|
|
|
 Re: الزوج يريد تغيير المدام (Re: علاء الدين صالح)
|
ليكُن حق التظاهر السِلمي مكفول لكل زوج يقبع تحت وطأة القهر والجبروت 
الإعتصام في حوش التحرير والبيات فيه ليلاً
الوقوف بجانب التلاجة ورفع شعارات مكتوبة على الورق: (كفاية).... (لا لقهر الرجال).... (ارحلي وسكِّتي الخشّامة)
| |
 
|
|
|
|
|
|
|
|
Re: الزوج يريد تغيير المدام (Re: علاء الدين صالح)
|
تعرف يا علاء
في حاجة غريبة في رجال بني كجة ديل
مرة بتكلم مع واحد قال عايز يتزوج في زوجته
قالي الزولة دي كبرت
قلت ليه بالله ما كنت قايلاها اكبر منك
فبهت بهتة شديدة كادت ان تبلعه طقمه
الرجال ديل بفتكروا انه الزمن دا بس للنسوان
ياخي انتو زينا واحد بتعجز وتمرضو وتضعفو وكلو بحصل ليكم
بس الفرق الكبر عند النسوان حسنان يبقن عاقلات ناضجات
| |
|
|
|
|
|
|
|
|
|
Re: الزوج يريد تغيير المدام (Re: ABUHUSSEIN)
|
Quote: بتفتش ليك لي مشكلة و لا عايز تورطنا نحن و تزوغ....؟؟؟؟
الله إهـديك بس يا علاء...
ســـلام |
الغالي أبو حسين تحياتي
ما عاش اليورِّطكم ويزوغ يا حبيب
بعدين ياخ أنا ما بفتِّش للمشاكل ولا أي حاجة
علَيْ الطلال بالتلات المشاكل براها كايساني
أها إنتا - لو ربنا سهّل يعني - معانا ولّا مع الخيانة؟؟
| |
|
|
|
|
|
|
|
|
|
Re: الزوج يريد تغيير المدام (Re: د.نجاة محمود)
|
Quote: تعرف يا علاء
في حاجة غريبة في رجال بني كجة ديل
مرة بتكلم مع واحد قال عايز يتزوج في زوجته
قالي الزولة دي كبرت
قلت ليه بالله ما كنت قايلاها اكبر منك
فبهت بهتة شديدة كادت ان تبلعه طقمه |
دكتورة نجاة مشتاقين
المرأة إذا كبرت في عمرها صارت كقطعة الدهب المجمَّر
كلما اكتوت بنار الحياة.. كلما ازدادت بريقاً وقوّة وغلا ثمنها
لكن المشكلة صاحبي الأنا متضامِن معاهو دة قال لَيْ الزولة دي جنَّت
Quote: الرجال ديل بفتكروا انه الزمن دا بس للنسوان
ياخي انتو زينا واحد بتعجز وتمرضو وتضعفو وكلو بحصل ليكم
بس الفرق الكبر عند النسوان حسنان يبقن عاقلات ناضجات |
يا دكتورة ياخ ما تبالغي قدر دة إنتي كمان
| |
|
|
|
|
|
|
|
|
|
Re: الزوج يريد تغيير المدام (Re: ناصر احمد الامين)
|
Quote: ليكُن حق التظاهر السِلمي مكفول لكل زوج يقبع تحت وطأة القهر والجبروت
الإعتصام في حوش التحرير والبيات فيه ليلاً
الوقوف بجانب التلاجة ورفع شعارات مكتوبة على الورق: (كفاية).... (لا لقهر الرجال).... (ارحلي وسكِّتي الخشّامة) |
عليك امان الله لي تلات ايام اهتف وحتى الاولاد متضامنين معاي لكن الجزيرة ما جابت خبرنا
| |
|
|
|
|
|
|
|
|
Re: الزوج يريد تغيير المدام (Re: سامى عبد الوهاب مكى)
|
غايتو نحنا قربنا نستسلم لانو الشغلانة شكلها ملكية مطلقة
حج حججنا
دهب دقينا
تياب كترنا
امهم اقعنا
بنيان بنينا
بس الطريقة التقنع البنات شنو
و الله المثل البيقول
الضرة زاتها و لا بناتها
اتخيل لي اكتر مثل صحيح
بالواضح نحنا لمن ندخل الخمسينات من العمر و المرة تكون في الاربعينات
