|
للشعب تقرع أجراس الثورة
|
الظروف مواتية تماماً للثورة الفساد الذي أزكم أنوفنا واضحى لبانة نلوكها في المقاهي وبيوت العزاء رئيس برلمانهم الذي لم ننتخبه "سمع أقاويل عن إثراء اخوان الرئيس" ولا يحرك ساكناً ما الفرق بين اغتصاب منسوبو جهاز الأمن لصفية اسحاق و بين سحل جهاز الأمن لخالد سعيد؟ حسني مبارك قعمز على الكرسي 30 عاماً والقذافي قعمز 42 عاما وصاحبنا مازال مقعمزاً سيكمل ال 22 عاماً بعد اشهر ثلاث الفقر والبطالة والفساد الجنوب غادر ولا بواكي له، اصبنا بالذهول ثم تقبلنا الأمر .. الثورة سنصنعها أنت وأنا وهم نحن صح النوم يا شعب يا معلم
|
|
|
|
|
|
|
|
Re: للشعب تقرع أجراس الثورة (Re: Mohammed Elhaj)
|
كنت أتحدث الي صديقي "نصر" سألته هل ستخرج يوم 4 مارس؟ يوم 12 مارس؟ يوم 21 مارس؟ قال لي: "ياخ انا ما عندي حق العشا، حق المواصلات أطلع كيف؟" نصر أبو البنتين والولد جلس في بيته عاماً ونيف بلا عمل قلت له: أوليس هذا الذي تقول سبب كافياً للخروج؟ قال لي: "نمرق عشان يجي نقد والصادق والمرغني يحكمونا؟" قلت له: نطلع عشان يكون عندنا الخيار يجي يحكمنا البنختاروا نحنا يصيب ويخطئ ونجي تاني بعد 4 سنوات نختار نختاروا تاني أو نختار غيرو عشان يحس البيجي يحكم انو انحنا اخترناهو عشان برنامجو وحنحكم نحنا عليهو بعد تنتهي فترتو قلت لنصر: نحنا ما طالعين عشان نغير اشخاص، طالعين عشان نغير الشكل البيجي بيهو شخص يحكم البلد قال لي: ياخي هسع لو حصلت لي حاجة البيربي الشفع ديل منو؟ قلت لنصر: تعرف أمس وبصدق كنت بفكر في كدا، تعرف يا نصر وصلت لي شنو؟ أولادنا حيعيشوا في وضع أحسن من الانحنا فيها دا بلد محترمة بتربيهم وتحترمهم وتوفر ليهم عيشة كريمة أفضل من انهم يعيشوا في الوضع دا حتى وانت وأنا معاهم لا أدري هل أقنع ذلك نصر أم لا لكن هذه قناعتي أنا شخصياً أبناءنا الذين جلبناهم نحن لهذه الدنيا ولهذا البلد يستحقون منا لأن نخرج ونغير نخرج لنصنع لهم الوطن الذ ي يستحقون هذا احق أن يفعل من لقمة الخبز التي نأتيهم بها أحق من المدرسة التي نرسلهم لها هذا هو أقل برنا تجاههم
| |
|
|
|
|
|
|
|