|
|
 الرجـــــــال ما تــــــــــــوا في كـــــــــــــرري
|
البحصل دا كله ما حرك فيهم ساكن
البلد يا صفيه اختي
لو فيها راجل واحد كان جاب ليك تارك
فضحتينا كلنا
احتسبي شرفك!
لقد اغتصبت كل نساء السودان يوم اغتصبت
هسي انت مسكوك من الشارع
لي قدام شويه...
حا ينطوا في البيوت
ويشيلوا البنات والنساء
من بيوتهم، اخوانهم وأزواجهم واباؤوهم قاعدين
ويفعلوا ما يفعلوا بهم
( العافيه درجات)
وبعد دا كله ما في زول حا يقول بغم!!
الرجال يا صفيه ماتوا في كرري !!!
عمر البشير والزبانيه بتاعنه
ليهم حق
لانه ببساطه ما في زول واقف قصادهم
وإلي ان يعرف الناس
أن انتهاك الاعراض البداء في دارفور
الان وصل الخرطوم وسيطالهم كلهم
ويخرجوا للتخلص من هؤلاء المجرمين
فعليك ان تحتسبي شرفك
ما عندي اي حاجه اقولها ليك
غير إنك اشجع شخص في السودان
نزعت ورقة التوت عن كل رجال السودان
فبان جبنهم وانكسارهم
أعذريني فليس لدي ما اقوله لك
غير التعبير عن انكساري وخيبتي
فانت اشجع مننا بكثير
ونحن خائبون!!!
|
|
 
|
|
|
|
جلال نعمان
فيس بوك
تويتر
انستقرام
يوتيوب
بنتيريست