الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: من غير مجامله وبمنتهي الصراحه (Re: doma)
|
[ بت الشمش] يا صديقة؛ قسماً بي ذات المولى القاسي انا واحداً من الناس ماني عارف الحاصل في البتتكلمي عنو ده.. يمكن متلي في ناس تانين.. دحين ادينا رابط البوست المعني فشان نتابع..
| |
|
|
|
|
|
|
Re: من غير مجامله وبمنتهي الصراحه (Re: محمد عبدالرحمن محمد)
|
صديقي الجميل والله من شده الموضوع عندي ما تافـــــــــــــــــــــــه وما بستحق ولا رابط ما بعرفه ليهو . بس اي زول ما داير معاي كلام تاني يكتب اسمه ويريح نفسه . انا دائما مرتاحه وراضيه عن نفسي . والاصدقاء العندي وبعزهم ويعزوني يكفوني من هنا الي يوم ان ابعث مره اخري .
| |
|
|
|
|
|
|
Re: من غير مجامله وبمنتهي الصراحه (Re: محمد عبدالرحمن محمد)
|
Quote: علي الذين لا يرغبون في ان اتداخل معهم من الان وصاعدا تسجيل اسمائهم هنا |
هيا أم نزار مراحــــــــــــب
ده كلام شنو إنت أم البورد وسندالتو ما عاش من يزعلك و أدخلي كيفما اتفق البزعل يزعل والبرضى يزعل كمان
ما معانا قوائم بالله رجاءً
تحياتي الأكيدة وكان أبو النز جابو ليه تيمان كلميني عشان الورد
| |
|
|
|
|
|
|
Re: من غير مجامله وبمنتهي الصراحه (Re: آدم صيام)
|
الاخت دوما
تحياتي
رغم اني زي المطرطش حتي الان ماعارف البوست البتتكلمي عنه وبغض النظر عما حدث فيه
وكما يقول تبارك المهم
فانا اسجل نفسي في خانة الراغبين في الحوار والتداخل مع دوما دوما وابدا
| |
|
|
|
|
|
|
Re: من غير مجامله وبمنتهي الصراحه (Re: آدم صيام)
|
انا من قائمة التواصل مع الانسانة زينب الفحل
دومه الي يوم البعث التاني
وهناك برضو في سودانيز وسودانير ام الحكاية بتكون ملخبطة
بعد لخبطة هنا ؟؟؟
ما قاعد اشوف بوستات الخصام
لان معركة الخصم الاكبر ارزقية الجبهة تجار الدين
تاخذ مني الواجب المباشر
لكن ختيني محل ما تريدين
تحياتي الطيبة
يا رائعة واصيلة
| |
|
|
|
|
|
|
Re: من غير مجامله وبمنتهي الصراحه (Re: Sabri Elshareef)
|
فتحت المنبر لقيت البوست وش عليه انا احمد العربي ليس لدي الرغبه في
.
. . . . . . . . . . . . . .. . . .وبإصرار . . . . . . . . . . . . شديد. . . . . . . . ليس لدي الرغبة ... .. .. .. . في أن تقاطع دوما بوستاتي فهي بهار هذا البورد والحب والجمال .... ولدوما الحب والجمال دوما عاطر الود
| |
|
|
|
|
|
|
Re: من غير مجامله وبمنتهي الصراحه (Re: عمر صديق)
|
تجديد بيعة... ياأستاذة دوما... دوما = الأم .. الإنسانية .. الثقافة والفكرة المضئية ..إحترام الذات و الأخر ...حب الوطن والناس .. من منا لايحب هذه المعاني ? ........ تعرفي مشيت قريت البوست المعني ولم أجد فيه ما يمسك بسوء ... تقديري .... ..
| |
|
|
|
|
|
|
Re: من غير مجامله وبمنتهي الصراحه (Re: كمال عباس)
|
الأخت دومــا
سلام
المنبر فيهو ما فيهو... البجيب الزعل والبجيب النكد..
وده انتي ما عليك بيه... ولا داعي للزعل ده.. الناس بتزعل وبتتزاعل في بوست وبتتصالح في البوست البعده.. يعني ما يكتب بيكون هو حد الزعل..
وعشمنا كبير في مواصلتك واثراءاتك للمنبر
تحياتي
| |
|
|
|
|
|
|
Re: من غير مجامله وبمنتهي الصراحه (Re: Abdlaziz Eisa)
|
Quote: دوما = الأم .. الإنسانية .. الثقافة والفكرة المضئية ..إحترام الذات و الأخر ...حب الوطن والناس .. من منا لايحب هذه المعاني ? |
شكراً يا كمال عباس...
