|
ونسة اهل العوض البتداوي المرض _ توجد موية ساقطة ورغيف
|
اتنين من اهلنا الممتازين ابهجايم وعوج الدرب مسافرين ساهي في ارض الله الواسعة دي محل تمسى ترسى .... دخلوا حلة اقيلوا فيها سيد البيت ما قصر جاب ليهم الفطور وبعد الفطور عوج الدرب شاف ليهو حتة كسرة فوق حنك اخوه ابهجايم وماداير سيد البيت افهم كلامن قام قال ليهو ابهجايم اخوي ... ود اب عيش اسلم عليك طوالي ابهجايم فهما طايرة وقشا حنكو من الكسرة وقال لعوج الدرب اها بتحراهو لي رحل ولا لاسع في بكانو داك يا حليلو رحل بعيد خلاس سلم عليهو كا لاقيتو . . ونسة جد وحفلة مدورة وعجاجتا في السماء
|
|
|
|
|
|
|
|
Re: ونسة اهل العوض البتداوي المرض _ توجد موية ساقطة ورغيف (Re: عبدالله ود البوش)
|
ناس النزلة بنفعو معاك
دحين بتعرف ام دير,,,,
اخونا مصطفى من ناس الخيران,,كنا طلبة ساكنين فى هضبة الدكن(الهند) آآآآآجنا هوووووووو,,نقبض فى المزنة زى قبض القبورة,, المطرة مدورة سبعطاشر ساعة حلة عدسنا تسوى ياغربتى,,اخونا اسمه حسن الكندى نزل وجاب لينا الرغيف من الطابونا طبعا الموية الساقطة عندنا,,اها شفنا لينا بنات غربة نزلن من الرقشة طارباهن المطرة,,الجنسية كينيات,,بسعالن عن معارف ليهن ساكنات مع السحابة الفوق ديييك,,ودالخيران حن على العوين دخلن الشقة,,ودور فيهن شاى بوخو يلوى فى الغرف التانية غرابة ال10 زملاء,,وبعد ونسة طويلة من كلام الخواجات,,طلع علينا زميل من ارض المحس ,,قال لينا ياناس ابقوته طاربين الونسة مع الجكس براكم,,,شب مصطفى وقال ليه ياولد انت فارة ,,,(سمك البخار دا الدايرو منو),,عليك امان الله بقينا اسبوع كامل بقينا نشرح بيها جملة ( سمك البخار) للشلة,,,,,
ادينى نص رغيفة ب فول حاجات وموية ساااااااقطة,,انا لاحق معزاى دخلن الشواديف
تحياتى
| |
|
|
|
|
|
|
Re: ونسة اهل العوض البتداوي المرض _ توجد موية ساقطة ورغيف (Re: طه إبراهيم عبد الله)
|
ات يا طه ما سمعة بصة زولك البكورك في المديح اولادو قالوا ليهو فضحتنا فضيحة تاني ما تكورك في المديح وتهيج لينا وسط الناس اها قام زعل وقال ليهن تاني على الطلاق ما اعرض في مدحة بعد شهرين جوا في الحلة مداح وزولك اتململ ساهييييي بعد شوية المداح مدحو الطيارة السودانية حقت البرعي اتلفت على اولادو وقال ليهن اها جات المدحة البطلق امكن وزولك تلب وقال حاااااااااح
| |
|
|
|
|
|
|
Re: ونسة اهل العوض البتداوي المرض _ توجد موية ساقطة ورغيف (Re: abuguta)
|
Quote: ناس النزلة بنفعو معاك
|
ديل العليهن الرك يا ود ابقوتة . . جينا من النزلة جنة النعيم بت عمتي فاطنة قنبت تكورك العرب بي الجرب العرب بي الجرب عمتي نهرتايا بت ناس خالك امحمد وخالتك بتول مالك بتعديهن بالجرب الجرب اللياخدك قامت غيرت الصيغة وغنت مرة اخرى العرب بالجرب الا خالي امحمد وخالتي بتول . . دا ما خريف ابو السعن . . اليوم داك الحلة كلها شططططططط شطططططططط وفي نص اللكل تتكرر عبارة قالوا الشبع حلال في التمك والسمك اها آآآ ما تخنق . . ابوقوتة ونستك لذيذة خلاس
| |
|
|
|
|
|
|
Re: ونسة اهل العوض البتداوي المرض _ توجد موية ساقطة ورغيف (Re: عبدالله ود البوش)
|
Quote: ابهجايم* اخوي ... ود اب عيش* اسلم* عليك طوالي ابهجايم فهما طايرة وقشا حنكو من الكسرة وقال لعوج الدرب اها بتحراهو* لي رحل ولا لاسع* في بكانو* داك يا حليلو رحل بعيد خلاس سلم عليهو كا لاقيتو
|
