|
|
 دا البطلّق امّكم ذاتو ( يوجد عيد مولد)
|
بلغ الخامسة والستين من عمره ولكنه ما ان سمع بمداح الرسول (ص) يمدحون تجده يهرع للوصول لساحة المديح - كان كلما ذكر اسم الرسول (ص) كان يشهق ويشهق بصوت عالي جدا . وعندما يسخن المديح النبوي ينزل في الساحة تارة يرقص رقيص الرقبة وتارة اخرى يتحدث رطانة لا يستطيع فك شفراتها الا الذين اكرمهم الله بسر تفسير هذه الموشنز الروحية .
عاد اولاده الثلاثة من اميركا فكان الاحتفال بمدائح نبوية ابدع فيه المادحون مما جعل عمكم يرقص ويرطن ويملأ الساحة ضجيجا روحيا .
بعد انتهاء الحفلة انزوى الاولاد بوالدهم وكشفوا له عدم رضاهم على رقيصه وهطرقته في المديح
ولتطييب خاطر الاولاد قال ليهم ( طلقانة امكم دي بتلاتة تاني ما بنزل في حلبة مداح)
شكره اولاده على كلماته هذه وذهب كل منهم لينام في غرفته الخاصة مع زوجته
بعد اسبوع واثناء ما كان جالسا مع ابنائه وهم يحتسون شاى المغربية سمع صوت مداح يدقون الطارات بمدحة نبوية لم يسمع صوتا مثله من قبل - صنف وصنف وصنف وسكت وسكت ورفع راسو لاولاده وقال ليهم ( الليلة امكم اتطلقت طاااااب)
|
|
  
|
|
|
|
|
|
|
|
Re: دا البطلّق امّكم ذاتو ( يوجد عيد مولد) (Re: سيف الدولة كامل)
|
| Quote: سمع صوت مداح يدقون الطارات بمدحة نبوية لم يسمع صوتا مثله من قبل - صنف وصنف وصنف وسكت وسكت ورفع راسو لاولاده وقال ليهم ( الليلة امكم اتطلقت طاااااب) |
ود شــيقوق
ســلام
انت مــاك عــارف الطــار دا لمـن ينقـر, بنقـر جــوه
القـلب!!
عمك دا الظاهـر عليهو كان بيسـمع كتير مـديح وقصـيد
الشـيخ احـمـد ودسـليمان عند جـدنا المهــل والشـيخ
عـلى المـبارك...
غـايتو الشـيخين ديل لمن كانوا بنقروا الطـار كل زول
بخت إيدو فوق قلبو عشـان ما يطــير..
تقولى طـلاق أم!!!
| |
|
|
|
|
|
|
|
|
|
Re: دا البطلّق امّكم ذاتو ( يوجد عيد مولد) (Re: ABDALLAH ABDALLAH)
|
صلى الله عليك يا احمد بصيرة الشوف
ود شيشوق سلامات
قدمت للتو من ساحة المولد بأمدرمان
وقد برع مُداح جناب سيدي رسول الله في سودنة السيرة النبوية
وكأن الرسول الاكرم قد ولد وعاش في امدرمان ....ومكة هي اشرف بقاع الله بلا ريب
ولكن من طيب حظنا نحن السودانين اننا نحس اننا نتمى لهُ عليه الصلاة والسلام وكنه سوداني
ومثلما ان القرأن صالح لكل زمان ومكان فالرسول الاكرم كذلك رسول في كل زمان ومكان
واليوم والله احسست اننا منهٌ وانهٌ منا
صلى الله عليك يا احمد بصيرة الشوف
........
| |
|
|
|
|
|
|
|
|
|
Re: دا البطلّق امّكم ذاتو ( يوجد عيد مولد) (Re: الطيب شيقوق)
|
عبد الله عبد الله
Quote: انت مــاك عــارف الطــار دا لمـن ينقـر, بنقـر جــوه
القـلب!!
عمك دا الظاهـر عليهو كان بيسـمع كتير مـديح وقصـيد
الشـيخ احـمـد ودسـليمان عند جـدنا المهــل والشـيخ
عـلى المـبارك...
غـايتو الشـيخين ديل لمن كانوا بنقروا الطـار كل زول
بخت إيدو فوق قلبو عشـان ما يطــير..