ماما دوما.. كدي بالله لزي لينا الإيمل بتاعك ..أو رقم التلفون لو أمكن.
________ ولدك الجَنْقُو حافظ حسين تاعبني شديد ياخ... لوووووووووووووووول
| |
|
|
|
|
|
|
Re: من غير مجامله وبمنتهي الصراحه (Re: Abdlaziz Eisa)
|
Quote: وده انتي ما عليك بيه... ولا داعي للزعل ده.. الناس بتزعل وبتتزاعل في بوست وبتتصالح في البوست البعده.. يعني ما يكتب بيكون هو حد الزعل..
|
الابن المحترم عبد العزيز عيسي تحياتي والله يا ريت لو كان كدا الحاصل يا ابني انه في ناس بتصرها ليك لشهور وربما سنين وربما ابدالدهر وانا ما من النوع دا عشان كدا احسن نكون صريحين النوع البصرها دا هذا فراق بيني وبينه .
| |
|
|
|
|
|
|
Re: دومة ياااااا دااخاله ياخ !! نحن بنحبك (Re: كمال عباس)
|
Quote: من غير مجامله وبمنتهي الصراحه |
انا عايزاك تداخلى معاى حتى لو اختلفتى معاى فى الراى .. وحتى لو شاكلتنينى .. مداخلاتك دايما بتدى قيمة للبوست ... ذكاء ووجاهة راى .. وهندسة
ــــــــــــــــــــ ويا جبل ما يهزك ريح !
| |
|
|
|
|
|
|
Re: دومة ياااااا دااخاله ياخ !! نحن بنحبك (Re: دينا خالد)
|
يا ماما دومة انتي في زيك كم في المنبر ده عشان تسالي? أنا والله بفتش لي مداخلاتك لانها بتدينا أمل في وعي المراة السودانية و عشم في أنه الناس الحولك تتعلم منك ..."لكن ما عارفة ليه أقرب الناس منك ما مستفيدين من الطاقة الأنسانيه دي ليه" أنا غايتو أكاد أجزم اني استفدت من قصة حياتك و اتعلمت أحاول أمرن نفسي على التسامح و الغفران... لك كل الحب يا دومة و استمري في بذر الأنساني ما استطعت يا غالية.
| |
|
|
|
|
|
|
Re: دومة ياااااا دااخاله ياخ !! نحن بنحبك (Re: Afraa Sanad)
|
Quote: لكن ما عارفة ليه أقرب الناس منك ما مستفيدين من الطاقة الأنسانيه دي ليه" |
عارفه يا عفراء بتي انا زمان كنت زوله شرسه و متاكده لو في زول من زمن الجامعه ما ح يصدق اني بقيت مسكينه كدي الغنمايه تاكل عشايا كله بيتم بتقدم العمر الانسان بيعقل لما تنتهي فوره الشباب والواحد يكتشف انه مهما اؤتي من كل شئ انه لايسوي شرو نقير امام دقه الكون دا وبدائع الخلق . وتبدأ تتضاءل الاشياء في نظرك وتعرف حجمك الطبيعي انك انسان مخلوق ضعيف ستعود مره اخري لهذا التراب فتقول ليه الهيلمانه وليه الاحتراب وليه الصلف ليه الغرور ليه االشرور ما كله الي زوال الا الكلام الطيب والعمل الطيب .
| |
|
|
|
|
|
|
Re: من غير مجامله وبمنتهي الصراحه (Re: آدم صيام)
|
الابن العزيز آدم صيام تحياتي ومعزتي طبعا ما اظنك متذكر وين اتلاقينا يابني ؟؟ تصدق ما ناسياك ابدا وللان اتذكر اين التقيتك وفي اي مناسبه ومع اني رايتك مره واحده لكن لوالتقينا ممكن اتعرف عليك . . نزار عنده تلاته اولاد . سامي امير ومازن تصدق امير امس اشتري لي ورد جابوه لي اشوفه بالاسكايبي عسل بس ربنا يحفظهم . شكرا ليك يا ابني علي الكلام الطيب وقطعا من معدنك .
