|
|
 زلزال اليابان وهوان المواطن السوداني
|
أتحدث وكلي غبن وضيق وقرف مما يحدث للمواطن السوداني في الشتات
مند يوم الجمعة وقد وصلت درجة الزلزال أقصى درجاته على مستوى العالم
9 درجات بمقياس ريختر
ومن دلك الوقت والكل يعيش هواجس التسونامي والزلزال والاشعاعات النووية
صحيح السفارة وطاقمها متفاهم ومتعاون مع الجالية السودانية ويتفقدهم
فقط حكومتنا تشعرك بالخزي ، والصغار وأنت ترى بقية الجاليات وكيف تهتم بها دولها
السودانيون هنا لا يتجاوز عددهم ال 100 شخص عاملون وموظفون في السفارات العربية وبعض المنظمات الأخرى
وبعض من طلاب ورجال أعمال ،هم مترابطون كعهد السوداني في تآزره وتعاضده مع أخيه السوداني حتى ولو لم يعرفه من قبل
نرى الآن كل السفارات والحكومات وتحديدا أتحدث عن العربية منها سعودية ومصرية وخليجية وأردنية وسورية وغيرها
كل ه>ه الجاليات صغر عددها أو كبر سفاراتهم وحكوماتهم تخلي فيهم ، وترسل الطائرات والنواقل الوطنية لإخلائهم
عدا الجالية السودانية لا بواكي لهم ، لا يهمنا أن يكتب خبر في شريط التلفاز السوداني أن السودانيين باليابان وأسرهم بخير
لأن الكل هنا في حالة إتصال [اهله بصورة شخصية ولا نوم هده الأيام الكل متابع
فقط غيظ حد الغثيان والنزف على بلد غني وتهدر كرامة إنسانه ، الآن عرفت وأدركت لم يحتقرنا الآخرون
إن كانت حكوماتنا تحتقرنا ولا تعدنا بشر فمن باب أولى أن يحتقرنا الآخر
جانب آخر ظهر إبان هده الكارثة وهي
تفاهة الطيران العربي تجار الكوارث والإرتفاع الجنوني في أسعار التداكر
رغم أن هدا ليس موسم لإرتفاعها
لمن نشكو وجعنا ، ولمن نرسل شكوانا ؟؟؟
فقط عشمنا وعزاؤنا في كل الدين يتصلون ويهاتفون ويرسلون بريدهم للسؤال
والإطمئنان
اشعر بالغثيان والقرف الشديدين
التبجح الدي نسمعه ونراها ممن ينتمون ما عاد يغطي السوء
لنا رب هو الرحيم الرؤوف
حديثي هدا لا أقصد منه أن السودانيين بسوء لا قدر الله الكل بخير ومنتظم في أشيائه
وينظم في أموره بتآزر جلي وتعاضد سمح
|
|
  
|
|
|
|
|
|
|
|
Re: زلزال اليابان وهوان المواطن السوداني (Re: Baha Elhadi)
|
الف حمدلله على سلامتكم
الف الف حمدلله
الزلازال مخيف مررنا بالتجربة دي في القاهرة عام 1992
وأثارها النفسية إستمرت سنين
ولو سمحت يا أستاذ بهاء تطمنا على الزملاء خاصة الفاتح ميرغني وسناء خالد وأسرتها
____________
لو ممكن طريقة إتصال بالاخ الفاتح في الماسنجر
| |
|
|
|
|
|
|
|
|
|
Re: زلزال اليابان وهوان المواطن السوداني (Re: Rawia)
|
راوية يا حبيبة ازيك..
شكراً شديد لسؤالك عننا.. نحن بخير الحمدلله.. و إن كان إيدنا على قلبنا من قصة المفاعل!
..
قاعدة بقرأ في كلام بهاء دا و بأمن على كل كلمة فيهو!!
قبل يومين أصدقاءنا إماراتيين أخلتهم دولتهم من فوكوكا البعيدة من محل الزلزال دي.. و قلبي وجعني على أولاد و بنات بلدي القاعدين فيهو و مافي زول شغال بيهم!!
و المشكلة ما من قصر يد.. يدنا طويييييلة بس لما يحتاجوا ليها الأشقاء العرب.. ما أولاد البلد..أو لما تدخل في خزنة الدولة و تعبي في جيب عضو مؤتمر وطني!!
قبل كم يوم صاحبتي رسلت لي خبر منشور في اليابان تايمز انو مدينة كيتاكيوشو اتبرعت بإسعافين متقاعدين للسودان عن طريق منظمة روشينانتس.. و قالت لي يا سلااام صاحبكم دا بيعمل في شغل سمح..!
