|
|
 مالكم ومال مصر ياخ ..
|
الشعب المصري قام
الشعب المصري قعد
الثورة المصرية انطلقت
الثورة المصرية قعدت
حسني مبارك هرب
حسني مبارك أكل
......
........
......
مصريون أكتر من الفراعنة واللا كيف يعني ؟
يتبع ..
|
|
 
|
|
|
|
|
|
|
|
Re: مالكم ومال مصر ياخ .. (Re: طلحة عبدالله)
|
أوليس هم من سخروا من أشكالنا والواننا في المجالس ؟
أولم يشيعوا بين الناس اننا شعب كسول حتى صدق الفرية
العرب والعجم ؟
ألا يتندرون علينا في حكاويهم وأفلامهم ومسلسلاتهم ونوادرهم
ألم يفتروا علينا بالكذب والإفك إبان مباراتهم الفاصلة
في الخرطوم مع الجزائر ؟
ألم يصورونا على أننا جنس ردي يفكر بعقليات القرون
الوسطي ولا يستطيع حتى ان ينظم حفلة عيد ميلاد ناهيك
عن مباراة في كرة القدم ؟
ألا يجاهرون باعتقادهم أننا شعب من الدرجة الدنيا لا يصلح
إلا لحراسة أبواب العمارات والبنايات ؟
طلحة عبدالله يحييكم من قناة المشاتر
يتبع ...
| |
|
|
|
|
|
|
|
|
|
Re: مالكم ومال مصر ياخ .. (Re: طلحة عبدالله)
|
Quote: حتى المدعو جرجير الملقب بود البشري
أدلي بدلوه |
هوووي طلحة هوووي
بالله انقرع...!!!
فود البشري ده منصة تحليلية متحركة وجيوبلوتك تحليلي اسفيري متحرك
فياااخ بطل الحركات بتاعة الصهاينة دي وخلي الراجل يمتع الجماهير كما متعها الديبة ذات يوم
| |
|
|
|
|
|
|
|
|
Re: مالكم ومال مصر ياخ .. (Re: khaleel)
|
يا تنظير وجرجير
في البدء..صادق التعازي لشهداؤهم الابرار..فلا يجب أن يموت الانسان مهما كان لأجل اعتراضه للحكومة
ولكن
لتعيش مصر يجب أن نغرق ويجب أن ننسي حلايب و شهداؤنا هناك..فليس هنالك شهيد أعز من الآخر
لا تعنيني في الثورات غير عدالة يسعي اليها الثوار..ان كنتم ثوارا وعادلين لا تقربوا اراضينا ولا تحرمونا مياه الزراعة
غدا تعودون بعد تغيير دفة الحكم الي أن المياه أمن قومي..وغدا تنظرون الينا كأننا زريبة خلف منازلكم
لا حياة لمصر حتي لو انتفضت أو ثارت لجوعها..غير أرض السودان،فشرقها إسرائيل وغربها العقيد القذافي وشمالها البحر الابيض المتوسط
أما جنوبها فقدره المحتوم سيحكي كيف أن مصر ستدخل الارض السودانية ..كيلومتر ثم كيلومتر نحو الاراضي السودانية.
أي قدر سيء جعلنا نجاورهم..نحتمل إنفجارهم السكاني وضيق أرضهم..أي قدر جعلنا نحتمل حلولهم القادمة..لتكن مشكلة كبيرة لنا
لكي أتعاطف يوما مع مصر وشعبها يجب أن يعلنوا وبكامل الشفافية عن أطماعهم في ارضنا..أن ينفذوا بنود اتفاقية السد العالي..أن يجلسوا بشكل واضح في مسألة حصة مياه النيل..أن يتعاملوا مع السودان ندا بند..
