|
البطولة الافريقية للمحليين نهديها للثورة فى تونس اما نحن فلا عزاء لنا
|
ياجماعة كانما كتب علينا ان لانسعد فى هذا الوطن ضربنا بكل الهموم عرض الحائط وافرغنا رؤوسنا من المعاناة فى كل شى وتناسينا هموم المعيشه وغلاء الاسعار والطحن الذى نعيش فيه من اجل لقمة العيش ، تقبلنا انفصال الجنوب بحزنا عميق داريناه فى قلوبنا المكلومه تطلعنا الى ثورة كثورة الياسمين اوشباب 25 يناير فلم نجد ... حملنا كل هذا الفشل واجلناه الى مابعد بطولة السودان للمحليين وقلنا يمكن ان نصنع جزء من الفرح فى هذه اليطولة لكننا ايضا فشلنا ، ماذا يحدث كيف يتسنى لنا ان نعيش دون ان نحقق اى شى كيف لنا ان نحيا فى هذا الفشل ... انا عن جد خزين لخروج السودان كنت اريد ان يخفق قلبى بالفرح ولو ليوم واحد يوم احس فيه باننا حققنا انجاز حقيقى من يتحمل مسؤولية قتل السعادة فى نفوسنا كلما اوشكنا ان نمسك بها؟؟ من يتحمل مسؤولية ذلك الحزن الذى يلازمنا منذ سنوات طويلة
|
|
|
|
|
|
|
|
Re: البطولة الافريقية للمحليين نهديها للثورة فى تونس اما نحن فلا عزاء لنا (Re: الامين عباس احمد)
|
الامين تحياتى
Quote: هاردلك .. بس كان متوقع لانو فرق البطولات بتتأهل للمراحل المتقدمة بالاكتساحات 3 واربعة و 5 ونحن كنا بنتأهل بعد تعب شديد ... وكان واضح انو نفسنا قصير ... بالتوفيق في المرات القادمة |
انا واحد من الذين توقعوا الفشل فى حمل الكاس منذ المباراة الاولى لكن الامل كبر جواى مع مرور الزمن وقلت يمكن الحظ عايز يبتسم لينا عشان خاطر هذا الشعب المسكين ..لكن كلامك منطقى كل المباريات اللعبناها كانت باهته والخلل واضح فى كل شى محبتى
| |
|
|
|
|
|
|
Re: البطولة الافريقية للمحليين نهديها للثورة فى تونس اما نحن فلا عزاء لنا (Re: mohmed khalail)
|
العزيز الغالي مدثر ...
سلامات وتحايا عطره تحملها نسمات الحريه الهابه علي سواحل شمال افريقا والشرق الاوسط. اما نحن فتهب علينا رياح التراب المشبع بالانفصال والاغتصاب والقتل والجبن.
عزيزي كرة القدم السودانيه هذه انا رميت طوبتها من زمان. وهذا شيء متوقع. علي العموم معليش وما تعزعل احتمال احتمال المرات القادمه يعملوا حاجة. وبرضوا ما عندي اي امل فيهم,
بالله كيف ناس البيت والحله.
سلامي للجميع
| |
|
|
|
|
|
|
Re: البطولة الافريقية للمحليين نهديها للثورة فى تونس اما نحن فلا عزاء لنا (Re: ياسر إدريس حسن)
|
Quote: بالله طلعنا؟؟؟؟
البركة فينا وفيكم يا مدثر
والله انا ما لاقي الخبر من بداية الشوط الاضافي التاني وطرد هيثم مصطفى..
بالله التفاصيل.
وان شاء الله مازدا الثقيل يستقيل |
يامحمد البركة فى الجميع وفى القادم طلعنا بصورة تغيظ .. وكانت فرصتنا كبيرة لكن مازدا اتعامل مع المباراة بطريقة غريبةخصوصا اننا لعبنا مع فريق تعبان جدا واظن انها فرصة لن تتكرر حتى لو بعد 100 سنة.. اضافة للاستهتار العجيب بتاع مهند الطاهر فى التعامل مع ضربة الجزاء وكاريكا الكان واضح انو اعصابو بايظه عند تسديد البلنتى مودتى
| |
|
|
|
|
|
|
Re: البطولة الافريقية للمحليين نهديها للثورة فى تونس اما نحن فلا عزاء لنا (Re: مدثر قرجاج)
|
Quote: العزيز الغالي مدثر ...
سلامات وتحايا عطره تحملها نسمات الحريه الهابه علي سواحل شمال افريقا والشرق الاوسط. اما نحن فتهب علينا رياح التراب المشبع بالانفصال والاغتصاب والقتل والجبن.
عزيزي كرة القدم السودانيه هذه انا رميت طوبتها من زمان. وهذا شيء متوقع. علي العموم معليش وما تعزعل احتمال احتمال المرات القادمه يعملوا حاجة. وبرضوا ما عندي اي امل فيهم,
بالله كيف ناس البيت والحله.
سلامي للجميع |
ياياسر ادريس انشالله طيب وتحياتى القلبية ليك ولكل الاخوان
ياابو اليسر لم تهب نسمات الثورة التى كنا نتعشم ان نستنشقها فى المستقبل القريب فآثرنا التوجه الى فرحا من نوع اخر يعيننا على بقاء معنويتنا مرتفعه الى حين ان تهب رياح الثورة ، واخترنا البطولة الافريقية للمحليين لكننا وكعادتنا عدنا من ماحسبناه فرحا قادم نجر خلفنا اطنان من الفشل التى اثقلت كاهلنا وماعدنا نستطيع الصبر. غايتو على قولك ده شى متوقع وانا زاتى كنت عارف اننا حانفشل واانا متاكد اننا ماحانحقق اى شى فى المستقبل القريب. الاسرة بخير.... عليك الله تحياتى الخالصة للاخوان احمد وطارق ومنتصر ده شوف ليه عروس بعد كده شايفو بشتكى من الوحدة وشبه كندا بالمنفى البعيد ويقى يكتب الشعر ، حصلوه ..خخخخخخخخخخخخ محبتى
| |
|
|
|
|
|
|
|