|
|
 مواقف ومعاكسات بالله شوف / من الواقع
|
حكاوي من الصديقت ومواقف شخصيه
قعدت في امجاد بعد مجابده لاحظت في واحد يقول لي ياأخت تعالي هنا في مقعد فاضي
جلست مبتسمه شكرا يااخ يديك العافيه
بعد مرور وقت من الزمن اخونا يتننحنح ويتنحنح
يديها جريده هاكي يااخت
فتحت الجريده اذا برقم تلفون مكتوب وحوله دائره
فهمت الحاصل
اخونا اشر علي الرقم وهو صامت
فهمت ان الموضوع شكله مقصود
رجعت ليهو الجريده مع الشكر
قرب عليها هامساً
طيب اديني رقمك انتي عشان ماتخسري رصيد
ـــــــــــــ
بالله شوف جنس ده
|
|
 
|
|
|
|
|
|
|
|
Re: مواقف ومعاكسات بالله شوف / من الواقع (Re: نجلاء قرافي)
|
ماشيه مسرعه
فاذا بصوت خلفها
ياأخت
تلتفت متسائله
انتي مش بتدرسي في جامعة النيلين
لا؟
طيب قاعده تمشي النشاط ؟
لا
طيب انا شايفك وين
مامتذكره والله ليه في حاجه
لا مافي حاجه بس مشبهك
انا صراحه مامشبهاك ولا شفتك قبل كده عن اذنك
يااخت بصوت لحوح
ـ نعم ايوه
طيب اتفضلي اشربي بارد
ـــــــــــ
وكان الوقت شتاء
| |
|
|
|
|
|
|
|
|
|
Re: مواقف ومعاكسات بالله شوف / من الواقع (Re: نجلاء قرافي)
|
اخذت تبحث عن جوالها داخل الشنطه
مسافه من الزمن
انقطع صوت الرنين فاوقفت البحث
يتكرر الرنين
تبحث بالحاح متمتمه ياخي التلفون الكريه ده وينه
تلمس اصابعها التلفون
تنظر للرقم رقم غريب
ياربي ده منو؟
الو
اهلا وسهلا بصوت متهلل
منو معاي ؟
معاك زول كده
تفتكر انه احد معارفها أو احد اصدقائها يمازحها
فتخمن عدة اسماء
ولا واحد من القلتيهم
اها طيب منو عليك الله
بصراحه انا واحد زهجان اتصلته علي الرقم بالتخمين وقلته يارب الاقي بت وحظي ضرب
لقيت بت وصوته احلي من الملائكه واكيد حتكون ملاك كمان في شكلها
اسمك من...
ياسيد لو سمحته بطل سخافه ولو سمحته تاني ماتتصل علي بعد كده ..طق قفلت الخط متحيره .
جارتها في المقعد ترخي اذانها
وتدخل معاها في ونسه ياخي اليومين ديل الناس البسووا الحركه دي كتروا جنس كتره من يومين نفس الحركه دي حصلت لي .
ـ لا لكين دي حركه عجيبه بالجد حركه عجيبه ومضيعة وقت وقلة ادب
رن التلفون تااااني
نظرت للرقم نفس الرقم
قطعت الرنين
جاءتها رساله علي طول من الرقم ذاته
والله باين عليكي مغروره ونفسك عاجباك وياانتي ياأنا ..
| |
|
|
|
|
|
|
|
|
|
Re: مواقف ومعاكسات بالله شوف / من الواقع (Re: نجلاء قرافي)
|
في مواقف كده بتوجع من جوه يعني ماتقدر البنت تتصرف فيها لعدم وجود تصرف مباشر من الطرف التاني بناء عليه التعامل معه
يعني تلقي ليك واحد يعاين ليك لما عيونه تجحظ ونظراته تتلون من الاخضر للاحمر للبمبي والتركوازي كمان
يعني يحاصرك بنظراته ويكرهك عيشتك ... وقد ماتجاهليهو تلقيهو محاصرك حصار مميت
ياخي ده يعملوا ليهو شنو؟
لو مشيتي اتكلمتي معاهو واكيد في محل عام
رده حيكون احد الردود الاتيه
انتي تعايني لي لييييه
مااعاين عاوزه تمسكي لي عيوني
يازوله انتي وهمانه ولا شنو فاكاها في روحكـ
الشعور بوجود انسان يراقبك ده شعور سخيف احسن حاجه تتخارجي بس ياتعملي ميته
| |
|
|
|
|
|
|
|
|
|
Re: مواقف ومعاكسات بالله شوف / من الواقع (Re: نجلاء قرافي)
|
موقف في حافله
طلعت الحافله تخيرت مقعد جنب عمك كباراتي
قالت كده ممكن الواحد يقعد مرتاح
قطعت الحافله مسافه واستقرت في الطريق
طلعت كتاب تقرأ فيهو
يابتي ربنا يوفقك
الله يخليك ياعمو علي دعواتك السمحات
احسن شئ تستغلي وقتك في القرايه
صاح كلامك
عندكم امتحانات ولا شنو؟
لا ده كتاب ثقافي
ماشاء الله مثقفه كمان
اعمل شنو الطريق طويل قلت اقطعه بالقرايه
كويس والله
يطقطق الكمساري
يديه العم بتاع اتنين ويؤشر علي ماتشيل من البت دي
لا ياعمنا مافي داعي
يابتي مافي مشكله الحاله واحده
لا ياخي كده ماصاح
يابت عيب خلاص دفعته حرم ماتدفعي
شكرا ياعمنا كتر خيرك
عمنا الكباراتي
رايك شنو اعزمك فطور لما نصل
نعن نعم
لا ماتفهميني غلط
لا غلط ولا غيره انت بتفتكر انك اشتريتني بالالف جنيه الدفعتها لي دي
ياكمساري لو سمحته رجعت للحاج ده قروشه وهاك الالف دي .
عمك نظر للشباك لامن جاته قطيعه تحاشياً لنظرات الناس في الحافله .
| |
|
|
|
|
|
|
|
|
|
Re: مواقف ومعاكسات بالله شوف / من الواقع (Re: نجلاء قرافي)
|
نجلاء
سلامات
بوست استراحة محاربة
.
.
نحن زمااااان بنقول
سنة ولا اموت انا
كاااااااك
.
.
في السبعينات انتشرت مشاغلة جديدة
زنقد حمامكم بدي ولا بنقد
عمنا حبيب الله قال لبتو لو في ولد قال ليك زنقد حمامكم بدي ولا بنقد ؟
قولي ليهو حمامنا بضبح خججججججج
.
.
واحد من المساجين مطلعنهم انضفوا الشوارع شاف ليهو بت سمحة قال ليها : سنة
رديت عليهو : سجمي انت مسجون من سنة كم؟
والله يا نجلاء بتي وما طالباني حليفة
كنا لمن نقول سنة ... نقولها ونجري فوووووووو اتقول الواحد كتل ليهو رقبة
| |
|
|
|
|
|
|
| |
نجلاء قرافي
عبدالله ود البوش
فيس بوك
تويتر
انستقرام
يوتيوب
بنتيريست