|
|
|
 Re: كما نرحب بالبروف أمين نوته في سودانه الشقيق ..! (Re: خضر حسين خليل)
|
تحول فجأة كدة شعب السودان يا صاحبي لشعب متابع جيد لثورات المنطقة وما من ونسة تخلو من العبارات التي علي شاكلة :
والله رجال لكن المصريين
ياخ المصريين ديل طلعوا أرجل مننا
والله لكن التوانسة ديل قلبهم حار
ياخ ليبيا فتحت والليبيين ديل من زمان دافننها لي القذافي
وعيك ونسات ثورية ما أنزل الرحمن بها من سلطان
| |
  
|
|
|
|
|
|
|
|
Re: كما نرحب بالبروف أمين نوته في سودانه الشقيق ..! (Re: مرتضى احمد عبد القادر)
|
والمؤتمر الوطني كعادته رجل جوة ورجلين خارج العرضة
يقولون بلسان ويفعلون سواتهم العايزنو ولكأن المنطقة لا تشهد أيتها إضطرابات
يكاتبهم اليومين دول عبر صحيفة التيار مدير جامعة الخرطوم السابق وليتهم يسمعون له
ياخ حتي كارثة الشابة صفية اسحق ما من خبر ولكأن الموضوع ده حصل في جزر الواغ واغ
ــــــــــ
بالمناسبة يابروف وبما إنك مثقف وتقرأ لفيورباخ أين تقع جزر الواغ واغ ؟
| |
|
|
|
|
|
|
|
|
|
Re: كما نرحب بالبروف أمين نوته في سودانه الشقيق ..! (Re: خضر حسين خليل)
|
سمعت اليوم قصة أضحكتني كثيراً يانوتة قيل والعدة للراوي :
أن شاباً سودانياً بكامل الدسم وبعد تخرجه من الجامعة لم يجد في مليون ميلنا الزمان داك وظيفة (يعتلف منها ويعلف منها اسرته المكونة من
كمين بشر) المهم أنه تحول بقدرة القهر والفلس وانعدام الفرص والتصاريف التي تخبرها لمدمن كحول ...! (الكحول عشان راسك مايمشي بعيد
هو العرقي والمريسة) المهم يحكي الراوي :
أنو صاحبنا ده من شدة ما بقي سكرجي وزبون لي ست العرقي بقي كلما يجيهو زول مقطوع طاري وبدل ما يوصف لي محل (الموية السمحة) يزيدوا
من الشعر بيت ويكتب ليهو ورقة كالآتي نصه :
الأستاذة/ .......
حامل هذه الورقة من طرفنا أرجو إعطائه عدد زجاجة عرقي والحساب ولد ...!
ــــــــــــ
فتأمل يا أمين وجيب معاك ملاسي برضو يتأمل
| |
|
|
|
|
|
|
|
|
|
Re: كما نرحب بالبروف أمين نوته في سودانه الشقيق ..! (Re: معاوية عبيد الصائم)
|
يا حسبو
صدق من قال القلوب (شواهد)
أنا زاتي مشتاقين يا صديقي وحمدالله ألف علي السلامة وما تشوفوا شر تاني أبد يا بني آدم
يا حسبو زمان في الجامعة كان عندنا زول صاحبنا دايماً بقول :
أيها الجماهير نحن الآن في تمام معمعان الثورة
ــــــ
يجازيهو الكريم بس لي يومي المرقت من الجامعة حافظ المقولة دي لكن سئيلي الله
معمعان أكتر من ده ما شفنا...!
| |
|
|
|
|
|
|
|
|
|
Re: كما نرحب بالبروف أمين نوته في سودانه الشقيق ..! (Re: حسبو عكاشة)
|
مصطفي سيد أحمد المقبول عليه أفضل الرحمتات بيقول يلحسبو :
ماني غرقان في التمني
وأنا لو كان هناك من أقدمه نيابة عن الخطي والكواريك والمظاليم وحق الله بق الله
لقدمت مصطفي لكنه مضي ..!