أن يموت 300 شخص من 90 مليون لا يعني شيء من نسبة السكان فلكل ثورة شهداؤها..ولا ثورة بلا شهداء....وبدون ثورة فقدنا 3ملايين من اربعين مليون..فأولي ثم أولي للدموع أن تذرف في شهداء شعبي علي ناصية البلاد الاربعة أولا ومن ثم أولوية تعاطف قد تأتيكم..ولكن دعوني أبكي حال وطني الآن...فالأقربون أولي بالمعروف..
_
كيكي ..دوّر عنوان البوست كما يجب ولا تأخذنك رأفة بجرجير
| |
|
|
|
|
|
|
|
|
|
Re: مالكم ومال مصر ياخ .. (Re: GamarBoBa)
|
Quote: في البدء..صادق التعازي لشهداؤهم الابرار..فلا يجب أن يموت الانسان مهما كان لأجل اعتراضه للحكومة
ولكن
لتعيش مصر يجب أن نغرق ويجب أن ننسي حلايب و شهداؤنا هناك..فليس هنالك شهيد أعز من الآخر
لا تعنيني في الثورات غير عدالة يسعي اليها الثوار..ان كنتم ثوارا وعادلين لا تقربوا اراضينا ولا تحرمونا مياه الزراعة
غدا تعودون بعد تغيير دفة الحكم الي أن المياه أمن قومي..وغدا تنظرون الينا كأننا زريبة خلف منازلكم
لا حياة لمصر حتي لو انتفضت أو ثارت لجوعها..غير أرض السودان،فشرقها إسرائيل وغربها العقيد القذافي وشمالها البحر الابيض المتوسط
أما جنوبها فقدره المحتوم سيحكي كيف أن مصر ستدخل الارض السودانية ..كيلومتر ثم كيلومتر نحو الاراضي السودانية.
أي قدر سيء جعلنا نجاورهم..نحتمل إنفجارهم السكاني وضيق أرضهم..أي قدر جعلنا نحتمل حلولهم القادمة..لتكن مشكلة كبيرة لنا
لكي أتعاطف يوما مع مصر وشعبها يجب أن يعلنوا وبكامل الشفافية عن أطماعهم في ارضنا..أن ينفذوا بنود اتفاقية السد العالي..أن يجلسوا بشكل واضح في مسألة حصة مياه النيل..أن يتعاملوا مع السودان ندا بند..
أن يموت 300 شخص من 90 مليون لا يعني شيء من نسبة السكان فلكل ثورة شهداؤها..ولا ثورة بلا شهداء....وبدون ثورة فقدنا 3ملايين من اربعين مليون..فأولي ثم أولي للدموع أن تذرف في شهداء شعبي علي ناصية البلاد الاربعة أولا ومن ثم أولوية تعاطف قد تأتيكم..ولكن دعوني أبكي حال وطني الآن...فالأقربون أولي بالمعروف..
|
يا بوبا الناس ديل الكزم وصحيهم ياخ
الناس دي متاجين لزي كلامك دا ..
وشكرا .
| |
|
|
|
|
|
|
|
|
|
Re: مالكم ومال مصر ياخ .. (Re: عبدالكريم الامين احمد)
|
هلا بوحش الأسافير كيكي فود (البشري) دا هين ومعروف هنا بأنو زول
هزلي ساي يكورك مع المكوركين ومافي زول قاعد ياخد
أو يواخذو على كلامو ..
لكن الكلام في المالين لينا المنبر تنظير وتحليل
في ثورة شعب ما معترف بيهم ذاتو ديل ..
وياريت والله لو بقولوا الفيها القيمة .
كلو تنظير وإدعاء ونقل شمارات طلعت تلاتة أرباعا كضب ساي .
| |
|
|
|
|
|
|
|
|
|
Re: مالكم ومال مصر ياخ .. (Re: طلحة عبدالله)
|
هلا يا أبو الخل
ياخ دي عدم شغلة قاتلة ببشاعة
هسع عليك الله لو بكرة المتظاهرين ديل
مشوا بيوتكم وطلعوا تاني يوم يهتفوا بحياة
حسني مبارك، الجماعة القاعدين يكوركوا معاهم هنا
ديل يمشوا وين ؟
| |
|
|
|
|
|
|
|
|
|
Re: مالكم ومال مصر ياخ .. (Re: طلحة عبدالله)
|
Quote: يا بوبا الناس ديل الكزم وصحيهم ياخ
الناس دي متاجين لزي كلامك دا ..
|
يا طلحة الكز شنو ياخ؟؟
الناس دي مخلوعة ساي
في المخلوع لوجاهة وائل غنيم..
