يا دينا لمي جدادك .. حلف شمال الضهرة يحذر حلف شمال الاطلسي و للمرة الاخيرة
ظللنا في قيادة الحلف نرقب الوضع عن كثب .. و بقلق شديد تهافت تجار الحرب الاطلسيين و مسرحياتهم الهزيلة لن تنطلي علينا .. قايلننا جينا المجتمع الدولي دا ساكين لينا كيس؟ ساركوزي دا مش ياهو ذاتو الدعم زين الهاربين بن علي؟ تلقاها عند الغافل
يلا يا غريب يلا لي بلدك و شيل معاك عددك و سوق معاك ولدك ( القذافي ) و كل ربيب ليك في المنطقة.. الثورات دي شعبيبة و ارادات شعوب .. ما في فرصة للترزق هنا
اخير تساووا كلامكم .. قبال اقوم اساوي رقابكم!؟ و الله ان ركب فِرِد ضهراوي إلا يخربو عقابكم
( ستار ) .. مؤثرات صوتية
هيييييييع
03-21-2011, 11:18 AM
عمر التاج عمر التاج
تاريخ التسجيل: 02-08-2008
مجموع المشاركات: 3415
والله كان (اتوكرت)* يادينا مرقتها صعبة خلاص .. لكن عموما انا بكون خلصت حقى من الكيزان ديل اذا قدرنا وصلناهم مرحلة ماقبل (الاوديسا) مرحلةالهضربة والكبكبة والجرسة بتاعت القذافى دى .. والاوديسا تبقى زيادة خير ...حبابها.. وحباب صواريخها ...
* المعنى المقصود (اتجخننت) ..واتجخننت مصدرها (جخنون) ...وقد تاتى مرادفة لكلمة (اتحكرت) من التحكر وهو ضرب من ضروب الجلوس ادمنه الحكام العرب والافارقة فى القرن العشرين ..وقد تحكروا على كراسى الحكم فى بلادهم عشرات السنين وتزيد ... والله اعلم ...
03-21-2011, 02:50 PM
دينا خالد دينا خالد
تاريخ التسجيل: 06-26-2006
مجموع المشاركات: 8736
Quote: المعنى المقصود (اتجخننت) ..واتجخننت مصدرها (جخنون) ...وقد تاتى مرادفة لكلمة (اتحكرت) من التحكر وهو ضرب من ضروب الجلوس ادمنه الحكام العرب والافارقة فى القرن العشرين ..وقد تحكروا على كراسى الحكم فى بلادهم عشرات السنين وتزيد ... والله اعلم ...
لووووووووووب يا محمد عبدالرحمن شفت الليبى الساخط البجيبو يقول خلاص ضقنا هاى الرجال مقعمز فى رؤسنا 42 سنه ؟
03-21-2011, 03:32 PM
دينا خالد دينا خالد
تاريخ التسجيل: 06-26-2006
مجموع المشاركات: 8736
Quote: الإلياذة هي ملحمة شعرية تحكي قصة حرب طروادة وتعتبر مع الأوديسا أهم ملحمة شعرية إغريقية للشاعر الأعمى هوميروس المشكوك في وجوده أو أنه شخص واحد الذي كتب الملحمة وتاريخ الملحمة يعود إلى القرن التاسع أو الثامن قبل الميلاد. وهي عبارة عن نص شعري. ويقال أنه كتبها مع ملحمته الأوديسأ. وقد جمعت أشعارها عام 700 ق.م. بعدة مائة عام من وفاته. وتروي قصة حصار مدينة طروادة عام 1200 ق.م. وتدور أحداث الإلياذة والأوديسا حول الآلهة البشر. وصورها في شكل ساخر وبين فيها أن البشر يتأثرون بالصلاة. ولهم إرادة حرة يصنعون من خلالها قراراتهم ويتحملون أخطاءهم. والملحمتان يكملان بعضهما.
ــــــــــــــــــ يبدو ان هوميروس سيبعث من جديد ..
