تعليقات المصريين على تويتر تثير مزيدا من الضحك !

Quote: Image removed by sender. تعليقات المصريين على تويتر تثير مزيدا من الضحك ! l يعد تويتر من اهم مواقع نشر الاخبار بسرعة بصورة ما قل و دل , و ربما كان ذلك مفيدا لعددكبير من المصريين الذي عرف العالم عنهم مدى خفة ظلهم و فكاهتهم . و قد اثار نبأ اقتحام مباني امن الدولة و الحصول على ملفات مثيرة و غريبة تعليقات ظريفة جدا على الموقع ,, · -انا خايف الاقى ملف لابويا و يطلع ان انا مش ابنه و انه خطفنى زمان · -تعرف فلان؟ .. أعرفه .. شفت ملفه؟ .. لأ .. يبقى متعرفوش · -بشري سارة: أي حد كان عنده ايميل و ناسي الباسوورد بتاعته يطلع على امن الدوله هيلاقيها هناك · -عمالين تقولوا معرض الكتاب اتلغى معرض الكتاب اتلغى …طلع أمن الدولة ملياااااااااااان ثقافه ..روحوا اتفرجوا · -في السنة اللى ويكيليكس طلعت الوثائق بتاعتها… إحنا طلعنا وثائق أمن الدولة..وثائق عربي…أم الأجنبي · -خد نفس معسل وقال لي: لقوا مطار الانفاق في أمن الدولة · -اعتقد ان لو تلفوني كان متراقب ف الظابط اللي راقبه خلص الصابون اللي ف البلد · -وثيقة من أمن الدولة تؤكد أن الأهلي حياخد الدوري ال12 سنه الجايين · -الشعب المصري أعلن عن افتتاح مهرجان القراءة للجميع برعاية امن الدولة · -بيقولوا حماده هلال هيعمل أغنية جديدة …ملفات أمن الدولة لقينها فى أمن الدولة · -أنباء عن العثور علي كل أغطية كوكاكولا اللي عليها الجادون داخل مقر أمن الدولة · -أنا في أمن الدوله ولقيت حلول فوازير نيللي وشريهان بالكامل … اه يا ولاد ال###### · -الراجل بتاع “اين اشيائى ” يعلن عن العثور على اشيائه فى أمن الدولة · -للمواطن ملفان: ملف عند أمن الدولة… و ملف و سي دي عند مرتضى منصور · -هههههههه انا عايز امن الدوله يرجع واعمل نفسي سلفي او اخوان ويوروني فيلم السكس بتاع رجل الاعمال وسيده من الاسره الحاكمه في الكويت · -اللي مالوش ملف في أمن الدولة مالوش خير في مصر · -الشعب يعلن افتتاح مهرجان القراءة للجميع داخل مقار امن الدولة و الدعوة عامة · -أنا نفسي اطلع ظابط امن دولة لو هيبقى عندي مكتب حبيب العادلي · -الدنيا دي زي امن الدولة ناس ليها انس الفقي وناس ليها البت الكويتية ورجل الاعمال ارزاق · -يعني إيه كوكا زيرو يعني لو فقدت الذاكرة أمن الدولة محافظ علي كل ذكرياتك · -نصيحة :لو حبيبتك بريئة و ماتعرفش حاجة عن مصايبك السابقة .. روح إحرق ملفك في أمن الدولة بسرعة .. قبل ما صاحبها السابق يجيبه · -مفيش حاجة لمرتضى منصور !!!! · -لا تعايرني ولا اعيرك … امن الدولة طايلني وطايلك · -يا ترى ملفى فين دلوقتى؟ اتفرم و لا سليم..هزعل قوى لو ماليش ملف…لا بجد هزعل · -عادل امام : يابلد شهادات ..تلفزيون مصر : يابلد اجندات ..امن الدولة : يابلد ملفات · -أنا بطالب يطلع لنا مسؤول كبير فى أمن الدولة يقولنا نجيب ملفاتنا منين..مش معقولة نقعد ندور عليها طول اليوم كده !