حتي الثورة ياصاحبي بس (صبراً آل ثورة)
ــــــــ
طبعاً مود الناس عالي ومن الطبيعي اختفاء الحشرات والبعوض وبالتالي الأسئلة المحبطة
ودقت طبول العز
| |
|
|
|
|
|
|
|
|
|
Re: كما نرحب بالبروف أمين نوته في سودانه الشقيق ..! (Re: خضر حسين خليل)
|
وعدةً للبروف أمين :
فبالشايفوا قدامك ده يا نوته وبما إنك ليك أربعة أيام تصول وتجول في وسط هذه الديار الشقية
وصلت لي شنو يا معلم ؟ باقي لينا كم بالضبط عشان نستكمل فيهو ظروفنا الذاتية والموضوعية عشان
ننتفض ونبقي ديك رومي بدل الدجاجة التي لا تمل الإباضة ؟
ماعندنا وسط بلد زي المصريين فنحن مستمعي الإذاعة السودانية في أفضل تجلياتها نسمعها ونسمعنا
ونسمع بعضنا البعض وسيدخليفة الأتبراوي يغنينا (كل أجزائه لنا وطن) سبقنا يا نوته شعوب المنطقة
أفرقتها علي عوربتها في قصص الانتفاض وووك ورورووك ماعايزين ماعايزين (ولئن انتقصت القنوات العربية
حقنا في الثأر من الطغاة فالتاريخ الذي لا يرحم قاعد ومستني) فيا نوتة يا صديقي نحنا عايزين شنو
بالضبط ؟
| |
|
|
|
|
|
|
|
|
|
Re: كما نرحب بالبروف أمين نوته في سودانه الشقيق ..! (Re: حسبو عكاشة)
|
صاحبنا و جارنا في الحلة يا خضر
اتخرج ليه عشره سنين و لحدي الان ما لاقي وظيفه
بعد الزمن دا كلو لقي نفسه مفروض كان يفتش عن واسطه في الأول
ولانه عزيز النفس و ما بحب الذله, تدين مبلغ و اشتري ليه (كريز) و بقي سايقه
قبل يومين شباب الحله قالو ليه: موضوع الطلوع للشارع دا كيف معاك !!
قال ليهم: انا لي عشرة سنه كايس لي زول يطلع معاي الشارع ما لقيت
تجو هسه بعد اموري ظبطت تقولو لي طالعين
| |
|
|
|
|
|
|
|
|
|
Re: كما نرحب بالبروف أمين نوته في سودانه الشقيق ..! (Re: خضر حسين خليل)
|
يا خدر ياخ قاعدين في البلد النصها ظالم اهلها و النص التاني مظلوم و ما عاوز يعمل ثورة زي الناس، دي كيف؟
Quote:
ياخ حتي كارثة الشابة صفية اسحق ما من خبر ولكأن الموضوع ده حصل في جزر الواغ واغ
|
الـ ان - gangz ديل جنو و لّ شنو؟
امس شايفم جامعين الدنيا و العالمين قال ايه فلسطين و ما ادراك
و البشير بتكلم عن الظلم و يقول ليهم يا اخوانا خليكم جادين؟!
طيب انت ما تتصلح معانا و تشوف لينا الناس الفلسطين الفي الخرطوم لافين ديل!
و قبل كم يوم كدا صلاة عديل لليبيين و قالو برضو مظلومين!
و بارك انتصار ثورة اللوتس للمصريين!!
الناس ديل جادين؟
يا بشير
ياخ ما ممكن كلو كلو!!
يا تلعبوا دور النظام يا دور الشعب ياخ!؟
خلونا نلعب معاكم ياخ دي فسالة شنو دي!؟ ..
طيب نحن شنو بالضبط في المعادلة : الشعب يريد اسقاط النظام!؟
كرهتونا لعب البلي و الخرخرة ذاتو
----------
لا يفوتنا ان نرحب بامين ياسمين في وطنه الشغيغ
و أعلف كويس يا عمك .. قالو البرسيم بطوّل الشعر 
| |
|
|
|
|
|
|
|
|
|
Re: كما نرحب بالبروف أمين نوته في سودانه الشقيق ..! (Re: حسبو عكاشة)
|
شكرا يا خضر علي حاجات قبيل السمحه كلها :
الفول البطشت !
