|
|
|
 Re: وس وسسس وس وسسس وس!!(نقة عرسان) (Re: khaleel)
|
Quote: بشاري
الكلام دا بدخلنا في (ختوريات) |
اركز يا هندسة
ونستنا حلوة ما بتتفوت ياااخ
ونسة الشيوعيين لونها احمر
وونسة الكيزان حامضة
وونسة الانصار حصرية
وونسة الاتحاديين مهادنة
وونسة البجيين لا لون لها
فخليك معانا
| |
  
|
|
|
|
|
|
|
|
Re: وس وسسس وس وسسس وس!!(نقة عرسان) (Re: الامين موسى البشاري)
|
قال فيما يقول الراوي
قالو في واحد مشى يخطب ليهو واحدة المهم بعد اخد قعدتو وشرب
الموية والبارد والذي منو قام خش في الموضوع
وقال ليهم يا جماعة بصراحة كدا
جاي اطلب يد بتكم دي لي على سنة الله ورسوله وعايز اعرف رايكم شنو؟
في اللحظة البت عندها ام شليقة الله لا يوريكم بس قبال الرجال ما يفتحوا خشمهم
جات طواااالي ناطه ليهو في حلقو وام البت اللي هي حتبقى نسيبتو لسانها متبري
منها وبترمي الكلام دراب دراب
العريس:- في الحقيقة يا خاله انا عايز اكمل نصف ديني وجاي اطلب يد بتك دي اها رايك شنو؟
ام العروس :- دحين يا ولدي انسعلك سعال كدي قالوا العرسان تلاته انواع انت ياتو واحد فيهم؟
العريس :- كيف يعني العرسان تلاتة انواع يا خالة؟
ام العروس :- العرسان يا ولدي اما جبـــل أوجمـــل أوسِــــعِن انت ياتو واحد فيهم؟
العريس:- يا خالة يعني شنو جبــل وجمـــل وســـعن....
بصراحة كلامك دا جديد على وما حصل سمعت بيهو ابداً
ام العروس:- العريس الجبل يا ولدي بشـــيل المرأة واهلها واولادها ويصرف عليهم كلهم
العريس :- اها والعريس الجمـــل؟
ام العروس:- العريس الجمل يا ولدي بشـــيل المرأة بس وويسوقها بيتو ويعيشها احسن عيشة متهنية ومتستته
العريس:- طيب العريس السِـــعِن حكايتو شنو كمان؟
ام العروس :-
اخدت ضحكة جامدة وسكتت 
اها اصبروا شـــوية ناخد لي نفس وبجيكم للعريس السعن دا
| |
|
|
|
|
|
|
|
|
 Re: وس وسسس وس وسسس وس!!(نقة عرسان) (Re: عبدالله ود البوش)
|
ود عمي البشاري حبابك يابا
وحات نضري ات بي سواتك دي بتطفش باقي الملائكة الحارسنك ديل
والله صحي
دخين خلي بت الناس في حالها بي ملايكتها
وات تعال عوس عواستك في سهلة بكري ام ضريسة دي واتخارج
مالك على بت الناس منقص اجرها ومطفش ملايكتها لووووووووووولز
ياخوي ربي يهنيكم ويجعل البركة فيكم
ويحفظكم ويغطيكم ويديكم الفي مرادكم
وسلامي للسمحة ست بيتك
| |
|
|
|
|
|
|
|
|
|
Re: وس وسسس وس وسسس وس!!(نقة عرسان) (Re: اسماء الجنيد)
|
هع
العريس النفض الكيس
مرق ينق في السهلة
ودالبشاري
أخيرليك أأخوي
ماتكتر من النقة اليومين دي
باقي نقة محلبية زايدة
بعدين
لما تقابلك
وتعتر ليك الفرمانات
وكلام جيت من وين ومشيت وين
وبتفكر في شنو وفي مني
ووووووو
بتجي تفتش في الطريقة التشطبا بيها
ما تلقى
فدحين أبعد من المحاسيس
اكبتا ما تكتبا
