منظمة الاسرة بواشنطن تعلن 5مارس من اجل صفية وضحايا التعذيب وتسليط الضوء على ظاهرة الاغتصاب

Quote: تحياتي ايمان بدر الدين والتحية لصفية وكل نساء السودان التحية لمنظمة الاسرة بواشنطن وكل الاجسام المشاركة لاجل صفية وصفيات كثر لم يتحدثن لابد ان نقول لا للاغتصاب ولا للاعتقال ولا لانتهاك حقوق الانسان ندعوا السودانيين في المهجر بتنظيم فعاليلت كما تفعلون لتسليط الضوء علي هذه الممارسات والضغط لايقاف انتهاكات حقوق الانسان اليوم في دبلن بايرلندا قمنا بمظاهرة تضامنا مع صفية وكل المعتقلين وشارك فيها السودانيون صور الوقفة التضامنية مع المعتقلين وضحايا الإغتصاب والتح... ايرلندا/27:02:2011

Quote: الاخت الفاضلة / ايمان بدرالدين ،،، التجية لكم و انتم توفدون شموع الوعي ،، عشان الحاجات تبقي كويسة احترامي ،،

Quote: تود ثورة النساء أن تحيي الجسورات سارة نقدالله ومريم الصادق المهدي للوقفة الجسورة مع أسرة الحبيبة صفية إسحق وما رشح في المكالمة التليفونية البطولية لمريم الصادق والتي بثها النظام وارتدت عليه في مقتل وفي نحره، ومكروا ومكر الله والله خير الماكرين. هؤلاء هن نساء بلادي الرائعات يأخذن بزمام المبادرة نساء بلادي الجسورات فخر ثورة النساء، وإنها ثورة حتى النصر ضد القمع، العنف، الظلم، والقهر. عاش نضال المرأة السودانية، وإنها ثورة حتى النصر.

Quote: تعظيم سلام و تقدير لمنظمة الأسرة و لكل المشاركين و المشاركات في دعم صـفـيــة و فضح كل الممارسات القذرة لهذا النظام البائس !! تحياتي يا ايمان و كنت اتمني اكون موجودة بينكم عشان أنال شرف توصيل الرسالة لكل العالم بس متأكدة انكم ما بتقصروا ... ^ ^ ^ ^ ^ فوووق

Quote: تعظيم سلام و تقدير لمنظمة الأسرة و لكل المشاركين و المشاركات في دعم صـفـيــة و فضح كل الممارسات القذرة لهذا النظام البائس !! تحياتي يا ايمان و كنت اتمني اكون موجودة بينكم عشان أنال شرف توصيل الرسالة لكل العالم بس متأكدة انكم ما بتقصروا ... ^ ^ ^ ^ ^ فوووق تحياتنا ليك يا بنتنا بنت منظمة الاسرة ومقدرين متابعتك لنشاطات المنظمة وانتى من عضواتها المهتمات ونعلم تماما انك وبقلبك النابض سوف تكونيين فى قلب الحدث ان لم يكن بوجودك ها هنا فى واشنطن فأنك مع الاحداث اينما رحلتى دمتى بعافية فى مسافاتك البعيدة اميال والقريبة وجدانا

(عدل بواسطة ايمان بدر الدين on 03-01-2011, 05:07 AM)

Quote: إيمان بدر الدين. بطلي متاجرة بالقضايا وتضخيم ذاتك بها. منظمة الاسرة بتاعتك دي فيها كم عضو لو سمحتي؟ بعدين أسماء المنظمات دي هل حصلتي على موافقة منها قبل أن تضعي أسمائها؟ من الأحسن لك أن توقفي هذا التهريج فوارا

Quote: دينق في شنو ؟ أنت طواااالي بقيت شايل سوطك و طايح في الناس يمين و شمال مالك ؟ لا بعجبك العجب و لا الصيام في رجب !! روًق المنقة شوية يا قريبي و خلي الناس تعبر عن نفسها بالطريقة البتشوفها .. و مافيهم زول صغير ولا غبيان عشان انت تكون وصي عليهو !! القانون الامريكي بتاع تنظيم العمل الطوعي متاح للجميع و أي زول ممكن يطًلع علي بنوده فمابالك بي مجموعة من السيدات لديهم منظمة تعمل لاكثر من 3 أو 4 أعوام !! عندك كل الحق تسأل عن المنظمة و عدد العضوات و أي سؤال أخر بس لو سمحت من غير إساءة و إستهزاء .. خلينا نسمع ولو لمرة واحدة إنه في برنامج ، ندوة ، أو محاضرة مرت بدون نقنقة و جوطة بسببك في واشنطون كوووولها تـحـيـاتـي شـديـد و الـوصـيـة بـطـًل شــلاقـة

Quote: فوق ضد قمع، قهر، والعنف ضد النساء بكل أشكاله الذكورية. الجسورة إيمان بدرالدين شكراً لمجهوداتك ضد ظلم النساء تحسب في ميزان حسناتكم يا أيتها المناضلة الرائعة أنت ورفاقك الشرفاء رجالاً ونساءاً.

