المجنون القذافي في الجزيرة الآن !!!!!!

Quote: ياخي ده راجل تحفة .... انا مجد يجب الا تفرط فيه ليبيا ولا العالم لا بالله

شكرا أستاذ زهير للتغطية والمشاركه بإيراد خطاب هذا المجنون!!
أنا مجد وأنا عملت ليبيا وووو دي حالة أي ديكتاتور بس ديكتاتور ومجنون دي نادرا ما تحصل
شفت العكلته يا زهير الخطاب دا ح يكون قريب ساعتين ، هسه الدرس تاريخ ، وأيضا يستشهد بالرئيس الروسي يلتسن الذي قذف البرلمان !!
قمة الإستهتار بثورة الشعب الليبي ويقول 3 دبابات محروقه يعني يقلل من شأن الأحداث وحقيقة مافي تغطية
لما يجري بالداخل ، تعرض القنوات منذ الأمس نفس المشاهد تقريبا أو مداخلات لسفراء أو محللين سياسيين
ربنا يستر علي هذا الشعب
الراجل دا معتوه ويحتاج لطبيب نفسي أولا

Quote: مها سلام.. و الله غالبني حتى أسمعو .. قرفانة منو قرف..الراجل دا معتووووه

تحياتي سناء
طولي بالك ياخي وخليك كووووووول وإنتي تشاهدي خطاب لديكتاتور مجنون
خطابه تهديد أكثر من مقرف ، بيهدد بطريقه مقرفه بالجد
شكرا سناء

Quote: الزول ده حارب العالم كلو من ابورقيبة والسادات وبريطانيا وامريكاونميري يعني العالم كلو حارب المجنون الزول ده يا جماعة الخير نصيح ؟؟

Quote: مها حرام عليك ياخى المجانين في نعيم دا مخلوق من ياتو طين دا عندو استعداد لابادة الوجود كله دا قال انا ربكم

بدر الدين سلام وتحايا
المجانين زااتهم لو ودوا ليهم القذافي دا ح يقولوا ( دا شنو المجنون دا !!)
وقال شنو لا يسمح لمخبول أن يفصل الدوله . ياخي في مخبول غيرك يا قذافي !!
مخبولنا البشير ح يتحفنا كدا برضو عند سقوطه يا ربي

Quote: البى البى سى افضل الجزيرة قناة للهرج. و القذافى المهرج الاكبر.

الفاضل أبوبكر صالح مشكور للرابط
الجزيرة بقيت أتفاءل بيها ياخ كل ما تشبك ليك ديكتاتور تلحقو ( أمات طه )
الجزيرة زاااااتها زهجت منو والله ، أول ما المزيعة قالت نكتفي بهذا القدر من خطاب القذافي إتذكرت النكتة بتاعت الراجل المرتو برااااااااايه شديد وبيحكي لصديقه ،صديقه سأله : متزوجين قبل كم سنه قال ليهو ثلاث سنوات صديقه يقول : ليهو ياخي إتكلم معاها وأفهمها هي المدام إسمها منو ؟ الزوج : هي أدتني فرصه أسألها من إسمها بررررررررررررراية ياخ دي براااااااية

Quote: القذافي: لست رئيسا وإنما أنا قائد للثورة إلى الأبد

ولو كنت رئيسا كنت رميت الإستقاله في وجوهكم !! تخيلوا هذا الرجل يخاطب شعبه ، شعب عمر المختار..
يرمي إستقالة في وجه شعب صبر علي طغيانه وجبروته ، رأينا خطاب من سبقوه من الطغاة حسني مبارك وزين العابدين والإثنان قدما تنازلات وكانت خطابتهم بها نوع من الإستعطاف والتعاطف مع الشعب أما هذا المجنون .... فسيجننا معاه

Quote: والله يا مها القال عليه مجنون ما غلطان عليه أبدا :) الكلام كله أنا وأبي وجدي..أنا غايتو بتفرج على العربية الجزيرة ما واضحة هسه قاعد يحسب في كل القاتلهم في العالم ... قاتل الدنيا كلها

