|
غباشي
|
الرجاء الاتصال او ارسال
تلفونك في المسانجر الداخلي قف
اتمنى تكون بخير بعد ذلك الزلزال قف
لم نجد ليك طريق جرة قف ناسف للازعاج قف
|
|
|
|
|
|
|
|
Re: غباشي (Re: عبد الدائم سيد أحمد)
|
الأخت المحترمة د. نجاة
السلام عليكم و رحمة الله
أطمنك إنو غباشي بخير و أنا على إتصال به. الزلزال كان بعيد جدا من مكان إقامته.
كما أنه تداخل قبل ثلاثة ايام في احد البوستات.
تحياتي
| |
|
|
|
|
|
|
Re: غباشي (Re: عمار يس النور)
|
سمارتي عبداالدائم عمار
مشكورين شديد والله
الحمدلله هو بخير ويفرفر في هذه الدنيا
وربنا يوفقه ويوفقكم جميعا
كامل المودة
| |
|
|
|
|
|
|
Re: غباشي (Re: طارق جبريل)
|
العزيزة د. بيان و الاعزاء سمارت, عبد الدائم , عمار و ود جبريل
شكراً ليك يا دكتورة بيان و تسلمي من كل شر ان شاء الله, و للعزيز تحياتي لعمار (ابو ريم) اللي نبهني للبوست والتحية لكل الافتقدوني و كل البعدنا منهم بسبب مشاغل الدنيا الفي اخر الدنيا العندنا دي و اسأل الله ان يحفظكم جميعاً و يسلمكم من كل شر .. حاولت العودة للمشاركة قبل عدة ايام كما أشار الاخ عمار لكن و لله غلبني عديييييل الراس كابس يا جماعة و بيجاي قلنا الرووب عدييل لكن الحمد لله .... اطمنكم انا بخير و الحمد لله الزلزال كان بعيد زي ما قال ابو ريم
الزلزال وقع في مدينة (كرايستشيرش - Christchurch) , التي تبعد عن مدينتنا (دنيدن - Dunedin) حوالي 310 كلم. لكن برضو شعرنا بيهو عندنا هنا, الوقت كان منتصف النهار حوالي الساعة 12:50 كدة . كنت قاعد في المكتب و شغال كالعادة فجأة حسيت بحركة افقية من اليمين للشمال و العكس , بعد داك عاد الوضع الى ما كان عليه. الكلام دا كلو كان في لمحة بصر, التفت لي زميلي في المكتب د. فلاد لقيتو برضو مخلوع و بعاين لي ... فقلت ليهو حسيت بالهزة دي? قال لي ايوة .... !!
بعد شوية سمعنا انو كرايستشيرش حالتها بقت بالبلا .. مباني اتهدمت بالجملة من ضمنها انهيار برج الكاتدرائية و اشخاص مفقودين تحت الانقاض بالمئات و انقطاع التيار الكهربائي و المياة .... من اخرو اعلنوا ان المدينة قد تعرضت لكارثة تعد الاسوأ في تاريخها كما جاء على لسان رئيس الوزراء جون كي: "We may be witnessing New Zealand's darkest day" طبعاً دي المرة التانية يجي فيها زلزال خلال ستة شهور ... في أواخر رمضان الفات كان في زلزال و حصل بالظبط الساعة خمسة صباحاً و كان اقوى من الزلزال الاخير لكن الحمد لله ما كان في اي خسائر , و برضو لحسن الحظ انا كنت صاحي و قاعد في المكتب كمان غايتو ربنا يستر علينا و يحفظنا لحدي ما نتخارج من هنا
تجدون معلومات عن زلزال كرايستشيرش الاخير في ويكيبيديا Christchurch Earthquake 2011
و دا موقع اخر يستعرض صور لبعض مرافق المدينة قبل و بعد حدوث الزلزال* Christchrch before and after photos *. استعمل القضيب الاحمر لاكمال مقارنة الصور
مذيد من الصور - اليوم الاول (الاسود) Christchrch Day-1 Photo gallery
| |
|
|
|
|
|
|
Re: غباشي (Re: غباشي)
|
لك الحمد يا رب العالمين على سلامة ولدنا غباشي
ربنا يحفظك لما ترجع من غربتك غانما يارب..