موسي : قمر الحقد الأصلع !
الكمبيوتر البلبعو عشان يشتغل !
عثمان الذي سينظف القمر !
موية البنشر السمحه !
أستاذ أبزيد : ممثل جلالة الملكه في أبراقه !
ساره صاحبة الشاي و الوضاءة و الابتسامات التي لاجلها تضارت الشمس ظهر هذا اليوم !
------
بجيك برواقه !
| |
|
|
|
|
|
|
|
|
|
Re: كما نرحب بالبروف أمين نوته في سودانه الشقيق ..! (Re: خضر حسين خليل)
|
Quote:
Quote: لو علم الحبشي قدر خضر لضرب إليه أكباد الأبل في السوق المركزي !!
مثلك كنت أظن أن له قدرا حتى
فضح تورطه في قضية: وليد الخير وسعيد بوكرامي
واتباعه لأباطيل شهاب كرار !! |
يا حبشي ياخي أنا قصدت قدر بكسر القاف و هو - كما جاء في مختار الصحاح - طشت العليفه : غير كده خضر ده قاعد ساي !!!
و بعدين إعتذارو في موضوع بوكرامي ذاتو كان تحت ضغوط و ما طالع من قلبو : فبالله يا حبشي طلع ليه القديم و الجديد و جيب ليه مداخلاتو مكبشره و محمره حتي يعلم أن الله حق !!!
----------
بلو يا حبشي : خضر شنو في الحر ده كمان !!!
| |
|
|
|
|
|
|
|
|
 Re: كما نرحب بالبروف أمين نوته في سودانه الشقيق ..! (Re: khaleel)
|
Quote: يعود النوتة للسودان هذه المرة
وقد علم من دينه ما لم يكن يعلمه سايقا
|
وقيل أنه نزل متأبطاً شرح البدخشي وفي مخلايته يرقد السلم المنورق، وينطق بأسماءٍ غريبة أوسهلها فوكو واصعبها دوسوسير وأنه يتكلم عن فيورباخ وكأنه كان زميل دراسته ويصف هيغل بالعم أما إنجلز فهو صاحبنا.
هل أصبح البروف (علاّمة زمانه) سنتابع (خصوصاً بعد ظهور الحبشي)
| |
|
|
|
|
|
|
|
|
|
Re: كما نرحب بالبروف أمين نوته في سودانه الشقيق ..! (Re: خضر حسين خليل)
|
يا قرو Quote: يعود النوتة للسودان هذه المرة
وقد علم من دينه ما لم يكن يعلمه سايقا
وعلم الفلسفة علي اصولها من فيورباخ
|
فيورباخ ؟!!
هذا الأصلع اللئيم تعرفت عليه في اربعينات القرن الماضي في المانيا الشرقيه : كان سكيرا عربيدا و علاقتو بالفلسفه زي علاقة الحبشي بخضر حسين ، ما عارف الزول ده ناس بايرن ميونخ سجلو كيف !!
| Quote: نوتة سلام خاص للحسين وساكوبة وبقية الشباب |
سلامك يصل بحول الله !!
| |
|
|
|
|
|
|
|
|
|
Re: كما نرحب بالبروف أمين نوته في سودانه الشقيق ..! (Re: Amjed)
|
| Quote: يا أمين موضوع باكر ده قايم ولا نايم ؟ |
موضوع باكر إن شاء الله بالفاليوم ما بنوم !!
بعدين إنت و الصادق تتابعو ولا ما تتابعو : الحبشي حا يجي يبلكم كلكم : و بصراحه كده أنا معاهو في انكم تتبلو و بالذات الصادق ده لانو الحبشي سكت ليه كتير !!!
-----------
يا خضر لو اقنعت لي عثمان إنو اشاركو : بتوسط ليك عند الحبشي ما يبلك !!
| |
|
|
|
|
|
|
|
|
|
Re: كما نرحب بالبروف أمين نوته في سودانه الشقيق ..! (Re: خضر حسين خليل)
|
تراب الوطن و هواء الوطن ( كتاحة الوطن) دي هي السبب الاول اللي خلانا نسيب الوطن من البداية.
