|
|
|
 Re: خلاص خلينا تغيير النظام غيروا لينا الشعب دا (Re: مريم الطيب)
|
والله يا مريم يا اختي الحاصل دا يحير الما يحتار
شوف عيني الشعب دا مضغوط لما زيتو طالع
تشوفيهم في الشوارع متل المحنطين وبرضهم ساكتين
وعينهم في الكيزان ملظلظين والدهن نازي من وجوههم
النظام دا كويس بل ممتاز
لكين الشعب تعبان
يجب تغييره .
ولا بكدا ما ح نقدر ننافس في الدوري الممتاز
| |
 
|
|
|
|
|
|
|
|
Re: خلاص خلينا تغيير النظام غيروا لينا الشعب دا (Re: doma)
|
الخالة العزيزة دوما
السلام عليكم
فعلاً في مشكلة: إما في الحكومة أو في المعارضة أو في الشعب!
أو فيهم كلهم؟ أو في إتنين منهم!
وفي رأيي الخيار الأخير هو الصحيح!
والاتنين ديل هم: الحكومة ومعارضتها!
صدقيني: شعبنا بريء وشعبنا واعي!
وأكبر دليل وأبرز دليل وأقرب دليل على ذلك:
خروجه بالملايين لاستقبال جون قرنق!
ودي حاجة فيها دلالات ومعاني كتيرة جداً،
ثم ذهب جون قرنق،
وقامت الحكومة ومعارضتها بإجهاض كلّ أملٍ!
واتفقوا اتفاق ضمني على تقسيم الوطن بينهم!
فعليك الله، ماذا تريدين من الشعب أن يفعل؟
أن يدخل في معركة يراها في كل الأحوال خاسرة!
لأن البديل الجاهز فعلاً عند سقوط النظام، هو الحركات المسلحة!
المعارضة ليس لها تاريخ مشرف، لا وجود فعليّ مؤثر!
نحتاج ناخد فرصة نفكر شوية في الموضوع ده!
مودّتي!
| |
|
|
|
|
|
|
|
|
|
Re: خلاص خلينا تغيير النظام غيروا لينا الشعب دا (Re: محمد عبد الماجد الصايم)
|
Quote: شوف عيني الشعب دا مضغوط لما زيتو طالع
تشوفيهم في الشوارع متل المحنطين وبرضهم ساكتين
وعينهم في الكيزان ملظلظين والدهن نازي من وجوههم |
الخالة العزيزة دوما
تحياتي تسبقها اشواقي
كل سنة و انتي طيبة
عدت من هناك قبل شهر ..بحري التي شهدت ميلاد امي
وجدت الحال فيها لا يسر ...الناس كلها جارية ساكين
المعايش ..الشعب الله يكون في عونه مضغوط مصغوط مضغوط
ساكتين و مقطعنو في حشاهم ...
الطلبة من الصباح عاوزين يشربو الشاي و حق الفطور
و مصاريف المدرسة و قروش المواصلات ...
القفة و الملاح و الرغيف و الجمرة الخبيثة و العلاج
البيت بقي كلو شغال و بدون فايدة
بناتنا السمحات ديك الله يسلمك من حرارة الشمس و الغبار
نورتن انتهت ...شايلات الهم اكثر من الاولاد
و تعالي شوفي نسبة الطلاق مخيفة مخيفة السبب الزواج الجماعي
الظروف الاقتصادية المستقبل المظلم .
(الكيزان)
الله لا كسبهم ولا يوفقهم يا رب العالمين
التوظيف عندهم سريع .. يتلاعبو بقروش البلد
يغتصبو الفتوات يبنو في العمارات و يبدلو
في العربات ربي يجعل كل حريهم عذبات قادر يا كريم
تقولي لي شنو يا امي دوما
لك كل تقديري
| |
|
|
|
|
|
|
|
|
|
Re: خلاص خلينا تغيير النظام غيروا لينا الشعب دا (Re: امير طمبل)
|
سلام يا ماما دوما
انتو شنو موضة ( غيروا لينا ) دي!!
