|
|
|
 Re: دعوه لسحب الجنسيه من السودانيين الذين تجاوزوا سبع سنوات (Re: عمار محمد ادم)
|
والله هسى انا البتكلم معاكم ده ضربت الفول بى زيت السمسم والعيش البلدى مع وليداتى ومستنى الشاى الاحمر وعلى مهلتى البس واركب المواصلات واصل الخرطوم المهمم من جايى لى جايى القط مصاريفى وقريب المغيرب اوصل سوق بحرى واملا كيسى واركب المواصلات وارجع اكل لى لقمه واتابع التلفزيون ويمكن اطلع لى واحد من المجالس او المنتديات المسائيه او المناسبات وارجع البيت اشرب لى ليبينه واتابع التلفزيون ثم اجرها نومه لى الصباح .....
| |
  
|
|
|
|
|
|
|
|
Re: دعوه لسحب الجنسيه من السودانيين الذين تجاوزوا سبع سنوات (Re: عمار محمد ادم)
|
| Quote: والله هسى انا البتكلم معاكم ده ضربت الفول بى زيت السمسم والعيش البلدى مع وليداتى ومستنى الشاى الاحمر وعلى مهلتى البس واركب المواصلات واصل الخرطوم المهمم من جايى لى جايى القط مصاريفى وقريب المغيرب اوصل سوق بحرى واملا كيسى واركب المواصلات وارجع اكل لى لقمه واتابع التلفزيون ويمكن اطلع لى واحد من المجالس او المنتديات المسائيه او المناسبات وارجع البيت اشرب لى ليبينه واتابع التلفزيون ثم اجرها نومه لى الصباح ..... |
مشكلتنا في من جاي لي جاي دي زاتا...
| |
|
|
|
|
|
|
|
|
|
Re: دعوه لسحب الجنسيه من السودانيين الذين تجاوزوا سبع سنوات (Re: عمار محمد ادم)
|
Quote: لكن والله المغترب وكت يجى راجع يشبكك كلام داير يعوض الفاتو كلو
لامن القريشات يكملن تلقى هبد شوييى. |
انت قايل النضم من كترة القروش يا عمار...
النضم الكتير من الخلعة...
المغترب يفك المية دولار وقبال ما يصل بيتو تكمل...
وانت من جاي لي جاي...ماكل عيشك وفولك حار من نارو..
وتضحك وتتونس...وتركب ...وتنزل وتحاجج...وتكتب في
سودانيزاونلاين...فعلتك دي مافي مغترب بقدر عليها..
ا
| |
|
|
|
|
|
|
|
|
|
Re: دعوه لسحب الجنسيه من السودانيين الذين تجاوزوا سبع سنوات (Re: nazar hussien)
|
ياسيد عمار سلام وتحية ..
| Quote: المهمم من جايى لى جايى القط مصاريفى وقريب المغيرب اوصل سوق بحرى واملا كيسى واركب المواصلات وارجع اكل لى لقمه واتابع التلفزيون |
دى بالضبط هى مشكلة الإنتاج غيرالمقنن والمدروس فى البلد كلها ، تتصور الواحد يقول ليك بطلع
بحق المواصلات فقط ..!! وبرجع مالى كيسى وجيوبى مصاريف اليوم ..!!
طيب إشتغلت شنو.؟؟ عفوا للكلمة .. وليس أنت المقصود بالطبع يا عمار ... زى ده إشتغل حرامى ؟؟
أو مستهبل وظل طول اليوم وحتى المغرب كما ذكرت يدور ويلف فى عمل الأونطه ، المهم أن يحصل على المال بأيسر الطرق وبكل الطرق شريفه وغير شريفه ..!!
مع الأسف هذا المنحى مش من اليوم بل منذ سنين طويلة منذ أن تبدل مفهوم عمل السمسرة ودخلوه النصابين
والمخادعين للدرجة التى أصبح يأتى أحدهم ويقف بينكم وانتم لا تعرفونه ويستمع لما تتحاورون فيه
بيع سيارة / بيع منزل / أى شيء .. بعد أن تتم الموافقه بينكما تفاجأ به يقول ( حقى ) ..!!
