|
|
 الحكومة تريد إسقاط الشعب
|
إجتاحت العالم العربي العديد من الثورات الشعبية تبدل على إثرها نظام الحكم في مصر وتونسوكادت تعصف بمخبول ليبيا وقائد الجرزان وقريبا الجزائر ولا منو ما عارف
المهم الموضوع دا خلاني زي الكتيرين بيتساءلو عن موعد ثورة السودانين ضد النظام القائم وقد فكرت في الموضوع كثيرا وخلصت للآتي:
سكان السودان الشمالي حوالي 32مليون بس 15% منهم أطفال و10% شيوخ الباقي 24 مليون لاغير
منهم 77 وزير إتحادي و15 والي وكل ولاية فيها حوالي 10 معتمدين و7 وزراء يعني 280 وكل ولاية عندها مدير شرطة ومدير أمن وقائد السلاح الموجود في كبرى مدنها ديل 45
أها عندنا مجلس وطني فيهو 431 عضو و15 مجلس ولاية قوام كل واحد 41 عضو زائد 150 مجلس محلي قوام كل واحد 40 عضو وكل محلية عندها مدير تنفيذي ومدير شرطة ومدير أمن يعني 450 النقابات وإتحادات العمال خلهم والقوات النظامية مفروض إنها محايدة وعندها قسم إنها ما تتعاطى السياسة عندنا كم وعشرين جامعة مدراءها بدرجة وزير مدير ديوان الزكاة في كل محلية المهم ما اطول عليكم أنا حسبت على قدر ما أعرف لقيت الحكومة فيها حوالي 7مليون بس وكل واحد عندو زوجة أو واحدة عندها زوجها زائد واحد من أفؤاد العائلة موالي ليهم بصفة القربى المهم طلعت معاي الحكومة 21 مليون بس
ولما كان الحكومة تساوي الشعب مضروبا في سبعة وخطوعا لقواعد الديموقراطية والشفافية يبقى الشعب دا لو عمل غلبة مفروض الحكومة تطلع مسيرة سلمية تنادي برحيل الشعب وتعتصم في أي حتة تراها مناسبة لحدي ما يقتع الشعب بالرحيل وحينهاة نطلق عليه الشعب المخلوع عليكم الله هسة الما مخلوع فيكم منو؟
الموضوع ملطوش من البيك فوس لكاتب بقولو لو أبوغسان
|
|
 
|
|
|
|
معاوية الأرباب
فيس بوك
تويتر
انستقرام
يوتيوب
بنتيريست