واحد متوك بلحيل
| |
|
|
|
|
|
|
|
|
|
Re: وس وسسس وس وسسس وس!!(نقة عرسان) (Re: الامين موسى البشاري)
|
طبعا في ناس حناكيش ما بعرفوا الســـعن اكيييد
زي شــــوايقة لندن وجلعيين نيويورك وهبانية واشنطن وفلاته موريتانيا ...الخ الخ
المهم يا جماعة الســـعن دا زمان كانوا اهلنا بشيلوا فيهو الموية
وهو مصنوع من جلد الماعز او الخرفان او اي جلد تاني ويسمى ايضا "القربة"
وبشـــيلو فيهو المـــوية وطبعا بنقط طق طق طق
فى غرب السودان يسمى الخرج يعنى السعن والخرج كلمه واحده
لكن مع ذلك ببرد الموية وبديها نكهة رهيبة خلاث
اممممممم امممممممممم
اها العريس الســـعن دا بعد مفروض يكون وضح ليكم
وهو العريس هو الذي يتكل بالكامل على اهل العروس
يعني اهل العروس بشيلوه تب
اوع يكون فيكم زول سعن بس
| |
|
|
|
|
|
|
|
|
|
Re: وس وسسس وس وسسس وس!!(نقة عرسان) (Re: الامين موسى البشاري)
|
Quote: اها العريس الســـعن دا بعد مفروض يكون وضح ليكم
وهو العريس هو الذي يتكل بالكامل على اهل العروس
يعني اهل العروس بشيلوه تب
اوع يكون فيكم زول سعن بس |
الرخمة قالت انا أخيّر من زول!!!
قالولها: مِنو ؟؟؟
قالت: الراجل البيسكن مع نسابتو.
إنت داير تجيبلنا مصيبة يا ود البشاري،
عرّس عرسك ده، وأمسك خشمك عليك
نعمني أنا ما بقدر علي خشمي.
والله صحي...
| |
|
|
|
|
|
|
|
|
|
Re: وس وسسس وس وسسس وس!!(نقة عرسان) (Re: الامين موسى البشاري)
|
المدام :الو يا ماما ... آي ما سامعاك كويس
شبكة زين عندنا هنا في السعودية كعبة
خالد ولد خالتي سعاد جاي يوم السبت الرياض
عايزاك ترسلي معاهو الحاجات القلتها ليك المرة الفاتت.
حماتي العزيزة: حاجات شنو يا بت؟؟؟
كدي ذكريني تاني
المدام : يا ماما انا ما قلت ليك عايز لي فسيخ وحطب ودكوة وكركدي و...و... الخ
حماتي: آي يا بتي اتذكرت خلاص كويس
المدام : يا ماما عليك الله ماتنسي لأنو خالد ولد خالتي سعاد جاي يجدد اقامته وراجع بعد اسبوع.
حماتي : اها انت كمان ما تنسي ترسلي الحاجات الطلبتها منك
حلاوة الماكنتوش والهبهان والقرنفل.
المدام : حاضر يا ماما. آي اتذكرت حاجة مهمة
حماتي : اتذكرتي شنو يا بت؟؟؟
المدام : عليك الله يا ماما ترسلي شماااااااااااار من السودان
لأنو هنا في السعودية ما عندنا شمار ســـوداني.
انا : الحمد لله هنا ما في شمارات في الرياض أو في السعودية.
بس الانا قاعد اسوي فيهو ده شنو؟؟؟؟؟
ده ما الشمار ظااااااااااااااااااااااااااااطو يا جماعة
| |
|
|
|
|
|
|
|
|
 Re: وس وسسس وس وسسس وس!!(نقة عرسان) (Re: الامين موسى البشاري)
|
العميكة امو عرست ليهو
العروس عارفاهو عميكة وكمان وصوها قالوا ليها اتصرفي براك
دخلت عليهو قال ليها الجابك شنو قالت ليهو انا ضيفة بنوم هنا وبكرة بمشي اهلي
واتصرفت زي ما وصوها .....
.
.