اميرة الشيخ بطلى الفلهمه الناس ديل كان رجعوا .. بنقرض ،، ح تكون فى محركة شديييدة وعدتهم دى كان بجيبوها عشانا مخصوص كان جابوها لى ناس دارفور يا ختى ما تقصى وترصى فى محلك دا .. هسه بقوموا عليك الجماعة البقولوا ليكم اسكتوا انتو يا اركبوا تعالوا ديك ..
ــــــــــــ طبعا هسه ناس الاوديسا ديل عاااادى ممكن يجيبكم هنا بى وون كليك .. تانى ما عندكم عذر .
03-21-2011, 04:09 PM
دينا خالد دينا خالد
تاريخ التسجيل: 06-26-2006
مجموع المشاركات: 8736
Quote: بالامس قال وزير خارجية فرنسا في مؤتمره الصحفي : بموجب التصريح الذي منح لنا من مجلس الامس .. فرصة لكل العرب لتغيير الدكتاتوريات الجاثمة علي صدورهم
عليك النبى يا ادريس ؟؟ قالها ليهم عديييييل كدا ؟ ولاااا مغتنها بى قشات .. غايتو كان لى رئيسو ساركوزى وهيلرى عملووها وااااضحة ... ساركوزى دا كان قرار الحظر دا ما طلع كان كفكف قميصو وجا ضارب قذافى دا براااهو ..
03-21-2011, 05:50 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
العزيز عمر التاج سلامات ياخ البحرين دى يا عمر مافى زول بهبشهم فى ى ى عديلم والملك مشترى نفسو العدة جات للدعم زماااان وعاش الملك مات الملك خلينا نشوف الشعوب الغلابا
امير فتحى ازيك
Quote: مفروض يكون التالت بعد صدام والملا عمر وإتحرفن مفروض يقول لا لإنفصال الجنوب و(يتحامق) وإتحرفن مفروض يحتضن القاعده وإتحرفن وتكتك
قالوا يا ود امى الدنيا مااااا بتدى حريف ؟؟
03-21-2011, 05:28 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: بلاد أكلة البردي/اللوتس " شحات و قورينا (ليبيا) "
و لا دي :
Quote: وفى علم النفس يستخدمون عبارة اكل اللوتس للتعبير عن الشخص فاقد الذاكرة اوالشخص الذى يبنى قصورا فى الهواء ويرجع هذا الى احدى الاساطير الاغريقية عن شعب كان يعيش فى ليبيا كان طعامه يتكون من ثمار وبراعم اللوتس وكان كل من ياكل منه ينسى اسرته ووطنه واصدقاؤه
بعدين صاحبك ساركوزيه دا ما تمسكي فيو شديد .. دا زول ساي و زيف الاسلام - القذافي الابن - ماسك ليو زلة .. طلع قاااااابض الما بحمد ربو .. اها جريهو دا عشان ما يطالبوه يرجع .. شايف القذافي الابن شايل حسو و حالف ما يخليو كلو كلو. عارفة صندوق " آكلي اللوتس " الاستثماري قيمتو كم في اوروبا ؟ انقري؟ 70 مليار دولار عداً نقداً .. صلعا تطاقش .. صلعة تطاقش صلعة
اسمعي عندك خبر قروش ماركوس بتاع الفلبين فكوها و لّ يا يوم الليلة!؟ الاطلسي ديل جراب ام chـوب بس!! برضو تقولوا لي الطيارة فيها بوري!! ما فيها .. ما فيها ياخ!
اسمعي فرنسا دي بكون فيها " منتزها " مش؟ كان مش، النصلح علاقتنا بساركوزيه من اسي ساي
03-21-2011, 07:38 PM
دينا خالد دينا خالد
تاريخ التسجيل: 06-26-2006
مجموع المشاركات: 8736
قيقا !!! هو فى زول بصدق سيف الاسلام؟؟ .. دا مرفوع منو القلم فرنسا دى لو الناموسة دخلت جيب ساركوزى فى الحملة الانتخابية بشررحوها انت قايل العدة دى لما مايكون فى حرب بتكون قاعدة ساى !!