الأوض في شرح ونسة أهل العوض
ابهجايم: اسم...مكتوب حسب نطقه عند أهل العوض والصحيح في اللغة العربية هو أبو هجايم... والهجيمة: هي الطريدة والهجيمة من اللبن: ما لم يرب وقد كاد يروب والهيجمانة: الدرة
ود أب عيش...اسم مكتوب حسب نطقه عند أهل العوض والصحيح في اللغة هو ولد أبو عيش...والعيش هو الخبز
بتحراه: الاصل تتحري عنه... البكان: المكان...وكلاهما صحيح...في اللغة العربية... مثلما وردت مكة ...وبكة... لاسع...اصلها لا ها الساعة...ولتعجل اهل العوض في النطق بيحزفوا الها وتلاتة آلاف وتاء مربوطة كيتا في اللغة العربية
والكلام بمجمله معناه:
زح شرمة الكسرة الفي حنكك دي... ولما زحاها...قام شغل رفيقو مراية... ورفيقو قال ليه خلاس زحّت
| |
|
|
|
|
|
|
Re: ونسة اهل العوض البتداوي المرض _ توجد موية ساقطة ورغيف (Re: ismeil abbas)
|
Quote: بصراحة أنا شرح ودالبشرى ما فاهم حاجة لكن إحتاطى كده..
|
غايتو ات وود البشرى بقت لعليكن حكاية الغراب الداير اقلد الطاؤوس وغلبو التقليد وداير ارجع لمشيتو اللولى نساها اها بقى اعرج ساهي لا عرف مشى زي الطاؤوس ولا اذكر مشيتو القديمة بقى اعرج ساهي زي العولاق كاااااااااااك . لكن بصراحة اتو الاتنين تتحبو ومكانكن خاص بس حفلتنا دي اختوها عشان الجلد بدون بنج كاااااااااااك . . ولدك حسن شغال كما ينبغي ان يكون وسنفرح به فرحا شديد ملحوظة : بكرة امتحان فراق الحبايب
| |
|
|
|
|
|
|
Re: ونسة اهل العوض البتداوي المرض _ توجد موية ساقطة ورغيف (Re: nazar hussien)
|
ود حسين ما تشرح للعمي ديل هن مستعربننا لكن نحن لابدين فوق راى . . امام جا لاهلنا وسجاهن ليك بسورة طوييييييلة والجماعة اتململوا العندو قصب ما جدعوا والعند بهايم رضعن وزولك ما جايب خبر ورررررررر وررررررررر اها وقف في آية غلبتو وكذلك نقص عليك وكذلك نقص عليك اها تسمع عمك الباع جمالو ما توروا ما توروا يا جنيات يا ود ابدكانة اوعك توريهو خلوا للوس كدي زي الحمار الضنبو مقطوع
| |
|
|
|
|
|
|
Re: ونسة اهل العوض البتداوي المرض _ توجد موية ساقطة ورغيف (Re: ismeil abbas)
|
Quote: ات يا طه ما سمعة بصة زولك البكورك في المديح |
يا زول أنا ما سمعت أنا عايشت عديل هو في حلة ما فيها درويش ؟ أها أسمع الحكي دا ، ما قصص ونكات قريبنا - متعه الله بالصحة ومد في أيامو - درويش أصلي بعمل حاجتين : برطن وبزغرد عندو تلاتة أربعة زغريتات كدا بفكهن مناظر وبعدين بدخل في فيلم الرطانة أولادو ما عندهم مشكلة مع الرطانة لكن الزغريت دا مزعلن وعامل ليهم إحراج مرة في عيد رجبية كدا الناس مشو أم مرحي الشيخ الطيب كنا راكبين لوري ، أها أول ما بقينا على مشارف الوصول عمنا الطيب ومعاهو حمّدو ( اسم الدلع لي أحمد ) وقفو اللوري وسكتو الناس .. شوف يا الريح أوعك حسك عينك تقوم تزغرد وتفضحنا مع الناس قال ليهم : سمح والدي رجل حكيم ، قال لي حمدو : ياخ ما تخلو الزول في حالو أصلو ما بي خاترو المهم شلنا التهليل ودقشنا القبة أول لفة عمك الريح فك زغريتا لي عنان السما أبوي اتلفت لي حمدو وقال ليه : حمدو دي فيك وفي اللفة التانية كانت الزغرودة في عمي الطيب التالتة أبوي قال لي : دي فيك إت وفي الفلسفة بتاعتك ( هكذا يناكفني دائماً )
| |
|
|
|
|
|
|
Re: ونسة اهل العوض البتداوي المرض _ توجد موية ساقطة ورغيف (Re: طه إبراهيم عبد الله)
|
ولد امحمد حصل و الله حمارة أم حقين "مصت" حمارك....مص..!!!!
