|
الثُقلاء
|
د. أمين حسن عُمر (رئيس وفد الحكومة السودانية بِمفاوضات الدوحة-دارفور) م. الصافي جعفر (سابِقًا مُدير مشروع سندُس الزراعي. حالِيًا الأمين العام للمجلس القومي للذكر والذاكرين وصاحِب برنامِج عرائِس المعاني بِقناة النيل الأزرق- يُبث بعد صلاة الجمعة)
|
|
|
|
|
|
|
|
Re: الثُقلاء (Re: الطيب رحمه قريمان)
|
Quote: د. أمين حسن عُمر (رئيس وفد الحكومة السودانية بِمفاوضات الدوحة-دارفور) م. الصافي جعفر (سابِقًا مُدير مشروع سندُس الزراعي. حالِيًا الأمين العام للمجلس القومي للذكر والذاكرين وصاحِب برنامِج عرائِس المعاني بِقناة النيل الأزرق- يُبث بعد صلاة الجمعة) |
العزيز/ عزام
حياك الله
الأول ده فعلا يجيب للرضيع زبحة.......... التاني.. أحمد الله أني لا أشاهد لاأزرق ولا بطيخ....
قبل الفضائيات الناس كانت مجبورة على خلائق ام درمان.. لكن الحمد لله الذي أحيانا لزمان تتخير فيه العين ما تشاهد
تحياتي
| |
|
|
|
|
|
|
Re: الثُقلاء (Re: الطيب رحمه قريمان)
|
كُنت دايِر أبدأ بِثُقلاء الإنقاذ وأنتهي بِثُقلاء سودانيز أونلايِن، لكِن "الطيب رحمه قريمان" جا برااااهو بِكِرعينو.. أها يا الطيب رحمه قريـ مان، شوف يا مان، أنا كُنت دايِر أقول ليك حاجة، لكِن ماني لاقي فُرصة أو مُناسبة، ووكْتين الله جابك بِجاي، هاك يا خوي، إنت مِن ثُقلاء ها البكان، بِالنسبة لي ماف أثقل مِنك عِلا د. مُصطفى محمود، معليش ياخ الحِكاية دي جُنود مُجندة وكِده، ما عِندي فوقا أيُتُها فِعل.. يعني أكان ماك ثقيل، تحوم بِمُداخلتك الفوق دي وتكشحا في أي عمود مِن طرف، ياخ والله إتْفَوقت على رقبتك... الغريبة إنت ودكتور/ مُصطفى محمود بِتِتْثاقلو بِنفس الإسْلوب [أ] لإسْتخدام إسلوب الـ Cope/Paste [ب] ما عِندكُم إنتاج هِنا [ج] الشتارا غلبت الشطارا، يعني هسِع ده عمود بِنفع معاهو اللصقتو فيهو ده، أن ندعو علَيهُم كما يدعون علَينا، إنت قايِل "الله" شغال بِالأسبقِية والأغلبِية ولا شنو؟!
ما علينا... نرجع لِقائِمة الثُقلاء: (1) د. أمين حسن عُمر. (2) م. الصافي جعفر. (3) عُمر الجُزلي. (4) الطَيِب رحمه قريمان. (5) د. مُصطفى محمود.
| |
|
|
|
|
|
|
Re: الثُقلاء (Re: ود الخليفه)
|
ود الخليفة
Quote: دا كان بقدم برنامج اسمو قطوف في تلفزيون السودان قبل البث الفضائي |
ما تقولي ده الكان بقدِم البرنامِج بِتاع الأسئلة الدينِية وجوايزو كِتابين، وكان ضِيوفو مَوظفين خدمة مدنِية وطلبه الجامعات وبطلُب كإجابة على سؤالو إنو تكون بِرأي الفقهاء الأربعة
| |
|
|
|
|
|
|
Re: الثُقلاء (Re: manal eltahir)
|
عزام ياخى
سلام بوست قطيعه ونميمه وفى يوم الجمعه كمان
الناس ديل لا يملكون الدفع عن انفسهم فلا يصح ولا يحل ان نتلذذ بلحومهم ونكتب ما يؤذيهم ويؤذى أهلهم
راجع نفسك يا ولى وسورة الكهف أحق بزمنك الغالى (يس بفرضيه انك قريت الكهف)
مجرد نصيحه ليك وليس لدى مصلحه فى الدفاع عن اى شخص و لا خير فينا ان لم نذكر بعضنا البعض
والسلام
| |
|
|
|
|
|
|
Re: الثُقلاء (Re: Abobakr Shadad)
|
Abobakr Shadad
Quote: الناس ديل لا يملكون الدفع عن انفسهم فلا يصح ولا يحل ان نتلذذ بلحومهم ونكتب ما يؤذيهم ويؤذى أهلهم |
(1) د. أمين حسن عُمر. (2) م. الصافي جعفر. (3) عُمر الجُزلي.