أيوه يا رمانه عاوز يموت ويندفن مع جده . قاتله الله هذا المجرم !!
ياربي جدو كان كدا برضو

Quote: شنو قصة الحبوب دي عند القذافي وولده ؟

صبري يا دفعة سلام
ولده دا كان عندو قضية بتاعت مخدرات عند عبوره بمطار دولة أوروبية ( أعتقد سويسرا ) بس القضية
إنتهت وطلع برئ !! بعد خطابه وخطاب والده تأكدت إنه ما برئ ولا حاجه !! بس الليلة ملك ملوك أفريقيا ( كتر العيار حبتين )

Quote: أول حاجة عملها شتم الشعب الليبي

الأخ الفاضل طه تحياتي وسلامي
عارف وجه الشبه بين هذا المعتوه والأهبل بتاعنا البشير كبير وواضح حتي في شخصياتهم
الشعب السوداني برضو ( إتشتم ) من عصابة البشير ووصفنا بالشحادين قبل قدوم ثورتهم الميمونة
شكلهم الديكتاتوريين أول ما ينزنقوا بيقعدوا يمنَوا علي شعوبهم وبعدين لما يقرب وقت رحيلهم يشتموهم !!
شاكره لك مشاركتنا هذا الجنون

Quote: أي ليبي يجي يشيل بترولو بوديهوا السوق يشربوبن يصدق بيهوا. يا اختي ده نكته و الله جنووووووووووووووووووووووون

تحياتي وسلامي أستاذ الفاضل سبيل

خليكم أرجعوا مافي كهرباء تعودوا لعهد الظلام 1952 ، شكلوا ح يشيل البترول والكهرباء معاه ويرحل !! ح يورينا فنون الأيام القادمه قبل أن ( يرحل )

والجنوووووون فنون

Quote: فعلا شر البلية ما يضحك... سلام مها وسناء

سلام أستاذة رجاء ولعلك طيبة بعد هذا الجنون
لو لاحظتي للمزيعين في كل القنوات ، زي ما بيقروا في أخبار محزنه وجثث وأشلاء مقطعه تلقيهم أول ما ينتهي كلام الراجل المجنون دا بيبتسموا وواحدين كاتمين الضحكة بالتحديد مزيعيي قناة العربية

وقال للشعب الليبي عاوزين تضحكوا فيكم العالم ، دا أنت يا سعادة العقيد القذافي ( شرطنا من الضحك )
وشر البلية ما يضحك حقا !

Quote: بس نفسي أعرف هو بخطب في منو؟ شكلو منع ناس من اطلاق نار وما سمعناها بعدين الزول دا رجله واحدة ما كويسة ما قادر يقيف شكلو فيها حاجة غلط اسوأ مافي الموضوع ما ينتظر الشعب الليبي منه يستعدي الشعب الليبي ضد الشعب الليبي والأنكأ أن هناك بعض الجوازات السودانية مضبوطة يكونوا جرذان؟ ولا ضاربين حبوب ؟ ياربي لا تمحنا لا تبلينا الغريبة ما جاب سيرة البشير ولا نظامه غريبة مش؟ بهاء/طوكيو

الأخ الكريم بهاء الهادي
تحياتي وسلامي
والله أنا برضو قبيل سألت السؤال دا كان ( بينهَر في البسمعوا فيهو ما بيخطب ! )
وزير الداخلية الآن يقول أن الرجل عنيد ولن يُغادر ليبيا ، أي مزيدا من الدماء ما نتوقعه مقبل الأيام وربنا يستر علي هذا الشعب الطيب .
يؤجج الفتنه بين القبائل وأكثر ما أثار دهشتي حديث وزير داخليته ومحاولة القتل التي تعرض لها ، قام القذافي بإخبار قبيلة الوزير أن قبيلة أخري هي من حاولت قتله !!