بالجد سعيدة انك بخير
اشكر كل احبابك الجو يكوركو ليك
مودتي
| |
|
|
|
|
|
|
Re: غباشي (Re: د.نجاة محمود)
|
Quote: لك الحمد يا رب العالمين على سلامة ولدنا غباشي
ربنا يحفظك لما ترجع من غربتك غانما يارب..
بالجد سعيدة انك بخير
اشكر كل احبابك الجو يكوركو ليك
مودتي |
يا سلام يا دكتورة ... بالله عليك الله كتِّري من الدعاء دا ... والله انا برضو سعيد جداً كونو الناس تفقدني و تسأل عني ... و الله يا جماعة اسعدتم صباح يومي بهذا البوست و زي التقول يا دكتورة عارفة بالحاصل علي من ضغطة و زنقة زنقة (زي ما القذافي قال) ... يشهد الله انا بعتبركم زي اهلي واحد , حتى و ان شق علي التواصل معكم فرداً فرداً, لكن على الاقل شايفكم و عارف اخباركم من خلال المنبر ... مع انو في حاجات كتيرة بتفوتني في البورد دا, بسبب عدم المتابعة خصوصاً مع فرق الزمن المبالغ فيه كما لا يفوتني ان اشكر الاخ عمار النور اللذي نبهني لهذا البوست و لولاه الله علم اذا كنت سأرى هذا البوست ام لا و عمار اللذي سعدت بلقياه بسيدني في ديسمبر الماضي و انا في طريقي للسودان , قضيت معه وقت جميل اقتطعة لاجلي من زمنه الغالي الذي اعرف ... ان شاء الله سأعود لاتحدث عن ذلك اللقاء تسلموا كتير يا جماعة و الله يديكم العافية و ما عدمناكم ابداً و دي مناسبة طيبة انو نتونس في البوست دا ..
| |
|
|
|
|
|
|
Re: غباشي (Re: غباشي)
|
Quote: و دي مناسبة طيبة انو نتونس في البوست دا .. |
ايوا كدا نلم فيك من يوم فكيت البيرق انت وسعد الدين لما نوينا نعرس ليكم انا ودومة وطلع كلامكم كلام بورد ساي بتاع انكم بايرين لووووووووووول
| |
|
|
|
|
|
|
Re: غباشي (Re: د.نجاة محمود)
|
Quote: ايوا كدا نلم فيك من يوم فكيت البيرق انت وسعد الدين لما نوينا نعرس ليكم انا ودومة وطلع كلامكم كلام بورد ساي بتاع انكم بايرين لووووووووووول |
هاهاهاهاهاهاها و الله كانت زوغة مؤسسة من العبد لله و ابو السعود سعد اتكلمت معاهو بالتلفون لما كنت في سيدني , و لما جيت من السودان لقيت جاتم سيول و اعاصير, منطقتنا دي كلها كوارث فمافي داعي نجهجه معانا بنات الناس ... لكن النصيحة لي الله نحنا بايرين لكن و الله في فيلم جديد ما حينفع احكيهو ليك هنا .... دا الا بالدرب التحت
| |
|
|
|
|
|
|
Re: غباشي (Re: طارق جبريل)
|
انا بخير يا طارق , و الله مشتاقين ... طبعاً اتعاقبنا انا وصلت السودان بعد ما انت سافرت ... تتذكر لما اتلاقينا في صالة المغادرة - مطار الخرطوم و انت عرفتني و انا ما عرفتك ? دايرين حكاية من حكاويك السمحة ديك عليك الله
| |
|
|
|
|
|
|
Re: غباشي (Re: عمار يس النور)
|