بعد شوية نحنا عايزين خدمة و هي زاتها عايزة خدمة
طيب هي بتلقي بناتها
نحن عايزين مرة صغيرة تخدمنا في خريف العمر
و الكلام واضح
شفنا ناس كبروا و المرة التانية صغيرة حالتهم انسترت
بس الكبيرة هي زاتها عايزة خدمة
اها الاولاد و البنات يعرسوا
المرة بنتها بي تخدمها
و الاولاد في الاغتراب او عندهم بيوت مستقلة او حتي لو قاعدين معاك صعب جدا مرة ولدك تخدمك الا من رحم الله
طيب البخدمنامنو
اكرر مليون مرةالبخدمنا منو
انا عايز و محتاج بس خواف
وقلبي معكم و لو لقيتو طريقة معالجة انا معاكم
بس التغيير لازم يكون بي حوار و لازم يكون سلمي لانو الواحد ما عايز حرب في نهاية عمرو
و ده المخوفنا اكتر
يعني اصعب حاجة تجيب ليك زول يريحيك بس يقلب ليك الصديق عدوا
عايزين الجديد و القديم يكونوا اصدقاء
هل ده ممكن ؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: الزوج يريد تغيير المدام (Re: domdom)
|
Quote: انا عايز و محتاج بس خواف
وقلبي معكم و لو لقيتو طريقة معالجة انا معاكم
بس التغيير لازم يكون بي حوار و لازم يكون سلمي لانو الواحد ما عايز حرب في نهاية عمرو
و ده المخوفنا اكتر
يعني اصعب حاجة تجيب ليك زول يريحيك بس يقلب ليك الصديق عدوا
عايزين الجديد و القديم يكونوا اصدقاء
هل ده ممكن ؟؟؟؟؟؟؟؟؟؟؟؟؟ |
domdom
هههههههه و الله ضحكتني
يا زول اتوكل و دلع نفسك .. و ما تشاور و لا تحاور
ختهم كلهم امام الامر الواقع يا عمنا.
سجن سجن غرامه غرامة
بس بعدين ما تجيب سيرتي كلو كلو ... انا جاي اهدي النفوس!
| |
|
|
|
|
|
|
|
|
 Re: الزوج يريد تغيير المدام (Re: ناصر احمد الامين)
|
| Quote: بس بعدين ما تجيب سيرتي كلو كلو ... انا جاي اهدي النفوس! |
...
| Quote: الزوج يريد تغيير المدام |
والمدام دايره تغير الاولاد
والاولاد دايرين تغيير الشوكلاته
والشكلاته فى التلاجه
والتلاجة دائره كهربا
والكهربا جاااااات
املوا الباقات ... هسع بتقطع >>>>
قوم لف
| |
|
|
|
|
|
|
|
|
|
Re: الزوج يريد تغيير المدام (Re: طارق الكوتش)
|
Quote: والمدام دايره تغير الاولاد
والاولاد دايرين تغيير الشوكلاته
والشكلاته فى التلاجه
والتلاجة دائره كهربا
والكهربا جاااااات
املوا الباقات ... هسع بتقطع >>>> |
صدِّقني يا كوتش..
المدام لو إتنحَّت أو وافقت على المُشاركة في السُلطة
الكهربا زااااتا حتتصلّح والخير حيعُم الجميع
| |
|
|
|
|
|
|
|
|
|
Re: الزوج يريد تغيير المدام (Re: doma)
|
Quote: يا رجال هوي اي راجل يتعدي الخمسين
يقعد يادبه يشوف قرايه الاولاد في الجامعات وتاهيلهم
ويبلش فرفره
لان الفرفره بتجيب اجلك |
خالتي دومة ياخ مشتاقووون
كلامك عين العقل وأي واحد يتعدّى الخمسين (ولم يشارك في أي إنتفاضة من قبل) يحترم سِنّو ويروق في عِلَبو
نحنا في عِز الشباب وثورتنا بتستهدف شريحة مَن يادوبك تعدّوا الأربعين
وإنها لفورةٌ حتى النصر
| |
|
|
|
|
|
|
|
|
|
Re: الزوج يريد تغيير المدام (Re: خالد درق)
|
Quote: تمام ...