| |
|
|
|
|
|
|
Re: من غير مجامله وبمنتهي الصراحه (Re: doma)
|
ستنا و تاج راسنا العزيزة دوما
يا قول كمال عباس، ده تجديد بيعة، لووول و عليه نجدد بيعتنا و نتمني من الله يخليك لينا في بوردينا ده و لاولادك و اهلك و اصحابك
لكن انا عندي عشم واحد و اتمني انك توعديني انك تفكري فيه، ما دايره وعد انك تنفذيه الا اذا اقتنعتي بجدواه انا قريت جزء يسير من البوست و بصراحة ما فهمت الحصل غلط شنو، لكن فهمت انه في قراية متقاطعة للبوستات و تاريخ انا غير ملمة به ده من ناحيتك انت و تمبس، و بما انك ست التصافي في المكان ده، ياريت لو انتي ضربتي لينا مثل و حاولتي مع تمبس تفهمي سر المشكلة شنو، انا من قرايتي البسيطة لما خطة تمبس في البورد، علي الاقل ما قراته، ما شفته ختي علي زول، قد يحتد في الرد مرات و لكن قصتكم ده شكلها فيها حاجة بسيطة ما مظبوطة و ياريت لو قدرتو تحلوها
عني شخصيا افضل لو ما تدخلت في الموضوع، و عشان ما اثقل عليك، ما دايراك حتي تردي لي هنا، بس فكري في الموضوع و اعملي ما ترضيه لنفسك
كل الود و الاحترام ليك و لتمبس
| |
|
|
|
|
|
|
Re: من غير مجامله وبمنتهي الصراحه (Re: doma)
|
سلامات يا تاج الرأس
ماعارفة الحاصل شنو
لكنما اظن في زول عاقل ما يكون عايز يتداخل معك وانت من عركتها الحياة وتعلمت الخبرة مع العلم مخزن لا ينضب لكل عاقل. مع التواضع وكرم الاخلاق مافي منك اثنين..
اشوف الموضوع واجيك
| |
|
|
|
|
|
|
Re: من غير مجامله وبمنتهي الصراحه (Re: اساسي)
|
Quote: صديقتي الصدوقة دوما عليك الله تاني لما تكسري لي تلج لفيها لي في كيس ورسليها لي في الماسنجر عشان ما بدون سبب يطلعوا ليك تاريخك لي جد جدك |
لوووووووووووول والله يا اساسي لا اكتمك سرا بريد اقرا كتابتك لانها كتابه ذكيه و ساخره وحتي لو كنت انا التخته I can't resist Asasi flavour
| |
|
|
|
|
|
|
Re: من غير مجامله وبمنتهي الصراحه (Re: Amira Elsheikh)
|
سلام .. يا دوما وليكي قوما هو الناس وين لاقينك يا ام نزار ياالسمحه ورزينه ... شاحد الله البياباكي ... والمابدورك .. يا ضي الرتينه اريتو ... لا يضوق الهنا ولا يشوف الجنا دحين يا ستهن ما تشيلي هم متاوقة ... ناس غشينا وناس مشينا وياكي يا الحبيبه يطول عمرك ويدوم عزك بنيتنا المننا وفينا التحيه والسلام لابو نزار
(عدل بواسطة محمد مصطفي مجذوب on 03-10-2011, 06:57 AM)
| |
|
|
|
|
|
|
Re: من غير مجامله وبمنتهي الصراحه (Re: محمد مصطفي مجذوب)
|
لووول محمد مصطفي مجذوب حبابك والله قصيدتك سمحه الا لو تسمح نعدل فيها شويه اريتوا المابيني يضوق الهنا والجنا دسته من بنات لي اولاد بركه الخميس المقابل الجمعه . بركه الجمعه الجامعه والدعوه السامعه . ما بتمني للناس الا الخير يا ود امي عندي الجنا والبريدو لي وليداتي بريدو لوليدات الناس ربنا يبرد حشا الولدوهم
| |
|
|
|
|
|
|
Re: من غير مجامله وبمنتهي الصراحه (Re: doma)
|
Quote: بيان رقم اتنين اي زول ما سجل اسمه في قائمه من لا يرغبون في التداخل معي يستعد للشوت الظفاري |
ظفـــار و لاّ مسقط لوووووووووووووول.
_ كلامك بتك رحاب خليفة الفوق داك ما تنسيهو .