Quote: الأخت أيمان سلام مبادرة تستحق الأشادة والمبادرة.. فرغم أختلافى مع مواقفك الداعمة والتبريرية لمنسوبى النظام ومنظماتهم ، ألا أنه من حقك علينا أن نرحب بأى موقف أيجابى لك لا سيما و هنا وبخصوص هذه الحادثة فالمواقف أنسانية وأخلاقية، وليسمعنا نشطاء واشنطون أصواتهم وأصوات منظماتهم... ماهو موقف المنظمات الآتية من هذه المبادرة : جالية واشنطون منظمة المرأة السودانية الأمريكية مايسمى بأتحاد الجاليات طبعا فى أعضاء وعضوات لهذه المنظمات بهذه المنبر.. نطمع فى توضيح منهم قبل أن نحكم عليهم ونحاصرهم.. حادثة الأغتصاب يا نشطاء أمريكا يجب أن تغير كل معايير تعاملكم مع منسوبى المؤتمر الوطنى .. فعندما يلجأ النظام لهتك أعراض البسطاء كسلاح سياسي فماذا أنتم فاعلون وأنتم الأقوياء بحماية هذه البلاد..؟؟؟؟ التحية للمنظمات المشاركة وللأخوان والأخوات المشاركين.. وبجى راجع بعد ما أعرف رأى الناس القادين أضنينا وساعة الحوبة يعملوا رايحين... لكم ودى سيف مصطفى

(عدل بواسطة ايمان بدر الدين on 03-03-2011, 05:33 AM)

Quote: ايمان بدرالدين تحايا عبرك لمنظمة الاسرة بواشنطن ومعا حتى تشرق الشمس

Quote: الأخت إيمان بدرالدين تحياتى التحية للإخوات بمنظمة الأسرة السودانية وهن يقفن مع أختهم صفية فى محنتها ومحنة بلدها وقد أعجبنى الإعداد ليوم صفية بطرح علمى عن ظاهرة الإغتصاب وآثارها أرجو إن أمكن تصوير فيديو لفاعليات ومحاضرات يوم صفية ونشره بالمنبر مع تقديرى

Quote: سلامات. أنتي عارفاني كويس زول ما بحب المواقف الرمادية والمتاجرة بالقضايا. الأخت إيمان بدر الدين لها مواقف معروفة بمساندة الكيزان ومنظماتهم بواشنطن رغم أنها تقول أنها تنتمي الى الحزب الاتحادي. حتى لحظة كتابة إيمان بدر الدين لهذا البوست كانت إيمان بدر الدين عضوة باللجنة التنفيذية بجالية واشنطن وكانت على ما أعتقد قد سلمت قيادة وإدارة منظمة الاسرة التي "تمتلكها" وحدها الى شخصيات أخرى لكي تتجنب الConflict of interest. فكيف فجائة تعود إيمان بدر الدين الى قيادة منظمتها وهي مازالت عضوة في لجنة جالية واشنطن؟ يا هبة الماحي هذا هو المتاجرة بالقضايا الذي أقصده أنا هنا. إيمان بدر الدين لا يهمهاالضحية بقدر ما يهمها أن تستغل هذا الحدث في خدمة صراعاتها مع الاخرين. وقضية صفية يجب أن لا تتحمل مثل هذا أبدا. أنا كنت قررت أن لا أدخل هذا البوست مرة أخرى ولكن ما كتبتيه في حقي من أتهامات يا هبة الماحي يجب الرد عليه والوقوف عنده. أنتي يا هبة الماحي كنتي عايشة في واشنطن وعارفة الحقائق دي كويس، المجاملة لك شنو ؟ أها شفتي مجاملاتكم دي والسكوت عن الحق هو الذي ضيع السودان و ح يضيع كل قضايا السودان. رأي وخلافي الجذري مع لجنة جالية واشنطن لن يعمي بصيرتي في أنتقاد ما تقوم به إيمان بدر الدين أبدا. القضايا هي القضايا والمواقف يجب أن تكون هي نفسها ولا تتغير.