انا كنت قايلو البوست دا :
خلاص خلينا تغيير النظام لكن غيروا لينا الزول دا
برضو الكسلانين الهنا ديل عاوزين ( غيروا لينا) !!؟
منو هو البغير؟
لا يغير الله ما بقومٍ حتى يغيروا ما بانفسهم
الظاهر فات عليكم الدرس ( رغم ) واحد لثورات الياسمين و اللوتس والليبية ابو من غير ورد دي .. من الصحراء للصحراء .. زنقة زنقة بس!! .. و ملحمة اقتلاع الشاويش علي في اليمن السعيد .. اللخ اللخ من بقية الطغاة ابان عروش خروع ..
النار الاشعلا البوعزيزي علبت فوق عقال العروش الهربة .. الهش .. العويش
فهرب من هرب من طغاة و اتلادح الوسطى و من تنح و تنح و تنح حتى سئل عن نوع الغراء .. لكن في الآخر تنحى بالبركة ..
و منهم من ينتظر بئس مصيره .. و ما بدل بحكمو الفاسد تبديلاً ..
لكن الشعوب ارادت .. فلا بد ان يستجيب القدر
و لا بد للقيد ان ينكسر
و لا بد .. و لا بد .. الخ من الـ ( لا بدات ) ابو القاسم الشابي مدوزن انشودة الحرية .. و قائد شباب الثورات
يا حبيبنا
Quote:
فعلاً في مشكلة: إما في الحكومة أو في المعارضة أو في الشعب!
أو فيهم كلهم؟ أو في إتنين منهم!
وفي رأيي الخيار الأخير هو الصحيح!
والاتنين ديل هم: الحكومة ومعارضتها!
صدقيني: شعبنا بريء وشعبنا واعي!
|
كلامك سمح .. إلا ميزانو مختل في رأيي انا دا ..
الفي ييدو القلم تراهو هو الشعب الوصفتو بالوعي دا ذاتو
المعادلة الصحيحة ميزانا في يدو هو فقط لا غير
اما حكاية ( معارضة / حكومة ) دي طلعت دعاية مغرضة كرس ليها الاستعمار بس!!
في شعب و في نظام
و الارادة للأول لانو التاني موظف مؤقت لديه
كان ما عجبو يغيرو او يرميه في مزبلة التاريخ طوالي
السلطة للشعب يهبها لمن يختار
فاذا قال كلمتو ( الشعب يريد اسقاط النظام ) سكت النظام و يلم ضنبو بين رجلينو و كف عن الكلام
و يغور في ستين الف داهية
بعدين اشكالية البديل دي اسقطت في يد من يتحجج بها بعد انتصار ارادات شعوب المنطقة
بعد ما وعت انو اكبر معوق لنموها و حريتها و كرامتها هم الطغاة ديل
ماذا يريد الشعب السوداني الفضل؟
عليه ان يقرر .. و يتاكد انو لابد ان يستجيب القدر
اعتبرو وعد يا شعبنا
و ما بنبدلك .. ما بنبدلك
.
بغني لشعبي و مين يمنعني .. بغني لقلبي اذا لوعني :
اني اخترتك يا وطني فليتنكر لي زمني ما دمت ستذكرني
| |
|
|
|
|
|
|
|
|
 Re: خلاص خلينا تغيير النظام غيروا لينا الشعب دا (Re: قيقراوي)
|
..
.
| Quote: خلاص خلينا تغيير النظام غيروا لينا الشعب دا |
والله بعد يوم الليلة دا فعلا الشعب داير تغيير
غايتو انا والعوض حضرنا ولم نجد احد تماما كنقد ..
لا شرارة لا حريقة لا معارضة ولا حتى شرطة مكافحة مظاهرات ..