اها طيب ح أنتظر لي بتين ياخ الايمل ده يا ماما دوما إنتِ وحافظ , مُش كان في إتفاق..؟
| |
|
|
|
|
|
|
Re: من غير مجامله وبمنتهي الصراحه (Re: هواري نمر)
|
Quote: إنتِ وحافظ , مُش كان في إتفاق..؟ |
والله انا وحافظ دا عندنا اتفاقيات مش اتفاق واحد وكلها مخستكه هو وين الزول دا ؟؟؟!!!انا بفتش عليه شديد . رسلنا ليكم التلفون والاميل رسلوا المصاريف عاجلا .
| |
|
|
|
|
|
|
Re: من غير مجامله وبمنتهي الصراحه (Re: doma)
|
ام نزار سلام عمرك اطول من عمري
Quote: دسته من بنات لي اولاد |
ههههههههههههههههههههها اها انا ...نيتي غلبت عشان بيني وبينك كدي لينا نحن الناس الفي غرب اروبا وناس امريكا ديل .. حكاية نتمني للواحد دسته عيال ...دي زي البندعي عليهو
تسلمي يا ام نزار
| |
|
|
|
|
|
|
Re: من غير مجامله وبمنتهي الصراحه (Re: محمد مصطفي مجذوب)
|
Quote: ههههههههههههههههههههها اها انا ...نيتي غلبت عشان بيني وبينك كدي لينا نحن الناس الفي غرب اروبا وناس امريكا ديل .. حكاية نتمني للواحد دسته عيال ...دي زي البندعي عليهو
تسلمي يا ام نزار |
والله يا بروف ديل ناس سعوديه ربنا يديهم الفي مرادهم سلمت من كل بلاء يا توب غتاي
| |
|
|
|
|
|
|
Re: من غير مجامله وبمنتهي الصراحه (Re: الصادق ضرار)
|
Quote: ماما دوما ام وشاً شبر
الله لا يحرمنا منك
التوقيع : اب عمة |
لوووووول يا اخي والله انتوا ناس سمحين يا الصادق ضرار ولدي والدتي الله يرحمها كانت بتقول انا ما بخاف من زول وشه شبر لكين النوريكم شبر امي دا من الابهام للسبابه اها معناتوا كل زول وشه قدر شبر يده . ما في زول يشبر وش اخوه .
| |
|
|
|
|
|
|
Re: من غير مجامله وبمنتهي الصراحه (Re: doma)
|
Quote: لكين النوريكم شبر امي دا من الابهام للسبابه
|
العزيزة جدا / دوما
ماعارف الزعلك شنو ، ماجبت الرابط ، لكن للضمان كده الزول التاني غلطان بعداك نشوف
بخصوص الشبر ومقداروا أحكي ليك القصه دي
في الأيام التي شهدت ملاسنات بين البشير ومبارك بخصوص موضوع حلايب كان التلفزيون المصري يقدم قفشات عن البشير وذلك بإيراد تعليقاته ومن ثم تعليق حسني مبارك عليها
فملأ الشاشة وجه البشير في لقاء مفتوح وهو يهتف ( نحن ماحنفرط في شبر من بلادنا )
وجاء تعليق حُسني
الرئيس السوداني بيقول مش حيفرط في شبر من بلادو والجيش المصري ( دلوأتِ ) موجود في حلايب
هوَ شبرهم ده أد أيه؟
_____________________
الإحترام الكتير يادوما ولابأس من سوء فهم هنا وهناك ، لا نجاة من ذلك
| |
|
|
|
|
|
|
Re: من غير مجامله وبمنتهي الصراحه (Re: Ashraf el-Halabi)
|
العزيزة دوما
تحياتي ومن غير مجاملة وبمنتهى الصراحة يوم هاتفتك من بانكوك ولقيتك في بكين إنتابني إحساس بسودانية كأنما تخرج ليم من جهاز الهاتف وتقول ليك مرحب يا حشايا وجيدأً جيت إستريح لي قدام. ولولا المسافات كان قالدتك سلام سوداني . وكان الوعد الصادق في المرة الجاية برسل ليك الولد ويكون في إستقبالك. لكني لم أعاود الرحلة لبانكوك حتى للحظة.
التوقيع : داخلي زي ما دايرا كان معايا ولا ضد راي.
