|
|
|
 Re: إلا البلد ...... (Re: القلب النابض)
|
Quote: سلام ياناس
وتاني سلام
إلا البدور للبلد شينة يمين بنعدكوا الاضين ...
ناس اليانكي
ناس ميركل وماس بين بين ..
بلد بي ناسا محروسة
بلد بلداتا متروسة
بلد جوانا مغروسة
تحياتي |
البلد دايرا اليحميها من حكامها وحزبهم الحاكم وجهاز امنهم، العوجة ما من ناس اليانكي، العوجة والخوف من ناس البشير وأعوانو على البلدز
شكرأ القلب النابض
| |
 
|
|
|
|
|
|
|
|
Re: إلا البلد ...... (Re: الصادق اسماعيل)
|
سلاام يا سيدتى
البلد والناس مغبونة
منذ مجىء الانقاذ
البلد ضاعت يوم ان اختار اهل الانقاذ السلطة
واحتكار الدين
والمال
وتكميم الافواه
يا ستى
كلنا فداءا للتراب
ولكن بالقسط والعدل
والبر والاحسان
وليس بهوس شذاذ آفاق
قاسم المهداوى
| |
|
|
|
|
|
|
|
|
Re: إلا البلد ...... (Re: قاسم المهداوى)
|
العزيز قاسم
يلام تاني
البلد لا الانقذ لا الامة ولا الاتحادي ولا نميري ولا عبود ....
البلد هل الذنيا البتخلي ديل كلهم يجو ويمشو وهي قاعدة ..
بتشوفها جواك زي ما انت
بنحبها موت ... لوحاكمها شارون ذاتو ... بتحبها لذاتها ..
نحياتي
| |
|
|
|
|
|
|
|
|
|
Re: إلا البلد ...... (Re: الصادق اسماعيل)
|
سلامات يا القلب النابض...عودا حميدا
كدى النسالك . ما هو تعريفك للبلد او "الوطن"?
بيعنى شنو الوطن لو ما كنت حاسه بالامان فيه?
بتعنى شنو البلد لو كنت مواطن درجة تانية?
هل البلد هى التراب ? بالجد انا بسال هل البلد (حرفيا) هى التراب soil ? ام الناس ?
| Quote: بلد بي ناسا محروسة |
قريت الجملة دى و جات فى بالى حلايب. ما عارفه ليه?
Quote: إلا البدور للبلد شينة يمين بنعدموا الاضين ...
ناس اليانكي
ناس ميركل
وناس بين بين .. |
اها و البسرق اموال الشعب نعمل فيه شنو?
الشرور المحيطة بالسودان (للاسف) ما من اليانكى. الشرور المضرة بالسودان الان من حكامه
قصيدك دى ذى اجى الان كتب قصيده عن الاحتلال التركى
ما تزعلى منى يا القلب النابض..لكن قلبى واجعنى على السودان
| |
|
|
|
|
|
|
|
|
|
Re: إلا البلد ...... (Re: smart_ana2001)
|
اهلين اسمارت ....
انا موجودة لي اكتر من شهر ...
اشرحى ما شئت وكل ما يخطر ببالك وماتعنيه لك البلد ..
ذكرتيني زول لذيذ من اصحابي يوم سألتو السؤال دا قال لي لما اتذكر البلد وانا في سقط لندن دي بس يتجيني ريحة حبوبة وانا مدسي بي وراها وراقد ماسط طرف توبها بي سنوني ... وهي بتعمل لي في شاي المغرب والمنقد قدامها ... فعرفت ان البلد محفورة في وجدان كل زول بي صورة ....
بس اسألى القدال ...
اسألي وردي ...
اسألي اي زول غني او كتب للبلد في كل مرحلة في كل لحظة ممكن تكون اجابة مختلفة ....
ولما تكون في الغربة ما زي لمن تكون في بطنها ...
ولما تكون صغير ما زي لما تكبر حبة
ولما تكون طالب مازي لما تكون موظف ..
ولما تكون في حالة حنين ما زي لما تكون عادي ومشغول ...
احساس مختلف ...
لما يسألك غريب عايز يعرف عن بلدك ما زي لما تناقش اخوك واصحابك في حاجاتها ..
بالمناسبة انا الكتابة عندي صعبة لانو الكمبيوتر بتاعي ما فيهو عربي ما بقدر اكتب بي راحتي ..
تحياتي
وعهدناك سمارت
| |
|
|
|
|
|
|
|
|
|
Re: إلا البلد ...... (Re: الصادق اسماعيل)
|
البلد لاتحرسها الانظمة البلد يحرسها الصادقون من ابنائها ..
العاشقون لترابها ..
الحارسون لقيمها وتراثها ..
الذين يفدكونها على انفسهم وعلى المصالح الزائلة والرخيصة
فتذهب الانظمة وتبقى القيم
اين الاولي من الفراعنة والجبارين
ينزعها ربك نزعا....
تحياتي اخي الصادق
| |
|
|
|
|
|
|
|
|
|
Re: إلا البلد ...... (Re: مريم الطيب)
|
Quote: عشان السرة ماتبكي
Quote:
كلام عجييييب والله
والسرة تنتحب وتغتصب وتضرب وتهان وتداس تحت الاقدام كل يوم
والله الا كان السرة الكوزة وكدة |
كلام عجيب .. في شنو ...بردي نفسك الدنيا ما دايمة والثورة ما نهرة ...
بنحب بلدنا وبنموت فداها ...
الحكاية ما "يا معانا يا مع الخيانة" الحكاية اختلاف وجهات النظر لا بفسد للود قضية ولا ما كدي...
ــــــــــــــــــــــ
كم احب شباب 25 يناير اذكياء في ايصال رسالتهم.
صادقون في حب بلادهم ....
and so sophisticated
thank them ...
| |
|
|
|
|
|
|
|
|
|
Re: إلا البلد ...... (Re: القلب النابض)
|
Quote:
البلد لاتحرسها الانظمة البلد يحرسها الصادقون من ابنائها ..
العاشقون لترابها ..
الحارسون لقيمها وتراثها ..
الذين يفدكونها على انفسهم وعلى المصالح الزائلة والرخيصة
فتذهب الانظمة وتبقى القيم
اين الاولي من الفراعنة والجبارين
ينزعها ربك نزعا.... |
| |
|
|
|
|
|
|
| |
القلب النابض
الصادق اسماعيل
قاسم المهداوى
smart_ana2001
saif massad ali
مريم الطيب
فيس بوك
تويتر
انستقرام
يوتيوب
بنتيريست