----------
ما عارف الدبابات القالها محمد عادل دى
دى الا تكون فى خور عمر والشجرة
| |
|
|
|
|
|
|
|
|
Re: خلاص خلينا تغيير النظام غيروا لينا الشعب دا (Re: Tabaldina)
|
Quote: ما عارف الدبابات القالها محمد عادل دى
دى الا تكون فى خور عمر والشجرة |
ركز يا صالح ولدي الدبابات دي في اليمن السعيد
محل في شعب خرج الشارع وفتح صدره لرصاص الطغاه .
الدبابات يطلعوها ليكم تتفسح في شوارع الخرطوم ؟؟!!
ما في ثوره بيضا ء اها لو شعب السودان منتظر الثوره البيضا ء
سينتظرون الي ان يظهر ياجوج وما جوج .
| |
|
|
|
|
|
|
|
|
|
Re: خلاص خلينا تغيير النظام غيروا لينا الشعب دا (Re: قيقراوي)
|
Quote: لكن الشعوب ارادت .. فلا بد ان يستجيب القدر
و لا بد للقيد ان ينكسر |
معناتوا يا قيقا شعبكم دا ما اراد
لانه القدر دا مسكين واقف منتظر ليهو سنين ودنين .
منتظرين يجي عسكوري يكسر القيد دا
لكين العسااكر اصحاب الشئ ذاتها الان
وفترنا نحن من عسكري لي عسكري
وكل واحد فيهم اسجم واضل من القبلو
يا اخي فترنا يا خي
حقوا يمسحونا من وجه الارض
بترول متل الناس ما عندنا
عشان امريكا تجي ترشنا
دي نصيبه شنو دي
| |
|
|
|
|
|
|
|
|
|
Re: خلاص خلينا تغيير النظام غيروا لينا الشعب دا (Re: محمد عبد الماجد الصايم)
|
| Quote: أحزابنا القديمة دي رافضة التغيير في ذات نفسها ياخ! |
صدقوني يا محمد ولدي فقدت عقلي نهائي في موضوع احزابنا الرافضه التغيير وليهم 50 سنه ما قدروا يقدموا شئ للسودان .
اي شئ عندنا من المهد الي اللحد
تبقي رئس حزب لما صاحب الوداعه ياخد وداعته انت رئس الحزب
تبقي رئس الدوله لما صاحب الوداعه ياخد وداعته
ولا يجي عسكري افلح منك يسحب الكرسي من تحت الديش انت الرئيس .
كرهتوا الرئؤسيه يا اخ !
| |
|
|
|
|
|
|
|
|
|
Re: خلاص خلينا تغيير النظام غيروا لينا الشعب دا (Re: doma)
|
ماما دوما
انتو ليه عاوزين تقوّلوا الشعب ارادتكم على اساس انها اردتو .. يا كمان تجوا تخرخروا!؟
في حالة الاوطان، الحب المرهون دا ما بقسم يا حاجة ياخ!
و إن جارت علي عزيزة .. و ناسا كرام
المافي شنو؟
--------
بس يا انت يا يغرق!؟
اتصلحي معانا بالله يا ماما دوما .. و ثابري
الجبل بتهد بقطرات طل حثيثة .. المافي شنو؟
يوم بكرة جميل .. و باكر ضواي
| |
|
|
|
|
|
|
|
|
|
Re: خلاص خلينا تغيير النظام غيروا لينا الشعب دا (Re: قيقراوي)
|
مافي عمر يا قيقا
ما فضل كثير
امنيتي اموت وفي وجهي ابتسامه انه الحال اتعدل
متمنيه اشوف دوله قانون ومؤسسات
متمنيه اشوف شفافيه ومساواه
اشوف قضاء نزيه وعداله
وما نسمع بفقه الستره بتاع الانقادينن ديل
اذا سرق القوي ستروه
وان سرق الضعيف اقاموا عليه الحد .