بعدين تراب الوطن ده لو رسلوا ليك اي شي من الوطن بيجي معاه. لو رسلوا لي كركدي نصه بيكون عبارة عن تراب الوطن.
جيب المجلات ينوبك في ثواب.
الدكتور قال أني ما جاده في المفاوضات و ختي شروط مجحفة. الف دولار و أتوقف للابد. طبعا قمت من طاولة المفاوضات. تاني الا في الدوحة.
شكرا يا خضر علي المجلات و البلح. ما بتقصر. و حتي لو د. امين نام بالبلح اعتبره وصل و شكرا مقدما
| |
|
|
|
|
|
|
|
|
 Re: كما نرحب بالبروف أمين نوته في سودانه الشقيق ..! (Re: smart_ana2001)
|
يا أمين خطأ خضر الذي تتحدث عنه أنت
غير الذي يعرفه هو، أعد قراءة ما كتب مرتين :
Quote: الحبشي يحاول بكل مالديه من حيل إنتزاع شئ
قلت مراراً وتكراراً إنني قلت كل ما عندي
في بوست سابق بخصوص قضية وليد الخير وبوكرامي
ما يبحث عنه لن يجده عندي ولئن قضي ما تبقي من عمره
لهثاً وراء ذلك .
رفعت الأقلام وجفت الصحف |
يا أمين خضر كان يتزلزل رعبا من الخيط الذي
فتحه حيدر الزين وتبودلت فيه التهديدات بكشف شركاء الجريمة!
هشام آدم هدد بفضح المتسترين على الجريمة
خضر حاول يرسل ماسنجر لهشام آدم
ليثنيه عن المضي قدما في تنفيذ ما هدد به
ومن الكبكبة خضر كان برسل المسانجر بطريقة غير صحيحة
والسيرفر يقول ليه ماف يوسر اسمه هشام آدم يا خضر ياخ
| |
|
|
|
|
|
|
|
|
|
Re: كما نرحب بالبروف أمين نوته في سودانه الشقيق ..! (Re: Mohamed E. Seliaman)
|
Quote: يا أمين خضر كان يتزلزل رعبا من الخيط الذي
فتحه حيدر الزين وتبودلت فيه التهديدات بكشف شركاء الجريمة!
هشام آدم هدد بفضح المتسترين على الجريمة
خضر حاول يرسل ماسنجر لهشام آدم
ليثنيه عن المضي قدما في تنفيذ ما هدد به
ومن الكبكبة خضر كان برسل المسانجر بطريقة غير صحيحة
والسيرفر يقول ليه ماف يوسر اسمه هشام آدم يا خضر ياخ |
الحبشي يحاول بكل مالديه من حيل إنتزاع شئ
قلت مراراً وتكراراً إنني قلت كل ما عندي
في بوست سابق بخصوص قضية وليد الخير وبوكرامي
ما يبحث عنه لن يجده عندي ولئن قضي ما تبقي من عمره
لهثاً وراء ذلك .
رفعت الأقلام وجفت الصحف
ـــــــــــ
خضر
| |
|
|
|
|
|
|
|
|
|
Re: كما نرحب بالبروف أمين نوته في سودانه الشقيق ..! (Re: مرتضى احمد عبد القادر)
|
والله يا حبشي راجع من قعده فيها خضر حسين و حيدر الزين : ناقصها هشام ادم بس !!!! ناس بتاعين لولوه و كركبه و ضبابين و حيدر الزين ده ممكن يكون أي زول و ممكن ينتحل أي شخصيه بدءا من الزول الواقف وراء عمر سليمان نهاية بالعقيد القذافي ذات نفسو و خضر ده عادي ممكن يكون شارك بالمال و الرجال في غزوة بوكرامي حيث لا بوكرامي هناك !!
عموما ما عندي أي مانع إنك تستغل بوست الترحيب بتاعي ده عشان تنضف هذا المنبر الجائر من الجرذان زنقه زنقه !!
