أكتب لمن تحب او من تعرفه او حتى من لا تعرفه من الشباب المعتقلين فى زنازين النظام داخل مبنى الامن الاجرامى فى الخرطوم. رسائل و نسات او خواطر او شئ، هدفنا ان نقول لاخواننا اننا معكم لحظة بلحظه و انتم لم تكونوا منسيين، و لكم علينا نفضل الخروج الباسل ضد عصابة الطغاه. أكتب لذكريات وسوف تبقى على مر العصور.
02-14-2011, 10:13 AM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
سلامات يا عبد الله عيدروس، ازيك ياخى نعلك طيب و شديد، أعلم انك مرهق الجسد الان و منهك جراء التعذيب و العنف، لكنى على ثقة ان روحك قوية. قليلة هى المرات التى تقابلنا فيها، لكننا نتعرف اكيد من خلال شبكة الاصدقاء المشتركين. جيت بيتكم فى عطبرة فى عرس العمدة عماد عيدروس، دى كانت اول زيارة لى لعطبرة رغم مرورى المتكرر بها مسافراً لاهل امى فى العبيدية و بربر. عرس عماد زيارة ببيتكم كانا فرصتى الاول لقضاء بعض الوقت فى المدينة ذات العمالية ذات الصيت النضالى الكبير. كانت زيارة لطيفة و استقبلنى فيها ال عيدروس بكرم و حفاوة عظيمة. بمشى و بيك اصبر على.
02-14-2011, 10:34 AM
abubakr salih abubakr salih
تاريخ التسجيل: 12-27-2007
مجموع المشاركات: 8834
ليكم كلكم أحبائي ألوصية أمانة ... قولو لي سجانكم هديتنا ليك في عيد الحب ... محاكمة عادلة في ظل قضاء نزيه ... و أمن يحمي المواطن ... و سلطة لا تخاف من الكلمات
شكرأ" ليك يا بكري
02-14-2011, 10:57 AM
aydaroos aydaroos
تاريخ التسجيل: 06-29-2005
مجموع المشاركات: 2965
مبروكـ يا شباب .. ومهما طال الاعتقال ح تكون تجربة مريرة تطلعوا منها بتيجة تفتح الطريق لي قدام!
قطر الحياة ماشي بسرعة تلاتة مليون .. بكره ح تكون التجربة دي كوولها عبارة عن ذكرى، فيا ريت لو توثّقوها عشان الجيل الجاي .. البقى ماشي من الابتدائي للجامعة طوالي دا!!!
02-14-2011, 10:59 AM
معاوية عبيد الصائم معاوية عبيد الصائم
تاريخ التسجيل: 06-09-2010
مجموع المشاركات: 22458
من ما شفتك انسجمت معاك وحسيت بانك صديقي ... قابلتك ايام الانتخابات وقد ساعدتموني انت واعضاء الحزب والصديق عادل كثيرا .. جيتكم زول دايس .. مرقت معلم وفي اجتماعات بورداب الخرطوم كنت اتخير الجلوس بجانبك
خفيف الظل .. عميق .. ونستو دقاقه
ما حا اقول ليك كفارة يا زول ده مصيرك وانت اخترتو بقناعة .. وعارف دربك الاخترتو ماشي على وين الزيك ما بقولوا ليه كفارة ... ولا بناشدوا الناس تصوت لخروجه من معتقل
عشان عارف .. خروجك من المعتقل لن يسعدك بل ما يسعدك .. هو زول هذه الطغمة الحاكمة
لذلك امنتى التي اتمناها لك
هي ان تزول هذه الطغمة الحاكمة
02-14-2011, 11:12 AM
عبد الناصر حسن أحمد عبد الناصر حسن أحمد
تاريخ التسجيل: 04-25-2010
مجموع المشاركات: 629
إزاي ترضيللي حبيبيتي اتمعشق في اسمك وانتي عماله تزيدي في حيرتي ومنتش حاسة بطيبتي إزاي مش لاقي في عشقك دافع ولا صدقي في حبك شافع إزاي أنا رافع راسك وانتي بتحني في راسي إزاي أنا أقدم شارع فيكي وأمالك من اللي ماليكي أنا طفل أتعلق بيكي في نفس السكة وتوهتيه أنا لو عاشقك متخير كان قلبي زمانه اتغير وحياتك لفضل أغير فيكي لحد مترضي عليا إزاي ترضيللي حبيبتي اتمعشق في اسمك وانتي عماله تزيدي في حيرتي ومانتش حاسة بطيبتي إزاي إزاي سايباني بضعفي طب ليه مش واقفة في صفي وأنا عشت حياتي بحالها علشان ملمحش في عينك خوف وفي بحرك ولا في برك إزاي أحميلك ضهرك وأنا ضهري في آخر الليل دايماً بيبات محني ومكشوف
02-14-2011, 12:00 PM
abubakr salih abubakr salih
تاريخ التسجيل: 12-27-2007
مجموع المشاركات: 8834
شكراً يا شباب ... سعدت بوجودكم و بهذا الدفء الانسانى الجميل، و سوف نعود لمواصلة عشرة الونسة مع الاصدقاء، حتى يعلموا انهم خارجوا من اجلنا و نحن ابقيناهم فى الخاطر حاضرين.