Quote: أطمنك إنو غباشي بخير و أنا على إتصال به. الزلزال كان بعيد جدا من مكان إقامته. |
تسلم عزيزي عمار و ربنا يحفظك انت و اسرتك
و اليك بعض صور لقائنا في سيدني
العبد لله و عمار امام Harbour bridge
العبد لله و عمار امام Opera House
العبد لله امام Harbour bridge
و دي منها و على الـ Check و منهم بعد ما ربنا سلَّم على الطيارة عدل
| |
|
|
|
|
|
|
Re: غباشي (Re: عبد الدائم سيد أحمد)
|
Quote: سلامات يا دكتورة
والله انا لى زمن بسأل عن ولدنا غباشى وما لاقى ليهو اى خبر
اتمنى ان يكون بخير |
الحبيب عبد الدائم ... يديك العافية يا حبيب , و معليش على الانقطاع الطويل عنكم, و اتمنى ان تكون بالف خير و عافية , و الله ما اكضب عليك قبل مدة اتزكرت ايام بوست الزعيم حيدر قاسم فاتزكرتك و اتزكرت برضو ناس عادل جبارة و عمر عبد السلام و الصحافة 30 و الحيموراب ان شاء الله الناس دي كلها طيبة سمعت انو احمد عجوز رجع السودان صاحبك لؤي اخبارو شنو? لي زمن منو يا جماعة و الله انا زي الكنت نايم و يا دوب صحيت
| |
|
|
|
|
|
|
Re: غباشي (Re: غباشي)
|
Quote: صاحبك لؤي اخبارو شنو? لي زمن منو يا جماعة و الله انا زي الكنت نايم و يا دوب صحيت
|
عزيزي أحــمد مساء الـخيـر ومشتاقيـن
ويـن إنت يا زول ؟ سائل عنّك بالله مِدّنـي بأرقامك ياخ مادام لـمّينا فيك
والـتّحيّة لدكتـورة نـجاة
| |
|
|
|
|
|
|
Re: غباشي (Re: لؤى)
|
Quote: عزيزي أحــمد مساء الـخيـر ومشتاقيـن
ويـن إنت يا زول ؟ سائل عنّك بالله مِدّنـي بأرقامك ياخ مادام لـمّينا فيك |
سلامات يا لؤي والله بالاكتر .. رسلت ليك رقمي في المسنجر
| |
|
|
|
|
|
|
Re: غباشي (Re: smart_ana2001)
|
Quote: سلامات دنجاة و كتر خيرك سالنى من ولدنا برلوم هندسة. ان شاء الله يكون بخير |
تسلمي يا اسمارت , انا من ايام بوستك بتاع الـ iPhone ما جيت حايم بيجاي الا الاسبوع الفات, بيني وبينك حاولت الم قروش iPhone و ما قدرت لحدي هسع , و داير اسألك من السعر اذا رخص شوية اخبار الضبضبة شنو?
| |
|
|
|
|
|
|
Re: غباشي (Re: غباشي)
|
يا غباشى حمد الله عل سلامة
الناس البتسأل عليهم ديل كلهم عرسو ما فضل لينا الا انت والصحافة 30
وعناب ما حتستناك بحالتك دى
احمد عجوز مدور غنا فى بيت الفنون
وازهرى عبدالسلام اخبارو مقطوعة يمكن نزل المعاش ( العجوز )
حيدر قاسم كل مرة نحنسو عشان يرجع البوست القديم قال الا قميحة يدوهو باسورد ومعاهو كم واحد من 23
ابو عبيدة مربع 15 وعيدروس 16 والله من زمنك داك ما حصل شفناهم وهاشم خلف الله بطل قصايدو السمحة ديك
كمال حسن على ( الالمانى ) شايفو قبل كم يوم حايم فى المنبر مع وزير الخارجية حقهم
اها تانى داير تعرف اخبار منو ...