تقولى طـلاق أم!!! |
يا زول والله المادح الصحي صحي لما يتكي رقبتو ويطرب نفسو اول حاجة عشان يرفع راسو لا فوق دا ياهو البطلق الامهات ذاتو
| |
|
|
|
|
|
|
|
|
|
Re: دا البطلّق امّكم ذاتو ( يوجد عيد مولد) (Re: الطيب شيقوق)
|
حذيفة
Quote: قدمت للتو من ساحة المولد بأمدرمان
وقد برع مُداح جناب سيدي رسول الله في سودنة السيرة النبوية
وكأن الرسول الاكرم قد ولد وعاش في امدرمان ....ومكة هي اشرف بقاع الله بلا ريب
ولكن من طيب حظنا نحن السودانين اننا نحس اننا نتمى لهُ عليه الصلاة والسلام وكنه سوداني
ومثلما ان القرأن صالح لكل زمان ومكان فالرسول الاكرم كذلك رسول في كل زمان ومكان
واليوم والله احسست اننا منهٌ وانهٌ منا |
احسنت وبوركت لنقل هذه الصورة الطيبة من ساحات المولد الامدرمانية
| |
|
|
|
|
|
|
|
|
|
Re: دا البطلّق امّكم ذاتو ( يوجد عيد مولد) (Re: الطيب شيقوق)
|
زيكو
Quote: كل سنة وانت طيب يا شيقوق..
وعلى صاحب المناسبة الصلاة والتسليم..
اللهم صلي على رسول الله سيدنا محمد وعلى آله وصحبه
الكرام....
بعدين ما تنسى المولد في النادي الليلة
ذكر ومديح مع شيخك ذاتو |
كل سنة وانت وافراد الاسرة الميامين بالف خير
مش الخميس؟
| |
|
|
|
|
|
|
|
|
|
Re: دا البطلّق امّكم ذاتو ( يوجد عيد مولد) (Re: عادل الباهي عبدالرازق)
|
صلاه عليك يا حجانا صلاة عليـك يـا الرسـول ملجانـا
واشوقى لى طيبة وقصـوره والمدنيـة الاسرنـي نـورا
سـيــدا طـــه طـهــورا اخـجــل الـشـمـس والــبــدورا
الـعـبـاد تـغـشـاك دهـــور تـغـسـل الـهــم والــكــدورا
نمشـي لـي طابـه ونـذورا نرتشـف نشفـى مـن بحـورا
الرايق الكلمه والشعـورا خافـت الصـوت مـا جهـورا
المـا كتـب سـر وجـورا تاجنـا فـى البعـث والنـشـورا
فى الحروب اسدا جسورا بالرعب نصروا لى شهورا
السيف موصـوف بالخطـورة والعـدو دافـن الصـدورا
يـا امـه بالخيـر طهـورا يطيـب طـه زاهــى وفـخـوره
ابشري وانسي الوعوره وللجنـان تسعـي فـى سـرورا
اكفنـا يـارب مـن زوره ومـن معاصـى ونفسـا قــذوره
ومن ربي وخمر وفجورا لا نصى طـه فـى حضـورا
ادينـى ربـي نفسـا شكـورا تستغفـر الله فـى السـحـورا
ولى نبينا الخير صـدورا ونشفـى مـن قيـلا والغـرورا
يـوم تسفـر النيـران اسـودا والرجـال ناكـره لـى ادودا
محـمـد للـنـاس مــرورا نلـقـي جـنـه ونـشـم عـطـورا
صليـت علـى مـر العصـور عــدد الاحـيـاء والقـبـورا
عـدد الارض والصـخـورا والسـمـوات فــى فـطـورا
| |
|
|
|
|
|
|
|
|
|
Re: دا البطلّق امّكم ذاتو ( يوجد عيد مولد) (Re: فيصل محمد خليل)
|
أولاً ألف صلاة وسلام على سيد الأنام
ثانياً تحية وسلام للطيب شيقوق والأحباب الكرام
ثالثاً حسرة وشوق ودمع كالغمام على حالنا الما بسر
..
اتصلت قبل قليل وقبل أن أطالع هذا الخيط على شقيقي في السودان
وأول ملاحظة قلت ليه الليلة مالك صوتك هادئ كدا كأنك في المكتب ( ذلك لأن معظم عمله خارج المكتب )
قال : أنا فعلاً في المكتب تعرف اليوم الناس إجازة لكن عندي شغل متراكم لازم أخلصة
قلت : إجازة بمناسبة شنو ؟
استغرب سؤالي وقال لي : إجازة المولد يا زول
قلت ليه : مولد شنو ؟
الله .. المولد الواحد دا .. هو في مولد غيرو .. إنت ناسي نبيك ؟
- يا الله .. هو بالله دا شهر المولد .. لا حول ولا قوة إلا بالله ..
قال لي : يشهد الله إنكم مسانيح
..