صاح به صديقه فى المدرسة الابتدائية ود عبد الله....و هو يمسك بطرف جلبابه على حافة شفتيه.
انتفض ولدامحمد...كمن اصابته شظية دبابة و صـــار يجرى باقصى سرعته ناحية حماره الذى تركه يرعى بالقرب من الميجر....و هو يصيح باعلى صوته...بت الغلفة يا حمارة أم حقين....إنشاء الله ما ينفعك....ضعفتى لى الحمار ود ال######...لمن بقى ما بنوم...و لا بحوم...يا بتتتتتتتتتتتتتت الغلفة...و الله الليلة اقتلك...و هو يزمجر و يزبد و يرقى.... و يضرب الارض بعاصاه التى هى أطول منه....
و عندما وصل الى حيث ترك حماره...وجدهما فى حالة عناق لا تنتهى مع حمارة أم حقين....فصاح باعلى صوته....
مصتيـــــــــــــــــــه الله أمصك انتى ...وام حقييييييييييييييييييين
ونزل ضرب فيها بعصاه التى هى اطول منه....
صديق القاعد بعيد
| |
|
|
|
|
|
|
Re: ونسة اهل العوض البتداوي المرض _ توجد موية ساقطة ورغيف (Re: الامين موسى البشاري)
|
Quote: على الطلاق تشرب الموية ب 50 قرش
تبولها ب 2 جنيه
|
حبيبنا اللمين ود البشاري
ات يا جنا الليام دي قاعد تعرس ولا قاعد تسطل . . لكن اكان اديك واحدة حقيقية واظرط منها . . واحد من جماعتنا شغال في الخرتوم والناس تحيا وتموت عشان اعرفو شغال شنو ما قدروا اعرفو . . واحد من اعمامك مشى الخرتوم وبالصدفة القاهو ليك شغال في الحمامات العامة وماسك التذاكر لمن عمك رجع الحلا قاموا الجماعة سعلوا منو قال ليهن يا زوووول ما لقيت زولكن شغال في محل الخرا وللضمان ( دي زي بالامارة عند المصريين ) عزمني خرية مجان ساهيييييي بارك الله فيهو
| |
|
|
|
|
|
|
Re: ونسة اهل العوض البتداوي المرض _ توجد موية ساقطة ورغيف (Re: عبدالله ود البوش)
|
سلام لسيد البوست ورواده من أهلنا العوضاب ومن أحبهم
ونحكي عن عمنا أحمد وهو مزارع بسيط بمصنع سكر الجنيد
وعامة نحن لدينا إحساس دفين بأن الإتفاقية التي يتم بموجهبا حساب تكلفة الإنتاج ومن ثم توزيع العوائد والأرباح غير عادلة وأنها تغمط حق المزارع في كثير من جوانبها
حضر عمنا أحمد لواجب إجتماعي في أمدرمان ومع مغيب الشمس كان وفد عمنا أحمد بالقرب من جامعة أفريقيا وهو فاغر فاه و منبهر بالمباني الشاهقة والإضاءة التي تضفي بعداً جمالياً وحين دلف إل سرادق المناسبة زادت حيرته وإندهاشه فما كان إلا أن قال:
والله إتلقي البيوت السمحات ديل
والكهارب الضاربة دي
والخمج ده كلو فوق القصيبات حقاتنا ديل.
كان بقينا حيين بنجيكم راجعين بإذن الله
| |
|
|
|
|
|
|
|