ديل ارازل .... خانو كل اعراف بلادك

Quote: خانوا البلد وخانوا التراب حتي نخوة السوداني إنعدمت وإتلاشت مسحوا حتي طباعنا البنتفاخر بيها ونقدل بيها وسط الشعوب !! خسارة عليك يا بلد خسارة عليك يا طباع وخسارة عليك يا إنسان !!

Quote: ما الذى نتوقعه من نظام يقوده الأرعن البشير والمجرم نافع مهندس بيوت الاشباح , هذه سلوكيات تشبههم تماما وتتسق مع محمولهم الاخلاقى , لكى الله يا ابنتى وتاكدى ان حقك لن يضع مهماكتب المكذبون والمرجفون , وساعة الخلاص والقصاص آتية لا ريب فيها .

Quote: ليس بشرا ليس بني آدميا ليس منا ليس من ترابنا من ينتهك الحرمات من يغتصب النساء

Quote: خانوا البلد وخانوا التراب حتي نخوة السوداني إنعدمت وإتلاشت مسحوا حتي طباعنا البنتفاخر بيها ونقدل بيها وسط الشعوب !! خسارة عليك يا بلد خسارة عليك يا طباع وخسارة عليك يا إنسان !!

Quote: لو شفتي يا يمة 0000 لو شف تي يا يمة شرف البنية الكان داسنو في ضلمة داسنو من الناس ما تجينا تتلمه تصرخ تشيل الفاس والأمة متلمة شايلين سيوف الحق خاتنو في الزمة سكين جفيرها يهز الخالة والعمة 000000 لو شفتي يا يمة شالوها اكلوها رموها زي رمة خطفوها عصفورة داسوها بالجزمة عروها جلدوها ربطوها بالعمة 0000000 لو شفتي يا يمة بعد الوجع والضيم خلوها منقسمة عاصرة الخبير الشين العار والوصمة تدبا بالكرعين انفاسها منخمة والوالدة خابراها بنية محتشمة منقبضة راجياها بالكسرة واللقمة 000000 لو شفتي يا يمة دفنوها احلامها الحنة والرسمة الفرحة في البيتين الضحكة والبسمة صفية محبوبة رقيقة كالنسمة بنية مغلوبة غدروها يا يمة 00000 لو شفتي يا يمة بعد سواة الشوم شالوها خيباتهم لي كبير القوم اداهم النيشان كية للمظلوم رقوهم الكيزان والوجع مردوم 00000 لو شفتي يا يمة بعد الخراب الشين والضمير المات لا نخوة لا همة الضمير المات لا نخوة لا همة اسماء الجنيد 24/2/2011

Quote: فنانة من حركة " قرفنا" زهرة من زهرات بلدنا علمتنا و درستنا... و منها الآن قد عرفنا كيفن الأخضر بناضل كيفن الأزرق بقاتل و كيفن الأحمر بشيل البندقية يا صفية.... يا سنية...... يا البتول المجدلية ليكي تعظيما سلام ليكي إجلالا تحية إنتي حررتينا يا بت الوطن إنتي طهرتينا من رجس الوثن إنتي وريتينا كيف إنو الشرف لا يمتهن يا حرة في القيد والرسن يا أقوي من كل المحن يا أصفى من صافي اللبن يا الفي الشروق نلقاكي حية وفي القلوب طاهرة ونقية وفي العيون خضرا و بهية ووالله بطلة و ماك ضحية و الحثالة الأرهبوك حبة سواقط تربوية فعلهم فعل الكلاب و جملة أنواع الذئاب ....و كل مساخيط البرية يا صفية.... يا بنيتن حلوة زي سكر نبات يا فارسة يا ست البنات باكر نسير أنا و انتي و الناس و القضية ندك حصون كل الطغاة يا صفية..... زينب الصادق المهدي