ما تهتم يا الزين بالحاصل واصل سعيك .. واصل واصل واصل سيرك كان ما كنت الزين ود حامد كان حا يكونك واحد غيرك في فضاء فالك يا إنسان نسمة تقولك في الإمكان أبدع واحسن من ما كان ياتو مطرتاً سوت شو فرقو غيما "الكيزان" ياتو رصاص ما عقبو خلاص ياتو سجن يا الزين ود حامد ياتو محن تمحى الإحساس لما يكون في الساس والرأس ياتو وطن يا الزين ود حامد ياتو زمن دام للأنجاس
**************
كل الناس يا الزين طيبين ينشدو منك في الأفراح وفي الأتراح .. الزين الزين ما تشغل بالك بس يا الزين كان درت مشورتي اصلو كتالك ياهو كتالك تجي مندلي الواطة تراها وبي جاي جاي .. بندبر حالك ما الحيكومة الضاقت دمك عينا محل قبلت قبالك
يا ثروت سوارالدهب يا زول يا عجيب توعدنا وتخلف بالجية ونضرب ليك تجينا البت ام صوت وتقول لينا عفوا هذا المشترك معتقل الان .. ...
كمبالي وعبدالله عيدروس ازييكم يا ناس يا مناضلة يا محترمة ,... متاكدة من حاجة واحدة انو انتو التلاتة (التالت ثروت ) لو معتقلين في نفس الحتة معناتها امريكا روسيا قد دنا عذابها...
بالله يا كمبالي توصل تحياتي للمعتقلين الباقين وخاصة اولادنا اللسة في السكة والجامعات مبسوطة منهم والله وقول ليهم ليكم شوقنا طول...... بالمناسبة يا عبدالله عيدروس قريبك الفي المنبر ده زول لغته جميلة ومحترمة واول مرة لقيتو كاتب افتكرتو انت وانبسطت قلت عيدروس مرق من المعتقل ... لكن باين العدارسة متشابهين ...ليك وليهو كل تحيات الصمود والنضال ....
وفي ختام جوابي بقول ليكم اني عارفة انو لا بترهبكم العساكر لا الدقينات المساخر ولا حتي الكلاب الامنجية ...كونو بخير وميعادنا بدري في وش الفجر ...
02-14-2011, 02:34 PM
ريهان الريح الشاذلي ريهان الريح الشاذلي
تاريخ التسجيل: 02-22-2005
مجموع المشاركات: 2178
يا محمد عادل ....المرة الفاتت شوفتك وانت طالع من اسرك كنت بتهتف والمشي غالبك من هول الركلات كبرت في نظري اضعاف ...ما خايفة عليك وانت جوة عارفاك عجيب ولا بتخاف ولا بتهادن ومعتقلاتهم بتجيبك اقوي واشرس فسجمهم ......
02-14-2011, 04:58 PM
abubakr salih abubakr salih
تاريخ التسجيل: 12-27-2007
مجموع المشاركات: 8834
الى صديقى كنن اصغر معتقل عمرا ولكن الان اصبحت كبير بتجاربك التى كانت مقاومة وجسارة خارج المعتفل والان اكتملت اللوحة بتجربة الاعتقال التى قوت عودك مبروك عليك مهر الوطنية الذى دفعته باكرا
كن قويا كما عوتنى دايما
02-14-2011, 07:46 PM
نجلاء سيد أحمد نجلاء سيد أحمد
تاريخ التسجيل: 02-10-2009
مجموع المشاركات: 9869
لم ولن ننساكم معكم بقلوبنا ودعواتنا انتم فخر لنا جميعا لكم التحية وانتم تتوجون في زنازين الغدر والظلم تتوجون ابطالا تدافعون عن الحرية والسلام من اجل وطن العزة والكرامة
الاخ المناضل ابو بكر صالح لك التحايا ممتده بطول النيل العظيم الخالد والشكر ليك مطبوق يا الديمه رافع رأسنا فوق ,,,,
02-15-2011, 00:25 AM
مها عبد الله مها عبد الله
تاريخ التسجيل: 07-13-2008
مجموع المشاركات: 2271
إلي محمد عادل الوطني الغيور ، رجل والرجال قليل . نفتقدك بالمنبر ونفتقد كتاباتك وروحك الطيبة نفتقد حتي مناكفاتك العفوية وطريقتك البسيطه في طرح أفكارك ، العميقه في معناها. قلوبنا معكم يا أبطال لقد قهرتم جلاديكم بصبركم وثباتكم ، سيأت يوم الخلاص ونرتمي جميعنا في حضن وطن حر
02-15-2011, 02:09 AM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
احييييي يا اولاد امي....احي يا وليداتي....اخ يا كبدي... شلتوكم الما بشبهوكم.....المساكين المغيبين بجهلهم؟؟؟ شلتوكم يا اغلى من في شعبنا؟؟!! ضربوا صوردكم المفعمه بالامل و المحبه لشعبكم؟؟؟ اوجعوا قلوبكم العامر بالحب....للبسطاء و المساكين؟؟؟ جرحوا اجسادكم الفتيه بسياطهم؟؟؟؟واصموا آذنكم بمسباتهم القذره؟؟؟ وانتم يا ملائكة الرحمه يا من لا تعرفون الا شرف الكلمه وافضل القيم؟ افعلوا كل هذا بكم؟؟!!