علاء الدين تحياتى |
الحبيب درق تحياتي الخالصة
إنتو شباب كى جى ون ونحنا شباب كى جى تووو شُعلة الثورة التي لن تخبو
معاً من أجل التغيير والمجد والخلود لكتاكيت الثورة
شُكراً للتضامن وعقبال نتضامن معاك في السمِح
| |
|
|
|
|
|
|
|
|
|
Re: الزوج يريد تغيير المدام (Re: الامين موسى البشاري)
|
Quote: كامل التضامن مع المـــدام
ستكون شعارات المدام التي تتماشي مع المرحلة بتاعتك دي هي:
المـــدام تريـــد تغيير الدهب
عشـــان تنف ريشك دا
..
..
__
علاء ســلام |
العريس ود البشاري
إنتو طبعاً ما خاشين معانا في الإنتفاضة
لكن بنحتاج ليكم في مرحلة الجماهيرية الثانية
تحياتي
| |
|
|
|
|
|
|
|
|
|
Re: الزوج يريد تغيير المدام (Re: domdom)
|
Quote: حج حججنا
دهب دقينا
تياب كترنا
امهم اقعنا
بنيان بنينا |
دومدوم تحياتي أيها المناضل
ياخ إنتا ما قصَّرتا تب
أقبل على دربنا إن كنت حيرانا أقبل على نبعنا إن كنت ظمئانا
Quote: نحن عايزين مرة صغيرة تخدمنا في خريف العمر
و الكلام واضح
شفنا ناس كبروا و المرة التانية صغيرة حالتهم انسترت
بس الكبيرة هي زاتها عايزة خدمة
اها الاولاد و البنات يعرسوا
المرة بنتها بي تخدمها
و الاولاد في الاغتراب او عندهم بيوت مستقلة او حتي لو قاعدين معاك صعب جدا مرة ولدك تخدمك الا من رحم الله
طيب البخدمنامنو
اكرر مليون مرةالبخدمنا منو
انا عايز و محتاج بس خواف
وقلبي معكم و لو لقيتو طريقة معالجة انا معاكم
بس التغيير لازم يكون بي حوار و لازم يكون سلمي لانو الواحد ما عايز حرب في نهاية عمرو
و ده المخوفنا اكتر
يعني اصعب حاجة تجيب ليك زول يريحيك بس يقلب ليك الصديق عدوا
عايزين الجديد و القديم يكونوا اصدقاء
هل ده ممكن ؟؟؟؟؟؟؟؟؟؟؟؟؟ |
عزيزي دومدوم
الأيام دي بالذات كل شي ممكن
ولا مستحيل تحت الشمس
بس إنتا خُت الرحمن في قلبك وقول يا لطيف
وللسمحات في دم كل زوج يد سلفت ودين مستحق
| |
|
|
|
|
|
|
|
|
|
Re: الزوج يريد تغيير المدام (Re: سامى عبد الوهاب مكى)
|
| Quote: عليك امان الله لي تلات ايام اهتف وحتى الاولاد متضامنين معاي لكن الجزيرة ما جابت خبرنا |
حبيبنا سامي
التلاتة يوم دي ناس الفيس بوك لو جابو خبرك يكونوا ما قصّروا معاك
ناس الجزيرة أقلّ من 17 يوم ما بتخارج معاهم
إنتا قايل نفسك سامي الحاج؟؟
واصل بدون فواصل يا عمكـ
| |
|
|
|
|
|
|
| |
علاء الدين صالح
ABUHUSSEIN
ناصر احمد الامين
الامين موسى البشاري
doma
Sayed Bekab
فيس بوك
تويتر
انستقرام
يوتيوب
بنتيريست