في المخلوع للجموع الكبيرة ...ياخي ما يفهموا انو مصر فيها تسعين مليون الناس دي لو نزلت الشارع بحصل شنو يعني
وبعدين ياخي وائل غنيم معتقل 12 يوم وحسب افادته عينيه معصوبة والقروب بتاع خالد سعيد كان مدوره أردني حسب ما قريت في القروب وناس طالبت برحيله ويجيبوا الاردني ده...هل ده شعب طلع لثورة؟؟بدون لف ودوران الناس دي لو ما جاعت ما كانت مرقت..من 2009 القروب موجود والظروف الاتوفرت للثورة دي حاجتين بس...تجربة تونس وجوع بطنهم..ما يفكوها فينا ساي
بكرة بعده يمش مبارك ولا يقعد يعاملومنا زي الجزمة ويتكلمو ويتفشخروا بثورتهم دي تاني 80 سنة ونحن نسمع من سكات
ياخي في تعذيب لينا اكتر من كدة؟؟
_
افترضنا الحكومة اتقلبت في مصر يا وقلبها وائل غنيم ده ذاتو...يعني شنو..أنا مصلحتي شنو مثلا؟؟غير شكل الثورة الممكن يطّلع عليه الاجيال مافي شي وده شافوه الشباب في تونس...وفي تونس ذاتا كانوا في مدونين ليهم سنين..ما عملوا حاجة..في زول حرق نفسه عديل حتي الشعب مرق لأنو استفزوه بالجد
وشعبنا عشان يمرق لازم تتوفر ظروف موضوعية زي ديك ليس الا..قد تحدث اليوم أو غدا أو بعد ستة شهور أو 60 سنة لا احد يجزم بذلك...فلذلك السياسيين ما يحلموا كتير لانو الشعب نايم عديل وهم ما ح يغيروا ولا عندهم القدرة...بس الشعب يصحي
خلاصته:ما تقدونا بثورة مصر ولا غيرها...علينا بالحاصل علينا
| |
|
|
|
|
|
|
|
|
|
Re: مالكم ومال مصر ياخ .. (Re: GamarBoBa)
|
مصر ملهمة شعوب المنطقة
واولهم نحنا
مصر الشعب
نعم حديثك فيه بعض من الصح
يجب ان ننظر للجزء الاكبر المليئ من الكوب
مصر كانت فى عهد الدكتاتوريات مغيبة
يطفو على سطحها زبدها والاصل النقى وهو الاكثرية مترسبة فى القاع نتيجة للكبت والظلم
حتى اعلام الدكتاتورية الاعوج ولد مثل عمر اديب الذى اساء واستضاف من يسيئ للسودانيين
وهذا قد تم طرده من ميدان التحرير فى اكبر فضيحة نازلة فى الفيدو
=======
الديمقراطية تعمل على توعية الشعوب وعدم احتقار الاخرين
من مصلحتنا ان تتمتع مصر بالديمقراطية لانها ستجعل العقول والحكمة فى المقدمة
والقوقائية والاستهبال والنصب والفساد فى المؤخرة
الشعب المصرى لا يعرف كلمة عبد فى ثقافته الشعبية
عكسنا تماما
حيث قمنا بتصنيف الناس
هذا فرخ
وهذا عبد دناقلة وعب شوايقة وعب محس .......الخ
نعيب جيراننا والعيب فينا
======
هذه الثورة تكفى مصر فخرا
يجب ان نتعلم منها
مصر اصبحت القيادة والريادة ابينا ام رضينا
كفاية حسادة
| |
|
|
|
|
|
|
|
|
|
Re: مالكم ومال مصر ياخ .. (Re: محمد النيل)
|
وبصراحة العالم دي انا ما بستبعد منهم أية حاجة
عادى جدا بكرة يقلبوها إحتفائية بحسني مبارك
ويقنعوا الناس أنو ميدان التحرير والجوطة دي
كلها كانت الكاميرا الخفية .