باكر من الصباح جرى لامو
يمة يمة الضيفة ما تخليها تمشي اهلا خليها تقعد معانا هنا طوالي
.
.
| |
|
|
|
|
|
|
|
|
|
Re: وس وسسس وس وسسس وس!!(نقة عرسان) (Re: عبدالله ود البوش)
|
| Quote: العميكة امو عرست ليهو |
ود البوش
كان خشينا في جنس قصص العميكه دي بنودي البوست دا الخور
الخــزين عرس وفي يوم من الايام
براهو قعد يبكي بصوت عالي لامن ناس الحلة اتلمت عليهو
ناس الحلة جو: آآ الخزين مالك بتبكي يا أخوي؟
الخزين: آآآ يا ناس
المرا قاعدة تدخن
والشية مدورة ودخانها يلوي
وشـــربتي جنبي (لامن وقف لط) متوفرة
فدحين يا جماعة النعم دي انا والله ما بحملها
وعشان كدا قاعد ابكي
| |
|
|
|
|
|
|
|
|
|
Re: وس وسسس وس وسسس وس!!(نقة عرسان) (Re: معاوية المدير)
|
Quote: الرخمة قالت انا أخيّر من زول!!!
قالولها: مِنو ؟؟؟
قالت: الراجل البيسكن مع نسابتو. |
معاوية حبابك
الطب اتطـــور والله
معاوية في رواية تانية للحكاية دي وهي
ام ققم قالت هي اشطر من نفرين وهما:
1. زول اتزوج وسكن مع نسيبته
2. زول دين قرشو للناس وجو يسددوا ليهو الدين
لكن ادوهو قروشو بالاقساط ولكنه رفض يستلمهم
وقال ليهم عايز قروشي كاملة بس
..
..
__
أم ققم = حشــرة بليدة جدا جدا
| |
|
|
|
|
|
|
|
|
|
Re: وس وسسس وس وسسس وس!!(نقة عرسان) (Re: الامين موسى البشاري)
|
أخوى ألأمين...عملتو دكان ودالبصير...وبقيت لينا عبدالمطلب الفحل.
أم رخم الله برضو قالت أخير من:البسمع مع الجماعة ويسأل رفاقتو.
بوست لطيف يالله نافس لينا ودالبوش...إحترامى..و ..
العريس قاعد مع عروسو وماعندهم موضوع وما قادر يبتدى من وين...فجأة ظهر ضب فى الحيطة..قال ليها ده ضبكم..قالت ليهو لا ده جاء مع السيرة..B]
| |
|
|
|
|
|
|
|
|
|
Re: وس وسسس وس وسسس وس!!(نقة عرسان) (Re: ismeil abbas)
|
| Quote: العريس قاعد مع عروسو وماعندهم موضوع وما قادر يبتدى من وين...فجأة ظهر ضب فى الحيطة..قال ليها ده ضبكم..قالت ليهو لا ده جاء مع السيرة.. |
اسماعيل عباس
وعليكم السلام يا حبيب وحبابك في دكان ود البصير
العريس دا زول خام جدا
قالوا واحد رجع من السعودية ورجع عمل عرسو في الحلة
طبعاً الحفلات في قرى الجزيرة بتبدأ بعد 12 وتستمر
حتى الساعات الاولى من الصباح
المهم صاحبنا بعد الحفلة انتهت الساعة 3
قام ســأل ليك والد العروس وقال ليهو: جامعكم وين يا حاج
والد العروس: الجامع داير بيهو شنو؟
العريس: داير اصلي الصبح حاضر
والد العروس: علي الطلاق تصلي الصبح حاضر تاني ما تشوف العروس دي
| |
|
|
|
|
|
|
| |
الامين موسى البشاري
وليد الطيب قسم السيد
khaleel
خالد عبد الله محمود
معاوية عبيد الصائم
عبدالله ود البوش
اسماء الجنيد
بله محمد الفاضل
معاوية المدير
ismeil abbas
فيس بوك
تويتر
انستقرام
يوتيوب
بنتيريست