|
شلليات المنبر..
|
بالله ساعدوني بي الأسماء .. يعني فلان وفلانة وفرتكان وعلانة دي شلة براها.. علان وعلان وعلانة وعلانة وعلان دي شلة تانية .. عايز أشوف المنبر ده فيهو كم شلة وأحدد أقوى شلة عشان أنضم ليها في بداية موسم عنوان المنبر الجديد .. الأوفر الحا أقدمو للإنضمام للشلة : - أنصر أي زول من الشلة دي ظالماص كان أم مظلوماً.. - أستلم ليهم شكلتهم بدلهم لو في زول شالكهم .. - أقول الكلام الشين نيابة عنهم .. - في حال عدم توفر الإنترنت لي أي زول من الشلة يديني الباسوورد حقو والرد العايز يقولوا وانا بنزلو ليهو .. - خدمة 24 ساعة باخر الأخبار الإتقالت في الزول حال إنشغاله في المكتب أو عدم قدرته على التصفح اثناء العمل .. - مشاركة المعلومات مع الشلة عن باقي أعضاء المنبر (نستخدم أفضل وسائل الإتصال مسنجر فيس بوك ايميلات ورسائل قصيرة)
تخريمة : * هذا العرض لا يشمل مشاركة الصور .. * الشلة الأكثر توفيقاً فرصتي في في الإنضمام ليها أكبر.. *أي شلة فيها مصطفى محمود ونجاة انا غير معني بها..
|
|
|
|
|
|
|
|
Re: شلليات المنبر.. (Re: مازن الجمّال)
|
خلينا من شلل سودانيز البتكمل القروش في النت وتطاع فالصو عليك اتصل علي عايزك ضرووووووووووووري فقدت رقمك وياريت لو تجدعو لي في الخاص ولو عايز تبقى مشهور لصقو هنا عشان لو مميز الشلل تتنافس عليك وسهمك يطلع و...........يطلع
| |
|
|
|
|
|
|
|