|
|
|
 Re: بيت الفنون وامسيات الطنبور ( الخميس وكل خميس ) (Re: محمد عبدالرحمن محمد)
|
بلادي رائعة اسماعيل حسن
بلادي بلادي اهلا يا بلادي
الف تحية ليكي من الفؤادي
بلادي بلادي اهلا يا بلادي
صدورنا حماية ليكي من الاعادي
بلادي انا بلاد ناسا مواريثم في اول شي كتاب الله
وخيل مشدود وسيف مسلول حداهو درع
تقاقيبن تسد الليل مع الحيران وشيخا في الخلاوي ورع
والله كم نخلاتا تهبهب في جروفا الساق
بقرة حلوبة تتضرع وليها ضرع
وساقية تصحي الليل مع الفجراوي
يبكي الليل ويدلق في جداولو دمع
يخدر في بلادي سلام
خدرة شاربة موية النيل
تزغرد في البوادي زرع
بلادي سهول بلادي حقول
بلادي الجنة للشافوها او للبرّة بيها سمع
بلاد ناسا تكرم الضيف
حتى الطير يجيها جعان ومن اطراف تكيها شبع
تشيل الناس وكل الناس وسع بي خيرو لينا يسع
وتدفق مياه النيل على الخيران
بياض الفضة في وهج الهجير بيشع
بلادي الصفقة والطنبور
داراتا تنح باليل
بنوتا تحاكي الخيل
تشابن زي جدي الريل
وشبالا مكنتل في الطريفو ودع
بلادي بلاد من التاريخ
من تيرهاقا لا عن ميسنا
حتى ان جاي خيرو تروع
بلادي امان بلادي حنان وناسا حُنان
يكفكفوا دمعة المفجوع
يحبوا الدار
يموتو عشان حقوق الجار
يخوضو النار عشان فد دمعة
كيف الحال لو شافوها سايلة دموع
ديل اهلي ديل اهلي
يبدو الغير علي زاتم
يقسموا اللقمة بيناتم
يدو الزاد حتى ان كان مصيرم جوع
ديل اهلي البقيف في الدارة وسط الدارة واتنبر كل الدنيا ديل اهلي
عرب ممزوجة بي دم الزنوج الحارة
ديل قبيلتي لمن ادور افصل ديل فصلي
اصحاب روحي والاحساس وسافر في بحار شوقم زمان عقلي
اقول بعضي الاقيهم تسربو في مسارب الروح
يقو كلي
محل قبلت القاهم معاي معاي زي ضلي
وكان ما جيت من زي ديل واسفاي وا ماساتي وا زّلي
تصور كيف يكون الحال لو ماكنت سوداني
واهل الحارة ما أهلي
| |
  
|
|
|
|
|
|
|
|
Re: بيت الفنون وامسيات الطنبور ( الخميس وكل خميس ) (Re: بيت الفنون)
|
قصيد ابراهيم الزومة وهو يتغزل في آسيا .. تلك القصيدة خفيفة الدم
آسيا بابورك في الأراك
يا آسيا بابورك في الأراك
العجو الجايّ من المحوس
وأن عول ما بينقرو السوس
المفلس شن داير يكوس
بس يعاين ويشبع مغوص
في آسيا بابورك في الأراك
آسيا فيها طبعاً يا اخي مفهوم
وفي الفريق أن دارت تحوم
أول حاجة تقيف السموم
وينزل الغيث والقش يقوم
لآسيا بابورك في الأراك
آسيا واقفه دغري بلا تدابير
وعودا صندل وعرقو أكسير
شاهد الله أن وقفت عديل
تشوف وشيك في ساقه فليل
دي آسيا بابورك في الأرك
أنا لو ماكت من بخاف الله الحساب
وأخشى انتو تقولوا كضاب
أنا كت بحلف فوق الكتاب
آسيا من نور ماك من تراب
يوم رحيله أنا كت داير أموت
وصفر البابور داير يفوت
البحر صفا ليها مبسوط
وشوف عيني أتشرف الحوت
لآسيا بابورك في الأراك