دي شخصِيات عامة.. رقم (1) و(2) كيزان نجضونا نجاض 21 سنة ورقم (2) سرق قُروشنا 15 سنة في مشروع سُندُس الزراعي.. شخصِيات عامة زيها زي عُمر البشير الـ90% مِن أعضاء سودانيز بِتكلمو فوقو وما بِقدر يدفع عن نفسو قولُمْ ـــــــــــــــــ
Quote: مجرد نصيحه ليك وليس لدى مصلحه فى الدفاع عن اى شخص و لا خير فينا ان لم نذكر بعضنا البعض |
بِنراجِع الإرشيف.. لو ما لِقيت ليك كلام قُلتو إنت في زول ما بِقدر "يدفع" عن نفسو، بنقبل نصيحتك، ولو لقيت ليك كلِمة واحدة في حق زول ما بِقدر "يدفع" عن نفسو كلامك، تاخُد على راسك زي الترتيب. ـــــــــــــــــ
Quote: مجرد نصيحه ليك وليس لدى مصلحه فى الدفاع عن اى شخص و لا خير فينا ان لم نذكر بعضنا البعض |
النصيحة البِتْكون "لله" بِتُبذل في الماسنجر
| |
|
|
|
|
|
|
Re: الثُقلاء (Re: عزام حسن فرح)
|
Abobakr Shadad
Quote: حينما تلزم الحكومة نفسها بانارة ثلاثين قرية فى تشاد فى الوقت الذى تقطع فيه الكهرباء فى الخرطوم ومدنى ودنقلا وبورتسودان والابيض واتجاوز عن ذكر المدن الاخرى والقرى ...
وحينما تتكبد الحكومة عناء مد خطوط الضغط العالى حتى اثيوبيا
وحينما تخرج الحكومة بصفقة مع فرنسا لبناء محطات الطاقة الشمسية فى دارفور بمليلر ونصف المليلر دولار . .. هى دين يضاف لظهر الاجيال القادمة
تبدو القضية اكثر من واضحة
ويبقى من الصعب تسويق هذا الهدر لاموال المواطن السودانى تحت بند التعاون والمحبة والشهامة والقلب الرقيق |
ضل الدليب : صحيفة الرأى العام :الحكومة تدعم أفريقيا الو...يّات جراحية متكاملة
هِسع "الحكومة" دي فوقا كم زول؟ طِيب خليهو ده.. المعنِيين بِالإقْتِباس أعلاه الكتبتو إنت يا دِكْتور في زول بِقدر "يدفع" عن نفسو إتهاماتك؟!
إنت غير مؤهل لِبذل النصيحة لنا...
أمرُق
| |
|
|
|
|
|
|
Re: الثُقلاء (Re: حذيفه ابراهيم الكباشي)
|
حذيفه ابراهيم الكباشي كيف حالك؟ علك طَيِب
Quote: حذيفه ابراهيم الكباشي |
(1) ترمِش حواجبك أثناء النضمي والجو صافي خالي أتْرِبة. (2) تُدْخِل حرف [الفاء] في نضميك، دون داعي، كأن تقول: [فمشينا لِسوق سعد قِشرة.. فلِقينا محمود الخيات ماف.. فرجعنا ناس علَوية]. (3) أن تتقعر وتتنطع في الحديث، ناس: [البُؤر المُأطرة في سديم البُعد الثالِث لِنرجِسية الأشياء]. (4) البجاحا المُرْتاحا، كأن يطِل علَينا المُهندِس/ الصافي جعفر في برنامِج ديني، وقد أخذ نقود المُغتربين في 1997م لإقامة مشروع سُنْدُس الزِراعي، ويأتي في عام 2008م ويقول لِلمُغتربين: [مَن لن يُسدِد أقساط الأرض سَوف تُنزع مِنهُ] (5) أن ترتدي -كالجزلي مثلاً- كرفته كروهات وقميص كروهات وبدله مُخططه، ونقنِب نِحنا نفتِش عليهو بَين ها الحديقة اليانِعه. (6) الشتارا، كأن تُلصِق مُداخلة وااااحدة في أي عمود بِتمُر جُوارو، عمود فِكري.. ديني.. سِياسي.. فُراش.. ما مُهِم، المُهِم إلصاق المُداخلة وأن يموت الناس بِغَيْظِهِمْ
هل إكْتفيت ولا أفِتو
| |
|
|
|
|
|
|
|