| |
|
|
|
|
|
|
Re: غباشي (Re: Amira Elsheikh)
|
Quote: الف حمدالله على السلامة ياغباشى ياخ.. ماتشوف شر فى بلاد الغربة دى لحدووت ماترجع سالم غانم لاهلك وناس ,,,,,
تحياتى |
تسلمي يا بت الشيخ ... و حماكم الله شر الزلازل و المحن اها الحيطة بياضها انتهى و للا قلبت لي طرطشة
| |
|
|
|
|
|
|
Re: غباشي (Re: عبد الدائم سيد أحمد)
|
Quote: يا غباشى حمد الله عل سلامة
الناس البتسأل عليهم ديل كلهم عرسو ما فضل لينا الا انت والصحافة 30
وعناب ما حتستناك بحالتك دى
احمد عجوز مدور غنا فى بيت الفنون
وازهرى عبدالسلام اخبارو مقطوعة يمكن نزل المعاش ( العجوز )
حيدر قاسم كل مرة نحنسو عشان يرجع البوست القديم قال الا قميحة يدوهو باسورد ومعاهو كم واحد من 23
ابو عبيدة مربع 15 وعيدروس 16 والله من زمنك داك ما حصل شفناهم وهاشم خلف الله بطل قصايدو السمحة ديك
كمال حسن على ( الالمانى ) شايفو قبل كم يوم حايم فى المنبر مع وزير الخارجية حقهم
اها تانى داير تعرف اخبار منو |
يا عبد الدايم براك شايف البقت علينا ... كبر و زلازل كل ستة شهور ... و البلد دي والله البيوت معمولة من العويش و للا شنو ما عارف ... ياخ انا عشان ما اشتكيت لي زول ... اخوك مقطعها في مصارينو ليهو سنة و نص .... غايتو الحمد لله اها بالنسبة لموضوع عناب ... اكلم د. نجاة للمفاوضات معاك وللا اصبر شوية?
| |
|
|
|
|
|
|
Re: غباشي (Re: غباشي)
|
يا زول!! ألف سلامة ياخ .. الزلزال خجاكم خج شديد شايف! بعدين مالكـ ضعفان كـدا يا معلم شغال رجيم موية باردة ولّ شنو؟
_ شكرا يا د. نجاة
| |
|
|
|
|
|
|
Re: غباشي (Re: محمد عبد الماجد الصايم)
|
Quote: يا زول!! ألف سلامة ياخ .. الزلزال خجاكم خج شديد شايف! بعدين مالكـ ضعفان كـدا يا معلم شغال رجيم موية باردة ولّ شنو؟ |
الله يسلمك يا ود الصايم هاهاهاهاهاهاها موية باردة وين ياعمك ... هنا الدرش كلية حربية بس الله يرحم أيام السويد ... كنا اولاد صغار و جاهلين ... هسع كبرنا و كبرت همومنا لكن النجيضة الموضوع فيهو حساب سعرات و كدة
| |
|
|
|
|
|
|
Re: غباشي (Re: غباشي)
|
سلام وتحية يا حبيب وحمداً لله على سلامتك أخبارك مقطوعة حتى في المسينجر ما مبين أتمنى أن تكون كل أمورك على ما يرام ..
| |
|
|
|
|
|
|
Re: غباشي (Re: حمد فتح الرحمن)
|
غباشى سلام ومبروك تخرج صفصوف
Quote: منطقتنا دي كلها كوارث فمافي داعي نجهجه معانا بنات الناس |
الا .... حلوة وملعوبة ... ياابن اختى
| |
|
|
|
|
|
|
Re: غباشي (Re: عامر تيتاوى)
|
Quote: غباشى سلام ومبروك تخرج صفصوف |
الله يبارك فيك و عقبال محمد و عائشة وينك ؟ اخبارك مقطوعة .... اها حتجينا في Rugby World Cup 2011 ؟
Quote: الا .... حلوة وملعوبة ... ياابن اختى |
مش كدة يا خال ....
