|
|
 قمارى شنو اليقوقن يا ود جبرين
|
يا ود جبرين قمارى شنو اليقوقن؟؟
قمارى شنو يا ود امى
الشكية لى الله يا طارق
الشكية لى الله
عليك الله يا طارق تشوف المحنة السواها فينا خالد الحاج
يلمنا كلنا فى حشاهو يعجننا بى حبو ويشوينا بى فراقو المر
قريبك ما اتلوم بالحيل آ طـــــــــــارق اتلوم بالذاف آ ود جبرين
__________________
|
|
 
|
|
|
|
|
|
|
|
Re: قمارى شنو اليقوقن يا ود جبرين (Re: معاوية عبيد الصائم)
|
انه النواح ...يا بت عيسي ...
نحنا وناحت الخرطوم ...ناحت ايمان وبناته واتشحت السواد
ناحوا اخوانه في سودانيات كما النساء
ناحوا جميعا ...وناحت كل القماري ...كانت هناك وما زالت تنتظر بالمطار تحلق وتدور تنتظر معنا وصول جسده الطاهر مساء الغد ....ليل الجمعه ويا لبؤس المساء هذه المرة
التعزي لي ولك ولود جبرين ....خالد فقد امة ..وهويتها ...خالد وطن ...ولكنها الاقدار تنتقي الاصفياء ...
الهم يا رحمن خالد بين يديك فاكرمه يا الله وانت خير الاكرمين
| |
|
|
|
|
|
|
|
|
Re: قمارى شنو اليقوقن يا ود جبرين (Re: طارق صديق كانديك)
|
لله انا آه آ ود جبرين
لله انا آه يا نعمات
لله انا آه يا معاوية
لله انا آه يا ابو حمزة
ودى هديته لى وهو يضحك قال لى ساكتب عنوان البوست { الى سرورة مع اى حاجة }
يالون الجرف الشارب
خضرة لون الزول
الزول السمح الخاتف
من لون الليمون
مبتله شفايفه
شبيهة ام راس
السال عسلها
ونقط فوق العرجون
يا لون الفرح انشر
في جبين جدي التربال
الم المسرة
وفرح الشفع
كان مرهون
بي لون الجرف
الشارب خضرة لون الزول
الزول السمح الخاتف
من لون الليمون
وبرنيين اوتار
طنبور اب خبتة
الفجر صمت
ليالي الشاطي
ينساب جوه الارواح
بهدوء وسكون
الله انا اه
يا لون الصبح واشراقو
الله انا اه
الغيم ابوابو مسوجرة
بين طياتو وافاقو
الله انا اه
يا لون الراية المرفوعة
يا لون البت المفدوعة
يا قزح العصر النجا الدفيقا
يا خضرة لون الوجه الاغبش
نام في لهيب الشمس وحريقا
الحيا فوق وجه السمحي الانضارت
عند شوفت العاشق اتوارت
خلف التمرات الله انا اه
تفتر ثقور البرق البشلع
نورا ابيض متلو جلاليب ناسنا
الغسلو نفوسن قصدوا الجامع
رفعوا كفوفن حمدوا الرب
يوم خدر نبت الارض المحلاني
الله انا اه
يا لون محزون
ممكون مفتون
بي هواك يالون
بهواك يالون بلدي السودان
___________________
للشاعر: السر عثمان
ربى يرحمك يا ابو جعفر ربى يرحمك ويحسن اليك ربى يرحمك ويرحمنا بالصبر على فقدك الجللل
| |
|
|
|
|
|
|
|
|
|
Re: قمارى شنو اليقوقن يا ود جبرين (Re: ياسر بيناوي)
|
يا معاوية ..ويا امينة ويا ود جبرين ...
خالد حكاية جميلة ...رواية ابتدت فصوله ....صوته اخر مره قبل ايام وانا اساله عن الصلعة وان الامارات اكتشفوا شعر بالبخاخ ...قال لي الا يكون عندي حبة شعر ..قلت ليه نعلها الصلعة كبرت وبقت ما فيها ولا حبة شعر ضحك ...