وا حسرة علينا نحن المسانيح
العيال وأمهم قبل أسبوع شابكننا فالنتاين فالنتاين لمن البيت بقى زي الكرملين
| |
|
|
|
|
|
|
|
|
|
Re: دا البطلّق امّكم ذاتو ( يوجد عيد مولد) (Re: الطيب شيقوق)
|
Quote: كل سنة وانت وافراد الاسرة الميامين بالف خير
مش الخميس؟ |
يا شيخ العرب .. الخميس يا تو أنت كنت نائم ولا شنو الإحتفال الليلة الثلاثاء الخامس عشر من فبراير مع شيخك ذاتو
المداح دخلوا على واحد في طرف الحلة وكان بخيلا قدم ليهم الموية فاضية .. وكان عنده حمل فجاء الحمل وقعد ينطط قدام المداح .. فقالوا له : أنت العليك سويتا الباقي على صاحبك
| |
|
|
|
|
|
|
|
|
|
Re: دا البطلّق امّكم ذاتو ( يوجد عيد مولد) (Re: الطيب شيقوق)
|
استاذ طه ود ابراهيم
سلام
Quote: وا حسرة علينا نحن المسانيح
العيال وأمهم قبل أسبوع شابكننا فالنتاين فالنتاين لمن البيت بقى زي الكرملين |
هههههههههههها والله اخي طه نفس معاى انا - اتصلت بالاولاد اول امبارح وكانوا مهتمين بالفولنتاين اكثر من المولد النبي - العياذ بالله
| |
|
|
|
|
|
|
|
|
|
Re: دا البطلّق امّكم ذاتو ( يوجد عيد مولد) (Re: الطيب شيقوق)
|
د. عمار ود توتي
Quote: يا شيخ العرب .. الخميس يا تو أنت كنت نائم ولا شنو الإحتفال الليلة الثلاثاء الخامس عشر من فبراير مع شيخك ذاتو
المداح دخلوا على واحد في طرف الحلة وكان بخيلا قدم ليهم الموية فاضية .. وكان عنده حمل فجاء الحمل وقعد ينطط قدام المداح .. فقالوا له : أنت العليك سويتا الباقي على صاحبك |
والله يا دكتور اكان ما وريتوني كان عييييييييك فات منى
والله المادح رجل عالم ودمو خفيف خمالص انا ماشي اليوم لمزيد من الطرف
طارق المسنوح
ما عندنا سمسمية ولا عنكوليب هنا
| |
|
|
|
|
|
|
|
|
|
Re: دا البطلّق امّكم ذاتو ( يوجد عيد مولد) (Re: الطيب شيقوق)
|
اخي عادل الباهي
Quote: صلاه عليك يا حجانا صلاة عليـك يـا الرسـول ملجانـا
واشوقى لى طيبة وقصـوره والمدنيـة الاسرنـي نـورا
سـيــدا طـــه طـهــورا اخـجــل الـشـمـس والــبــدورا
الـعـبـاد تـغـشـاك دهـــور تـغـسـل الـهــم والــكــدورا
نمشـي لـي طابـه ونـذورا نرتشـف نشفـى مـن بحـورا
الرايق الكلمه والشعـورا خافـت الصـوت مـا جهـورا
المـا كتـب سـر وجـورا تاجنـا فـى البعـث والنـشـورا
فى الحروب اسدا جسورا بالرعب نصروا لى شهورا
السيف موصـوف بالخطـورة والعـدو دافـن الصـدورا
يـا امـه بالخيـر طهـورا يطيـب طـه زاهــى وفـخـوره
ابشري وانسي الوعوره وللجنـان تسعـي فـى سـرورا
اكفنـا يـارب مـن زوره ومـن معاصـى ونفسـا قــذوره
ومن ربي وخمر وفجورا لا نصى طـه فـى حضـورا
ادينـى ربـي نفسـا شكـورا تستغفـر الله فـى السـحـورا
ولى نبينا الخير صـدورا ونشفـى مـن قيـلا والغـرورا
يـوم تسفـر النيـران اسـودا والرجـال ناكـره لـى ادودا
محـمـد للـنـاس مــرورا نلـقـي جـنـه ونـشـم عـطـورا
صليـت علـى مـر العصـور عــدد الاحـيـاء والقـبـورا
عـدد الارض والصـخـورا والسـمـوات فــى فـطـورا |
بوركت بوركت يا مولانا
وشكرا على خالد الصحافة والابداع الروحي
| |
|
|
|
|
|
|
| |
الطيب شيقوق
ادريس خليفة علم الهدي
عبدالعزيز الفاضلابى
سيف الدولة كامل
ABDALLAH ABDALLAH
حذيفه ابراهيم الكباشي
الزاكى عبد الحميد
خالد العبيد
سيف عبد العزيز
عادل الباهي عبدالرازق
Abdlaziz Eisa
فيصل محمد خليل
طارق جبريل
Yasir Aloob
محمد المرتضى حامد
Ahmed al Qurashi
فيس بوك
تويتر
انستقرام
يوتيوب
بنتيريست