لزيارة كسلا راحن
التاكسي اتبرعن
والضرايح ذاته رزن
وكان داير يقوم سيدي الحسن
لآسيا بابورك في الأراك
| |
|
|
|
|
|
|
|
|
|
Re: بيت الفنون وامسيات الطنبور ( الخميس وكل خميس ) (Re: بيت الفنون)
|
وكتب محمد سعيد دفع الله
لاشوفتا تبل الشوق ولا ردا يطمن
اريتك تبقي طيب انت انا البي كلو هين
قليبا لي رهيف عارفو ماب يحمل حنين
انت ماغابيك حالا فيهو كل البيهو بين
بقيت مالي غير اشعاري اكتبها فيك وادون
اقول يمكن تزيل مابي والله قليل تهون
مالكن يا قماري بتشدن ايه لازمت تغنن
بديكن وصية امانة لي سيد روحي طيرن
ترا الحال العلي شفتنو قولن ليهو واحكن
قولل السحب في روضو ما عادن يكبن
اضحي محل خراب ما فيهو غير زهرا مضبلن
قولن ليهو ليلو طويل طولا يجنن
لا قمرا ظهر في سماهو لا نجمات يضون
كلما ليهو يتصبر يقول ايام يعدن
يمني لنفسو بي رؤياك والله تردلو يمكن
| |
|
|
|
|
|
|
|
|
|
Re: بيت الفنون وامسيات الطنبور ( الخميس وكل خميس ) (Re: علاء الدين حيموره)
|
شوفي الزمن يا يمه ساقني بعيد خلاص
دردرني واتغربت واتبهدلت وريني الخلاص
ساقني القدر منك بعيد لاذايا كاس جرعني كأس
يا يمه يا فيض الحنان الما كمل
يا يمه يا بدري البشع دايما يهل
يا يمة يا نور الصباح وكتين يطل
وآشري يا زينوبة ولدك في بحور الشوق كتل
محروم من الحب والمحنة وراك همل
يا يمه يا بحر المودة وكتين يفيض
يا يمه يا شعلة امل زاددت وميض
يا يمه يا عنقود كلام منظوم قصيد
يا يمه يا نغما حنين بالشوق يرن
وافكاري فيه بيرتعن... دمعاتي شانو بينزلن
واتذكرك يا يمه في الدغش النسايمو يهبهبن
قايمي الصباح متكفلتي شايلي الحليلي علي المراح
والساعة ديك يادوب ديكنا بدا الصياح
والطير صغارو يغردن
جبتي اللبن بي انشراح
واتذكرك يا يمه وكت الهجير
صالياكي نار الدوكي عستيلنا الفطير
رشيتي قلتي اكلوهو خير
واتذكرك يا بسمة الطفل الغرير
وكت الخلوق ترقد تنوم واسهر براي ارعي النجوم
والشوق يرف جنحينو فوق لي يحوم
واهتف باسمك في الخيال
طيفك كمان بي فوقو جال
واتمني لو لحظات يدوم لكني فجاءة القاهو زال
واتذكر يا يمه ساعة الناس يجونا من البلد
ناعم ترابه علي جسيماتن رقد
ريحة التمر فوق الهدوم
ولون الخضارخانس لبد
والشوق اوارو بيشتعل
كان ظني فيهو يكون خمد
واتذكرك يا يمة والناس قالو راجعين للبلد
رصوا الهديمات عدلو ركبو اللواري وقبلوا
خلوني وحيد بلا انيس
كيف انفرادي اتحملو
شالو السلام من عندي ليك
وانشاء الله عندك يوصلو
يا يمة ساعة يوصلوا ويقولو ليك
شفناه في بلد الامان
انبسطي يا نبع الحنان
وانا حالي يشهدبو الزمان
يا يمه رسلي لي عفوك ينجيني من جور الزمان
| |
|
|
|
|
|
|
| |
بيت الفنون
Abdlaziz Eisa
محمد عبدالرحمن محمد
معتز الامين
علاء الدين حيموره
فيس بوك
تويتر
انستقرام
يوتيوب
بنتيريست