رديت ليها بخبر من السنة الفاتت عن تبرع السودان للبنان بعدد 11 إسعاف، قلت ليها أكاد أجزم إنها عربات جديدة ما متقاعدة!!
و يا بهاء يا أخوي.. خلينا متفاءلين ياخ.. نحن في أوقات بنحس فيها بقيمة أن تكون سوداني و بقيمتنا (كمواطني.. سودانيين)
يعني مثلاً.. لما نكون مطلوبين لمحكمة الجنايات الدولية.. وقتها البشير ما بيسلم أي سوداني.. و الدم السوداني بيرتفع سعرو وسط العالم..
عايز تحس انو لما تكون سوداني بتبقى ليك قيمة.. تمسك ليك منصب.. و تعمل ليك جريمة جريمتين ضد الإنسانية (المانيوال عند عمر) و نحرش عليك أوكامبو..
أذروايس، الأخضر دا ختو.. في الصيف بينفع هبابة ..!
-------------
كامل احترامي لناس السفارة.. اللي أعتقد هم نفسهم بيعانوا من التهميش دا دوناً عن كل سفارات العالم!!
| |
|
|
|
|
|
|
|
|
 Re: زلزال اليابان وهوان المواطن السوداني (Re: Baha Elhadi)
|
الأخ العزيز بهاء
تحياتي وأمنياتي لك ولكل أفراد الجالية السودانية في اليابان وفي كل بقاع العالم بالسلامة وتمام الصحة والعافية ..
قبل فترة بسيطة جداً، وفي بداية الثورة في مصر كتب الأخ حمور زيادة بوست مشابه إلى حدٍ كبير لهذا البوست وكان يتحدث فيه عن هوان المواطن السوداني عند مقارنته ببقية شعوب العالم التي تهتم حكوماتهم بهم عند المصائب والإحن .. وقارن بين ما يحدث لهم وعدم إهتمام الحكومة السودانية بالعدد المهول من الجالية السودانية إبان الأيام الأولى للثورة وتعرض الأسر والمنازل للسطو والإرهاب والترهيب .. فسارعت كل الدول إلى إجلاء رعاياها خوفاً عليهم وحفاظاً على حيواتهم إلاَّ الحكومة السودانية لم تكلف نفسها حتى بالسؤال عنهم .. ناهيك عن إخلائهم أو حمايتهم..
يا صديقي، المسؤولون في الحكومة السودانية لديهم مشاغلهم الخاصة.. ولا يعنيهم من قريبٍ أو بعيد تعرض المواطن السوداني للضرب والنهب والإذلال في مصر، أو للزلازل والبراكين في اليابان .. المهم أنهم وأفراد أسرهم ينعمون في قصورهم وسراياهم بالأمن والأمان ..
العزاء .. كل العزاء لنا نحن في الشتات، في تعاضدنا وتآزرنا مع بعضنا البعض للتخفيف من آثار مثل هذه المصائب والكوارث .. أما حكومتنا فلا أمل ولا رجاء يرتجى منها ..
لك الله أيها المواطن السوداني في الداخل والخارج ..
ولا حول ولا قوة إلاَّ بالله
| |
|
|
|
|
|
|
|
|
|
Re: زلزال اليابان وهوان المواطن السوداني (Re: عبد الله كسلا)
|
فقط غيظ حد الغثيان والنزف على بلد غني وتهدر كرامة إنسانه ، الآن عرفت وأدركت لم يحتقرنا الآخرون
إن كانت حكوماتنا تحتقرنا ولا تعدنا بشر فمن باب أولى أن يحتقرنا الآخر
سلام يا استاذ بهاء ،والله دى حاجة مؤسفة جدآ، وعندك تجربة مصر ولبيا،والناس بتتعلم من الحياة والتجارب والله يكون فى عون الانسان السودانى الطيب. لكن لو راجين الحكومة احسن تتصرفوا وتجازفوا ذى بقية السودانين داخل وخارج السودان بس نقول الله يغطى علينا جميعآ.
| |
|
|
|
|
|
|
|
|
|
Re: زلزال اليابان وهوان المواطن السوداني (Re: عبد الله كسلا)
|
بهاء .. قبل يومين برضو لقيت في الإيميل رسالة من طيران الإتحاد.. إنهم معانا ..زبائنهم الكرام ..في الكوارث و الملمات..
