|
|
 ماهي أوجه الشبه بين هؤلاء: د.خالد المبارك , فتحي شلا , محمد محمد خير, دقش
|
في برنامج لقناة البي بي سي العربية مساء امس لماقشة تقرير Human Rights Watch
جمع مدير المنظمة ود.خالد المبارك
عن اوضاع المعتقلين علي خلفية المظاهرات التي خرجت مؤخراً في السودان والتعذيب الذي مورس وحالة اغتصاب صفية
نفي د.خال المبارك حدوث ذلك جملة وتفصيلا
وقال ان انظمة الغرب بها معتقلات وتعذيب مثل قواتيمالا
ثم سأل مدير المنظمة من انتخبكم
لقد اشفقت علي الرجل الذي وصل الي هذا الحال والدرجة
فتذكرت
فتحي شلا
محمد محمد خير
دقش
واخرين
ماهي اوجه الشبه بينهم ؟
ومن هم الاخرين من امثالهم؟
|
|
 
|
|
|
|
|
|
|
|
Re: ماهي أوجه الشبه بين هؤلاء: د.خالد المبارك , فتحي شلا , محمد محمد خير, دقش (Re: elhilayla)
|
| Quote: لكين ما معقول كمان انتو تقضوا الباقى ليكم فى عمركم تلوكوا فى سيرة محمد محمد خير وخالد المبارك وفلان وعلان .. |
الناس ديل ماناس قاعدين فى قهوة وبتونسو ولا جيران فى الحلة عشان نقول شاغلين نفسنا بيهم ليه !!
ديل ناس موجودين فى مجال العمل العام وبعضهم بيمثل السودان وبيتحدث باسمه
ومن حق الناس ان تنتقدهم الى ان يغيرو انفسهم او يذهبو الى بيوتهم .. حين ذاك سنتركهم فى حالهم .
| |
|
|
|
|
|
|
|
|
Re: ماهي أوجه الشبه بين هؤلاء: د.خالد المبارك , فتحي شلا , محمد محمد خير, دقش (Re: عوض محمد احمد)
|
ومن حق الناس ان تنتقدهم الى ان يغيرو انفسهم
خلاص كان كده معليش. معاكى حق. انتقدوهم حتى يغيروا انفسهم.. ان شاء الله قشة ما تعتر ليكم..
والنصيحة كمان الانسان ما مفروض ييأس من تغيير الناس لأنفسهم خاصة وان ربنا قال (ولا تيأسوا من روح الله). وكلامك ده يا ست سلوى رفع روحى المعنوية وجانى احساس كده انو لما الانتفاضة السودانية تتحقق والثورة تقوم خالد المبارك ده حيتغير فجأة زى عبدالرحمن شلقم مندوب ليبيا فى الامم المتحدة ويقوم كده يتهبهب ويظهر فى التلفزيون البريطانى ويعلن انسلاخه من الانقاذ وانضمامه الى الثوار .. وكمان محمد محمد خير حيعلن انضمامه من تلفزيون دبى وهكذا وهكذا ..
| |
|
|
|
|
|
|
|
|
|
Re: ماهي أوجه الشبه بين هؤلاء: د.خالد المبارك , فتحي شلا , محمد محمد خير, دقش (Re: Abdelmuhsin Said)
|
لا ادرى لماذا يستنكر البعض الحديث عن هذه المجموعة, فهم الان من اصوات الانقاذ التى لها فى كل عرس قرص, و لهم منابر راتبة ينافحون فيها عن الانقاذ
بالحق و بالباطل, و لهذا لا غضاضة فى تناول كتاتبتهم و التعليق على دوافعها
و الشئ بالشئ يذكر فان هناك الالاف ممن غيروا جلودهم و انضموا لركب الانقاذ, لكنهم كافين خيرهم شرهم,
و لا يهتم بهم احد, فذلك هو خيارهم الذى لا ينازعهم فيه احد
اما ناسنا ديل فواقعين فى الناس شليت من طرف و اخر مخازيهم تصريحات احدهم عن واقعة اغتصاب صفية, افابعد هذا يستنكر ان يرد عليهم الناس
| |
|
|
|
|
|
|
|
|
|
Re: ماهي أوجه الشبه بين هؤلاء: د.خالد المبارك , فتحي شلا , محمد محمد خير, دقش (Re: عوض محمد احمد)
|
يا عوض .. معليش .. ماتزعل ..
