حاجة كويسة .. لما .. بلادك ... تبقى وسيمة .. أنيقة .. رقيقة .. عريقة ..فتية .. **** حاجة كويسة لما تسير .. في الليل .. آمن .. ومستامن .. مخاصر صبحك .. شايل حلمك ... قنديل .. تلون نجمة .. طلت ..فجأة .. في سما الخرطوم .. بأحلام بكرة.. وريشتك .. مزاجك .. وألوانك ...وردية
**** حاجة كويسة لما يكون مشوارك ..هادف .. وطويل .. وصبرك .. سلبة .. وخطاك .. الفالحة .. تسلك .. درب ..الغلبة .. تزيل .. الليل .. زي السيل .. بدون ميعاد .. لما يسيل .. وحاجة كويسة لما تسير في شارع النيل ... وكل أهدافك ومقاصدك .. ..في .. " الحرية " ...
**** حاجة كويسة .. لما شوقك للمعشوقة .. يشعل فتيلك .. ويشيلك فوق أكتاف الويل .. لهيب ... وصليل .. لامن صوتك .. يفوت الغصة .. و يطلع مخضر .. و ظليل .. من جرف .. السكات ..همسة .. زي حلم ... بتشكل في عيون أطفالنا.. ، من هسة .. زي طعنة .. في لب الوجع .. بباقي الرمق .. ، اللسة .. زي .. منى ..طل ودنى مسافة ..الفرقد.. وسفر..اللمسة ..
**** حاجة كويسة .. لما ..تتسيد.. دواخلك .. وجيلك .. وناسك .. مبادئ ..سديدة أصيلة ..فريدة .. جريئة .. صفية .. حاجة كويسة .. لما جمال إحساسك .. بي معنى .. إنتماك .. ومغزى .. وجودك .. وأسباب بقاك .. يقوي .. في عودك .. ثباتك .. صمودك وحكمة ردودك .. والنزعة الأبية ...
هلا وسلامات يا خالد ...الشوق ما ليهو حدود ... معاك كل الحق ، المشغوليات ما بتنتهي ، وصدقني الود محفوظ في القلب ، مهما طالت الغيبة ... شكرا ليك ... وسأتصل بك قريباً بحول الله .
ورايك في القصيدة ....فوق الراس والعين ....
وين إنجمامتك ؟؟؟؟
03-09-2011, 12:10 PM
ibrahim fadlalla ibrahim fadlalla
تاريخ التسجيل: 06-09-2007
مجموع المشاركات: 2585
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ibrahim fadlalla
محمد البشرى الخضر
خالد علي محجوب المنسي
فيس بوك
تويتر
انستقرام
يوتيوب
بنتيريست