ـــــــــــــ ياخ المعارضة فى فرنسا ما اشتغلت بى كلامو. بقت على قصة محمود الكضاب ..
03-21-2011, 10:06 PM
Adil Osman Adil Osman
تاريخ التسجيل: 07-27-2002
مجموع المشاركات: 10208
يا امجد المشكلة نحن البقومنا على حيلنا شنو ؟ هسه الجماعة ديل كان هتفوا من امريكا هناك النظام مش كان سقط ؟؟ يقولوا ليك فى موقف قدام السفارة يجو تلاته !! اها ديل حالتم الناس الشردهم النظام .. تقولى يا امجد مارس ماسك كتف ابريل ..
ما تسمع مليشيات ودفاعات والقصص الميته دى الموضوع دا ما ح ياخد غلوة .. ناس اوديسا ذاتهم يتهجمو ..
ــــــــــــــ بعد اذنك يا دبس الصورة ملطوشة من بوست حفل عصام نور فى واشنطن
03-22-2011, 07:02 AM
Tabaldina Tabaldina
تاريخ التسجيل: 02-12-2002
مجموع المشاركات: 11844
Quote: يا نجاة زولك دا انتى قايله بلخبت من الليلة ولا امس؟؟ اها هاك اقرى صفحة من القريين بووك بتاعو
إنتي يا دينا الكتاب الأخضر دا إعتمدوا في لغته على (لا حياء في الدين ولا شنو ؟) مالا لغته بتخجل كدا!؟
بالنسبة لأهلك وعقلانيتهم .. ديلك تفتيحة وماسكين مفاتيحا، ما نسوا العدوان الشنو داك ما عارف .. ومجربين لا خلوا طليان لا فرنسيين لا إنجليز لا حبابيهم الأتراك
هو التجارب والخبرات دي بتتبني بالسااااهل !
03-22-2011, 08:58 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
دينا انت شكلو ساركوزي " اليميني " دا شارقك القذافي الابن مالي يدو قال " الحملة الانتخابية " و بالمستنداااااااات .. و الحشاش يكبر الـ G, و يملأ الـ D نشوف آخرتا وكت بالمستندات .. بكرة ببلاااااااش
اها المعارضة رايا شنو في لداحتو في الحالة التونسية الحزب الشيوعي - الفرنسي .. الفرنسي ياخ ! هو كل المدردم ليمون هو؟ - رايو شنو في خطابو الديني
ما شايف فرق بين اللتنين آآآآآآآآآآتوووووووول!!
اللهم افتن الظالمين بالظالمين .. و اخرج الليبيين من بينهم سالمين
و على القذافي " العقيد " و " الابن " ان يعيشوا المجد و يغنوا و يرقصوا و يستعدوا " شيخ العرب اتوسد تقيلة ان شاء الله ثابت اجرو صنقعوا للسماء .. عاد بتطيروا و لّ بتجروا ؟ "
03-22-2011, 09:22 AM
محمد أبوالعزائم أبوالريش محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
the Arab wold is changing in dramatic and unpredictable ways
يعني التحالف حيكسر ركبة في المنطقة العربية. لمن يفضي ليهم خزاينهم. يعني الثورات دي حتلقى الخزاين بح. وموت يا حمار لمن نحصل نقطة الصفر. حكامنا ديل يضرونا وهم قاعدين ويضرونا وهم ماشين. منشار بس!
أمس في واحد من تقارير قناة الجزيرة قالوا ما معناهو أن تجارة السلاح انتعشت عندما كون القذافي ترسانته من السلاح لحماية نفسه ودعم حركات التمرد في العالم وهاهي الآن تنتعش بسببه حيث يستخدم نفس السلاح لتدميره وتدمير ليبيا معه.