حق شنو ..؟ .. لأنى حضرت البيعه ..!! تصور ..!! ( ياخى يحضروك للضبح إن شاء الله ) ..
عالم عطاله كساله ، وصدقوا فى ما يقولون فى أمثالهم ، لايعملون ويمارسون الكسب السهل ، حرام حلال
لايهمهم فى شيء ، كثيره وكثيره هذه الظاهرة التى نمت واستشرت وفرخت ، بل وأصبح ينظر إليها من باب ( العادى ) ..!! عجبى .. فكل شيء أصبح عندنا عادى وغير العادى هو مثل كتابتى هذه .. وتحيتى ..
محمد مختار جعفر
| |
|
|
|
|
|
|
|
|
 Re: دعوه لسحب الجنسيه من السودانيين الذين تجاوزوا سبع سنوات (Re: طلحة عبدالله)
|
سلام يا عمار العريس..| Quote: طيب ليه وكت يطلعوا بره السودانيين يشتغلوا اما عنى فانا صحفى محترف لكن الصحف ترفضنى لانى اريد اسقاط النظام!!! |
ياخى إنت شكلك صحفى كيشة ساى والله,,
عليك الله الهندى عزالدين دا أحسن منك فى شنو !!!!!
وبعدين حوش بكرى دا مليان زملاء مهنة كلهم شغالين وحارقين تش!!
ياخ أمشى المريديان من الصباح وأقعد ساى لحدى العصر بتطلع بحق
الأسبوع كلو مش حق العشاء وبس,,
الشباب القعدين يطلعو لإسقاط النظام ديل أرجو إنك تكون مساند الفكرة وبتطلع معاهم!!
تحياتى..
* ناس السعودية ضغطت عليهم خالس خالس ياخ,,,
| |
|
|
|
|
|
|
|
|
|
Re: دعوه لسحب الجنسيه من السودانيين الذين تجاوزوا سبع سنوات (Re: Hadia Mohamed)
|
السلام عليكم الأخ/ عمار...
والله يا أخي أسأت لينا إساءة بالغة بهذا التعميم
لكن نعمل شنو.. أهو نتحمل ولازم نتحمل بعض...
ونسيت في لحظة يا عمار ما داعي المغترب للإغتراب
هو البحث عن حياة كريمة ليس إلا.. وحيث لا يحق
لي أن أتحدث عن الآخرين فأقول الحمد لله عن نفسي..
يا عمار يا أخي روقها.. والله يستر علينا وعليك..
تحياتي
| |
|
|
|
|
|
|
|
|
|
Re: دعوه لسحب الجنسيه من السودانيين الذين تجاوزوا سبع سنوات (Re: سيف النصر محي الدين محمد أحمد)
|
الأخ العزيز عمار
تحياتي وأمنياتي لك بدوام السعادة والهناء وراحة البال
| Quote: وعلى مهلتى البس واركب المواصلات واصل الخرطوم المهمم من جايى لى جايى القط مصاريفى |
أرجو أن لا تكون قد أوردت برنامجك اليومي هذا كقصة نجاح أو كمثال يجب ان يحتذي به أي مغترب عائد، وإلا فعلى الدنيا السلام. أنت بذلك تختزل قيمة العمل الجاد والمخلص والطموح نحو النجاح والسعي للارتقاء بالمهارات والمعارف والخبرات وتضعه في ميزان واحد مع شغل السمسرة والفهلوة والذي هو في مجمله تجسيد للعطالة المقنعة.
بالقطع لا تثريب على العاطل الذي حالت ظروف البلد أو سياسات الحكومة دون حصوله على الوظيفة التي تناسب مؤهلاته وإمكانياته، أما العاطل "الكسول" - ولا أقصدك هنا - فهو الذي يساهم بقوة - ضمن عوامل أخرى - في تأخرنا عن ركب التقدم والتطور الذي يعم كافة البلدان، حتى تلك التي كانت في يوم من الأيام تنظر إلينا كنموذج في التطور والتقدم. هذا العاطل الكسول في بلدنا هو من اعتاد على نمط العمل بأقل جهد لتلبية الحد الأدنى من احتياجاته، والاعتماد بعد ذلك في الغالب على قريب أو صديق مغترب مقصوم الظهر ليغطي الجوانب الكمالية لحياته السعيدة مثل الملابس والهواتف الحديثة والتلفزيون واللابتوب الخ..