خطاب الأهبل البشير بدل جرزان وفئران وقطط القذافي ح يكون ( الشعب دا تحت جزمتي ، ما بستقيل عليَ الطلاق بالثلاثه إلي آخر عوارات البشير المعروفة )

Quote: كرهنا اللون الاخضر قرب يكتب فى الكتاب كل من يتنفس باكثر من الشهيق والزفير المقرر يعدم , قال على الملايين انهم حفنة قليلة , اقفلو عليهم الشوارع اقبضوهم سلموهم للأمن وسنعدمهم , باين علية الخوف وهضربة الحمى متخقى من كاميرات الاعلام التصوير فى مكان مقفول بالرغم من انه اجتهد لبين للعالم بأن المكان مفتوح سناريو تعبان ما قادر حتى يجمع ليه 100 يتكلم قدامهم حتى لو كومبارس الواحد بى عشرة قروش, البالين روسيهم اتمنى أن يستفيده من الاخطاء .

عزيزتي هاديه محمد سلامات
وعندهم برضو الساحه الخضراء ، الراجل بيعشق كل ماهو أخضر حتي سجايره
البالين رويساتهم زي المجرم البشير دا ح يتحفنا ، علي الأقل ح يكون في ( رقيص ) و ( غُناء ) ما ح يجننا ذي القذافي

Quote: بس الليلة ملك ملوك أفريقيا ( كتر العيار حبتين

Quote: الجزيرة قالت تنقل لقت الحكاية مستمرة والعربية لحقت أختها وتاني رجعت " يا شماتت الملكـ ؟؟ فيكــ " الرجل قال آمنت بالعين

أهلين عمران ولعلك أمسيت طيب بعد حديث المجنون
المبكي في ثورة ليبيا ، مقتل الأبرياء والمضحك حديث هذا المخبول ، الغريب
الراجل غريب الأطوار في كل شيئ حتي لبسه !! دا بعد طلع بيؤمن بالعين طوالي يودوه يربطوه عند شيوخ كدباس
ديكتاتور بجده وآخر بكدباس وثالثا بإذن الواحد الأحد بسجون لاهاي !! يا رب

Quote: انت عارفة يامها الزول مش فاطى سطر..ده فاطى (منهج) قادى الناس ب (ولدى قال) يقلقلك الحر اليفسخ صنقعوك ده .. ازييك يا زولة

عزيزنا معاوية ود الصائم تحياتي وسلامي
دا مُسحلب سحلبة أصلية ، ،،
نحمد الله إنه ديكتاتورنا لا عندو ولد يقدنا بيهو ولا حاجه ، بس وداد وفاطمة ح يطلقوا بعد يوم واحد من قيام الثورة ( من حليفة الطلاق اللي ح يشبكنا ليها البشير العوير )

Quote: الراجل ضارب جهجهة وعاوز يحمي نفسو بالمليارات السارقة من الشعب الليبي المسكين ... صدقيني يا مها ستنتصر ثورة الشعب ويكنس هذا الخبل كما كنس من قبله الفرعون حسني مبارك .. أخبارك مقطوعة خااااااااااااااااالص الأيام دي ...

أهلييييين ود هارون وكيفنك ياخي
موجوده بس أُصبت بوعكه صحية ألزمتني الكي بورد والريمود )
الراجل طلع حرامي كبير بس شريف في نفس الوقت قال متخلي عن نصيبو في البترول
هسه أيام قليلة ونري الديكتاتور بتاعنا البشير العوير دا يقول عاوز يآخد معاه الفيلل بتاعت كافوري بانقا للاهاي

Quote: الزول ده ما حدثوة بالمثل " شكار روحه إبليس " This is whar called dark Comedia...

أستاذنا الفاضل محمد القاضي تحياتي وسلامي ومشكور مشاركتنا جنون هؤلاء الديكتاتوريون
مجنوننا بيشكر في روحه ويشتم شعبه ، ويصفهم بالجرذان والقطط الراجل دا مفروض جمعيات حقوق الحيوان يشتكوه بالإضافه لجرائم الحرب اللي بيمارسها ضد شعبه !!
ديكتاتورنا غايتو أباد شعبه وإعترف ومصيره معروف
شر البليه ما يضحك وهذه الدراما السوداء
دا جننا ياخ جننا

Quote: متعة ما منظور مثيلا

تسلم حبيب نورة لطلتك الما مجنونه
غايتو المؤكد الطاغية البشير ح يمتعنا متعة ما منظور عوارتها )