بعدين نحن مامحتاجين لي عدتهم دي. شعبنا قادر على إسقاط النظام. وكان احتجنا ليهم بيرسلوا لينا كم مارينز كده مع دفار عكاكيز وينقضي الأمر.
و كان رسلوا لينا زي ديل
يقعدوا ناس عبد الرحيم يشبكونا اليوم كلو الدابة ضربت والدابة هربت وما عارف شنو كدا.
يا محمد البشرى
أسي إنت ما لفتت نظرك إلا الصورة دي والمنطقة العربية في مثل هذا المنعطف التاريخي الخطير؟؟؟؟
لكن فعلا ساركوزي د1 منو جفلة.
03-22-2011, 10:22 AM
أبو ساندرا أبو ساندرا
تاريخ التسجيل: 02-26-2003
مجموع المشاركات: 15493
غايتو الكلام ده مع اسمك ماجاي لانه التعبير ده انا اخر مره قبل 17 سنه لكن زى ما بقول تبارك المهم.. مالك علينا نحن عدة الناس ولا دايرنها ولا عندنا ليها قدره وبلدنا فيها بالكتير 15 كبرى محتاجين ليهم شديد واهلنا ناس مساكين مابقدروا على جرائم الاميريكان البسووا فيها يمين وشمال دى.. واكان للكيزان برانا بنقدر عليهم بس سووا لصبر ياشباب...
03-22-2011, 12:24 PM
Siham Elmugammar Siham Elmugammar
تاريخ التسجيل: 06-18-2004
مجموع المشاركات: 3488
Quote: هى أصلها كانت مقرّشة فى البحر الأحمر قريب جنبنا والباقى جنب البحر قريب!! وبعد ما تخلص من ليبيا حتجى راجعة القراشات للصيانة والإستعداد لعمليات أخرى.
الله يطمنك .. دا كلام كوماندر كبيير ما بنديهو البحر
د. محمد بابكر
Quote: غايتو الكلام ده مع اسمك ماجاي .
انت قايلنى منبتته ؟؟ والله قاعدة لى مع حبوبات اخطر من حبوبة غريبة دى !! المهم ..
سهام المجمر ايواااا كدا بالله الزميل دا رشى .. كل ما يرفع راسو رشى .. قام علينا يملانا ظرف ذاتى وظرف موضوعى وهسه اى ى ى ظرف مافيه قروش ما بنفع ! ,
03-22-2011, 03:17 PM
دينا خالد دينا خالد
تاريخ التسجيل: 06-26-2006
مجموع المشاركات: 8736
وانا مالى ومالو انا مالى ومااااالو لو ما اخاف الكضب يا عادل الصور دى فى ى ى ى دار فور ذااااتها ..
ــــــــــــ يعنى هسه نحن نستنى جماعتك المبطحين فى الواطة بى البنادق القديييمة ديل وهدومهم ######انه؟؟ والله بالغتا فجر الاوديسا ياخ ديل يمرقوا من ميدان الحرب ذى الكانو فى اجتماع .. تامهوك من لا تامهوك له .. هم من زمن رقاد الواطة دا قال مليشيات قال ..
03-22-2011, 05:51 PM
دينا خالد دينا خالد
تاريخ التسجيل: 06-26-2006
مجموع المشاركات: 8736
Quote: ملك السعودية قال لى ناس فجر اوديسا خلاص تانى مافى زول يقول لى يا ملك ... لووووب
خليهم يعملوا ملكية/جمهورية بين السعودية والسودان. دولة البحر الاحمر الكهرمانية.
سحبت صورة المدمرة الامريكية إذ تطلق صواريخها التوماهوك، لأنها كبيرة جدآ وفتلت البوست. تجدين نفس الصواريخ في الفيديو. قذف في قلوبهم الرعب صاروخ إثر صاروخ. الصاروخ بالمناسبة كانت ماركة عطور مشهورة في السودان. تعرفها الجلابيب والعمم والشالات ومؤتمرات المؤتمر الوطني/الاسلامي وردهات القصر الجمهوري وباحات مجلس الوزراء ومكاتب بنك فيصل الاسلامي وعمارة الفيحاء وعلم بنك التضامن الاسلامي، وعباءات الحرس القديم والحرس الجديد وهلم جرآ، أو، وهلمّ عطرآ.