بحيراوي
| |
|
|
|
|
|
|
Re: من غير مجامله وبمنتهي الصراحه (Re: معاوية عبيد الصائم)
|
سلام يا ماما دوما أبصم على كل الإتقال فوق ده و احسن من عبر عني أستاذي كمال عباس Quote: تجديد بيعة... ياأستاذة دوما... دوما = الأم .. الإنسانية .. الثقافة والفكرة المضئية .. إحترام الذات و الأخر ...حب الوطن والناس .. من منا لايحب هذه المعاني ? .. |
ولك يا غالية وله هذه
| |
|
|
|
|
|
|
Re: من غير مجامله وبمنتهي الصراحه (Re: معاوية عبيد الصائم)
|
غايتو ده بنعتبرو بوست إستفتاء online عليك الله شوتيهم كلهم.
Quote: والتزم التزاما تاما بالا اتداخل في اي بوست يكون ملك لاحدهم . |
مافي بوست (ملك لأحدهم) .. قالوا إسمو (منبر خاص).
الما عايز يتداخلوا معاهو طارح كلامو هنا ليه ... ما يرسل إيميلات.
سلام ماما دوما
| |
|
|
|
|
|
|
Re: من غير مجامله وبمنتهي الصراحه (Re: محمد أبوالعزائم أبوالريش)
|
هو في شنو؟
يشهد الله دخلت بوست اساسي
الي اصدقائي الصدوقين او عنوان مشابه... وقريت فيه لي نصو..ما فهمت حاجة وطلعت
هسي هنا برضو ما فاهم حاجة...
يعني نفهم انو البورد دا من هنا وجاي عايز يتحول الي ( فيعرض هذا ويعرض هذا...بدون خيركما)
انا غايتو صديق دوما واساسي...وصديق اعدائهما هي العداوة الما بحلوها بالعكاز دي عداوة؟؟
| |
|
|
|
|
|
|
Re: من غير مجامله وبمنتهي الصراحه (Re: nazar hussien)
|
Quote: انا غايتو صديق دوما واساسي...وصديق اعدائهما |
لوول نزار غايتوا انا ما عندي عدو تب الا تكون صديق الر فيق الفسل . يا زول كلام تـــــــــــــافه والله ما ادلك علي محلو ولا بستحق بس ما بدور اغلت علي الناس اي زول ابرتو ما بتشيل خيتين يكتب اسمو
| |
|
|
|
|
|
|
Re: من غير مجامله وبمنتهي الصراحه (Re: doma)
|
Quote: وبنصيف في Côte d'Azur تقول لي بتعرفي الاشفا؟؟؟!! |
hgu.d.
العزيزة بنت الفحل ام الرجال و اخت الرجال ، بختك و الله المره الجايه تنزلى انتخابات طوالى وتفوزى شفتى حب الناس ليك ، بالرغم اننى ما عارف حاجة عن الموضوع الذى ازعجك ، دعينى اقول انك إنسانه كريمة و حنونه و بتعرفى الواجب .
| |
|
|
|
|
|
|
Re: من غير مجامله وبمنتهي الصراحه (Re: nazar hussien)
|
دوما الحبيبة من القليب قريبة انا غايتو متل اخوي المطرطش الفوق ده ماني خابرة شي يعلم الله ولاني دايره اخبر تب’’ لكن بدورك اتي تخبري إن مر يوم وما شفت إسمك حايم بالفريق في حلة بكري دي بتجيني خمة نفس وحراق روح دحين يا خية إن ما لقيناك بنهاجر ليك في الصين دييييييييك مش قالوا اطلبوا العلم ولو في الصين؟ اها أنا سوما القدامك دي بقول ليك علما من مدرستك إنتي ادفع ليه عمري يا السمحة من البداية وكريمة للنهاية
| |
|
|
|
|
|
|
Re: من غير مجامله وبمنتهي الصراحه (Re: أيمن الطيب)
|
Quote: بيان رقم اتنين اي زول ما سجل اسمه في قائمه من لا يرغبون في التداخل معي يستعد للشوت الظفاري |
يا بت الفحل لازم تغسلي رجولك نضيف وتقصقصي الأظلاف وتنظفي الحوافر عشان الشوت يكون نضيف وظريف وما يعمل لي غرغرينا في كنكوجي
بالمناسبة ،، ماسمعتي غنية : حبيبي تعال نتشاوت ؟ الشوت المقصود هو الشات وليس الذي تتوعدينا به
| |
|
|
|
|
|
|
Re: من غير مجامله وبمنتهي الصراحه (Re: أبو ساندرا)
|
Quote: يا بت الفحل لازم تغسلي رجولك نضيف وتقصقصي الأظلاف وتنظفي الحوافر عشان الشوت يكون نضيف وظريف وما يعمل لي غرغرينا في كنكوجي |
بالله اسع يا حباني الود بركوته دا الزول يعمل فيه شنو ؟؟؟ اشوته ليكم ؟؟؟
| |
|
|
|
|
|
|
Re: من غير مجامله وبمنتهي الصراحه (Re: أيمن الطيب)
|
Quote: غايتو أعفى لى أنا ضحكت فيك ضحك شديد,,
ما شماتة والله لكن شنو ما تعرف!!!