واخر الكلام
الزول الما بلتف حول ميثاق الشباب ديل الجابو عادل عبد العاطي اخير موتومن حياتو
| |
|
|
|
|
|
|
|
|
|
Re: خلاص خلينا تغيير النظام غيروا لينا الشعب دا (Re: doma)
|
الاخوة الاعزاء
افكر كثيراً في الفترة الاخيرة عن رياح التغيير في العالم العربي وعن فرص التغيير في السودان في الفترة الحالية وقد خرجت بهذه الافكار اود ان اشاركها معكم:
1. اولاً الشارع غير مهيأ لاي تغيير وذلك لاسباب اولها عدم ثقته في البديل "الاحزاب التقليدية" وثانيها الحالة الامنية في السودان، فالوطن يعاني مشكلة في دارفور واخري في الحدود من الجنوب "اي ان هناك خشية وعدم يقين من مدي التدهور في السودان". ففي ظل مثل هذه الاوضاع يكون الشعب غير مهيا للعمل علي تغيير النظام.
2. هناك شعور عام لدي من اتحدث معه بان الوضع السياسي في السودان يحتاج لشكل من التوافق بين الحكومة والمعارضة حتي يتم تخطي هذه المرحلة بهدوء ومن دون مخاطر كبيرة.
3. النظام في السودان هو نظام حزب سياسي لو وجود في الشارع ويختلف من الانظمة الاخري في العالم العربي التي تكون احزابها بعيدة عن الشارع، فالموتمر الوطني في نواته الاصلية هو حزب الجبهة الاسلامية القومية.
3. في تقديري انه علي الحكومة العمل علي الاصلاح وتوحيد الصف الوطني لان الوطن شئينا ام ابينا هو للجميع ومحاولة ابعاد الاخر لن تودي الا مزيد من الضياع.
| |
|
|
|
|
|
|
|
|
|
Re: خلاص خلينا تغيير النظام غيروا لينا الشعب دا (Re: doma)
|
Quote:
مافي عمر يا قيقا
ما فضل كثير
امنيتي اموت وفي وجهي ابتسامه انه الحال اتعدل
متمنيه اشوف دوله قانون ومؤسسات
متمنيه اشوف شفافيه ومساواه
اشوف قضاء نزيه وعداله
وما نسمع بفقه الستره بتاع الانقادينن ديل
اذا سرق القوي ستروه
وان سرق الضعيف اقاموا عليه الحد .
واخر الكلام
الزول الما بلتف حول ميثاق الشباب ديل الجابو عادل عبد العاطي اخير موتومن حياتو
|
اولن تفي من خشمك ياخ
كل العمر يا رب
كلنا هرمنا في انتظار هذه اللحظة التاريخية الوارد وصفها اعلاه
لكن برضو ما بنفرضا على زول..
و لا بنصادر حق زول
و لا بنحكتر الحقيقة .. و نتكلم باسم الشعب
و لّ يكون فيما نقاتلهم إذن !؟
لكن بنمارس حقنا الدستوري الديمقراطي في الحشد لراينا دا ( دولة مدنية حديثة )
و بنثابر .. اما ادركناه او ادركنا هازم اللذات و مفرّق الجماعات
لكن حتماً في اللحظة دي بنكون ( تراينغ ) او كما قال سيدي البدوي في ورِده لحواره اللهو انا دا.
سم سانين : يا ماما دوما قلنا ليكم الغنى المرهون ما بطرب
مافي زول بملك الزام التاني يشوف زي ما هو شايف الا اذا كان مستعد يديهو عيونو
بطلي اللفحي و ختف المحافض .. خلينا نتبين من امرنا رشداً
[ تلخيص اللحظة ] :
طريق الثورة هدى الاحرار
و قيل قديمن [ على الحرية منو بوصينا ]
و قال على عبد القيوم :
أي المشارق لم نغازل شمسها ونميط عن زيف الغموض خمارها
أي المشانق لم نزلزل بالثبات وقارها
أي الأناشيد السماويات لم نشدد لأعراس الجديد بشاشة أوتارها
" نحن رفاق الشهداء "
بس لا للاقصاء .. أي زول بتمثلوا اللافتة العريضة " الشعب يريد اسقاط النظام " معانا ما مع الخيانة
نرفع الاجندة الوطنية و ننزل اللافتات الحزبية/الايدولوجية/ الشخصية، الضيقة .. دي مواعينا ضاقت على ناسا ذاتم!! .. و ضاق منها الشعب دا .. كفاية 22 سنة ياخ! .. و لّ شنو يا الركاب؟
| |
|
|
|
|
|
|
|
|
|
Re: خلاص خلينا تغيير النظام غيروا لينا الشعب دا (Re: قيقراوي)
|
قيقراوي:
Quote: كلامك سمح .. إلا ميزانو مختل في رأيي انا دا ..