وكيف ننوم نحن؟؟ّّ وجراحكم نازفه لم تضمد؟! عظامكم موجوعه..... جلودكم مقرحه.... نفوسكم مجروحه....تتساؤلون ايعقل هؤلاء من بلادنا؟؟ ايعقل انهم اخوتنا بهذا الوطن؟؟؟ ايعقل اننا يمكن ان نكون هتفنا يوما لهلانا معا او فرحنا بفوز مريخنا معا؟؟!! اانتظرنا العيد معا وتطلعنا للحج معا؟؟؟ اغنيا نحن جند الله بطابور الصباح مع بعضهم ايعقل هذا؟؟؟
من اين آتو؟؟؟او كيف صاروا هكذا؟؟ لماذا توحشوا؟؟؟اي فكر مريضا حمولوا؟؟ اي انتماء تنظيمي جعلهم يلغي الآخر ويعتقده اقل وطنيه او اكثر عماله؟؟؟
عيدروس يا عظيم لم اعرفك ولكني زاملتك اخيك عبد الماجد كان رجلا كالنسمه طيبه وكالاسد صلابه!
محمد عادل اخي الاصغر ما اروعك كنت احبك في الله واحب تفانيك في وطنك وصلابتك واثق بانك لن تخرج الا اكثر صلابه. كم مازحناك وكم لفتنا بجديتك!! شكرا لانك علمتنا معنى الصدق.
لويس يامن لم اعرفه ولكن عرفت مواقفه احييييي يا بني فتك بك هؤلاء الجبناء؟؟؟ ايا اسد السودان؟؟؟ حدثني رفاق من كليات آخرى عنك وعن روعة الاستماع اليك في ركن النقاش وانت تتحدث عن الوحده! ايا كبدي عليك يا بني؟؟!! انت الآن فاقد للوعي وانا اواصل الصلوات لاجلك ان يقيمك الله لاهلك سالما!! قامتك الابنوسيه الفارعه ترقد لا حول لها ولا قوة وانت من كان يضج بالشباب جسدك؟؟!! ....لن اقول الكثير....فقط يا رب فرحنا بشفائه.
يا كل الشباب يا من عرفناكم ومن لم نعرفكم تأكدوا باننا نحملكم بقلبونا وصنلي لاجلكم ليل نهار.
وغدا اجمل.....سنحكي كما يحكي ثوار مصر اليوم بانه كان هنالك طاغيه...تمكنا من خلعه.
اينما كنتم وكيفما كنتم فانتم فى حدقات عيون الشعب ابناءا بررة وشموعا تضئ الطريق ومشعلا من اجل الحرية نطالب بإطلاق سراحكم فورا . فطوبى لكم يا ابناء شعبى المجيد
سمعنا يا ليل السجون نحن بنحب شاي الصباح والمغربيه مع الولاد والزوجه والأم الحنون ...والأصدقاء والى اللقاء واللمه عند الأمسيات والتكيه جنب الإغنيات والمشيه في السوق الكبير بنحب كده، ونعشق تمام إلا بنكون قدر الثبات ضد التسلح والجنون جنباً الى جنب التماسك والحنين افتح زنازينك أهو بنفتح صدوراً ما بتكوس الرحمة تب ما فينا عرقاً فيه سوس بل فينا عرقاً من جذور الشعب عشقاً لا يضام
______________________________ في عيد الحب ... حبا" لسجانك ... لا تهتف له الا بمحاكمة عادلة __________________________________________________________________--
يحتفلون بيوم الحب والكل اضاع ميقات الفجر احبو الكره اقتسمو الكذب والشرفاء صيام عنهم ......يتناجون بئر الظلم اخرجنا او لاتخرج سنضئ في الحالين ______________________________________________ لسع في إنتظارك .. _______________________________________
بلاد أنجبتني وقالت غريب!!!