|
لوووووووووووووووول ايمن الطيب انت حدد شماته ولا تصفيه حسابات ؟؟؟!!!
لا ايدي لا كراعي يا ولدي جيت اتفرج فرجوا بي وكسروا عدتي لووووووول والله اانا ذاتي اتكيفت منه . غايتوا اسع ضحكتني لما ولدي جاء قال لي مالك يمه ؟؟؟ قلت ليه ديل ناس سودانيز ديل يوم بكتلوني بالضحك
| |
|
|
|
|
|
|
Re: من غير مجامله وبمنتهي الصراحه (Re: أيمن الطيب)
|
الخالة دومه
تحياتي
غايتو الزول القال الدنيا دي آخرها كوم تراب دا زول كريم خلاص
ياخ دي آخرها صفر كبييييير وما يفقدو الانسان كل يوم مفروض يخليهوا
صاحي لحتة أنو هو نفسو يوما ماسيتم فقدانه وإلى الأبد
عشان كدا المحبة والصفح دائما كويسات
ونأمل دوما في رتق التشققات التي تظهر بين الحين والآخر
والجميع أخوة بإذن الله
| |
|
|
|
|
|
|
Re: من غير مجامله وبمنتهي الصراحه (Re: اسماء الجنيد)
|
Quote: علي الذين لا يرغبون في ان اتداخل معهم من الان وصاعدا تسجيل اسمائهم هنا!!! |
الخالة دوما!
السلام عليكم!
طيب ماذا عن الذين لا ترغبين أنتِ أصلاً في التداخل معهم!!!
والله جيتيني مرة صاح! لكن تاني ما كررتيها!
وأنا يا ما جيتك! بل مرة جيتك، ما رديتي علي ذاتو!
ههههههههههههههههههههههههههه
| |
|
|
|
|
|
|
Re: من غير مجامله وبمنتهي الصراحه (Re: عبد الله كسلا)
|
Quote: الحبيبة دوما ..
أكان غلطنا عليك وله بس رفعنا صوتنا ساي في حضرتك ..
شوتي طوالي .. وما تترددي أبداً
ياخ معقولة بس ..
إنتي حبيبة الكل وخالة الجميع يا دوما .. |
الحبيب عبد الله كسلا يا بلدي يا حبوب ليك القومه والانحناءه حاشاكم انتوا ما بتغلطوا علي يا السمحين واتمني اني ما اغلط علي زول فيكم
شاكره مرورك وطيب كلامك يا الباهي
| |
|
|
|
|
|
|
Re: من غير مجامله وبمنتهي الصراحه (Re: أبو ساندرا)
|
الخالة دوما سلام لا ارغب الا في احترامك لان كتاباتك شمعة تضئ ظلام عراكنا المنبري , ومداخلاتك نسمة تعبر جدارات الخصام باكسجبن متدفق من شرايين القلب الابيض المتدفق سماحة كما اهلنا البسطافي اصقاع اريافنا النائية فانت الام الرؤوم والحبوبة التي تسدل ضفائر حكاوينا في جلسة جبنة .
لاول مرة اكسر ثلج لزول في المنبر دا لكن تستاهلي لانه من الدواخل .