_________________________
لا يا أخ طلحة ... ديل مش من الصنف دا .. يبدو لي أنك لم تزر مصر لفترة طويلة ...
هذا هو الطوفان ... أصحى ..
تحيات أخوك ودهارون
| |
|
|
|
|
|
|
|
|
|
Re: مالكم ومال مصر ياخ .. (Re: GamarBoBa)
|
طلحه سلامات ..
وكيف الحال والاحوال ..
الحاصل فى مصر ده مستقطب اهتمام العالم كلو ..
المشكله شنو انو نهتم بيهو !..
فى مظاهرات تأييد للثوره المصريه طلعت فى اسيا وامريكا واوروبا ..
المنطق بتاع "شهرا ما عندنا فيهو نفقه ما نعدو" ده منطق غلط شديد ..
وبعدين هو ذاتو فيهو نفقه كبيره جدا وليت قومى يعلمون ..
تحياتى ..
| |
|
|
|
|
|
|
|
|
|
Re: مالكم ومال مصر ياخ .. (Re: jini)
|
Quote: الحاصل فى مصر ده مستقطب اهتمام العالم كلو ..
المشكله شنو انو نهتم بيهو !..
فى مظاهرات تأييد للثوره المصريه طلعت فى اسيا وامريكا واوروبا ..
المنطق بتاع "شهرا ما عندنا فيهو نفقه ما نعدو" ده منطق غلط شديد ..
وبعدين هو ذاتو فيهو نفقه كبيره جدا وليت قومى يعلمون |
يا ريت يا دكتور..
نحن العالم ما شغال بينا
حتي لو عملت ثورة وقلبت البلد صومال عدييل المجتمع الدولي ما ح ينصف ثورتك..لا الجزيرة ولا العربية ولا البي بي سي حينقلوا اخبارك
الكيزان عارفين كدة وعشان كدة بعتقلوا وبقتلوا وبعملو اي حاجة...بغرقوا وبهددوا وبقلوا أدبهم زي ما عايزين
ثورة مصر دي العالم كلو مهتم بيه لإنو هم عايزين التغيير..وتغييرهم حتفهمو ذات يوم
ثم مسألة شهرا ما عندنا فيه نقة انا مقتنع بيه..مصر يا دوك العملته فينا الكيزان ما عملوها فينا..
مسألة انو مصر قلبت حكومتها فده شأن داخلي بخصها ونتمني ليهم التوفيق..لكن مهددات مصر بالنسبة لينا في شمال السودان اتحدي أي حزب يناقشه معانا بوضوح غير الحزب اللبرالي مافي.
مصر تتغير لروحها...تفرحوا لمشاهد الثورة..تتكيفوا للحاصل..كله تمام..لكن ما بغير من واقعنا أي حاجة
الحال سيبقي كما هو عليه يا دكتور...حالنا ما بنعدل بثورة مصر دي...هكذا اعتقد..كتيرة علي؟؟؟
_
مصر شنو كمان يادكتور..مش شعبها البسخروا لي لونا ولغتنا..والبحتلوا حلايب والبمسكوا ملفات عشان يركعوا السودان؟؟هي مصر دي وين؟؟انا افتكرتها دولة عادلة تجاه ناسها وتجاه جيرانا..
يحرروا بطريقتهم يقلبوا مبروك عليه...هل ده بغير في واقعنا حاجة؟؟وهل مصر مستعدة تقيف معانا في حاجة بدل تشيل مننا؟؟ياخي ديل جغرافية ما بعرفوا وقايلين السودان الانفصل جنوبه ده ساكنين فيه قرود ..بلا وائل غنيم بلا ثورة ما بتهمنا
| |
|
|
|
|
|
|
|
|
|
Re: مالكم ومال مصر ياخ .. (Re: طلحة عبدالله)
|
الاخ محمد المشرف
تحياتي يا زول
كونه أحداث مصر تستقطب العالم فدا ما مبرر لتسقطب إهتمامنا كسودانيين
الفيهم تكفيهم ويصدروا منها للعالم دا ذاتو ..
كما أن السير وراء صوت حوافر العالم في مثل هذه الحالة دون تبين وجهته
ربما قادنا لمزالق خطيرة خاصة وأن هذا العالم لا يهتم بك بل وتجاهلك وانت
تمر بأحلك ظروفك وأظلم تاريخك وجزء عزيز من بلدك ينفصل عن باقي جسمه، حتي
المصريين الذين تشغلك ثورتهم الآن إكتفوا بسياق الخبر في حينه وإلتفتوا
بعد ذلك إلى مشاغلهم ومشاكلهم وحيواتهم فلا يهمهم ان ينفصل السودان أو
حتى يتقطع إلى أجزاء صغيرة، بل هم أصلا كما اعتقد لا يعترفون بهذا السودان
كبلد يجب أن ينال إهتمامهم ناهيك عن أن يمنحوه قليلا من وقتهم .
مشكلة كبيرة والله أن تذاكر لجارك وتهمل مذاكرتك في حين أن إمتحانك أصعب
وأخطر ..
لابأس من التعليق مرة ومرتين وتلات على أحداث مصر ولكن أن تكون الشغل
الشغل لنا فهذا ما لا أفهمه .
| |
|
|
|
|
|
|
|
|
|
Re: مالكم ومال مصر ياخ .. (Re: طلحة عبدالله)
|
قمر بوبا..
سلامات آ زول وكيف الحال ..
( ياخى بعد ما انتهيت من الرد ادناه .. لقيت نفسي اتونست معاك كثير
غايتو استحمل )
تعرف ..
يوم ما المصريين طلعوا مظاهراتهم دى .. الاعلام العالمى بصوره عامه والعربي تحديدا .. ما عندو سيره الا مصر والمصريين.. فى الوكت داك, كان المحور الاعلامى كلو مركز فى السودان لمراقبة الاستفتاء .. شكلهم الجماعه لقطو العده وكلهم مشو مصر ..
فى نقطتين هنا ..
1- قيمة الحدث .. ثوره كبري قايمه واستفتاء محسوم وفى نهاياته
2- قيمة الدوله اقليميا وعالميا ..
تعرف يا قمر .. خسارة جنوب السودان دى خساره كبيره جدا.. فقد السودان جزو كبير جدا من بعدو الاستراتيجى .. ولكن وقبل كده, مصر بتلعب دور اكبر من السودان عربيا وشرق اوسطيا واسلاميا وعالميا .. والشرق الاوسط هو اكثر المناطق سخونه فى العالم .. وعربيا واسلاميا مصر اكبر دوله مؤثره على مستوى العالم .. يعنى الحركه الاسلاميه ان كان لها ان تتمنى دوله واحده .. حتكون مصر
العلاقات البينيه بيناتنا.. ما معزوله من التاثير الثقافى والحضاري واتجاهو من الشمال للجنوب, ونحن ذاتنا تاخرنا كثيرا فى مسيرة التقدم والحضاره .. كان ممكن ننجز الكثير من 56 لحدى هسع .. كان ممكن جدا نكون قريب من امكانات البلد الحقيقيه .. مساحه وانسان .. واهو هسع بنفقد فى المساحه .. وبنفقد فى الانسان ..
مسأله الاستعلاء دى محيره شويه بالنسبه لى .. انا عشت فى مصر , وعشت فى الخليج , اكتشفت انو الشخصيه المصريه الحقيقيه .. طلع منها شوية قشور .. شخصيه "غلبانه" جدا .. وبتتحرك نحو الاخر من دافع "الغلب" ده .. احنا كسودانيين ابدا ما بنتحرك نحو الاخر بمنطلق زى ده .. وده امكن لى خلفيات المجتمع القبلى بتاعتنا .. تعرف مصر دى لو فيها 90 مليون .. 89 مليون من النوع البحكى ليك عنو .. وعدد واحد مليون هو البمثل مصر القبيحه .. مصر الرسميه والقبيحه جدا بتاعت عمرو اديب والاجواء دى ..
تجربتى الشخصيه تخصنى بالتأكيد ولكن .. فى الخليج ده عرفت انو فى المحيط العربي المتسلبطين فيهو ده .. لا يوجد شعب مدخلو ليك كسودانى يخلو تماما من العنصريه الا المصريين ..
زمان الباشوات ديلاك الواحد بكون عندو طباخ سودانى وعشرين فلاح مصري وزوجاتم شغالين معاهو .. اها العشرين فلاح ديل .. ياهم الشعب المصري يا قمر ..
الشعب المصري ده يا قمر شعب اصيل جدا, وغلبان جدا, وكادح جدا , وفلاح جدا .. ولمن حكموا هم اول مره .. اخدنا استقلالنا بسهوله شديده جدا لانو ما عندهم مطامع تجاهنا ..واصلا كانوا مستعمرين زينا .. ولمن يحكموا تانى .. لو الثوره دى مشت صاح .. فى تفاصيل علاقات جديده ممكن تكون ..
| |
|
|
|
|
|
|
|
|
|
Re: مالكم ومال مصر ياخ .. (Re: محمد حيدر المشرف)
|
الاخ العزيز طلحه ..
ياخى كلامك مقدر جدا, واحتمال كبير يكون اصح من كلامى ..
ولكن وعموما انشغالى بالاحداث فى مصر .. لا يتعارض مع اهتمامى بالهم الاساسي ..
او هكذا أظن يا عزيزي ..
تحياتى ..
| |
|
|
|
|
|
|
|
|
|
Re: مالكم ومال مصر ياخ .. (Re: محمد البشرى الخضر)
|
يا دكتور المشرف
أنا ما عندي مشكلة مع شعب مصر اطلاقا
ربنا يسعدهم ..ويديهم الفي مرادهم..حسني مبارك وإتنحي.
يلة أنا مشكلتي مع سياسة حكومة مصر تجاه السودان..تتعاطفوا مع الشعب بقول ليكم انا ذاتي متعاطف ومع خياراتهم..بس ما تنسوا انو مصر الحكومية محتلة جزء من البلد وبحاولو يغرقوا في تلت البلد الباقية
مصر تتقلب يحكمها حزب وطني ولا إخوان مسلمين ولا أباليس ولا غيرهم أولويتي هنا ده كمواطن سوداني إنو أسلم من شرهم ليس الا...التعاطف ده للشعب موجود وألف مبروك..السؤال من يغير نظرة مصر الحكومة والشعب إننا زريبة خلفية لهم يضبحوا من خرفانه كما يريدون ....ده السؤال
تحياتي واحتراماتي يا دكتور
| |
|
|
|
|
|
|
|
|
|
Re: مالكم ومال مصر ياخ .. (Re: GamarBoBa)
|
طلحه ياخي تحياتي الزاكيات
| Quote: أوليس هم من سخروا من أشكالنا والواننا في المجالس ؟ |
تعرف يا طلحه ياخوي أنا زول متصالح مع نفسي شديد جدا وأعتقد إنك إنت كمان كذلك
ياخي البيحدد مقاييس الجمال ...السخرية والتريقه منو ياخي
ياخي والله أنا لو إجتمع أهل الأرض جميعهم على أن يغيروا مفاهيمي في نفسي ولوني الأسود، ما زحزحوا قناعتي في نفسي قيد أنملة
تعرف نحن هنا عايشين مع الشعب الذي كان يصف نفسه بالآري ويرى أنه أفضل أهل الأرض على الإطلاق
طولا، بياضا، زرق العيون وذوي الشعور الشقراء أكثر أهل الأرض إبتكارا وأول من صنعوا القنابل
لكنني أزرع في عقل طفلي إن ما واجهته عرقية بغيضة من أقرانه عن لونه، أن يقول لوني هو لون الشوكلاته، جلدي أقل تأثرا بالأمراض والعوامل الطبيعية من جلودكم، أتكلم أكثر من لغة وأنتم لا تجيدون سوى واحدة
لذلك فأنا لا يؤثر فيّ من المصريين أولئك الذين لم يزيل بلمهم القلم
لكن تهمني ثورة الشعب المصري لأنه الشعب الأقرب لنا على الإطلاق
ومصر دورها في قضايا الأمة المصيرية دورا محوريا
ألآن كما قلت في إحدى بوستاتي الآن يتشكل شرق أوسط جديد، غير ذاك الذي أرادته أمريكا
الآن تغيرت موازين القوى في المنطقة
الآن أصبحت الشعوب هي صاحبت الكلمة
الآن الشعوب تستطيع أن تفرض إرادتها على أمريكا
وتستطيع أن تعيد الإتزان لمنطقة الشرق الأوسط
إن إستطاعت قوى الشعب أن تنظم نفسها، وتدرك أولوياتها، ومسؤولياتها وواجباتها
إن إستطاعت أن تقوم منظمات مجتمع مدني فاعلة ومؤثرة
إن عرفت الشعوب طريق الثورة وفرض أجندتها الوطنية
أنا ستجدني فرحا إن ما نجحت الثورة ولو في فيتنام أو بوركينافاسو كفرحتي من ثورة مصر العظيمة والعبقرية
هنيئا لنا بالثورة المصرية
وهنيئا لنا بقناة فاعلة مثل الجزيرة
| |
|
|
|
|
|
|
|
|
|
Re: مالكم ومال مصر ياخ .. (Re: كمال حسن)
|
| Quote: منذ متي كانت مصر ملهمة الشعوب وأولهم أنتم ؟ |
بنوا اهرامات
نحنا بنينا اهرامات
عملوا اخوان مسلمين
نحنا عملنا اخوان مسلمين
جمال عبد الناصر عمل انقلاب
نحنا عملنا انقلاب
عملوا مسلسلات
نحنا عملنا مسلسلات
رقصوا عشرة بلدى
نحنا رقصنا عشرة بلدى
=====
ملهمة ولا ما ملهمة؟
هذا قليل من كثير
بطل حادة
| |
|
|
|
|
|
|
|
|
|
Re: مالكم ومال مصر ياخ .. (Re: طلحة عبدالله)
|
كمال حسن
سلامات يا شخص رايق
ياخي كلامك ع العين والرأس وجوة القلب برضو
لكن ياخي لما الكلام عن بلدنا يكمل ونكفي مشاكلنا ومشاغلنا
ممكن تاني نعرج للكلام والتنظير والإفتاء في مشاكل الغير
إما ونحن غرقانين لى إضنينا في المشاكل والهموم ونخلي دا
كلو عشان نقعد نكورك مع مكوركي البلدان الأخري خاصة البلاد
الما جايبا خبرنا لا في أعوج ولا في عديل فحقيقي دي
عايزا فهامة .
| |
|
|
|
|
|
|
|
|
|
Re: مالكم ومال مصر ياخ .. (Re: طلحة عبدالله)
|
جرجير
كالعادة جائي دافر وداقش من طرف ساي
هسع في ذمتك الوسيعة دي (كما قال أساسي)
وينو النضمي في السياسة هنا ..؟؟؟
أنا بنضم في نضمي الناس الما في محلو دا
وقلت المفروض الناس تقيف مع الهواء عشان الكلام
يمش محلو ودا موضوع البوست .
بالمناسبة التعيسة دي لا يسعنى إلا أن اتوجه بالشكر
والتقدير للحبيب قمربوبا الذي شال عني بلاوي الكلام
في السياسة وهو الجانب الذي كنت ومازلت اتحاشا الخوض
فيهو مما فتحت موضوع البوست دا ولغاية هسع .
والله يسامحك الجماعة الدخلوا البوست بى عدتم بتاعت السياسة .
| |
|
|
|
|
|
|
|
|
|
Re: مالكم ومال مصر ياخ .. (Re: طلحة عبدالله)
|
سلامات يا طلحه،
معقوله بس ياخ ترتفع كل مؤشرات بورصات نيويورك بعد تنحي (التنح) وتقول لينا ركِّزوا في بورصة حمدي والكلاكله؟
معقوله مجلس الأمن القومي الأمريكي يُستدعى ثلاث مرات للإنعقاد في مدى أسبوع وتسأل سؤالك ده؟
معقوله الإعلام في جزر سليمان والباهاما ما عندو شغله غير مصر وتلومنا علي المتابعة ونحن على مرمى حصحاصه أو ساسويه؟
معقوله عندنا كم مليون سوداني في قلب المعمعان وتقول لينا علاقتنا ببولاق الدكرور والتحرير وبري أبوحشيش شنو؟
هسه باقي اليك لو كنت من تجار الجِمال أو أن لديك إبنا يدرس هناك أو كهلا يتلقى العلاج في مصر
أو شقه في المهندسين كان سألت ذات لسؤال،
ما عايز أطول عليك ، لكن لم يتسمر أهل الشرق الأوسط أمام التلفزيون كما حدث في ال 18 يوم الفاتو
إهتمام مع سبق الإصرار والترصد والتوسل أن تمتد الكتاحه المصحوبة بأمطار إلى كافة المناطق المجاوره،
مع مراعاة فروق الضغط،
طلحه، قالوا:
Think Globally, Act Locally
هذه ليلتي ،
أديني رضاك قدامي سفر،
مودتي
| |
|
|
|
|
|
|
|
|
|
Re: مالكم ومال مصر ياخ .. (Re: محمد النيل)
|
لقد آن أوان أن نعترف ونقر
أن مصر أحسن مننا ب 60 سنة سنة ضوئية
وبعد أن يشع فيها نور العدل والحرية
يجب أن نسعى للإتحاد معها
دى كدا أصبحت أكتر من ملهمة ذاتووو
| |
|
|
|
|
|
|
|
|
|
Re: مالكم ومال مصر ياخ .. (Re: طلحة عبدالله)
|
محمد المرتضي سلامات ورحمة الله
ياخ انا ما معترض على المتابعة والرقابة اللصيقة لأنو دا حدث زيو وزي
أي برنامج فيهو الإثارة والتشويق أي زول عايز يتابعو ويشوف نهايتو
لكن إستغرابي في الدخول في حتات ضيقة وتمجيد شعب ظل (اغلبه) مصنع لنكات
التندر والسخرية على السودان والسوداني بل ولا يعترف أصلا بهذا الجار
ويعتبر شعبه تمامة عدد وزحمة ساي .
ياخ مما قامت الثورة بتاعت الجماعة ديل والمنتدي دا بقي ما فيهو فرقة
للشان السوداني .
مالنا ومال الفراعنة ومالنا ومال بطولاتم وخيانتم ياخ .
تحياتي يا مولانا.
| |
|
|
|
|
|
|
| |
طلحة عبدالله
محمد البشرى الخضر
عبدالكريم الامين احمد
khaleel
محمد النيل
Mohammed Haroun
محمد حيدر المشرف
jini
كمال حسن
Omer Mustafa
سارة علي
محمد المرتضى حامد
فيس بوك
تويتر
انستقرام
يوتيوب
بنتيريست