قلت يا سلاااام على طيران الإتحاد.. سفروا ناسهم على نفقة الدولة و برضو اتذكروا يقيفوا مع الناس..و يفقدوهم..
و لأننا بدينا نفكر جادين نهرب للصين القريبة دي بعد ما تلفزيوناتنا المحلية بدأت تبث برامج عن كيفية تقليل آثار الإشعاع البتجي مع الهواء..
مشيت صفحتهم لقيت أسعار التذاكر زادت قريب العشرين في المئة.. بس!! شفت الحنية..!!
| |
|
|
|
|
|
|
|
|
 Re: زلزال اليابان وهوان المواطن السوداني (Re: عبد الله كسلا)
|
يا بهاء القلوب شواهد
Quote: فقط غيظ حد الغثيان والنزف على بلد غني وتهدر كرامة إنسانه ، الآن عرفت وأدركت لم يحتقرنا الآخرون
إن كانت حكوماتنا تحتقرنا ولا تعدنا بشر فمن باب أولى أن يحتقرنا الآخر |
إذا لم يثمن الإنسان نفسه فلن يفعلها له أحد.. لا حكومة ولا مجتمع دولي ولا غيرو..
هذه الحكومة تحلب المغترب و تتخلى عنه في أقرب أزمة ( ما شق حنكا ضيعو)
أنا ما عارف الشق حنك جهاز شؤون المغتربين منو؟
يا بهاء و سناء
في يابانيين غادروا؟
قلوبنا معاكم
| |
|
|
|
|
|
|
|
|
|
Re: زلزال اليابان وهوان المواطن السوداني (Re: saadeldin abdelrahman)
|
بهاء يا صاحب
حمد الله علي سلامتك وعلي سلامة كل أخوانا السودانين معك, وكامل مواستنا لضحايا الزلزال والتسونامي.
حكومة الدولة السودانية وجهاز المغتربين
يهتمون بالجباية والضرائب والرسوم
أما سلامة المواطنين السودانين و السؤال عنهم, فهي ليست في (أجندتهم) و سوف تجد
كثيرين يقولون في إستهزاء (الودّاهم اليابان البعيدة شنو؟؟ )
يا صديقي
عين الصواب أن تختارو بأنفسكم الخروج والسفر
والنجاة من كارثة الإشعاع النووي المحتملة ومتوقعة..
فحكومة السودان ليس في أولياتها أو ثانوياتها ــ كرامة السوداني أو حتي السؤال عنه
فما حصل في مصر, ليبيا والآن في اليابان
يفضح بجلاء, أي أناس هؤلاء
فالمواطن يأتي في أخر....أخر ...أخر قوائمهم
ربنا يوصلكم بالسلامة ياخ
تحياتي لكل الآخوان ..
حسن دوكة.. سناء خالد.. عمنا جعفر ...أزهري.. الفاتح ميرغني
وكل السودانين في بلاد الشمس المشرقة المنكوبة.
| |
|
|
|
|
|
|
|
|
|
Re: زلزال اليابان وهوان المواطن السوداني (Re: هواري نمر)
|
Quote: لأننا بدينا نفكر جادين نهرب للصين القريبة دي بعد ما تلفزيوناتنا المحلية بدأت تبث برامج عن كيفية تقليل آثار الإشعاع البتجي مع الهواء..
|
أهربوا يا سناء ويا بهاء وكل السودانيين الهناك ..
العُمر واحد والإشعاعات النووية ما هي بالشئ الساهل ..
حكومة السجم دي ما حتقدم ليكم أيِّ حاجة ..
بالجد قلقانين عليكم .. ونتمنى نسمع عنكم كل خير ..
الله يكون في عونكم ..
| |
|
|
|
|
|
|
|
|
 Re: زلزال اليابان وهوان المواطن السوداني (Re: صلاح عباس فقير)
|
حسبنا الله ونعم الوكيل
الله يحفظكم جميعاً في اليابان
من قدر على السفر في هذه الأيام إلى أي دولة خارج اليابان فليفعل فكل يوم المفاعلات (تتختخ)
لدرجة أن بعض المتوجهين ليس إلى اليابان بل إلى هونج كونج غيروا رأيهم في المجئ
كما أن عملية رش المفاعلات الثائرة بالماء ليس هو الحل فإن الماء لا محالة سيتلوث و سيعم الضرر
عاجلاً و آجلاً!
و إياكم أن تأتوا إلى هونج كونج فغلاء السكن يفلس بالمليونيرات
قلبـــــــي معكــــــــــــــم
| |
|
|
|
|
|
|
|
|
|
Re: زلزال اليابان وهوان المواطن السوداني (Re: Yassir Tayfour)
|
Quote: أهربوا يا سناء ويا بهاء وكل السودانيين الهناك ..