النقطة التى ارتكز عليها هى ان خالد المبارك ومحمد محمد خير مواقفهم معروفة ومكررة ولا جديد فيها. وقد صرف الاسفيريون حبر اسفيرى كتير جدا فى شتيمة هؤلاء الناس. ما هو الجديد فى ان خالد المبارك تحدث لقناة بريطانية ونفى واقعة اغتصاب الفتاة؟ اليس الرجل ملحقا اعلاميا للنظام ومهمته تحسين وجهه والدفاع عنه .. وهو يفعل ذلك بالحق والباطل منذ سنوات طويلة؟ يعنى انت كنت متوقع شنو بالضبط؟ كنت متوقع ان خالد المبارك يقول ان الفتاة تم اغتصآبها فعلاً وبالتالى فإن نفيه للواقعة يعد امرا غريبا ويستحق النقاش فى هذا المنبر؟ يا راااجل!!!
ياعوض يا اخى .. انا بقول بدل ما كل يوم نبقى فى نافع ال###### قال وفتحى شيلا الخائن اعلن ومحمد محمد خير الانتهازى اشترى بدلة جديدة وخالد المبارك فعل وترك احسن نشوف لينا شغلة اكثر فائدة .. ما فى مناضلين فى الدنيا نضالهم بنحصر بس فى القطيعة والنميمة والشتائم والردحى حول ما يفعل عناصر النظام .. وبعدين يا عوض يا اخوى هل سمعت بمقولة (لا تبشر بالمسيحية وسط المسيحيين) .. والله العظيم وكتابه الكريم نحن فى منبر من لا منبر له هذا عارفين انو الناس البتتكلموا عنهم ديل انتهازيين ومتسلقين وعملاء للنظام.. وحافظين الكلام ده حفظ وممكن نسمعوا ليكم
| |
|
|
|
|
|
|
|
|
|
Re: ماهي أوجه الشبه بين هؤلاء: د.خالد المبارك , فتحي شلا , محمد محمد خير, دقش (Re: Mustafa Mahmoud)
|
محمد محمد خير هو الوحيد الذى
ليست لديه علاقة مع المذكورين
ولطالما استمتعنا نحن المعارضة السودانية والحكومات السودانية
بنكاته باحاديثة
بذكرياته
هو فريد
وهو ذكى بقدر ما ...
أكبر من كل حكوماتنا الوطنية
وهو أكبر من كل الساسة السودانيين
وهوبعرف بان عضم العكو يطعم الحلة
هو لا يعرفنى
ولكنى ..!!
بان محبته واجب ولازاما علينا اينما كنا واينما حللنا
فمحمد محمد خير لا يقاس بالراهن السياسى
ومحمد محمد خير هو خير مطلق
| |
|
|
|
|
|
|
|
|
|
Re: ماهي أوجه الشبه بين هؤلاء: د.خالد المبارك , فتحي شلا , محمد محمد خير, دقش (Re: shammashi)
|
أو ليس فضحهم باستمرار جزء من العمل المقاوم
يا اخ طه .. لكين "فضحهم" ده كل ساعة، وكل يوم، وكل اسبوع، وكل شهر، وكل سنة .. لحد ما وصلنا واحد وعشرين سنة ولسّا العداد شغال؟
خالد المبارك ده تطير عيشتو يفضحوه على مدار السنة .. واحد وعشرين سنه بلا توقف .. ليه اصلو بقى منو؟ هولاكو؟
ثم تعال يا طه يا اخوى .. بعد ما فضنحناه، ولينا عشرين سنه بنفضح فيهو، الخطوة التانية شنو؟ يعنى "العمل المقاوم" ده فيهو شنو تانى غير فضح خالد المبارك ومحمد محمد خير؟
انا بقول نضال الفضح والفضايح ده حقو نتجاوزو ..