الفي ييدو القلم تراهو هو الشعب الوصفتو بالوعي دا ذاتو
المعادلة الصحيحة ميزانا في يدو هو فقط لا غير
اما حكاية ( معارضة / حكومة ) دي طلعت دعاية مغرضة كرس ليها الاستعمار بس!! |
شكراً قيقا!
صحيح الشعب هو الذي والذي ... وكما في الحديث: (كيفما تكونوا يولّ عليكم)!
ولكن الشعب إنما يعبر عن إرادته من خلال ممثليه
في الحكومة والمعارضة ومن خلال الناشطين المستقلين كذلك!
شعبنا تاريخه مجيد، وقدم الكثير،
وزي ما قال محمد أبوالقاسم حاج حمد، في إهدائه لكتابه:
(السودان: المأزق التاريخي وآفاق المستقبل)، قال:
إلى جماهير الشعب السوداني،
التي أعطت وأعطت وأعطت،
ولم تأخذ شيئاً!
لكني برضو متفق معك:
الميزان في يدو هو، وليتهم يتركونه في يده،
ولا يعمدون إلى إغضابه وتحريضه، حتى يسقطوا الميزان من يده،
فهو واعي، والدليل على ذلك أنه لا يريد أن يتحرك الآن،
رغم كلّ الأمواج الهادرة من حوله!
لأنه يفكر في البديل!
الدعوة والتحريض على التغيير، بدون إعداد البديل،
في مثل ظروفنا الراهنة،
حيث كل القوى السياسية مسلحة، أو قادرة على التسليح،
مغامرة ومجازفة!
لازم الوطنيين العقلاء ينهضوا للقيام بأدواء دورهم المأمول
في هذه المرحلة الحرجة!
أنا صراحة بقول ليك كلامي ده، وفي ذهني شخصيتان،
واحدة منهم كمال الجزولي، رجل مثقف وطني من الطراز الأول،
زائداً أنه حسب علمي ممن يتعاملون مع هذه القضية الحرجة،
قضية التغيير، بعقلانية، ...!
وأحيلك إلى كلامه في ندوة (العدالة الانتقالية)
التي في مركز الخاتم عدلان!
أجدد شكري!
| |
|
|
|
|
|
|
|
|
|
Re: خلاص خلينا تغيير النظام غيروا لينا الشعب دا (Re: صلاح عباس فقير)
|
صلاح فقير
اصلح الله حالنا بمثل هذا الكلام الحوار الهادئ
قول آمين
Quote:
وأحيلك إلى كلامه في ندوة (العدالة الانتقالية)
التي في مركز الخاتم عدلان!
أجدد شكري!
|
ماعارف اتلاقينا و لذ الاشارة جات صدفة
الندوة دي انا حضرتها" لايف " و بالدرب العديل داك
المفكر و استاذنا الجليل كمال الجزولي ما فيهو كلام تب .. و زي ما قالا هو همسلف مافي زول بزايد عليو
متفين ف كتير من نقاطك .. و استل مختلفين في البعض
فليعذر بعضنا بعض فيما اختلفنا فيه .. او كما قال شيخ " الاخوان المسلمين "
عاوز احصر نقاط الخلاف في انو حق ( التنظيم / التعبير / الدعوة و الحشد ) حقوق ديمقراطية و دستورية لأي زول .. على اساس المواطنة.
