|
|
 لاحظتو لي لمن زغت
|
دي قصة كان بحكيها خطاب حسن أحمد زمان
عن واحد "سكرجي" بمعنى الكلمة ...لما يسكر بيعمل كل العمايل "التي تستوجب الغسل" من طراش لى وقيع لى بهدلة
وضميرو مؤنبو قرر يعمل حاجة وفكر تاني "يزوغ" من الشباب قبل ما تحصل الكارثة
وفى "تلك الليلة" جه ومقرر يزوغ
شرب وشرب وشرب لمن فتر ...وطرش وشاكل ووقع وشالوه "كنيييييشة" ودوهو بيتو
ولمن جه اليوم التاني ...بدا يسألأ ليك فى الناس زول زول براحة كده ومعاها ابتسامة نص كده وغمزة بسيطة كده: أمبارح لاحظتو لي لمن زغت؟؟
أها
أنا اتهكرت ...وناشدت وراسلت واتبهدلت .....ولافي أى زول "لاحظ" حسة لمن رجعت قلت أحسن اسألكم "لاحظتو لي لمن زغت؟؟"
وبعد: أهديكم هذا الكلام العجيب
|
|
  
|
|
|
|
|
|
|
|
Re: لاحظتو لي لمن زغت (Re: Mustafa Mahmoud)
|
الفولاني ومصطفى محمود
الله يبركم بريتوني بالردود
المهم ما عزيت فى غيابى فى خالد الحاج ولا في عبد الواحد كمبال ولا زوج عفاف الصادق ولا في مصطفى عكر
ومن هنا أرسل احر التعازي لأسرهم وأدعو الله أن يدخلهم فسيح جناته ويلهمنا فيهم الصبر والسلوان
محبتي للجميع
| |
|
|
|
|
|
|
|
|
 Re: لاحظتو لي لمن زغت (Re: rummana)
|
ألأخت تماضر لك التحية ومرحبآ بعودتك..
إنت شفتينى برضو لمن زغت؟؟
بمناسبة السكرجى والنكتة..برضو قالو واحد زى السكرجى بتاع نكتتك دى. أصحابو فى القعدة أول شى بعد المزة بجهزوا ليه القفة البشيلوهوا فيها..
أها اليوم داك شايلنو فى القفة ومطلع راسو ببرة وبتفاصح كمان.شاف ليهو واحد بترتع من السكر..
قال ليهو وقت ما بتقدر عليهو شاربو مالك .
تقديرى وتحياتى...وسعيدين بطلتك..
| |
|
|
|
|
|
|
|
|
|
Re: لاحظتو لي لمن زغت (Re: ابوبكر قسومة)
|
Quote: ود الباهي ...الباهي ..سلام.
تماضر يا بت شيخ الدين ما تواخذيهو زولي ده بكون زاغ من بدرييييي. |
عذرا الاستاذة تماضر شيخ الدين للخطاء الغير مقصود
ود قسومه
حياك الله
شكيتك علي الله عاوز تشوه سمعتي كمان أنا زول ود شيوخ قلنا ليكم الكيبورد أعجمي
| |
|
|
|
|
|
|
|
|
|
Re: لاحظتو لي لمن زغت (Re: احمد العربي)
|
طمطم ..............سلام
تصدقى طممتى بطنى بزوغتك دى..لوووووووول
وافتش فيك مالاقيك فى سؤال حايص لى ليهو زمن
المهم تبارك السغيل ده ما يجاوب
علاقة باكى مون بالدعكون شنو؟؟..
يخيل لى زى مشتاغوووووووووووون وكده،،،
| |
|
|
|
|
|
|
|
|
|
Re: لاحظتو لي لمن زغت (Re: صديق الموج)
|
حكاية:
عدت الى البيت بعد يوم عمل شاق. منيت نفسي بلحظات استرخاء واراحة لأعصابي المتلفة. بعد اعداد وجبة الغذاء ..هرعت الى الكمبيوتر لمشاهدة تطورات الثورة الليبية.
شاهدت عشرات الجثث من شباب ليبيا وهم يدخلون انصاف أجسادهم فى اكياس الجنائز الطبية والانصاف الاخرى تطل من حافة الموت ...وحكاية النضال والحياة التي تبددت
عنهم. سمعت اصوات اآباء الخائرة الغاضبة وهي تستجمع بين البكاء والدعاء على الظالم ...وبين هذا النضال المستميت. اطل "القائد" من مكان ما وأطلق شتيمة واحدة ومعلومة غير مكتملة ومطر واختفى. استمعت الى مسئولين من حقوق الانسان وآخرين تخلو عن مناصبهم واعلاميين يسخرون من سخرية "القائد" من ثورة شعب جائع ...
انتهى البرنامج الخاص بتغطية الثورة وبدأ برنامج عن الأفارقة الهاربين من أوطانهم الى اوروبا متخفيين فى شباك صيد التونة، تحت غضبة الأمواج والظلمة والأسماك الوحشية والبرد وتسلط أصحاب القوارب ...ومنهم من يموت فليلتحف الآخرون جسده الميت يحتمون به من برد ليل البحر الذي لا يرحم، آه
ذهبت استلقي علي الكنبة وقلت أشاهد شيئا خفيفا على القلب الذي أثقلته مآسي العالم، لم يكن التلفزيون بخير من قناة الجزيزر وهو يصور فيلما عن الشاب الوسيم الذي اعتاد على قتل المومسات الذين يختارهن من قوائم "كريق" المشهورة...
تذكرت السيدة الطيبة التي جاءت الى مكان العمل لتنصحنا بالاسترخاء، قالت انسوا كل الهموم ولا تفكروا الا بالاشياء الجميلة.
أين أنت ايتها الاشياء الجميلة؟؟
انتهت الحكاية
ولجميع المتداخلين محبتي.
| |
|
|
|
|
|
|
|
|
|
Re: لاحظتو لي لمن زغت (Re: Tragie Mustafa)
|
يا تماضر
اولا مرحبا بعودتك والسلام عليكم ورحمة الله
ثم
كتبتي كلام في البوست خاصتي ولم افهمه... اذا عندك طريقة ارجو منك توضحيهو
لي في ذات البوست واكون لك من الشاكرين.
تحياتي
| |
|
|
|
|
|
|
|
|
|
Re: لاحظتو لي لمن زغت (Re: حبيب نورة)
|
سلام يا تماضر
افتقدناك والله
وبي مناسبة السكرجي اسمعي دي برضو حقيقية
واحد بسكر يويما من المغرب لي اخر الليل
الصباح يمشي الشغل
شغال سكر وشغل وبالعكس
يوم زهج قال لي اصحابو في القعدة:
والله يا جماعة انا تعبت شغل وسكر ما بقدر عليهم الاتنين
خلاص قررت اخليهو
صاحبو قال ليه باندهاش : عايز تخلي السكر ؟
فرد قائلا : لالالاياخ اخلي الشغل !!
| |
|
|
|
|
|
|
| |
Tumadir
عوض الله الفولانى
Mustafa Mahmoud
rummana
ismeil abbas
عادل الباهي عبدالرازق
ابوبكر قسومة
احمد العربي
صديق الموج
Tragie Mustafa
الخير محمد عوض
حبيب نورة
خالد العبيد
ياسر بيناوي
فيس بوك
تويتر
انستقرام
يوتيوب
بنتيريست