________
دينا خالد: وحياة جمالك، إنتي نجمة هذا المنبر بلا منازع. من كل النواحي. ذكاء، وخفة دم ، ومتابعة، وكتابة السهل الممتنع، ومزج الحقوقي بالسياسي باللغة السودانية الدارجة.
والله بيناتنا المسافة .........
03-28-2011, 08:20 PM
دينا خالد دينا خالد
تاريخ التسجيل: 06-26-2006
مجموع المشاركات: 8736
الراجل انيق الكلمة عادل عثمان القلوب عند بعضيها والله يا عادل لكن ماذا يفعل الحاسد مع ملاسى ..
البت منى التوم !! ازيك يا بت واكتبى بطلى الدلع ما جيتى من 2010 مالك ؟؟
الجماعة ديل يا منى شايلين عدة من لا عدة له تجو نبدل قادة المعرضة ديل بالعدة ؟؟؟ لوووووووول غايتو الترابى بجيب البارجة دى الصادق ما بعرفو .. نقد لو عندهم ظروف شى موضوعى وشى ذاتى اوووووع تجينى يا ابو ساندرا دا هظار ياخ ..
03-24-2011, 10:28 AM
دينا خالد دينا خالد
تاريخ التسجيل: 06-26-2006
مجموع المشاركات: 8736
نحن كناس كنابو وكراكير اسم اوديسا ده لو جانا لا بنهز ليهم كانون ولا بنعمل ليهم موية ليمون الخواجات ديل.. ومادام سافروا الي روما القديمة وسمو للقذافي (فجر الاوديسا)... احنا برضو يسافروا لينا روما القديمة دي زاااتها ويسمو لينا هجمتنا ( فجر باخوس -1)*
--------------- وباخوس هو اله الخمر الاغريقي لوووووووول
03-24-2011, 02:10 PM
دينا خالد دينا خالد
تاريخ التسجيل: 06-26-2006
مجموع المشاركات: 8736
يا كريم هم ناس الكمبويات ديل عارفين اوديسا ولا رشاد نميرى ؟؟ الواحد لما يقبضوا ويشوف الشمس وهو ماشى على القسم .. يقول ليهم يا جماعة انتو ازهرى دا جنا ولا شنو ؟؟ لووووووووب
03-25-2011, 06:34 PM
دينا خالد دينا خالد
تاريخ التسجيل: 06-26-2006
مجموع المشاركات: 8736
يرجعوا شنو يادينا على قول أمريكي لاقاني في المغسلة قال لي شفتينا دخل كوريا مرقنا تاني؟ قلت ليهو لا دخلنا المانيا مرقنا تاني؟ قلت ليهو لا دخلنا اليابان مرقنا تاني؟ قلت ليهو لا قال لي طيب الهيمرقنا من العراق شنو؟ وهسة نفس الحال ليبيا مافي مرقة تاني ولا رجوع
03-29-2011, 02:21 AM
دينا خالد دينا خالد
تاريخ التسجيل: 06-26-2006
مجموع المشاركات: 8736
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
دينا خالد
مريم الطيب
Amjed
عمران حسن صالح
ادريس خليفة علم الهدي
doma
Asim Fageary
Zomrawi Alweli
مهيرة
قيقراوي
عمر التاج
أمير فتحي
محمد عبدالرحمن
محمد المرتضى حامد
محمد البشرى الخضر
smart_ana2001
عماد الشبلي
Adil Osman
محمد أبوالعزائم أبوالريش
أبو ساندرا
د.محمد بابكر
Siham Elmugammar
حبيب نورة
كمال علي الزين
عبدالكريم الامين احمد
Rawia
فيس بوك
تويتر
انستقرام
يوتيوب
بنتيريست