------------
شد الجرذان يا حبشي !!
| |
|
|
|
|
|
|
|
|
|
Re: كما نرحب بالبروف أمين نوته في سودانه الشقيق ..! (Re: أمين محمد سليمان)
|
لو علم الحبشي بما تم من اجتماع اليوم بالسوق المركزي الذي ضم كل من خضر و حيدر و مورتا و امين, لما تعامل بهذه الثقه مع امين
يا حبشي, امين متورط بصورة كبيرة في حادثة بوكرامي
و اتضح انو مورتا هو وليد الخير
و خضر هو جلال حبش
و حيدر بن عم ل فيورباخ لزم
و حسبو يحلم بوليمة كااااربة في الساحه*
علما بان ست الكوارع كانت بتغشنا بالعدس
--
الساحه دي مربط الفرس يا حبشي
| |
|
|
|
|
|
|
|
|
|
Re: كما نرحب بالبروف أمين نوته في سودانه الشقيق ..! (Re: حسبو عكاشة)
|
Quote: دا شنو يا معاوية!!
وين المنظمات الدوليه
وين حقوق الانسان
وين قندهار
خضر يعاني
خضر يعاني
|
ياحسبو
ممكن نرسل ليهو فيزا بتاعت (ترجمان) لغير
الناطقين بها تهنى مترجم
على كفالة مريح خليف ذهيبان النوتوى
براتب مقطوع 900 ريال بالاضافة لواحد
شوال ارز بريانى ....وبيك حراق نهاية كل
شهر (عربى)..مع واحد (هناى) واحد فقط
والله لايضع اجر من احسن عملا
(منظمة سند لدعم فقراء الاطراف)
| |
|
|
|
|
|
|
|
|
|
Re: إنت عندك شنو داسيه يا خضر عشان أنا أحاول انتزاعه ؟ (Re: مرتضى احمد عبد القادر)
|
مورتا دا من جابو ليهو البتاع داكـ بتاع الشورت والموية الكابا شووو في جبال الروكي بقي يتكلم عن الساحة
عموماً صدق البروف الشغلة المربعة دي هي اول الخطوات لدخول الساحة
ـــــــــــــــــــ
خضر حسين بالله لملم حليم ومين كدة وليد متاجرة وشوفو ليكم خور جنب حسبو اضربو كوارع عدس انا والبروف ومورتا شعر ماعندكم ليهو رقبة
*** هذا ولا ننسي انه الحبشي لم يفصح حتي الآن عما ماهو الجديد بخصوص فيورباخ 
| |
|
|
|
|
|
|
|
|
|
Re: إنت عندك شنو داسيه يا خضر عشان أنا أحاول انتزاعه ؟ (Re: مرتضى احمد عبد القادر)
|
| Quote: والله يا حبشي راجع من قعده فيها خضر حسين و حيدر الزين : ناقصها هشام ادم بس !!!! ناس بتاعين لولوه و كركبه و ضبابين و حيدر الزين ده ممكن يكون أي زول و ممكن ينتحل أي شخصيه بدءا من الزول الواقف وراء عمر سليمان نهاية بالعقيد القذافي ذات نفسو و خضر ده عادي ممكن يكون شارك بالمال و الرجال في غزوة بوكرامي حيث لا بوكرامي هناك !! |
عشان تعرف يا بروف نحنا كنا متحملين شنو
بس الحمد لله خضر و هشام اتخارجوا
شوف لينا لي حيدر دا لوتري و لا داهية تاخدو عليك دينك
انتا يا خدر سايب عمك نقد يتظاهر و يعتقل و متحاوم هنا في شنو
تاني حسك عينك تجي تقول بتاع الدكان و سيد اللبن و سلطة الاسود
| |
|
|
|
|
|
|
|
|
|
Re: كما نرحب بالبروف أمين نوته في سودانه الشقيق ..! (Re: حسبو عكاشة)
|
مرحب يا دوك
وعدتك المرة الفاتت أشرك ليك ببلطاية .. لكن غيرت رايى
ح أشرك ليك ب(غنمابة ) شايفك بقيت بتاع ( علف )
..
..
والله يا دوك ما انصدمت فى حياتى قدرر صدمتنى فى صديقنا ياسر طيفور كنت قايله عالم
لحد ما جا د . المكاشفى طقطقو فى البوست اياه وطلعوا ما عارف أى حاجة ..