| |
|
|
|
|
|
|
Re: غباشي (Re: حمد فتح الرحمن)
|
Quote: حمدا لله على السلام يا قريبي
انتا موش كتا في النرويج و لاشنو ؟ |
الله يسلمك يا حمد ... انا كنت في السويد لحدي 2009 تسلم يا قريبي
| |
|
|
|
|
|
|
Re: غباشي (Re: غباشي)
|
Quote: انا من ايام بوستك بتاع الـ iPhone ما جيت حايم بيجاي الا الاسبوع الفات, بيني وبينك حاولت الم قروش iPhone و ما قدرت لحدي هسع , و داير اسألك من السعر اذا رخص شويةí |
لالالالا كدا نفهم انه سمارتي اسهمت في جريتك بعد ان احكمنا الدائرة حولك
قلت اخير اجيب اي بود يونسني من عروس تجهجهني؟
| |
|
|
|
|
|
|
Re: غباشي (Re: د.نجاة محمود)
|
غباشي سلام و حمد الله على السلامة
Quote: و اليك بعض صور لقائنا في سيدني |
فعلا كان يوم رائع تشرفنا فيه بزيارتك الجميلة.
| |
|
|
|
|
|
|
Re: غباشي (Re: د.نجاة محمود)
|
Quote: لالالالا كدا نفهم انه سمارتي اسهمت في جريتك بعد ان احكمنا الدائرة حولك |
لا لا يا دكتورة بوست سمارت كان بعد الزوغة بي زمن و ازمان
Quote: قلت اخير اجيب اي بود يونسني من عروس تجهجهني؟ |
الــ iPhone زاتو جهجهنا ... قلنا نجيبو فزع قرب يبقا لينا وجع , حسي لا iPhone ولا يحزنون
| |
|
|
|
|
|
|
Re: غباشي (Re: غباشي)
|
Quote: الحبيب عبد الدائم ... يديك العافية يا حبيب , و معليش على الانقطاع الطويل عنكم, و اتمنى ان تكون بالف خير و عافية , و الله ما اكضب عليك قبل مدة اتزكرت ايام بوست الزعيم حيدر قاسم فاتزكرتك و اتزكرت برضو ناس عادل جبارة و عمر عبد السلام و الصحافة 30 و الحيموراب ان شاء الله الناس دي كلها طيبة سمعت انو احمد عجوز رجع السودان صاحبك لؤي اخبارو شنو? لي زمن منو يا جماعة و الله انا زي الكنت نايم و يا دوب صحيت |
غباشي ؟؟؟ أووووووو يا خي ألف حمدا لله على السلامة من الزلزلةأولا وحمدا لله على الشوفة ثانيا وكتر خير الدكتورة نجاة والله ؟؟ وليها دعوات صادقة من القلب لأنها جمعتنا بيك بعد طول غياب .. يا سلام لما الناس تتفقد بعض وتسأل عن حال بعض .. شكرا ليك كتير يا دكتورة وفيك الخير متذكرنا يا ولدنا غباشي أحسن من ولدنا النضيف شكلوا نسانا!! أحمد عجوز زي ما قالوا ليك رجع لي غناه السمح ومدور في بيت الفنون وأنا حضرت ليهو أول حفلة عملها وكانت زواج خالد حنكوتة في نادي الرياضيين بالمناسبة تم إفتتاح منتدى أبناء مدينة الصحافة elsahafa.net بتلاقي كل الناس هناك غايتو يادكتورة كتر خيرك تاني .. أديتينا فرصة نتونس والله وتحياتي لجميع المشاركين .. وحمدا لله على سلامتك أخي الأصغر غباشي
| |
|
|
|
|
|
|
Re: غباشي (Re: عادل جبارة)
|
الف حمدا على سلامتك اخي غباشي وحقيقة سعيد بهذه الاطلالة بعد غياب طويل
شكرا دكتورة نجاة وربنا يديك الف عافية
| |
|
|
|
|
|
|
Re: غباشي (Re: علاء الدين حيموره)
|
يا عادل جبارة
كنتكتا ليك فى بوست علاء حيمورة بتاع بيت الفنون بس شكلك طربان وما اخدت بالك
اها من هنا وجرى على الصحافة نت انشاء الله اركب ركشة
يا غباشى انا برضو ماسنجرى شغاااال
| |
|
|
|
|
|
|
|