| |
|
|
|
|
|
|
Re: من غير مجامله وبمنتهي الصراحه (Re: Dr.Mohammed Ali Elmusharaf)
|
حبوبتى دوما ما تعملى دعايه لرقبتك ساكت كان تقولى كلامك ده زمان لما كنت خالتنا ساكت بعد النار انطفت والحله انكفت تقولى مادايره هظارنا يعلم الله تاريه الزهايمر ده كعب خلاس.. لووووووووول.. انا شخصيا ما داير معاك كلام جادى باقى عمرى ده،اصلو ما فضل كتير،،،
| |
|
|
|
|
|
|
Re: من غير مجامله وبمنتهي الصراحه (Re: صديق الموج)
|
ما قريت البوست و لا حاجتين
لكن واضح لي انو ماما دوما عاوز تجس شعبيتا في البورد
اها العميان جا شايل المكسر و داك يا كستير التلج
قديمة يا ماما دوما العبي غيرا
-------
اسمعي وجودك ضروري جداص ياخ في تيمنا و نا دي لحدي اسي مرصود فيها انا و منال معيار الناس الكورتم قالشة طوالي .. لكن على بياض نية .. محل ما تجي تجي انتخبناك كبتن رسمي للتيم الشوتو اصلن زي تشتيت الكورة .. تقولي لينا مقاطعة و هيلكوبتر!!؟ مقاطعة وين؟ كان قاطعيتنا ذاتو بنجيك انحنا ديل .. المافي شنو؟ على كيفك هو!؟
| |
|
|
|
|
|
|
Re: من غير مجامله وبمنتهي الصراحه (Re: doma)
|
Quote: بالله اي زول جاي من الضهاري ما يكتب اسمه نحن اولاد ام درمان نشوت اي قيقاوات
|
ايوة قرضي على كدا بس
------
قال اولاد قلبا قال ؟ .. ما نفس الضهاري و نفس البقر .. بس بعتو بقركم قبلنا و قبلتو غرب ( المنتزها ) ذااااااتا بس! قلتو احسن تجو قريب بدل المساسقة
| |
|
|
|
|
|
|
Re: من غير مجامله وبمنتهي الصراحه (Re: قيقراوي)
|
أخ .... واحده اتحسست يا (منز)..
العزيزة زينب الفحل .. البعض في هذا البورد يجذبون الإنتباه ببوستاتهم ومداخلاتهم المتميزة والذكية والفكهة.. وزي ما قال أحد الإخوة هنا.. دا بورد عام تتحشري في أي بوست وتقولي الدايره تقوليهو.. جادة كنت أم مهازرة.. ناقدة كنت أم مؤازرة.. يقبل صاحب/ة البوست ويعقب عليك بلباقة / ما يعقب عليك ـ مرحب .. يعقب وهو مادي بوذه ـ برضو مرحب .. المهم إنك وصلتي للقارئ المعلومة العايزها تصلوا.. القارئ ذكي يا دوما .. وبنكشف ليهو Mood الكاتب ساعة اصابعو لامست الكيبورد.. ارمي وراء ظهرك وواصلي عطائك.. سلمتي واسرتك.
| |
|
|
|
|
|
|
Re: من غير مجامله وبمنتهي الصراحه (Re: BAKTASH)
|
ماما دوما سلامات
Quote: عليه وكي لا احمل اي انسان فوق طاقته علي الذين لا يرغبون في ان اتداخل معهم من الان وصاعدا تسجيل اسمائهم هنا والتزم التزاما تاما بالا اتداخل في اي بوست يكون ملك لاحدهم . |
شايف مافي زول سجل اسمو قلت من حظي 1- ياسر بيناوي اوكون وبكل شجاعة اول زول يسجل اسمو يطالب ماما دوما
بالتداخل في بوستاتي كلها وتعتبريها حقتك
خالص الود
| |
|
|
|
|
|
|
Re: من غير مجامله وبمنتهي الصراحه (Re: فاروق عثمان)
|
Quote: ياسر بيناوي وينك ياخ انت مسجل اسمك يا فرده معناه ما يداخلو معاك,كدي اقرا البوست تاني مالك طاشي شبكه |
القال ليك منو طاشي شبكة ا دكتور
لكن لاني متأكد من اصلو مافي زول حيقول ليها ماعايزك تجي بوستاتي حبيت اقول ليها ناس المنبر كلهم حقولوا لقيكي وجودك في بوستاتنا يسعدنا
خالص الود
| |
|
|
|
|
|
|
Re: من غير مجامله وبمنتهي الصراحه (Re: صديق الموج)
|
Quote: يعلم الله تاريه الزهايمر ده كعب خلاس.. لووووووووول |
لووووووول يا ود اختي يا زين الزهايمر دا سمح خلاص تخيل ما بتصر ليك غبينه بتنسي طوالي وانا ولدوني بالزهايمر اي كلام ما حلو بنساه هو في زمن يا ود اختي عشان نشيل النكد نحوم بيهو ؟؟!! في دار ابو منو ؟؟؟!!! وحاتك انا بمسح طوالي.
| |
|
|
|
|
|
|
|