العُمر واحد والإشعاعات النووية ما هي بالشئ الساهل ..
حكومة السجم دي ما حتقدم ليكم أيِّ حاجة ..
بالجد قلقانين عليكم .. ونتمنى نسمع عنكم كل خير ..
الله يكون في عونكم .. |
سلام يا عبدالله و نجاة و الصادق خليفة،
سعد الدين و هواري و شبكة،
حيدر و عبدالمنعم و د. محمد بابكر و ياسر..
و صلاح فقير..
شكراً شديد يا عبدالله..
شكراً ليكم كلكم يا جماعة..
و الله نحن ما راجين من الحكومة شيء.. ما لقيناهم و ما شفنا سوداني لقاهم لا في دي و لا في غيرها..
لكن هي المغصة بس و الغبن - يا قول بهاء- البتخلينا نتكلم..
لو ربنا سهل لينا المرقة منها بإذن الله بنطلع..
و يا سعد لا أنا ما بعرف يابانيين سافروا برة البلد.. بيجوا من محل الزلزال للمدن الآمنة لكن أظن جوة البلد بس.. لكن الأجانب معظم البعرفهم طلعوا
ما قصدي نقلقكم علينا.. نحن بالذات في فوكوكا دي بعيدة بإذن الله و الناس بتجينا عشان تطلع من دائرة الخطر
بس ما تحرمونا من صالح دعاءكم
و ألف شكر ليكم
| |
|
|
|
|
|
|
|
|
|
Re: زلزال اليابان وهوان المواطن السوداني (Re: Yassir Tayfour)
|
الحبيب ياسر طيفور
شكرا جزيلا على تفضلكم بالسؤال عنا وامنياتكم لنا بالسلامة ، والحمد لله حتى الآن نحن بخير . لا يفوتني أن ازجي وافر الشكر والتقدير للإخوة السودانيين الكرارم لموقفهم النبيل والمبادرة باستعدادهم لاستقبال من يرغب نظرا لبعد منطقتهم نسبيا من موقع الخطر واخص بالذكر :
د. خالد حسن وأسرته ( فوكوكا)
خالد حسن عثمان سنجة واسرته ( كوبي)
حامد السباعي واسرته ( اوساكا)
تحياتي واحترامي
| |
|
|
|
|
|
|
|
|
|
Re: زلزال اليابان وهوان المواطن السوداني (Re: SHIBKA)
|
إبنتنا الحبيبة شبكة
شكرا جزيلا على تفضلكم بالسؤال عنا وامنياتكم لنا بالسلامة ، والحمد لله حتى الآن نحن بخير .
وفق التنوبر اليومي عن الموقف الراهن من وزارة الخارجية اليابانية فالموقف عموما لا بأس به ..وقد قررت واسرتي البقاء مع من قرر البقاء من السودانيين ، وأرجو أن لا تنسونا من صالح دعواتكم
تحياتي واحترامي
| |
|
|
|
|
|
|
|
|
|
Re: زلزال اليابان وهوان المواطن السوداني (Re: Gaafar Ismail)
|
الأخ العزيز بهاء
تحياتي وسلامي إليكم جميعا
رنبا ينجيكم من أهوال ومخاطر الزلزال وتوابعه ومحطات اليابان الملتهبة. آمين
والله يا أخي خوفنا عليكم كثير وسؤالنا دائم .
أرجو أن تطمنا عليكم دائما
وتحياتي عبرك للأخوة الفاتح ميرغني ، والواثق مكي وأسرهم وكل أفراد الجالية السودانية في اليابان.
فنحن مثلكم نرقب تطورات الوضع باهتمام بالغ ونرتب لأي تطور للجالية السودانية هنا في كوريا الجنوبية.
نرجو أن تأسسوا شبكة للتواصل وتضعوا الجميع معكم في الصورة
أخوك
فضل الله خاطر
سول / كوريا الجنوبية
| |
|
|
|
|
|
|
| |
Baha Elhadi
Rawia
عبد الله كسلا
Nagat Sid Ahmed Elshiekh
الصادق خليفة
saadeldin abdelrahman
هواري نمر
SHIBKA
حيدر حسن ميرغني
د.محمد بابكر
Yassir Tayfour
آدم صيام
Gaafar Ismail
فيس بوك
تويتر
انستقرام
يوتيوب
بنتيريست