ياأخي المذيع يقول للقذافي تور .. والقذافي يقول أحلبو ..
يا أخي إنقعنا من الضحك .. المذيع يقول المظاهرات .. القذافي لا توجد مظاهرات ضدي ثم يسأل المذيع .. إنت شفت مظاهرات .. المذيع يجيب إيوة رأيت مظاهرات .. القذافي : إين ? المذيع : في الزاوية .. القذافي: ياأخي دول ناسي يتظاهرون لأنهم بحبوني .. المذيع : يصمت ويبدو عليه الحرج يسأل القذافي عن تجميد أرصدته الخارجية .. القذافي: أرصدة إيه البتتكلموا عليها دي والقذافي يسأل المذيع إنت إنجليزي مش كده..! إتحداك و إتحداهم تطلعوا لي حساب واحد في إنجلترا ولا في العالم .. ياأخي ليس لدي إية حسابات لا في الداخل لا في الخارج .. كله كوم وحكاية الإستقالة و الضغط الدولي كوم تاني .. والقذافي يصيح إستقيل من إيه .. ياأخي ليس لدي منصب في الدولة حتى أستقيل .. هنا يحاول المذيع أن يجد منصبآ للقذافي كقائد لليبيا ويقاطعه القذافي إنت مافاهم نظامنا فيرد المذيع .. أنا فاهمه .. فيرد القذافي لا مافاهم المذيع فاهم .. لا ما فاهم ..لا فاهم والجماعة قربوا يخبتو بعض ويتكافتو آخيرآ المذيع يغير السؤال .. طيب يا سعادة العقيد كيف تحل هذا الموقف المعقد يعني الضغوط الدولية و الموقف الداخلي يعني الناس الذين يحملون السلاح ضدك ,,, القذافي : ناس شنو ياإخي وسلاح شنو دي القاعدة ,, وهنا يضرب الوجوم تيم البي بي سي وينهون اللقاء التاريخي ويلمون عدتهم ثم يهرولون بالخروج .. والجاتكم في مقابلتكم من مصيبة سامحتكم ,,
03-02-2011, 07:37 PM
احمد محمد بشير
احمد محمد بشير
تاريخ التسجيل: 06-17-2008
مجموع المشاركات: 14987
القذافي إتضح إنو مسيلمة الكذاب. قصة إنو القذافي ما عندو حسابات خارجية دي صحيحة يا عادل نجيلة. الزول ده بيدفن قروشو في شكل سبائك ذهب في الصحراء.
قبل كده كان في اموال نفط في حاوية قادمة من اوربا وغرقت في البحر القذافي قال ليهم خلوها تغرق ما مشكلة القروش عبارة عن ورق وحنستفيد من الورق شنو الجماعة صفقو ليهو وقالو الله اكبر وعاش القذافي.
بيني وبين يا عادل نجيلة الشعب الليبي شعب جاهل جدا و الديمقراطية ما بتنفع معاهم ولا يحزنون. الشعب الليبي ما في قائد بيقدر يحكمه الا القذافي و صدام ورحمة الله عليه. إذا القذافي ساب الحكم .... الله أعلم تاني في زول يقدر يحكم الناس ديل بنفس قبضة القذافي. بقول الكلام ده لانو عيشت في بلد الناس ديل وعارفهم كويس. الله يستر السودانين قاعديين يقتلو فيهم الآن , ودعاية المرتزقة ركبت في السودانيين خلاص. كلو من الجزيرة عرضت كم جواز سفر سوداني على القناة وقالو ديل مرتزقة سودانيين كانو مع القذافي.
أموال ليبيا في إنجلترا و بعض دول العالم تم تجميدها منذ عام 1988 بعد قضية طائرة أل كى إل إم الشهيرة والتي إنفجرت في سماء بلدة لوكربي في هولندا بعد إقلاعها بدقائق .. وبدأ التجميد في إنجلترا قبل ذلك بقليل في بريطانيا بعد حادثة إطلاق الرصاص من داخل مبنى السفارة الليبية في لندن على متظاهرين ليبيين ضد نظام القذافي وكان من ضمن القتلى شرطية بريطانية . الشعب الليبي الآن تعلم كثيرآ بدليل ثورته القوية الآن وأفرزت إنتفاضته والتي أصبحت الآن إنتفاضة مسلحة تحمى نفسها بنفسها وهو فعل ثوري متقدم أفرزت الإنتفاضة الليبية المسلحة قياداة شابة بدأت في تنظيم نفسها لمواجهة الوضع الجديد .. أضف إلى أعداد الليبيون التي تقيم في أمريكا وأوروبا وكندا وأعرف عدد منهم في أميركا على درجة جيدة من التعليم و الوعي وهم لديهم رؤية واضحة لما يحدث في ليبيا. ولك ودي و تقديري.
03-18-2011, 02:15 AM
احمد محمد بشير
احمد محمد بشير
تاريخ التسجيل: 06-17-2008
مجموع المشاركات: 14987
بعد الضغط الدولي القذافي يقول للثوار اهربو انا جاييييكم في بنغازي وسأبحث عنكم حيطة حيطة هههه
الاخ عادل شكرا للتعقيب. بالنسبة للاموال منذ 1988 تم سحبها حسب ماقال نجل القذافي سيف الاسلام الذي درس القانون ببريطانيا... اما الليبيين اللذين قابلتهم انت في الخارج فهم متعلميين لكن الليبيين الفي داخل ليبيا وهم "الاهم" مدمريين تماما بالجهل نتيجة لسياسة القذافي لتجهيل الشعب و ادخاله خرافات الكتاب الاخضر في المناهج التعليمية هذا معروف بالنسبة للاخوة اللذين اقامو في ليبيا وشاهدوا جهلهم, انظر كيف قلبوا الثورة من سلمية الي قتل للافارقة و (الوافدين -البرانيين- كما يقال لهم باللهجة الليبية) وتسليح كل من هب وخرج الي الشارع, هذا هو الجهل بعينة.
03-18-2011, 02:28 AM
احمد محمد بشير
احمد محمد بشير
تاريخ التسجيل: 06-17-2008
مجموع المشاركات: 14987
المذيع البريطاني اللذي يظهر في صدر البوست في الفيديو الاول و الذي اجرى الحوار مع القذافي تم طرده قبل اسبوعين من ليبيا, نتيجة لاصراره ومضايقته للقذافي بالاسئلة.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة