|
|
 علاء الدين يوسف ... ها أنت تضطرّنى لأن احترمك ...
|
أذكر لك خيطاً للإستقبال الحافل لأهلنا المكاشفية للرئيس عمر البشير ...
وأذكر أن لى مداخلة فى ذلك الخيط ... عن إكرام أهلنا الصوفية لكل من يطرق بابهم (حتى لو كان حرامى ساكّاهو كلاب الحلّة) ...
ما لم أتوقعه ... هو سحب الخيط ....
إنه تهذيبٌ جم ... ينم عن كنهك كتـ "تركة صلاّح" ... وهى الحقيقة التى فاجأتنى ..
فقد كنت أتوقع هتافية لصالح "المؤتمر الوطنى" ... فإذا بى إفاجأ ... بى ود الحلّة الحبابو عشرة ... من فرط التهذيب ....
فلك منّى ألف تحية ... لبشيرك التوفيق ...
... المهم ....
|
|
  
|
|
|
|
|
|
|
|
Re: علاء الدين يوسف ... ها أنت تضطرّنى لأن احترمك ... (Re: تبارك شيخ الدين جبريل)
|
فوقوفك مع الإرث الصوفى ...
رغم حرج الموقف السياسى للرئيس البشير ...
يقول الكثير عمّن يقفون خلف البشير ...
ويقول الكثير عنه .... فقد علمت أن الرجل حافظ ... وعن شيوخ أماجد ... اكرمنى الشيخ حسن بن الشيخ محمد طاهر ... فى الكتير ... بمعيته فى نوفمبر المنصرم ...
فعلمت بعدها .. أن هذا البشير تلميذهم .. فأهلاً بالقوم .. لا يشقى جليسهم ...
... المهم ....
| |
|
|
|
|
|
|
|
|
|
Re: علاء الدين يوسف ... ها أنت تضطرّنى لأن احترمك ... (Re: المكاشفي الخضر الطاهر)
|
Quote: تبارك
سلام
وتهانينا بذكرى مولد الحبيب المصطفى
تبارك في زول جاب ليهو لدايات
وختا ليهو موية في اللدايات وكبا فيها حب شاي
وبعد داك ولع النار تحت الحطب الجابو من القشقش بتاع غابة الضو ابو جيبين
اها نسى الشاي في النار لغاية مالموية حست بالله ياتبارك رايك في زولنا دا شنو
تبارك اسعد الله اوقاتكم بكل الخير
|
من يتصوف باسم المكاشفى..بلا اخطاء
| |
|
|
|
|
|
|
|
|
|
Re: علاء الدين يوسف ... ها أنت تضطرّنى لأن احترمك ... (Re: Mohamed Yassin Khalifa)
|
بمناسبة السرقة واللصوص واستخلاص الدروس حتى من اللصوص
روى بعض الاكرمين قُبض على لص قد سرق حملا سمينا واُتي به الي العبيد ودرية
فسأل اللص:
ود بدر: سرقتا شنو؟
اللص: حمل يا مولانا
ودبدر: سرقتو متين؟
اللص : بالليل يا مولانا
ود بدر: ضبحتو متين
اللص: بالليل يامولانا
ودبدر: سلختو متين؟
اللص : في ليلي داك يا مولانا
ود بدر: نجضتو متين؟
اللص: في ليلي داك يا مولانا
ودبدر: اكلتو متين؟
اللص: في ليلي داك يا مولانا
ود بدر: امانه يا الليل فيك عــجايب
.....
| |
|
|
|
|
|
|
|
|
|
Re: علاء الدين يوسف ... ها أنت تضطرّنى لأن احترمك ... (Re: علاء الدين يوسف علي محمد)
|
.
تبارك زي واحد صاحبنا ..
أكل كيلو موز ومشى "للقعدة" مع الشباب،
الجماعة "يلحسو" ويغنو طربانين ألف
أخونا كأن بيشرب في لبن كاني
وشابكهم ليك يا جماعة "الشغلة" جبتوها من وين؟ أنا للآن لا حس لاخبر؟!
صاحبنا يكتح .. ويكتح برضو لا حس لاخبر برضو!
في آخر "القعدة" شكلو "البتاع" فتح ليهو سرسار في جدار الموز العازل
وشووووووووو أخينا راح في غيبوبة لا تدركها سرعة الضو
ولا غيبوبة تبارك ولاسكرته المحضوره هذه
تحياتي لعلاء الذي جعل هذه "القعدة" ممكنة
.
| |
|
|
|
|
|
|
|
|
|
Re: علاء الدين يوسف ... ها أنت تضطرّنى لأن احترمك ... (Re: المكاشفي الخضر الطاهر)
|
بما اننى صاحب اول مداخله وتساؤل عن حالته بالسؤال المشفر جاز ولا بنزين( يمكن شرحه لمن يريد على الماسنجر)
من هذا الرد
Quote:
هى الخمر - يا محمد زكريا - وإعمالها بالعقل ...
والفاكهة ... وإعمالها بالروح ....
|
الصاحب ده برىء ياجماعه
انه يعنى ريحه الخمره والدلكه والكباريت
اما الفاكهه فهى النظر الى العازه ومقارنتها بالحور العين
فتأملوا فى صوفيه الدرويش حين يشرف من كاس معتق
المهم
| |
|
|
|
|
|
|
|
|
|
Re: علاء الدين يوسف ... ها أنت تضطرّنى لأن احترمك ... (Re: محمد زكريا)
|
| Quote: ود بدر: امانه يا الليل فيك عــجايب |
حكيم يا ود بدر سرقة بلد .. مثلآ
Quote: الواحد نفسو يحبسوهو
في قبو زي دا تلاتة يوم .. يا غِمر يا الدودة غِمرت!! |
و الدودة عويرة عشان تتحبس معاك براها تلاتة يوم
اتجدع ... تبارك قنطرا ليك في باغتك
الفاروق:
| Quote: قال ليهو : السكر ده توفيق .. |
لو بتخاف مالك حاكى النكته
قال ليهو : السكر ده توفيق من الله
| Quote: يكون برضو غِمر ولا بكري غّمرو رجالة ساي |
غمرو الرش ... البجيك شارب روب لاقيهو ضارب بول أسد
بكرى بوظ لينا الكاسات ... كنق مجلى
قالو أيام نميري قبل الشريعة طلعت مظاهرات , عمك الأنصارى مولانا قاطع البوليس عصرو في ملف و ما لقا قدامو الا بار راح منقطع و قال للبار تندر:
أدينا واحد خمره!!!
| |
|
|
|
|
|
|
|
|
|
Re: علاء الدين يوسف ... ها أنت تضطرّنى لأن احترمك ... (Re: اساسي)
|
عموماً البورد دا أصلاً رايحة ليهو "جيركانة" بتاعة "ريدلايبل" ... اللهم احفظنا (فى قبو ود الصايم) ...
[بالمناسبة: فى دين أبى حنيفة النعمان - اللهم ثبّت الإيمان فى قلوبنا - حرّم الخمر (والعياذ بالله) وأحلّ النبيذ Wine (ولا حول ولا قوّة إلاّ بالله)]
والله حضّنا على اجتنابها ... لا أحلّها ولا حرّمها ... وحضّنا على اجتناب كثيرٍ من الظن ... لا أحلّه ولا حرّمه ...
الناس القايلينى كتبت البوست دا وانا سكران ... اقول ليهم: كلٌّ يغنّي على ليلاه ...
... المهم ....
| |
|
|
|
|
|
|
|
|
|
Re: علاء الدين يوسف ... ها أنت تضطرّنى لأن احترمك ... (Re: تبارك شيخ الدين جبريل)
|
Quote: بالمناسبة: فى دين أبى حنيفة النعمان - اللهم ثبّت الإيمان فى قلوبنا - حرّم الخمر (والعياذ بالله) وأحلّ النبيذ Wine (ولا حول ولا قوّة إلاّ بالله)]
والله حضّنا على اجتنابها ... لا أحلّها ولا حرّمها ... وحضّنا على اجتناب كثيرٍ من الظن ... لا أحلّه ولا حرّمه ...
الناس القايلينى كتبت البوست دا وانا سكران ... اقول ليهم: كلٌّ يغنّي على ليلاه ...
|
شكراً يا تبارك على الرد
وأعتقد أن الشربوت أيضاً wine أو من نفس العائلة
مع تحياتي
عاصم فقيري
| |
|
|
|
|
|
|
| |
تبارك شيخ الدين جبريل
محمد زكريا
المكاشفي الخضر الطاهر
معاوية عبيد الصائم
Mohamed Yassin Khalifa
حذيفه ابراهيم الكباشي
احمد محمد بشير
Afraa Sanad
محمد عبد الماجد الصايم
اساسي
Asim Fageary
ناذر محمد الخليفة
عمر الفاروق
فيصل نوبي
Zomrawi Alweli
وليد عبد اللطيف
haroon diyab
waleed dawash
الخير محمد عوض
صديق الموج
saif massad ali
طارق جبريل
حمد عبد الغفار عمر
Inaam Saad
mohamed hussein
Hassan Makkawi
فيس بوك
تويتر
انستقرام
يوتيوب
بنتيريست