ده رأيى فى الأضية زى ما قال عادل امام ..
| |
|
|
|
|
|
|
|
|
|
Re: ماهي أوجه الشبه بين هؤلاء: د.خالد المبارك , فتحي شلا , محمد محمد خير, دقش (Re: shammashi)
|
| Quote: النقطة التى ارتكز عليها هى ان خالد المبارك ومحمد محمد خير مواقفهم معروفة ومكررة ولا جديد فيها. وقد صرف الاسفيريون حبر اسفيرى كتير جدا فى شتيمة هؤلاء الناس. ما هو الجديد فى ان خالد المبارك تحدث لقناة بريطانية ونفى واقعة اغتصاب الفتاة؟ اليس الرجل ملحقا اعلاميا للنظام ومهمته تحسين وجهه والدفاع عنه .. وهو يفعل ذلك بالحق والباطل منذ سنوات طويلة؟ يعنى انت كنت متوقع شنو بالضبط؟ كنت متوقع ان خالد المبارك يقول ان الفتاة تم اغتصآبها فعلاً وبالتالى فإن نفيه للواقعة يعد امرا غريبا ويستحق النقاش فى هذا المنبر؟ يا راااجل!!! |
يا مجسن
سلام
ياخى بعض هؤلاء من زبدة المثقفين السودانيين, و اثنان منهما من كبار اساتذة الاداب فى جامعة الخرطوم (الشوش و المبارك), و هم يعرفون جيدا خيابة المهمة التى يؤدونها
و لذا من المهم باستمرار دفعهم لمواجهة انفسهم امام المرايا و تذكير الاخرين بما ال اليه حالهم
ز لا اظن ان الناس عاملاهم (لبانة), بربك متى قرات اخر بوست عن هؤلاء؟
ثم ما الذى يسؤك اذا اختار الناس الخيار السلمى لمواجهة الانقاذ, و هذا الخيار يشكل الاعلام فيه الجانب الاكبر
و اذا كان هذا الخيار لا يروق لك: فهناك الان من يحاربون الانقاذ بالسلاح الاحمر فى دارفور و قبلها فى الجنوب) و لا يتحدثون لا عن الشوش و لا عن المبارك: فقل لى متى كتبت يوما لتاييدهم او الشد من ازرهم؟
| |
|
|
|
|
|
|
|
|
 Re: ماهي أوجه الشبه بين هؤلاء: د.خالد المبارك , فتحي شلا , محمد محمد خير, دقش (Re: يوسف السماني يوسف)
|
سلامات عبدالقادر,,| Quote: ماهي أوجه الشبه بين هؤلاء: د.خالد المبارك , فتحي شلا , محمد محمد خير, دقش |
كلما مرت بى مقولة( موائد السلطان )أو (مثقفى السلطة) تذكرت الأسماء التى أوردتها هنا للمقارنة..
إحدى آفات هذا الزمان هم وأمثالهم ممن لا يستطيعون العيش بعيدا عن هيلمانات الأنظمة ودولاراتها,,
تحياتى,,
| |
|
|
|
|
|
|
|
|
|
Re: ماهي أوجه الشبه بين هؤلاء: د.خالد المبارك , فتحي شلا , محمد محمد خير, دقش (Re: طارق ميرغني)
|
Quote: م تعال يا طه يا اخوى .. بعد ما فضنحناه، ولينا عشرين سنه بنفضح فيهو، الخطوة التانية شنو؟ يعنى "العمل المقاوم" ده فيهو شنو تانى غير فضح خالد المبارك ومحمد محمد خير؟
انا بقول نضال الفضح والفضايح ده حقو نتجاوزو .. |
مزيد من تعرية هؤلاء العراة
اذا أنت -يا عبد المحسن - وأنا وكل كتاب هذا المنبر يعرفون
فهناك قراء جدد يكتسبهم هذا الموقع يوميا ومن الأجدر بل من الواجب تمليكهم الحقائق عسى أن يكون منهم من هو خير مني ومنك
ويتجاوز رد فعله الامتعاض الى ما هو أكثر ايجابية والثورة على هذا الواقع المزري .
| |
|
|
|
|
|
|
| |
osman righeem
حامد بدوي بشير
Abdelmuhsin Said
Elbagir Osman
Nazar Yousif
elhilayla
Mustafa Mahmoud
على عمر على
يوسف السماني يوسف
أيمن الطيب
معاوية الأرباب
محمد عبدالرحمن محمد
فيس بوك
تويتر
انستقرام
يوتيوب
بنتيريست