..
..
سلامات حبيبنا خضر
| |
|
|
|
|
|
|
|
|
|
Re: كما نرحب بالبروف أمين نوته في سودانه الشقيق ..! (Re: سمير شيخ ادريس)
|
يا سميرنا
بي نظرتك أو في البعاد ..
Quote: والله يا دوك ما انصدمت فى حياتى قدرر صدمتنى فى صديقنا ياسر طيفور كنت قايله عالم
لحد ما جا د . المكاشفى طقطقو فى البوست اياه وطلعوا ما عارف أى حاجة .. |
يا سمير لكن ما طقطقني شديد خالص؛)
___
شاحد الله يا سمير يلم فيك المكاشفي يطقطقك تاني إلا نعلفك بالملعقة؛)
| |
|
|
|
|
|
|
|
|
|
Re: كما نرحب بالبروف أمين نوته في سودانه الشقيق ..! (Re: Yassir Tayfour)
|
| Quote: فووووق لعناية الحبشي |
ياوطني يا بلد أحبابي
ــــــــ
يا ياسر
تابع المنبر خلال الساعات القادمة في بوست عن أمين معلوف وبالصور
في الحقيقة هو صور بالبوست عشان تآمن وتقتنع .
أمين طلع بيعرف فورباخ وفوكاياما وبوكشين وبودابست ياخ
ده طلع جاهيه وفي تقديري هوالوحيد المؤهل في الساحة الفكرية لطقطقة
المكاشفي
ياسمير انت برضو تابع لأنو رأس السوط واصلك
| |
|
|
|
|
|
|
|
|
|
Re: كما نرحب بالبروف أمين نوته في سودانه الشقيق ..! (Re: خضر حسين خليل)
|
ياسر طيفور
ما ملاحظ لى شهور بدخل المنبر متاوقة واتخارج طوالى
دة كلو خايف بعترلى د.المكاشفى بعلمو اللدنى الذى لا قبل لى بمجاراته
لكن شاحد الله يلاقى بروف امين معلوف فى زقاق يخلى لينا ريحنو طير طير .. دة راسخ ياخى
خضر يا حبيب
ما عندى ادنى شك فى عبقرية أمين معلوف .. اضلفة للفوق انا متاكد انو كمان بعرف ميشيل فوكو
جاتنى معلومة من مصادر مقربة لامين معلوف انه ضبط متلبسا بقراءة كتاب بتاع فوكو ولا فوكها ما عارف
اسمه تاريخ الجنون .. شنو كدة ما عارف .. فى الطبقة الكلاسيكية .. والله اعلم
| |
|
|
|
|
|
|
|
|
|
Re: كما نرحب بالبروف أمين نوته في سودانه الشقيق ..! (Re: خضر حسين خليل)
|
Quote: يا ياسر
تابع المنبر خلال الساعات القادمة في بوست عن أمين معلوف وبالصور
في الحقيقة هو صور بالبوست عشان تآمن وتقتنع .
أمين طلع بيعرف فورباخ وفوكاياما وبوكشين وبودابست ياخ
ده طلع جاهيه وفي تقديري هوالوحيد المؤهل في الساحة الفكرية لطقطقة
المكاشفي |
خدوري يا صاحب
ثم مشتاقين والله،
أمين معلوف ده موية من تحت تِبْن، وأنا لا أراهن على الحصين الخاسرة، أو المجهولة، لذلك سوف أضع كل بيضي بسلة المكاشفي..
___
قيل: عالم في اليد ولا عشرة في الشجرة، وأمين ده ما معروف راكي وين ذاتو ؛)
| |
|
|
|
|
|
|
| |
خضر حسين خليل
مرتضى احمد عبد القادر
حسبو عكاشة
معاوية عبيد الصائم
قيقراوي
Mohamed E. Seliaman
أمين محمد سليمان
khaleel
الصادق اسماعيل
Amjed
smart_ana2001
HAIDER ALZAIN
حمد فتح الرحمن
Yassir Tayfour
GamarBoBa
طارق جبريل
أيمن الطيب
فيس بوك
تويتر
انستقرام
يوتيوب
بنتيريست