قابلته قلت ليه ياخ انت صلعتك دي سر جمالك قال لي دي عيونك يا ايقونة ...ضحكت مع زوجتوا وقلت ليها نحن ناس النت ديل ما علينا بنسوان اصحابنا ....قالت لي انا سمحت ليكم باي شي ...
يا لبؤس الخرطوم وهي تستقبل جسده ...يا لحزني ...
غدا سنختم القلران في منزلهم انا ومجموعة اخوات ..وسنذهب الى قبره ...ويا لاسف الزيارة ...
شدوا حيلكم ...ماتت اختي قبل عشرة سنوات ولازال جرحي ينكا كلما فقدت عزيز ...وها انا اصاب بجرح اخر ..اكثر مرارة ..رجل نبيل ونادر في زمن خائن ..رجل وضئ في زمان العتمة ...رجل حبوب يعرف كيف يوزع محبته ويرضي كل المحبين ..يشعرك باهميتك وكانك صديقه الاوحد ...يعرف كيف يساوي بين اولاده في المحبة ...
علمنا المحبة دون نفاق ...علمنا الصدق في علاقات النت والمنتديات ...علمنا وعلمنا الكثير حتى في مرضه وموته ...
الله يا ابو الخلود ....الان فقط عرفت معان كثيرة
الموت ...
الاعمار بيد الله ..
انا لله وانا اليه راجعون ..
لكل اجل كتاب
ياااه ..كم هي تحوي الكثير ...عبارات الان فقط اعي معانيها العظيمة ....
الهم يا الله لطفا بفؤادي المكلوم ...الهم اني قد جزعت وفجعت في اخذك حبيبنا خالد فاغفر لي خطيئتي ولا تاخذه بها ...الهم هذا قسمي فيما املك فاغفر لي وانت ارحم الراحمين ...وسلاما سلاما عليك خالد حيا كنت وميتا بين يدي مليك مقتدر
الهم اكرم مثواة واسكنه عليائك مع الصديقين والشهداء ....
ولي حزني
| |
|
|
|
|
|
|
|
|
|
Re: قمارى شنو اليقوقن يا ود جبرين (Re: نعمات حمود)
|
محمد ...ياسر..الايقونة نعمات
يكون ازهرى دا على كلام نبراس قاصد خالد
على كيفك تفوت
على كيفك تعال
ادخل براحات البيوت
فى العتمه او نصة نهار
لمتين مبارياك غربتك
ملت حدود الرحله
حالات الدوار
يوماتى بتلاقيك مدن
يوماتى راجيك كم مطار
قست الديارولا الرحيل
والغربه نسوك الديار
صالبنى فى وجع النهارات
غربه وهواجس وانتظار
مرات اشوف بعدك حقيقه
ومرات احسه هظار هظار
كان اعتذارك بالغياب
عن بيتنا محتاج اعتذار
بعادك سلب حسى وسرق
من الغناوى الصوت
فماضراك لو رتق غناك
جرحى وعلم الشوق السكوت
لو نسمه من عطر البلد
تعبر بحلتنا وتفوت
كان تنفلت من ضحكتك
ضحكه وترك بالراحه
فى نيم البيوت
على كيفك تعال
على كيفك تفوت
| |
|
|
|
|
|
|
|
|
|
Re: قمارى شنو اليقوقن يا ود جبرين (Re: امينة عيسى)
|
يا امينة (هل انت سارة سودانيات )...تعرفي بردد في كلام ازهري قبل دقائق ..
رحيلك شلهت الدنيا ورتب العالم البي هناك ...
خالد ....
كان الامن والسكينة
كان المحبة والتواصل
وكان
وكان ...
لا ما زلت لا اصدق الذي حصل ...الزول دا كان كويس لمن رقد في زفت الطين دي ....غايتو ..قدرو وقدرنا
| |
|
|
|
|
|
|
| |
امينة عيسى
معاوية عبيد الصائم
نعمات حمود
طارق جبريل
طارق صديق كانديك
محمد عبدالرحمن محمد
ياسر بيناوي
فيس بوك
تويتر
انستقرام
يوتيوب
بنتيريست