أسأل أي مغترب مر هنا كم مكالمة يتلقاها من الأهل والمعارف يتلخص فحواها في "داير لي موبايل جديد لأنو الجبتو لي آخر مرة سرقوه .. والله عندي شيك كان ما غطيته يمكن أمشي السجن .. العربية واقفة ليها كم يوم عشان طرمبة الموية طرشقت"، وإذا في واحد فيهم قال ليك ما بتجيني طلبات زي دي، أعرفو طوالي إنو مقطوع من شجرة ولا علاقة له البتة بوطن اسمو السودان.
ليتك لم تقلها .. ففي عالم اليوم، والذي باتت التنافسية أبرز سماته وسادت فيه ثقافة الـ early bird، يتمنى أولئك الذين يعملون بجد وإخلاص لتلبية متطلباتهم الحياتية ولضمان مستقبل زاه لهم ولأولادهم أن يكون اليوم 30 ساعة بدلاً من 24.
| |
|
|
|
|
|
|
|
|
|
Re: دعوه لسحب الجنسيه من السودانيين الذين تجاوزوا سبع سنوات (Re: خالد عبد الله محمود)
|
Quote: دى بالضبط هى مشكلة الإنتاج غيرالمقنن والمدروس فى البلد كلها ، تتصور الواحد يقول ليك بطلع
بحق المواصلات فقط ..!! وبرجع مالى كيسى وجيوبى مصاريف اليوم ..!!
طيب إشتغلت شنو.؟؟ عفوا للكلمة .. وليس أنت المقصود بالطبع يا عمار ... زى ده إشتغل حرامى ؟؟
أو مستهبل وظل طول اليوم وحتى المغرب كما ذكرت يدور ويلف فى عمل الأونطه ، المهم أن يحصل على المال بأيسر الطرق وبكل الطرق شريفه وغير شريفه ..!!
مع الأسف هذا المنحى مش من اليوم بل منذ سنين طويلة منذ أن تبدل مفهوم عمل السمسرة ودخلوه النصابين
والمخادعين للدرجة التى أصبح يأتى أحدهم ويقف بينكم وانتم لا تعرفونه ويستمع لما تتحاورون فيه
بيع سيارة / بيع منزل / أى شيء .. بعد أن تتم الموافقه بينكما تفاجأ به يقول ( حقى ) ..!!
حق شنو ..؟ .. لأنى حضرت البيعه ..!! تصور ..!! ( ياخى يحضروك للضبح إن شاء الله ) ..
عالم عطاله كساله ، وصدقوا فى ما يقولون فى أمثالهم ، لايعملون ويمارسون الكسب السهل ، حرام حلال
لايهمهم فى شيء ، كثيره وكثيره هذه الظاهرة التى نمت واستشرت وفرخت ، بل وأصبح ينظر إليها من باب ( العادى ) ..!! عجبى .. فكل شيء أصبح عندنا عادى وغير العادى هو مثل كتابتى هذه .. وتحيتى .. |
| |
|
|
|
|
|
|
|
|
|
Re: دعوه لسحب الجنسيه من السودانيين الذين تجاوزوا سبع سنوات (Re: Fawzi Babiker)
|
الاخ عمار
الواحد فينا مافكر في الاغتراب الا بعد تقفلت في وجهه جميع الابواب والاوضاع حينها تجبر الشخص على الاغتراب لايجاد وسيلة رزق حلال بعيد من القيل والقال وكثرة السؤال واضاعة المال
هذا البوست محبط لنا كمغتربين لانها ليست المرة الاولى التي ينظر فيها الى المغترب كانه اجنبي
هذه النظرة قد تجدها كثيرا خلال عمل اجراءات المغتربين .