بلاد أنجبتني عطشت و سقتني ......رحت و لقتني فكيف علقتني بذاك الصليب ________________________________ ابوبكر نحن كل يوم بنتونس مع عيدروس هناك ..حننقل جزء من ونستنا هنا
ياعيدروس ....اخر مرة كان بينا نقاش عفوى وبسيط ومن غير اى تعقيد كنا بنحكى ببساطة عن مشاكلنا واكتشفت اننا بنتكلم بنفس اللغة البسيطة .. .,, ماتنسى العزومة ياخ المرة الاولى قلت لى انك لسة فى عطبرة وموضوع الشغل جر جر وكدا . المرة التانية صاحبنا عمل رايح وقال هو فى مدنى عندو ورشة .. اها العزومة متين ...?
محمد عادل .....عند معاك ونسة فى موضوع الكورة .. اسى مشغولة شديد .. لانى عارفاك انا اهرج واكورك ودا شنو يامحمد عادل والقال ليك منو لعيبة المريخ كدا .. وبعد ما املا البوست جوطة تجينى تقول ببساطة شكرا الحبيبة اميرة على المرور؟؟ ولا اعرف ازعل ولا اعرف احرد ...
ما قاعد يجيبهم ليكم جرايد كورة فى المعتقل ?
02-15-2011, 01:37 PM
abubakr salih abubakr salih
تاريخ التسجيل: 12-27-2007
مجموع المشاركات: 8834
عزيزى لويس، السلام و التحية أما بعد امس وعدت ان ارجع فى عشرة ونسة معاك و اخذتني بعض المشاغل اثناء النهار و فى المساء جئت للمنبر وجدت اختى و اختك تراجى مصطفى جذعة على صحتك بسبب اخبار تسرّبت عن اصابتك فى الدماغ، انقبض قلبى بشدة و اخترق الخوف عظامي. اٍتصلت بالسودان و فتشت ان اخبار من لم يطمننئ أحد، بل زاد خوفى عليك و انت ترقد فى غيبوبة طويلة بمستشفى الامل كما علمت. أى امل هذا فالمستشفى الكائن ببحرى حى كوبر أعرف هذا المكان جيداً فقد زرته فى يوم كريه، يخدم به مجموعة من الاطباء الساقطين المتعاوينين مع جهاز الامن، حيث يعذب الامن الشرفاء من الرجال و يعملون هم فى تواطوء على معالجة ضحايا الاجرام الحكومى النظام، هذا فى بعض الاحيان و فى احيان اخر يرمى الامن بضحاياه كيفما اتفق.
02-15-2011, 02:03 PM
Rabab Elkarib Rabab Elkarib
تاريخ التسجيل: 10-15-2002
مجموع المشاركات: 1406
ليكم ولي الطيبين السهرانين راجين راجعتكم البي ينومو أو ما ينومو عشان ما تفوتم شوفة عينكم يا ساجنين سجانكم يا زرازير وطني الغبشاء يا صبيان و بنات بالجد يا قمري الوطن المسجون ورجع سجيعكم حـــــــــــــــــــريـــــــــــــــــه
رسالتي لهم ... أنتم أبطال اليوم و زعماء الغد ,, ليت الذين يسمونكم العذاب يدركون ذلك .. فلزمان أحوال لا يعرفها سوى من عرفها .. ! وسيعلم جلاديكم أية منقلب سينقلبون ..!
02-20-2011, 07:43 AM
aydaroos aydaroos
تاريخ التسجيل: 06-29-2005
مجموع المشاركات: 2965
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
abubakr salih
وليد محمد المبارك
aydaroos
محمد عبد الماجد الصايم
عبد الناصر حسن أحمد
شهاب الفاتح عثمان
الطيب عثمان يوسف
رشا سالم
ريهان الريح الشاذلي
نجلاء سيد أحمد
عاطف مكاوى
سيف الدين عوض
Imad Khalifa
عمر عبد الله فضل المولى
ابراهيم قناوي
Mustafa Mahmoud
Yassir Tayfour
اسماء الجنيد
مها عبد الله
Tragie Mustafa
ضياء الدين ميرغني
مرتضى احمد عبد القادر
Rabab Elkarib
فيس بوك
تويتر
انستقرام
يوتيوب
بنتيريست