و الاختلاف على تركيبة المعادلة .. انا معترض على انها
شعب + حكومة + معارضة = دولة
انا معادلتي كالآتي :
شعب + نظام = دولة مدنية حديثة
النظام دا ممكن نحللوا لعناصر الاولية ( مؤسسات ) سياسية / اجتماعية ( جواها دينية ) / ثقافية / اقتصادية /
في رايي الشخصي - كحق ديمقراطي - انو النظام دا كووولو على بعضو كدا دظنط وورك!
السيستم كلو عاوز فرمتة
بناءاً عليه ح استمر و اواصل ما حييت في الحشد و التعبية للشعب - صاحب الحق و مصدر السلطة - انو يتحول بإرادتو لاسقاط ( النظام ) .. لاقامة نظام حر ديمقراطي نظام كفاية و عدالة و تساوي فرص، و تنمية مستدامة و عادلة بين المركز و الهامش .. ياخ ما دايرن يكون في هامش من الاساس، نظام فيه الحقوق و الواجبات تقوم على ( المواطنة ) فقط لا غير .. يستفيد من ثراء التكوين في بلدنا القارة دا.
بدون المساس بحق الاخرين في انو يدعوا للدايرنو هم.
التجارب من حولنا اثبتت انو الحاجات دي المعوق الاساسي قداما هو الطغاةو المستبدين الحكمونا لعقود ديل .. و الحقيقة الظهرت بيّنة انو الكلام دا ما بجيبوا لينا زول .. بجي بتضحيات الشعب دا ذاتو ..
طوبى لمن اشترى الحرية لشعبو بدماءه الطاهرة .. ما بقدر اطلب من أي زول .. لكن الطريق باين
و قديمن ابننا و ابن البادية قال " ما بصح و طريقنا باين ياشبابنا نقيف نعاين! "
و لّ بصح؟
----
اسمع كان لاقاك كلام بضرس ادو البحر .. حاكم اخوك مرات مرات النفسيات بتاور عليو في نصصصص النهار و اثناء ساعات العمل الرسمية ؤ كدا
| |
|
|
|
|
|
|
|
|
|
Re: خلاص خلينا تغيير النظام غيروا لينا الشعب دا (Re: قيقراوي)
|
Quote: لكن برضو ما بنفرضا على زول..
و لا بنصادر حق زول
و لا بنحكتر الحقيقة .. و نتكلم باسم الشعب |
غايتوا جنس جربنه كلام لا حكت لا بقت
هم الازول ديل ما ترا هو الشئ الكعب وشين
وافرش وتخين حكم الانقاد دا 22 سنه مفروض عليهم
بقي علي كلام دومه السمح وعديل
في زول برفض الديمقراطيه والحريه و العداله ؟ .؟؟!!
| |
|
|
|
|
|
|
|
|
|
Re: خلاص خلينا تغيير النظام غيروا لينا الشعب دا (Re: doma)
|
Quote:
غايتوا جنس جربنه كلام لا حكت لا بقت
هم الازول ديل ما ترا هو الشئ الكعب وشين
وافرش وتخين حكم الانقاد دا 22 سنه مفروض عليهم
بقي علي كلام دومه السمح وعديل
في زول برفض الديمقراطيه والحريه و العداله
|
لووووووووووول
شكارتا دلاكتا
اديني عيونك اشوف بيها
ما قلنا ليكم الديموغراطية دي قااااااسية
اها اتحملي الرأي الآخر عاد
دا طريق رايح و جايي .. انتو قايلنها نزهة؟
------
ماما دوما ياخ بهزر ساي
زي كلامك دا نحن ذاتو نلقى وين؟
لا
و دي الاجابة على سؤالك التعسفي دا
Quote:
في زول برفض الديمقراطيه والحريه و العداله
|
ما دام زول .. الاجابة لا
لكن خفافيش الظلام بتكره الضوء الساطع
| |
|
|
|
|
|
|
| |
doma
مريم الطيب
محمد عبد الماجد الصايم
امير طمبل
قيقراوي
حبيب نورة
راوية السر
فيس بوك
تويتر
انستقرام
يوتيوب
بنتيريست