ياخي اقول ليك حاجة وريني الباس ووورد بيتاجر في الساعة بي كم يمكن نفكر نرجع لوووووولز
تحياتي
زاتوووو
_________________________________
مغترب من 14 سنة يعني بالعربي كده مفروض الجنسية تنسحب من سبعة سنين
علي الايمان لو ما اهلنا وحبايبنا كان سمعت بينا في ام صفقا عراض
| |
|
|
|
|
|
|
|
|
|
Re: دعوه لسحب الجنسيه من السودانيين الذين تجاوزوا سبع سنوات (Re: Nasr)
|
Quote:
3 بلايين دولار تحويلات المغتربين للداخل سنوياً
الخرطوم: هند رمضان:
اقر جهاز تنظيم شؤون السودانيين العاملين بالخارج، بضعف استقطاب مدخرات المغتربين الى داخل السودان للاستفادة منها فى الاقتصاد الكلي، وقال ان تحويلات المغتربين بحسب تقديرات صندوق النقد الدولي تقدر بنحو 3 بلايين دولار سنويا، وشدد على ضرورة الاستفادة من خبرات المهاجرين.
ودعا الامين العام لجهاز تنظيم شؤون العاملين بالخارج، الدكتور كرار التهامي، اثناء مخاطبته ورشة عمل حول (التأمين الصحي على العاملين بالخارج)، بمباني الجهاز امس، الشركات العاملة فى مجال التأمين الصحى، لايجاد صيغة خاصة ومحددة للعاملين بالخارج واسرهم.
واشار الى اهمية التأمين الصحي خلال المرحلة الحالية، باعتباره يمثل حافزاً من محفزات الاقتصاد الكلي، واثنى على التطور في مجال الخدمات الطبية بالبلاد خلال السنوات الاخيرة.
وقال التهامي، ان هنالك ضعفاً فى استقطاب مدخرات المغتربين الى الداخل للاستفادة منها في الاقتصاد الكلي، واشار الى ان تحويلات المغتربين بحسب تقديرات صندوق النقد الدولي تقدر بنحو 3 بلايين دولار سنوياً، واكد ضرورة الاستفادة من خبرات السودانيين بالخارج في مجال التأمين الصحي حتى يصبح جاذباً في السودان.
في سياق مواز، كشف نائب المدير العام لشركة البركة للتأمين، سيد حامد حسن، ان الشركة لديها مستويات تغطية خاصة للمغتربين بما يعرف بـ»تغطية الذهبية» التى تتراوح تغطيتها بين 5 الى 15 الف جنيه، بجانب التغطيات الخاصة بالدخل والتعليم.
من ناحيته، اشار مدير الادارة العامة للتغطية بالصندوق القومي للتأمين الصحي، بشير محمد الماحي، الى اهمية التأمين الصحي للمغتربين، لافتا الى وجود آلية لتحقيق تغطية التأمين ليشمل معظم اسر المغتربين بالبلاد.
وعزا فشل التجربة السابقة لادخال المغتربين في مظلة التأمين الصحي، للمتغيرات الكبيرة التي حدثت في مجال التأمين، وكشف ان التعامل مع اسر المغتربين سيتم بحزم مختلفة حسب وجودهم ومراعاة اوضاعهم المختلفة واوضاع اسرهم، بواقع 20 جنيها كرسم اشتراك لكل اسرة، كما سيتم استيعاب العائدين من ليبيا وفق الرسوم السارية على المقيمين والمغتربين.
الصحافة |
يا كافي البلاء أنت الصحف اللافي في مقراتها دي ما بتقراها و لا شنو ؟؟
| |
|
|
|
|
|
|
| |
عمار محمد ادم
هشام عباس
Mohamed E. Seliaman
nazar hussien
ABUHUSSEIN
محمد مختار جعفر
Mubarak kunna
أيمن الطيب
عبدالرحمن حسن الامام
د.محمد حسن
احمد محمد بشير
Asim Fageary
Kamal Karrar
خالد عبد الله محمود
ALZOLZATOO
الطيب رحمه قريمان
Nasr
نيازي مصطفى
معاوية الأرباب
فيس بوك
تويتر
انستقرام
يوتيوب
بنتيريست