركبات الحاااايمة في راسهم دي وصدقني احتمال يلحقوك سريع سريع كده باكاديمية (ود قنيرة للعض الاسلامي)..
وسنتابع
| |
|
|
|
|
|
|
|
|
|
Re: ود قنيرة قالوا اليومين جحماااااان وحالف يعضي ليهو كوز.....!!! (Re: مها عبد الله)
|
Quote: والله يا كيكي كلنا جحمانين زي ود قنيرة دا بس نعمل لينا جمعية لعض الكيزان ونسميها ( الجمعية العالمية لعض الكيزان ) . وبعد الإنتفاضة وزوال الكيزان القريب إن شاء الله أي زول ( بطنوا ) فايرة ليهو من كوز يأخد إذن من الجمعية ويمشي طوالي ( يعضي ) ويعضي المقصودة هنا العض ما الأكل ( لووووول ) . خلوا الناس تتفشي شوية بالله
أنا خلوا لي ميادة كمال |
هلا يا مها والجمعية دي فكرة مدهشة ووبعدين تشوفي العميان شايل المكرسح حتي ياخذ اذن لعض ومضايرة كوز من الكيزان
وانا غايتو حاجز علي كرتي ونافع الاثنين ديل ممكن اضارب فيهم عديل كده..ولو ادوني اذن في ود الباوقة برضو ما بطالة معاي لووووول
| |
|
|
|
|
|
|
| |
عبدالكريم الامين احمد
بشير حسـن بشـير
doma
معتز القريش
مها عبد الله
فيس بوك
تويتر
انستقرام
يوتيوب
بنتيريست