كتب الكاتب الفاتح جبرا المتوفرة بمعرض الدوحة
|
|
 اسال نفسك
|
اسال نفسك بينك وبينها، عن اخلاصنا
ليه تتجاهل شـوقنا البينا
**********
انت نسيت ايام ما كنا
نعيش الحب فى عهدو الاول
ياما كتير وكتير فكرنا
وكنا بنحلم بالمستقبل
لكن فجأة بديت تتنكر
وعن ريدتنا بقيت ما بتسأل
قلبك رغم الطيبة الفيه
انا بستغرب كيف اتبدل
*********
فاكر الكلمة القلتها لى
وانت فى لحظة هنية سعيدة
اتعاهدنا على الحنــــــية
ونقضى عمرنا محبة شديدة
ما قلت بريدك زى عيني
وانا صدقت كلام الريدة
عارفه قلبك وافى ومخلص
وانك تقسى دى حاجة بعيدة
*********
راجع نفسك ما تكون جاير
وخلى حياتنا تعود لهناها
ماتحطم بى ايدك نفسى
والامال القلبى بناهــــــــا
مهما قسيت انا برضى بحبك
وساعة عطفك بستناها
ومهما يزيد المى وحرمانى
برضى سعادتك بتمناها
|
|
 
|
|
|
|
|
|
|
|
Re: اسال نفسك (Re: willeim andrea)
|
شاعر الاغنيه ... منقول
الشاعر: محمد على ابو قطاطى
ولد شاعرنا محمد على ابو قطاطى عام 1931م
فى قريه ريفيه ترقد فى احضان النيل وهى قرية العجيجة الجموعيه احدى قرى كررى شمال ام ادرمان
كان المولود للسيدة زينب بت محمد..
فابتهج الوالد دفع الله ود محمد واقترح اسماً للمولود "محمد علي"
تيمناً بوالده فنشأ في كنف والديه، وعندما بلغ الرابعة أدخله والده
الخلوة لكي يحفظ القرآن في خلوة الشيخ الفاضل الفكي، وفيها
تعلم مبادئ القراءة والكتابة ونسبة لتغيير محل إقامة الأسرة الى
الجزيرة اسلانج تركها ليلتحق بخلوة الشيخ حسن البصري واستمر
فيها لمدة ست سنوات وبعدها طلب من والده أن يلحقه بالمعهد
العلمي بأم درمان وبرغبته الصادقة في التحصيل والقراءة اشترك
في مكتبة أم درمان المركزية.
الأغنيات الأولى
أغنياته الأولى كانت بالرق لأنه كان هو شكل الأداء في تلك الحقبة
في الخمسينيات والأغاني تبثها الإذاعة على الهواء لانعدام أجهزة
التسجيل.
والفنانون الذين تغنوا له في بداياته هم: بابكر حمد- علي أبو الجود-
حسن بدير- أولاد شمبات- خالد اسماعيل.
الأغنيات الأوركسترالية
تطورت الأغنية السودانية وحلت الأوركسترا الموسيقية مكان الرق
وكان من الطبيعي ان يتعامل مع فنانين جدد وعلى سبيل المثال لا
الحصر هم: عبد الماجد خليفة الذي جاء سعياً لكلماته من مدني
ليتغني بها، وتؤام روحه كما يحلو له ان يسميه الفنان الراحل خليل
اسماعيل الذي حط رحاله بدار أبو قطاطي وقاسمه السكن عندما
جاء من مدينة الأبيض، ومن أشهر ما تغنى به لشاعرنا - الأماني
العذبة- بسحروك- وتوسعت دائرة تعاملاته الشعرية الغنائية لينضم
ليه ابن البادية في تساؤل محب كادت الحيرة ان تقتله ليتغنى بأغانيه
– يا ربي هل طاريني قلبو - وبعد أن ذاع صيته تعرف على محمد وردي
الذي كان طالباً بالمعهد العالي للموسيقى وزاره في مقر عمله
بالهيئة القومية للمياه وكان لقاء السحاب الذي أمطر علينا والساحة
الفنية فناً راقياً في – الناس القيافة والمرسال وشن بتقولوا - وله دواوين شعرية
نذكر منها --نوادر وحكايات – درب المحبة- الفينا مشهودة- ناس أمدرمان
الشاعر الكبير محمد علي «أبو قطاطي»، أعطى للوطن إبداعاً.. وكتب أروع الشعر.. وما استبقى شيئاً، فتغنى بكلماته كثيرون.. منهم وردي «المرسال، والناس القيافة».. وعبد العزيز محمد داؤود «الفينا مشهودة».. وسيد خليفة «قالوا الدود قرقر».. وزيدان إبراهيم «نبع السعادة».. بجانب أغنيات خالدة لعثمان الشفيع وعائشة الفلاتية ومنى الخير وميرغني المامون وأحمد حسن جمعة.. وآخرين.
تكريم للجدارة
لقد منح الشاعر محمد علي أبو قطاطي نوط الجدارة في مهرجان
الثقافة في العام 1980م من قبل الرئيس الاسبق جعفر نميري
ووسام الجمهورية من جمهورية كوريا في العام 1982م
من رئيس كوريا كيم ايل سونغ
وكرمته العديد من الجهات دار فلاح للغناء الشعبي- وزارة الثقافة
| |
|
|
|
|
|
|
|
|
|
Re: اسال نفسك (Re: willeim andrea)
|
وللشاعر محمد على ابوقطاطى
الناس القياقه
في الناس القيافة حبينا اللطافة
في دروب المحبة فتنا بعيد مسافة
**********
شفنا خدود نديه جذابة وهنيه
شاقتنا ابتسامة وطلعة ملائكية
الوجنات بتشبه ازهار موسمية
والخصر المضمر والخامة الطرية
************
شفنا عيون كحيلة فتانه وجميلة
تعبانين نراها ونجري سنين طويلة
لا خلينا ريده ولا بكينا حيلة
نطمع في لقاها وغالبانا الوسيلة
************
نظراتا كاتلانا وبرموشا اسرانا
حبيناها نحن ودرنا الموت برانا
كم نحن الحبايب منتظرين حنانا
الارواح تشابي وتتلهف عشانا
| |
|
|
|
|
|
|
|
|
|
Re: اسال نفسك (Re: Ridhaa)
|
الحبيب رضا .... اخبارك ... ووين اراضيك ... انشاء الله دايما بخير
ومشكور يا الحبيب علي المشاركه في تذوق الجمال والابداع
محبتي وتقديري
| |
|
|
|
|
|
|
| |
willeim andrea
Ridhaa
فيس بوك
تويتر
انستقرام
يوتيوب
بنتيريست